Apocalipsis 2:14 - Chol: I T’an Dios

¹⁴ Pero mic subeñetla chuqui tac mach wenic ti la' tojlel. Ya' añob la' wic'ot mu' bʌ i ñopob i cʌntesʌbal Balaam, jini Balaam tsa' bʌ i sube Balac cha'an mi' yʌc' ti yajlel i yalobilob Israel che' bʌ tsi' pʌyʌyob cha'an mi' c'uxob we'elʌl aq'uebil bʌ dios tac, cha'an mi' cha'leñob i ts'i'lel.

Jiñi Tsiji' bʌ Wen T'añ cha'añ Estudio

¹⁴ Pero mic su'beñetla chuqui tac mach weñic ti la' tojlel. Ya'añob la' wic'ot mu' bʌ i ñopob i cʌntesʌbal Balaam, jiñi Balaam tsa' bʌ i su'be Balac cha'añ mi' yʌc' ti yajlel i yalobilob Israel che' bʌ tsi' pʌyʌyob cha'añ mi' c'uxob we'elʌl aq'uebil bʌ dios tac, cha'añ mi' cha'leñob ts'i'lel.

Chol de Tumbalá Bible

¹⁴ Pero mic subeñetla chuqui tac mach wenic ti la' tojlel. Ya' añob la' wic'ot mu' bʌ i ñopob i cʌntesʌbal Balaam, jini Balaam tsa' bʌ i sube Balac cha'an mi' yʌc' ti yajlel i yalobilob Israel che' bʌ tsi' pʌyʌyob cha'an mi' c'uxob we'elʌl aq'uebil bʌ dios tac, cha'an mi' cha'leñob i ts'i'lel.

Jiñi Tsiji' bʌ Wen T'añ cha'añ Estudio

¹⁴ Pero mic su'beñetla chuqui tac mach weñic ti la' tojlel. Ya' añob la' wic'ot mu' bʌ i ñopob i cʌntesʌbal Balaam, jiñi Balaam tsa' bʌ i su'be Balac cha'añ mi' yʌc' ti yajlel i yalobilob Israel che' bʌ tsi' pʌyʌyob cha'añ mi' c'uxob we'elʌl aq'uebil bʌ dios tac, cha'añ mi' cha'leñob ts'i'lel.

Chol Tila

¹⁴ Pero aunque chʌ'ʌch ti la' ñusʌ, an cha'chajp uxchajp mach'ʌ wen ti la' cha'le mi quilan. Ya'an la' wic'ot ya' ti Pérgamo jiñi mach'ʌ ba'an mi' cʌyob i ch'ujbiñob i cʌntisa Balaam. Jini Balaam ti' cʌntisʌ jini ñuc bʌ yumʌl Balac bʌ i c'aba' cha'an i yilpusic'len jini israelob cha'an mi' c'uxob we'el tsa' bʌ aq'uenti melel jach bʌ i dios tyac yic'ot cha'an mi' cha'leñob i tsuculel.

Apocalipsis 2:14 Iomraidhean Croise

Isaias 57:14

Mi caj i yubintel jini t'an: “Melela bij. Chajpanla wen toj bʌ bij. Loc'sanla pejtel woli bʌ i mʌctan cha'an mi' sujtelob c cha'año' bʌ tsa' bʌ cʌjchiyob majlel”.

Jeremias 6:21

Jini cha'an lac Yum woli' yʌl: Woli cʌc' xajlel ti bij ba' mi caj i jats'ob i yoc winicob yic'ot i yalobilob, yic'ot i pi'ʌlob yic'ot i cʌñʌyo' bʌ.

Ezequiel 3:20

Mi an juntiquil toj bʌ mu' bʌ i mel chuqui jontol, mi ma'anic tsa' tsictesʌbe i mul, mi tsac jisa jini winic, mi caj i chʌmel cha'an i mul. Jini toj bʌ i melbal ma'anic mi caj i chʌn ña'tʌntel. Pero an ti a wenta i ch'ich'el cha'an tsa' sajti ti' mul.

