Apocalipsis 19:7 - Chol: I T’an Dios

⁷ La' ñuc'ac lac pusic'al. La' la cubin i tijicñʌyel lac pusic'al. La' lac sub i ñuclel lac Yum, come i yorajlelix mi' cha'len ñujpuñel jini Tiñʌme'. Tsa'ix i chajpa i bʌ jini xch'oc c'ajtibil bʌ i cha'an.

Jiñi Tsiji' bʌ Wen T'añ cha'añ Estudio

⁷ La' ñuc-ac lac pusic'al. La' la cu'bin i tijicñʌyel lac pusic'al. La' lac su'b i ñuclel lac Yum, come i yorajlelix mi' cha'len ñujpuñijel jiñi Tʌñʌme'. Tsa'ix i chajpa i bʌ jiñi xch'oc c'ajtibil bʌ i cha'añ.

Chol de Tumbalá Bible

⁷ La' ñuc'ac lac pusic'al. La' la cubin i tijicñʌyel lac pusic'al. La' lac sub i ñuclel lac Yum, come i yorajlelix mi' cha'len ñujpuñel jini Tiñʌme'. Tsa'ix i chajpa i bʌ jini xch'oc c'ajtibil bʌ i cha'an.

Jiñi Tsiji' bʌ Wen T'añ cha'añ Estudio

⁷ La' ñuc-ac lac pusic'al. La' la cu'bin i tijicñʌyel lac pusic'al. La' lac su'b i ñuclel lac Yum, come i yorajlelix mi' cha'len ñujpuñijel jiñi Tʌñʌme'. Tsa'ix i chajpa i bʌ jiñi xch'oc c'ajtibil bʌ i cha'añ.

Chol Tila

⁷ La' lac tijicnisan lac bʌ. La' lac sube' i ñuclel lac Yum como tsa'ix c'oti i yorojlel Cristo mi quejel i yotsan ti' tyojlel pejtyelelob tsa' bʌ i ch'ujbiyob.

Apocalipsis 19:7 Iomraidhean Croise

Salmos 107:42

Jini tojo' bʌ winicob mi' caj i lu' ña'tañob iliyi. Mi' caj i ñuc'añob i pusic'al. Pejtelel mu' bʌ i cha'leñob jontolil mi caj i yubiñob quisin.

Salmos 48:11

La' i yubiñob tijicña año' bʌ ti wits i c'aba' Sion. La' i yubiñob tijicña año' bʌ ti' tejclum tac Judá, Come toj ma' cha'len meloñel.

Salmos 9:14

Cha'an mic pʌs pejtelel a ñuclel Ya' ti' ti' jini c'uxbibil bʌ Jerusalén Che' tijicña c pusic'al cha'an j coltʌntel.

Proverbios 29:2

Che' mi' cha'leñob yumʌntel jini tojo' bʌ, tijicña i pusic'al winicob x'ixicob. Che' mi' cha'leñob yumʌl jini sajtemo' bʌ, wocol jax mi' yubiñob winicob x'ixicob.

Cantares 3:11

Cucula. La' majlicob pejtel x'ixicob chumulo' bʌ ti Jerusalén. Q'uelela jini rey Salomón. Q'uelela i ch'ʌjlib i jol tsa' bʌ i c'ʌcchocobe i ña' che' ti' yorajlel i ñujpuñel, ti jini q'uin che' cabʌl i tijicñʌyel i pusic'al.

Isaias 52:1

Ch'ojyen, ch'oyenla añet bʌ la ti Jerusalén. Wen p'ump'un tsa' ajniyetla. P'ʌtesan la' bʌ. Lʌpʌx la' pislel, jini c'ax uts'at bʌ, cha'an mi la' wajñel ti ch'ujul. Mach chʌn talobix jini xmulilob mach bʌ i cʌñʌyobic Dios.

Isaias 62:5

A walobilob mi caj i c'uxbiñet, Jerusalén. Wen tijicñayob i pusic'al che' bajche' xñujpuñijel mu' bʌ i pʌy xch'oc cha'an i yijñam. Che' ja'el tijicña i pusic'al a Dios ti a tojlel.

Isaias 66:10

Yom tem tijicñayetla yic'ot Jerusalén. La' ñuc'ac la' pusic'al pejteletla mu' bʌ la' c'uxbin. Wen tijicñayetla pejteletla tsa' bʌ la' wuc'ta.

Isaias 66:14

Che' mi la' q'uel iliyi, tijicña la' pusic'al mi caj la' wubin. La' bʌc'tal mi caj i tsijibʌyel che' bajche' pimel. Che' jini lac Yum mi caj i yʌc' ti cʌjñel i p'ʌtʌlel ti' tojlel jini x'e'telob i cha'an. Che' ja'el mi caj i yʌc' ti cʌjñel i mich'ajel ti' tojlel i contrajob.

Zacarias 9:9

Tijicñesan la' pusic'al c tejclumob añet bʌ la ti Sion. C'am yom mi la' cha'len c'ay, añet bʌ la ti Jerusalén, come tal la' Rey, jini Toj bʌ mu' bʌ caj i mʌjlel i cha'an. Pec' mi' mel i bʌ, c'ʌchʌl ti burro, juncojt i yal burro maxto bʌ c'ʌchtʌbilic.

