Apocalipsis 2:26 - Chol: I T’an Dios

²⁶ Jini mu' bʌ i mʌjlel i cha'an yic'ot jini mu' bʌ i melbeñon que'tel c'ʌlʌl ti' jilibal mi caj cotsañob ti' yum colem tejclumob.

Jiñi Tsiji' bʌ Wen T'añ cha'añ Estudio

²⁶ Jiñi mu' bʌ i mʌjlel i cha'añ yic'ot jiñi mu' bʌ i melbeñon que'tel c'ʌlʌl ti' jilibal mi caj cotsan ti' yum colem tejclumob.

Chol de Tumbalá Bible

²⁶ Jini mu' bʌ i mʌjlel i cha'an yic'ot jini mu' bʌ i melbeñon que'tel c'ʌlʌl ti' jilibal mi caj cotsan ti' yum colem tejclumob.

Jiñi Tsiji' bʌ Wen T'añ cha'añ Estudio

²⁶ Jiñi mu' bʌ i mʌjlel i cha'añ yic'ot jiñi mu' bʌ i melbeñon que'tel c'ʌlʌl ti' jilibal mi caj cotsan ti' yum colem tejclumob.

Chol Tila

²⁶ Jini mu' bʌ quejel i ganariñob cha'an ma'an mi' sʌt i bʌ, jini mu' bʌ i cha'libeñon c troñel che' bajche' com c'ʌlʌ ti yujtibal, mu' tyo quejel cʌq'uen i cha'len yumʌl ti pejtyelel pañimil.

Apocalipsis 2:26 Iomraidhean Croise

Salmos 2:8

C'ajtibeñon. Mi caj cʌq'ueñet winicob x'ixicob ch'oyolo' bʌ ti pejtelel pañimil. A cha'añobix mi' majlelob.

Salmos 2:9

Mi caj a jisan winicob x'ixicob ti bara melbil bʌ ti tsucul taq'uin. Mi caj a bic'ti top'ob lajal bajche' mi' tojp'el p'ejt melbil bʌ ti lum”. Che' tsi' subeyon c Yum, che'en.

Salmos 49:14

Lajalobʌch bajche' tiñʌme' mu' bʌ i pʌjyelob majlel ti chʌmel. Lajal mi' majlelob ti chʌmel. Mi caj i yumañob jini tojo' bʌ che' ti sʌc'ajel. Mux i jilelob i bʌc'tal, mux i yajñelob ba'an chʌmeño' bʌ.

Daniel 7:18

Pero mi caj i yʌq'uentelob i yumʌntel ti pañimil jini winicob x'ixicob mu' bʌ i yumañob jini Dios am bʌ ti panchan. Mach jilic i yumʌntel ti pejtelel ora, che'en.

Daniel 7:22

jinto tsa' tili ti meloñel jini Am bʌ Cabʌl i Jabilel. Tsi' tsictesa ti toj i cha'año' bʌ. Tsa' c'oti i yorajlel cha'an mi' yʌq'ueñob i yumʌntel i cha'año' bʌ Dios.

Daniel 7:27

Mi caj i chilbentelob i yumʌntel yic'ot i p'ʌtʌlel yic'ot i ñuclel jini yumʌlob ti pañimil. Mi caj i yʌq'uentelob i cha'año' bʌ Dios am bʌ ti panchan. Mi caj i cha'leñob yumʌl ti pejtelel ora. Pejtelel año' bʌ i ye'tel mi caj i melbeñob i ye'tel i cha'año' bʌ Dios. Mi caj i jac'beñob i t'an.

Mateo 10:22

Mi caj la' ts'a'lentel cha'an pejtelel winicob x'ixicob cha'an tij c'aba'. Pero jini mu' bʌ i cuch i wocol c'ʌlʌl ti' jilibal mi caj i coltʌntel.

Mateo 19:28

Jesús tsi' subeyob: Isujm mic subeñetla, ti tsiji' bʌ pañimil che' buchul i Yalobil Winic ti' yumʌntel ti' ñuclel, jatetla tsa' bʌ la' tsajcayon mi caj la' buchtʌl ti lajchʌmp'ejl buchlibʌl cha'an mi la' mel jini lajchʌnmojt i p'olbal Israel.

Mateo 24:13

Jini mu' bʌ i cuch i wocol c'ʌlʌl ti' jilibal mi caj i coltʌntel.

Juan 6:29

Jesús tsi' jac'beyob: Jiñʌch i ye'tel Dios, che' mi la' ñop i Yalobil tsa' bʌ i choco tilel, che'en.

Romanos 2:7

Jini mu' bʌ i chʌn cha'leñob chuqui uts'at cha'an yomob i ñuclel yic'ot i c'uxbintel yic'ot i cuxtʌlel mach bʌ anic mi' jilel, mi caj i yʌq'uentelob i cuxtʌlel mach bʌ anic mi' jilel.

Romanos 8:37

Ti pejtelel ili wocol mi' wen mʌjlel lac cha'an, cha'an ti' p'ʌtʌlel Jesús tsa' bʌ i c'uxbiyonla.

1 Tesalonicenses 3:5

Jini cha'an ma'anic tsa' mejli c chʌn pijtan t'an. Tsac choco majlel juntiquil cha'an mi cubin mi xuc'ul woli la' ñop, ame tsa'ic i xiq'uiyetla ti mulil jini xiba, ame lon sajtic que'tel lojon ti la' tojlel.