Ezequiel 44:12

Cha'an ti' caj tsi' xiq'uiyob jini israelob i ch'ujutesañob dioste' tac, cha'an tsi' yʌc'ʌyob ti yajlel ti mulil, jini cha'an wʌle tsa'ix c wen ña'ta, che'en jini lac Yum Dios. La' ajnicob ti' bajñel wenta i mulob.

Numeros 24:14

Jini cha'an muq'uix c cha' sujtel majlel ti cotot, pero ñaxan mic wʌn subeñet chuqui mi caj i yujtel ti wi'il bʌ ora che' mi' mʌlbentel jini a winicob ti' tojlel israelob, che'en.

Numeros 31:16

Ña'tanla i mul Balaam. Tsi' xiq'ui jini x'ixicob cha'an mi' pʌyob israelob ti mulil cha'an mi' ñusʌbeñob i t'an lac Yum. Balaam tsi' soco jini israelob cha'an mi' ch'ujutesañob Baalpeor. Jini cha'an lac Yum tsi' tsʌnsa cabʌl israelob.

Numeros 31:8

Che' ja'el tsi' tsʌnsayob jo'tiquil rey ti Madián temel yic'ot i winicob. Jiñobʌch Eví yic'ot Requem, yic'ot Zur, yic'ot Hur, yic'ot Reba. Tsi' tsʌnsayob ja'el Balaam i yalobil Beor.

Mateo 18:7

Mi caj i tajob wocol jini año' bʌ ti pañimil mu' bʌ i yʌsañob ti mulil winicob x'ixicob. Wersa mi' tilelob jini mu' bʌ i yʌsañob ti mulil, pero mi caj i tojob i mul.

Hechos 15:29

Cʌyʌ la' c'ux jini tsʌnsʌbil bʌ i majtan dioste' yic'ot i ch'ich'el yic'ot jini milbil bʌ. Mach mi la' cha'len ts'i'lel. Mi uts'at mi la' cʌntan la' bʌ cha'an pejtelel jini, uts'at mi la' mel. Ajñenla ti la' wenlel”. Che'ʌch tsi' ts'ijbayob.

Hechos 21:25

Jixcu jini gentilob tsa' bʌ i ñopoyob, tsa'ix c ts'ijbubeyob lojon chuqui tsac ña'ta lojon. Tsac subeyob lojon cha'an mi' cʌyob i c'ux jini tsʌnsʌbil bʌ i majtan dioste' yic'ot i ch'ich'el yic'ot milbil tac bʌ. Tsac sube lojon cha'an ma'anic mi' cha'leñob ts'i'lel. Che' tsi' subeyob Pablo jini ancianojob.

Romanos 11:9

David ja'el tsi' yʌlʌ: “La' pʌntiyic ti yac yilal jini wen tac bʌ i cha'añob cha'an mi' chujquelob, cha'an mi' yajlelob, cha'an mi' tajob i q'uexol i mul.

Romanos 14:13

Che' jini, mach yomix mi lac chʌn q'uel ti xmulil lac pi'ʌlob. La' laj q'uel lac bʌ cha'an ma'anic mi lac yʌsan ti mulil lac pi'ʌlob.

Romanos 14:21

Mach ma' mel chuqui tac mi' yʌsan ti mulil a wermano. Mach ma' techben tile bixel bʌ i pusic'al o mi yambʌ wocol. Uts'at ma' cʌy a c'ux we'elʌl o mi vino o mi yan tac bʌ mu' bʌ i jisʌben i xuc'tilel i pusic'al.

Romanos 9:32

¿Chucoch? Come tsi' sʌclayob toj bʌ i pusic'al cha'an ti' jac'ol mandar. Ma'anic tsi' sʌclayob toj bʌ i pusic'al mu' bʌ i yʌq'uentelob jini mu' bʌ i ñopob. Tsa' yajliyob ti jini xajlel ba' mi' jats'ob i yoc.

