Apocalipsis 2:27 - Chol: I T’an Dios

²⁷ Tsʌts mi caj i cha'leñob yumʌl, chucul i cha'añob vara melbil bʌ ti tsucul taq'uin. Mi caj i jisañob jini xñusa t'añob che' bajche' mi' bic'ti tojp'el p'ejt. Che'ʌch i p'ʌtʌlel bajche' c p'ʌtʌlel tsa' bʌ i yʌq'ueyon c Tat.

Jiñi Tsiji' bʌ Wen T'añ cha'añ Estudio

²⁷ Tsʌts mi caj i mel i yumʌntel chucul bʌ i cha'añ bara melbil bʌ ti tsucul taq'uiñ, mi caj i jisan jiñi xñusa t'añob che' bajche' mi' bic'ti tojp'el p'ejt; che'ʌch i p'ʌtʌlel bajche' c p'ʌtʌlel tsa' bʌ i yʌq'ueyon c Tat.

Chol de Tumbalá Bible

²⁷ Tsʌts mi caj i cha'len yumʌl, chucul i cha'an vara melbil bʌ ti tsucul taq'uin. Mi caj i jisan jini xñusa t'añob che' bajche' mi' bic'ti tojp'el p'ejt. Che'ʌch i p'ʌtʌlel bajche' c p'ʌtʌlel tsa' bʌ i yʌq'ueyon c Tat.

Jiñi Tsiji' bʌ Wen T'añ cha'añ Estudio

²⁷ Tsʌts mi caj i mel i yumʌntel chucul i cha'añ bara melbil bʌ ti tsucul taq'uiñ, mi caj i jisan jiñi xñusa t'añob che' bajche' mi' bic'ti tojp'el p'ejt; che'ʌch i p'ʌtʌlel bajche' c p'ʌtʌlel tsa' bʌ i yʌq'ueyon c Tat.

Chol Tila

²⁷ Mi quejel i cha'len yumʌl ti' wersajlel i t'an lajal che' bajche' c Tyat ti yʌq'ueyon i wersajlel c t'an cha'an mic cha'len yumʌl. Mi quejel i jisʌntyelob jini mach'ʌ ba'an mi' ch'ujbiñon che' bajche' mi' xixluyel p'ejt che' mi' jats'e' ti vara melel bʌ ti tsucul tyaq'uin.

Apocalipsis 2:27 Iomraidhean Croise

Salmos 49:14

Lajalobʌch bajche' tiñʌme' mu' bʌ i pʌjyelob majlel ti chʌmel. Lajal mi' majlelob ti chʌmel. Mi caj i yumañob jini tojo' bʌ che' ti sʌc'ajel. Mux i jilelob i bʌc'tal, mux i yajñelob ba'an chʌmeño' bʌ.

Isaias 30:14

Dios mi caj i bic'ti top'etla che' bajche' p'ejt. Ma'anic mi caj i cʌytʌl mi junxejt'ic cha'an ma' lech i ñich c'ajc, mi cha'an ma' luch ja'.

Jeremias 19:11

Mi caj a subeñob: “I Yum Panchan yic'ot Pañimil woli' yʌl: Che' bajche' wolic junyajlel top' jini uc'um i melbal bʌ xmel p'ejt cha'an ma'anix mi' cha' mejlel, che' ja'el mi caj i junyajlel jisañetla Dios yic'ot pejtel jini chumulo' bʌ ti ili tejclum. Jini chʌmeño' bʌ mi caj i mujquelob ti Tofet, come but'ulix campo santo”. Che' yom ma' subeñob.

Daniel 7:18

Pero mi caj i yʌq'uentelob i yumʌntel ti pañimil jini winicob x'ixicob mu' bʌ i yumañob jini Dios am bʌ ti panchan. Mach jilic i yumʌntel ti pejtelel ora, che'en.

Daniel 7:22

jinto tsa' tili ti meloñel jini Am bʌ Cabʌl i Jabilel. Tsi' tsictesa ti toj i cha'año' bʌ. Tsa' c'oti i yorajlel cha'an mi' yʌq'ueñob i yumʌntel i cha'año' bʌ Dios.

Mateo 11:27

Pejtelel chuqui tac an, aq'uebilon i cha'an c Tat. Ma'anic majqui mi' cʌñon, cojach c Tat. Che' ja'el ma'anic majqui mi' cʌn c Tat, cojach joñon yic'ot majqui jach mi cʌq'uen i cʌn, come i Yalobilon.

Lucas 22:29

Joñon mi caj cʌq'ueñetla la' yumʌntel che' bajche c tat tsi' yʌq'ueyon c yumʌntel.

Juan 17:24

C Tat, ya' ba' añon com temel mi' yajñelob jini tsa' bʌ a wʌq'ueyon cha'an mi' q'uelob c ñuclel tsa' bʌ a wʌq'ueyon, come c'ux tsa' wubiyon che' maxto melbilic pañimil.

Apocalipsis 12:5

Tsi' yila pañimil ch'iton bʌ i yalobil mu' bʌ caj i cha'len yumʌl ti pejtelel tejclum tac, chucul i cha'an vara yilal melbil bʌ ti tsucu taq'uin. Tsa' pʌjyi letsel i yalobil ba'an Dios c'ʌlʌl ti' buchlib Dios.

Apocalipsis 19:15

Mi' loq'uel junts'ijt jay bʌ espada ti' yej. Mi caj i c'ʌn jini espada i low jini año' bʌ ti tejclum tac. Mi caj i c'ʌn vara melbil bʌ ti tsucu taq'uin che' mi' cha'len yumʌl. Mi caj i t'uchtan i yʌjts'ib ts'usub yilal ti tsʌts bʌ i mich'ajel Dios Mach bʌ Anic i P'isol i P'ʌtʌlel.