Apocalipsis 19:6 - Chol: I T’an Dios

⁶ Tsa cubi t'an che' bajche' i t'an bajc'ʌl winicob, che' bajche' i t'an cholocña bʌ ja', che' bajche' i t'an p'ʌtʌl bʌ chajc. Tsi' yʌlʌ: ¡Aleluya! come woli ti yumʌntel lac Yum Dios, Mach bʌ Anic i P'isol i P'ʌtʌlel.

Jiñi Tsiji' bʌ Wen T'añ cha'añ Estudio

⁶ Tsa' cu'bi t'añ che' bajche' i t'añ bajc'ʌl wiñicob, che' bajche' i t'añ cholocña bʌ ja', che' bajche' i t'añ p'ʌtʌl bʌ chajc, tsi' yʌlʌ: ¡Aleluya! come woli ti yumʌntel lac Yum Dios, Mach bʌ Añic i P'isol i P'ʌtʌlel.

Chol de Tumbalá Bible

⁶ Tsa cubi t'an che' bajche' i t'an bajc'ʌl winicob, che' bajche' i t'an cholocña bʌ ja', che' bajche' i t'an p'ʌtʌl bʌ chajc. Tsi' yʌlʌ: ¡Aleluya! come woli ti yumʌntel lac Yum Dios, Mach bʌ Anic i P'isol i P'ʌtʌlel.

Jiñi Tsiji' bʌ Wen T'añ cha'añ Estudio

⁶ Tsa' cu'bi t'añ che' bajche' i t'añ bajc'ʌl wiñicob, che' bajche' i t'añ cholocña bʌ ja', che' bajche' i t'añ p'ʌtʌl bʌ chajc, tsi' yʌlʌ: ¡Aleluya! come woli ti yumʌntel lac Yum Dios, Mach bʌ Añic i P'isol i P'ʌtʌlel.

Chol Tila

⁶ Che' jini an chʌ bʌ ti cubi che' bajche' i t'an cabʌl quixtyañu, che' bajche' cabʌl río tyac, che' bajche' c'am bʌ mi tyojmel chajc. Jini c'am bʌ t'an tsa' bʌ cubi ti yʌlʌ: La' sujbic i ñuclel Dios. Tsa'ix queji i cha'len yumʌl lac Yum Dios, jini mach'ʌ ba'an i p'isol i p'ʌtyʌlel.

Apocalipsis 19:6 Iomraidhean Croise

Job 40:9

¿Lajal ba a c'ʌb bajche' i c'ʌb Dios? ¿Mejl ba a cha'len t'an che' bajche' i t'an chajc?

Salmos 47:2

Come lac Yum jiñʌch C'ax Ñuc Bʌ yom bʌ mi lac bʌc'ñan. Mi' cha'len yumʌl ti pejtelel pañimil.

Salmos 47:7

Come Dios jiñʌch Rey ti pejtelel pañimil. I t'ojol jax yom mi la' c'ʌyiben i ñuclel ti Salmo.

Salmos 77:18

Ya' ti sutujt ic' tsi' cha'le t'an chajc. Tsa' sʌc'a pañimil cha'an i c'ʌc'al chajc. Tsi' ñijca i bʌ pañimil, tsi' yujcu i bʌ.

Salmos 93:1

C Yum wola' cha'len a yumʌntel. I t'ojol jax a ñuclel. Che' bajche' mi lac xoj lac bujc, xojol a cha'an a p'ʌtʌlel. Tsa' wen wa'choco jini pañimil. Ma'anic mi' ñijcʌyel.

Salmos 97:1

Lac Yum woli ti yumʌntel. Yom tijicña jini año' bʌ ti pañimil yic'ot año' bʌ ti' ti' colem ñajb.

Salmos 97:12

Jatetla tojet bʌ la, yom tijicña la' pusic'al ti lac Yum jini ch'ujul bʌ Dios. Subenla wocolix i yʌlʌ lac Yum.

Salmos 99:1

Mi' cha'len yumʌl lac Yum. Yom tsiltsilñayob i pusic'al winicob x'ixicob. Buchul lac Yum ya' ti' t'ejl jini querubiñob. La' i yujcun i bʌ pañimil.

Isaias 52:7

Wen uts'atax ya' ti pam wits i yoc jini mu' bʌ i tilel cha'an mi' tsictesan jini Wen T'an, cha'an mi' tajob i ñʌch'tʌlel i pusic'al yic'ot i coltʌntel jini año' bʌ ti Sion, cha'an mi' ña'tañob woli ti yumʌntel lac Dios.