1 Corintios 1:23

Pero joñonla mi lac sub Cristo tsa' bʌ ch'ijle ti cruz. Jini t'an mi' yʌc' ti yajlel judíojob. Tonto jax jini t'an mi' yʌlob gentilob.

1 Corintios 7:2

Pero an cabʌl mu' bʌ i tajob i yixic. Jini cha'an la' i pʌy i yijñam jujuntiquil winic. La' i taj i ñoxi'al jujuntiquil x'ixic.

Hebreos 13:4

Ña'tanla uts'at ñujpuñel, uts'at mi' pʌy i yijñam winic. Yom xuc'ul mi' pi'leñob i bʌ. Come majqui jach mi' taj i yixic, mi an i yijñam, o mi ma'anic i yijñam, Dios mi caj i mel.

Josue 24:9

Ti wajali che' yumʌlʌch Balac i yalobil Zipor ti' tojlel moabob tsa' caji' contrajiñob jini israelob. Tsi' choco ti pʌyol Balaam i yalobil Beor cha'an mi' ch'ʌquetla.

1 Pedro 2:8

Ts'ijbubil ja'el: “Jiñʌch Xajlel ba' mi' jats'ob i yoc winicob. Jiñʌch Ñuc bʌ Xajlel mu' bʌ i yʌc'ob ti yajlel. Come tsi' jats'ʌyob i yoc cha'an ma'anic tsi' jac'ʌyob jini wen t'an”. Che'ʌch tsi' meleyob bajche' tsi' wʌn ña'ta Dios.

2 Pedro 2:15

Tsa'ix i cʌyʌyob jini toj bʌ bij. Sajtemob. Tsi' tsajcʌbeyob majlel i bijlel Balaam, i yalobil Beor tsa' bʌ i mulʌbe i chobejtʌbal jontolil.

Judas 1:11

Mi caj i tajob wocol cha'an tsi' cha'leyob tsʌnsa che' bajche' Caín. Tsi' junyajlel ac'ʌyob i bʌ ti' sajtemal Balaam cha'an yomob ganar. Tsa' jiliyob che' bajche' Coré cha'an tsi' contrajiyob Dios.

Apocalipsis 2:20

Mic subeñetla ja'el chuqui mach wenic ti la' tojlel. Mi la' cuchben i jontolil jini x'ixic Jezabel, mu' bʌ i cuy i bʌ ti x'alt'an. Mi' cʌntesan c winicob. Mi' socbeñob i pusic'al cha'an mi' cha'leñob ts'i'lel, cha'an mi' c'uxob we'elʌl aq'uebil bʌ dios tac.

Apocalipsis 2:4

Pero an chuqui mach wenic ti la' tojlel. Ma'anix mi la' wen c'uxbiñon che' bajche' ti ñaxan.

Apocalipsis 21:8

Jini muc'o' bʌ ti bʌq'uen, yic'ot jini mach bʌ anic mi' ñopob, yic'ot jini bibi'o' bʌ, yic'ot stsʌnsajob, yic'ot mu' bʌ i cha'leñob ts'i'lel, yic'ot xwujtob, yic'ot xch'ujutesa dioste'ob, yic'ot pejtelel xlotob mi caj i tajob i yajñib ya' ti c'ajc woli bʌ ti pulel yic'ot azufre. Jiñʌch i cha'yajlel mi' chʌmelob, che'en.

Apocalipsis 22:15

Ya' ti jumpat an ts'i' yic'ot xwujt yic'ot jini mu' bʌ i cha'leñob ts'i'lel yic'ot stsʌnsajob yic'ot jini mu' bʌ i ñopob dioste' yic'ot jini mu' bʌ i mulañob lot yic'ot jini mu' bʌ i cha'leñob lot.