Mateo 1:20

Che' bʌ woli' ña'tan ti' pusic'al, awilan, tsa' tsictiyi i yángel lac Yum ti' ñajal. Jini ángel tsi' yʌlʌ: José i yalobilet bʌ David, mach ma' bʌc'ñan a pʌy María cha'an a wijñam, come jiñʌch Ch'ujul bʌ Espíritu tsa' bʌ i yʌq'ue i yalobil María mu' bʌ caj ti tsictiyel.

Mateo 22:2

I yumʌntel jini am bʌ ti panchan lajalʌch bajche' juntiquil rey tsa' bʌ i mele q'uin che' bʌ tsa' ñujpuni i yalobil.

Lucas 12:36

Ajñenla bajche' mi' yajñelob x'e'telob woli bʌ i pijtañob i yum mu' bʌ i cha' tilel ti' yotot che' mi' yujtel i q'uiñilel ñujpuñijel. Che' jini, che' mi' c'otel i pejcañob ti' yotot, mi' jambeñob ti ora.

Juan 3:29

Jini mu' bʌ i pʌy i yijñam, jiñʌch xñujpuñijel. Wen tijicña i pusic'al i cʌñʌ bʌ che' an ti' t'ejl jini xñujpuñijel che' mi' yubiben i t'an. Che' jini woli' ts'ʌctiyel i tijicñʌyel c pusic'al ti' tojlel Cristo.

2 Corintios 11:2

Com mi la' taj la' wenlel che' bajche' yom Dios. Come tsa'ix c sijiyetla cha'an mi la' taj juntiquil jach la' ñoxi'al. Com cʌq'uetla ti' wenta Cristo che' bajche' tsiji' bʌ xch'oc.

Efesios 5:23

Come jini winic i yumʌch x'ixic che' bajche' Cristo i yumʌch xñopt'añob. Come jiñobʌch i bʌc'tal Cristo jini xñopt'añob mu' bʌ i tempañob i bʌ. Cristo jiñʌch la caj Coltaya.

Efesios 5:32

Jiñʌch ñuc bʌ i sujmlel mach bʌ tsictiyemic ti yambʌ ora. Wolic subeñetla ti lajiya cha'an mi la' ña'tan bajche' mi' yajñel Cristo yic'ot xñopt'añob mu' bʌ i tempañob i bʌ.

Deuteronomio 32:43

Ti pejtelel tejclum tac Subula i ñuclel i winicob Dios, Come lac Yum mi caj i q'uextʌbeñob i ch'ich'el i cha'año' bʌ. Mi caj i yʌq'ueñob castigo i contrajob. Mi caj i sʌq'uesan i winicob x'ixicob yic'ot i lumal.

Filipenses 3:3

Tsepbil lac pʌchʌlel ti isujm, joñonla mu' bʌ lac ch'ujutesan Dios ti Espíritu. Mi' ñuc'an lac pusic'al ti Cristo Jesús. La cujil mach mejlic lac bajñel coltan lac bʌ.

Apocalipsis 11:13

Ti jim bʌ ora tsa' tili colem yujquel. Tsa' t'oxle yilal tejclum ti lujumpejt. Jumpejt tsa' jili. Tsa' chʌmiyob ojlil i waxʌclujumbajc' (7,000) winicob cha'an jini yujquel. Jini cuxulob to bʌ tsa' wen cajiyob ti bʌq'uen. Tsi' subuyob ñuc Dios am bʌ ti panchan.

Apocalipsis 19:9

Jini ángel tsi' subeyon: Ts'ijban ti jun: “Tijicñayob jini mu' bʌ i pʌjyelob ti c'ux waj che' mi' cha'len ñujpuñel jini Tiñʌme'”, che'en. Jini ángel tsi' subeyon: Jiñʌch i t'an Dios. Isujm jini t'an, che'en.

Apocalipsis 21:2

Joñon, Juan, tsaj q'uele jini Ch'ujul bʌ Tejclum, jini tsiji' bʌ Jerusalén. Woli' jubel tilel ti panchan ch'oyol bʌ ti Dios, ch'ʌlbil bajche' xch'oc mu' bʌ i taj i ñoxi'al.

Apocalipsis 21:9

Tsa' tili juntiquil ángel, i pi'ʌl jini wʌctiquil ángelob, año' bʌ i cha'an jini wucp'ejl taza but'ul bʌ ti jini wucyajl wocol, jini cojix bʌ wocol tac. Tsi' subeyon: La' ilayi. Mi caj c pʌsbeñet jini xch'oc mu' bʌ cajel ti ñujpuñel. Jiñʌch i yijñam jini Tiñʌme', che'en.

1 Samuel 2:1

Ana tsi' subu i ñuclel lac Yum. Tsi' yʌlʌ: Wen tijicña c pusic'al ti lac Yum. Tsi' yʌq'ueyon bendición lac Yum. Tijicña c pusic'al come ma'anix mi cubin quisin ti' tojlel j contrajob. Tsi' ñuq'uesʌbeyon c pusic'al che' bʌ tsi' coltayon.