Jeremias 51:48

Ti jim bʌ ora tijicñayob i pusic'al jini año' bʌ ti panchan yic'ot jini año' bʌ ti pañimil, che' mi' jilel Babilonia. Ix tilelob jini ch'oyolo' bʌ ti norte cha'an mi' jisañob, che'en lac Yum.

Ezequiel 1:24

Che' bʌ tsa' majliyob, tsa cubibe i t'an i wich' che' bajche' i t'an but'ja', che' bajche' i t'an chajc tilem bʌ ti Dios, che' bajche' i t'an motocña bʌ winicob. Che' bʌ tsa' wa'leyob, tsi' ju'sayob i wich'.

Ezequiel 43:2

Awilan i ñuclel i Dios Israel tsa' loq'ui tilel ti' pasibal q'uin. Lajalʌch i t'an che' bajche' ju'ucña bʌ cabʌl ja'. Sʌcleman jini pañimil cha'an i ñuclel.

Mateo 6:13

Mach ma' wʌc'on lojon ba' mic pʌjyel lojon ti mulil. Cʌntañon lojon ame yajlicon lojon ti jontolil. Come a cha'añʌch a yumʌntel yic'ot a p'ʌtʌlel yic'ot a ñuclel ti pejtelel ora. Amén. Che' yom mi la' mel oración.

Apocalipsis 1:15

Lajal i yoc bajche' lemlaw bʌ c'ʌnc'ʌn taq'uin, sʌq'uesʌbil bʌ ti c'ajc. Che'ʌch i t'an bajche' ju'ucña bʌ ja'.

Apocalipsis 1:8

Joñon tsac teche pejtelel chuqui tac an. Mi cʌq'uen i jilibal. Añon ti' tejchibal. Añon ti' jilibal, che'en lac Yum. Joñoñʌch jini am bʌ wʌle, jini am bʌ ti wajali, jini tal to bʌ, jini Mach bʌ Anic i P'isol i P'ʌtʌlel, che'en lac Yum.

Apocalipsis 12:10

Tsa cubi c'am bʌ t'an ti panchan. Tsi' yʌlʌ: Tsa'ix tili i coltʌntel winicob x'ixicob yic'ot i p'ʌtʌlel yic'ot i yumʌntel lac Dios yic'ot i p'ʌtʌlel Cristo. Come tsa'ix chojqui jubel jini mu' bʌ i sub i mul la quermanojob. Mi' sub lac mul ti' tojlel Dios ti q'uiñil ti ac'ʌlel.

Apocalipsis 14:2

Tsa cubi t'an loq'uem bʌ ti panchan lajal bajche' i t'an cabʌl ja' yic'ot c'am bʌ i t'an chajc. Lajal jini t'an tsa' bʌ cubi che' bajche' i t'an arpa che' woli' nijcʌntel.

Apocalipsis 19:1

Che' bʌ tsa' ujti ti t'an tsa cubibe i t'an bajc'ʌl winicob x'ixicob ti panchan. C'am tsi' yʌlʌyob: ¡Aleluya! Tilem ti lac Yum Dios laj coltʌntel. La' sujbic i ñuclel yic'ot i c'uxbintel yic'ot i p'ʌtʌlel.

Apocalipsis 19:4

Tsi' pʌcchocoyob i bʌ ti lum jini chʌntiquil i cha'c'al (24) ancianojob yic'ot chʌntiquil querubín. Tsi' ch'ujutesayob Dios, buchul bʌ ti' yumʌntel. Tsi' yʌlʌyob: Amén. Aleluya, che'ob.

Apocalipsis 21:22

Ma'anic tsaj q'uele templo ti ili tejclum come lac Yum Dios, jini Mach bʌ Anic i P'isol i P'ʌtʌlel, yic'ot jini Tiñʌme' i templojʌch.

Apocalipsis 4:5

Tsa' loq'ui chajc yic'ot cabʌl t'an yic'ot i t'an chajc ti' buchlib Dios. Woli ti lejmel wucp'ejl lámpara ya' ti' tojel ili buchlibʌl. Jiñʌch i yejtal jini wuctiquil espíritu i cha'an Dios.

Apocalipsis 6:1

Tsaj q'uele tsi' jamʌ jump'ejl sello jini Tiñʌme'. Tsa cubibe i t'an juntiquil querubín i pi'ʌl jini uxtiquil. Wen c'am tsi' cha'le t'an che' bajche' i t'an chajc. Tsi' yʌlʌ: La' q'uele, che'en.

Apocalipsis 8:5

Jini ángel tsi' ch'ʌmʌ i yajñib pom. Tsi' but'u ti' nich c'ajc loq'uem bʌ ti pulʌntib. Tsi' choco jubel ti pañimil. Tsa' tili i t'an chajc, yic'ot cabʌl t'an tac, yic'ot chajc yic'ot yujquel lum.