Hebreos 3:6

Pero Cristo i Yalobilʌch Dios. Mi' cʌntan ti xuc'ul i cha'año' bʌ Dios. Tsiquil che' jini, i cha'añonla Dios mi c'ʌlʌl ti' jilibal chʌn lotol ti lac pusic'al chuqui tsa' lac ñopo, mi xuc'ul mi lac pijtan ti' tijicñʌyel lac pusic'al.

Santiago 2:20

Tontojet. ¿Mach ba a wujilic lolom jach mi lac to'ol ñop Dios che' ma'anic wen bʌ lac melbal?

1 Juan 2:19

Tsa' loq'uiyob majlel ti lac tojlel, come mach lac cha'añobic. Lac cha'añobic, wʌ'to añob la quic'ot c'ʌlʌl wʌle. Pero tsa' loq'uiyob cha'an mi' tsictiyel mach lac cha'añobic.

1 Juan 3:23

Jiñʌch i mandar: Yom mi lac ñopben i c'aba' Jesucristo i Yalobil Dios. Yom mi laj c'uxbin lac bʌ ti lac pejtelel, che' bajche' tsi' yʌq'ueyonla mandar.

1 Juan 5:5

¿Majqui jini mu' bʌ i t'uchtan jini pañimil? Jiñʌch woli bʌ i ñop i Yalobilʌch Dios jini Jesús.

Apocalipsis 2:11

Jini am bʌ i chiquin la' i yubiben i t'an jini Espíritu mu' bʌ i suben xñopt'añob. Jini mu' bʌ i mʌjlel i cha'an ma'anic mi caj i chʌmel ti' cha'yajlel”.

Apocalipsis 2:17

Jini am bʌ i chiquin la' i yubiben i t'an jini Espíritu mu' bʌ i suben xñopt'añob. Jini mu' bʌ i mʌjlel i cha'an mi caj cʌq'uen i c'ux mucul bʌ maná. Mi caj cʌq'uen jump'ejl sʌsʌc bʌ alʌ xajlel, ba' otsʌbil tsiji' bʌ i c'aba'. Ma'anic majch yujil chuqui otsʌbil, cojach jini mu' bʌ i ch'ʌm”.

Apocalipsis 2:7

Jini am bʌ i chiquin la' i yubiben i t'an i yEspíritu Dios mu' bʌ i suben xñopt'añob mu' bʌ i tempañob i bʌ. Jini mu' bʌ i mʌjlel i cha'an mi caj cʌq'uen i c'uxben i wut jini te' i yejtal bʌ laj cuxtʌlel am bʌ ti' yojlil i paraíso Dios”.

Apocalipsis 20:4

Tsaj q'uele cabʌl buchlibʌl. Jini tsa' bʌ buchleyob ya'i, tsa' aq'uentiyob i ye'tel ti meloñel. Tsaj q'uele i ch'ujlel winicob x'ixicob tsa' bʌ set' t'ojbentiyob loq'uel i bic' cha'an i sujmlel Jesús yic'ot cha'an i t'an Dios. Ma'anic tsi' ch'ujutesayob jini jontol bʌ bʌte'el yic'ot i yejtal. Ma'anic tsi' ch'ʌmbeyob i ts'ijbal ti' pam mi ti' c'ʌb. Tsa' cha' cuxtiyiyob. Tsi' cha'leyob yumʌl yic'ot Cristo lujunc'al i yuxbajc' jab.

Apocalipsis 21:7

Jini mu' bʌ i mʌjlel i cha'an mi caj i ch'ʌm pejtelel chuqui tac an. Joñon i Dioson. Jini mi caj i yochel ti calobil.

Apocalipsis 22:5

Ma'anix ac'ʌlel ya'i. Ma'anix i c'ʌjñibal i c'ʌc'al lámpara mi i sʌclel q'uin. Come lac Yum Dios mi caj i yʌq'ueñob i sʌclel. Mi caj i yumʌntelob ti pejtelel ora.

Apocalipsis 3:12

Jini mu' bʌ i mʌjlel i cha'an mi caj cʌq'uen i yajñel bajche' oy ti' templo c Dios. Ma'anix mi caj i chʌn loq'uel ya'i. Mi caj c ts'ijbuben i c'aba' c Dios ti jini winic yic'ot tsiji' bʌ j c'aba' yic'ot i c'aba' i tejclum c Dios, jini tsiji' bʌ Jerusalén mu' bʌ i loq'uel tilel ti panchan ch'oyol bʌ tic Dios.

Apocalipsis 3:21

Jini mu' bʌ i mʌjlel i cha'an mi caj c suben buchtʌl quic'ot tic yumʌntel, che' bajche' tsa' buchleyon quic'ot c Tat ti' yumʌntel che' bʌ tsa' mʌjli c cha'an.

Apocalipsis 3:5

Jini mu' bʌ i mʌjlel i cha'an mi caj i yʌq'uentel i lʌp sʌsʌc bʌ i pislel. Ma'anic mi caj c yʌpben i c'aba' ti jun ba' otsʌbilob i c'aba' año' bʌ i cuxtʌlel. Mi caj c sub ti' tojel c Tat yic'ot ti' tojel i yángelob.