Apocalipsis 19:12 - Chol: I T’an Dios

¹² Lajal i wut bajche' ts'iplaw bʌ c'ajc. An cabʌl corona ti' jol. Ts'ijbubil i c'aba' pero ma'anic majqui mi' cʌn. I bajñel jach mi' cʌn.

Jiñi Tsiji' bʌ Wen T'añ cha'añ Estudio

¹² Lajal i wut bajche' c'ajc woli bʌ ti lejmel, añ ca'bʌl corona ti' jol, ts'ijbubil i c'aba' pero ma'añic majqui mi' cʌn, i bajñel jach mi' cʌn.

Chol de Tumbalá Bible

¹² Lajal i wut bajche' ts'iplaw bʌ c'ajc. An cabʌl corona ti' jol. Ts'ijbubil i c'aba' pero ma'anic majqui mi' cʌn. I bajñel jach mi' cʌn.

Jiñi Tsiji' bʌ Wen T'añ cha'añ Estudio

¹² Lajal i wut bajche' c'ajc woli bʌ ti lejmel, añ ca'bʌl corona ti' jol, ts'ijbubil i c'aba' pero ma'añic majqui mi' cʌn, i bajñel jach mi' cʌn.

Chol Tila

¹² I wut jini c'ʌchʌl bʌ ti caballo ti lejmi che' bajche' lemlemña bʌ c'ajc yilal. Xojol ti' jol cabʌl corona tyac. Ts'ijbubil i c'aba' mach'ʌ ba'an majch ti' ña'tyʌ i sujmlel. Jini jach jini c'ʌchʌl bʌ ti' bajñel cʌñʌ.

Apocalipsis 19:12 Iomraidhean Croise

Genesis 32:29

Jacob tsi' c'ajtibe: Awocolic subeñon a c'aba', che'en. Tsi' yʌlʌ: ¿Chucoch wola' c'ajtibeñon j c'aba'? che'en. Tsi' yʌq'ue i yutslel i t'an ya'i.

Salmos 8:5

Cabʌl jax a ñuclel. Ñucobʌch winicob cha'an a melbalob. Pero mach ñucobic winicob bajche' jatet. Tsa' wʌq'ueyob i c'uxbintel winicob.

Exodo 23:21

P'isi ti la' wenta. Jac'benla i t'an. Mach la' ñusʌben i t'an, come ma'anic mi caj i ñusʌbeñet la' mul. Mi caj c tsictesan c bʌ ti la' tojlel quic'ot cAngel.

Proverbios 30:4

¿Majqui jini tsa' bʌ letsi ti panchan tsa' bʌ jubi tilel? ¿Majqui tsi' yʌc'ʌ ti' wenta jini ic' cha'an ma'anic mi' ñumel? ¿Majqui tsi' melbe i ti' ja' cha'an cʌchʌl yilal jini ja' che' bajche' ti pisil? ¿Majqui tsi' p'isi pañimil che' ti' cajibal? ¿Chuqui i c'aba'? ¿Chuqui i c'aba' i yalobil? ¿Mach ba a wujilic?

Cantares 3:11

Cucula. La' majlicob pejtel x'ixicob chumulo' bʌ ti Jerusalén. Q'uelela jini rey Salomón. Q'uelela i ch'ʌjlib i jol tsa' bʌ i c'ʌcchocobe i ña' che' ti' yorajlel i ñujpuñel, ti jini q'uin che' cabʌl i tijicñʌyel i pusic'al.

Isaias 62:3

A t'ojol jax ti' c'ʌb che' bajche' corona. I ch'ʌjlibet rey ti' c'ʌb Dios cha'an ma' pʌs i ñuclel i yumʌntel.

Isaias 9:6

Come mi caj i yilan pañimil alʌ ch'iton cha'an mi' coltañonla. Dios mi caj i yʌq'ueñonla i yalobil. Mi caj i yotsʌbentel i c'aba': C'ax Ñuc Bʌ, Caj Cʌntesa, P'ʌtʌl bʌ Dios, Lac Tat Am Bʌ ti Pejtelel Ora, Xlajmesaleto mu' bʌ i cha'len yumʌl.

Zacarias 9:16

Ti jim bʌ q'uin lac Yum Dios mi caj i coltan i cha'año' bʌ che' bajche' jini xcʌnta tiñʌme' mi' cʌntan i yʌlac'. I t'ojol jax mi caj i q'uejlelob ya' ti' lumal che' bajche' xajlel wen letsem bʌ i tojol am bʌ ti corona.

Mateo 11:27

Pejtelel chuqui tac an, aq'uebilon i cha'an c Tat. Ma'anic majqui mi' cʌñon, cojach c Tat. Che' ja'el ma'anic majqui mi' cʌn c Tat, cojach joñon yic'ot majqui jach mi cʌq'uen i cʌn, come i Yalobilon.

Mateo 21:5

“Subenla x'ixicob ya' ti Sion, awilan, la' Yum woli' tilel ba' añetla. Pec' mi' mel i bʌ. C'ʌchʌl ti burro woli' tilel, c'ʌchʌl ti' yal burro yujil bʌ cuchijel”, che'en.

Mateo 28:18

Jesús tsa' tili. Tsi' subeyob: Aq'uebilon c p'ʌtʌlel cha'an mic mel pejtelel chuqui com ti panchan yic'ot ti pañimil.

Lucas 10:22

Pejtelel chuqui tac an, aq'uebilon i cha'an c Tat. Ma'anic majqui mi' cʌñon cojach c Tat. Che' ja'el, ma'anic majqui mi' cʌn c Tat cojach joñon come i Yalobilon. Mi' cʌñob c Tat ja'el majqui jach mi cʌq'uen i cʌn. Che' tsi' yʌlʌ Jesús.

Juan 17:11

Mach chʌn añonix ti pañimil pero añob to ti pañimil. Joñon cha' talon ba' añet. C Ch'ujutat, cʌntañob ti a c'aba' jini xñopt'añob tsa' bʌ a wʌq'ueyon cha'an mi' yajñelob ti jump'ejl jach i pusic'al che' bajche' joñonla.

Juan 17:12

Che' wʌ'to añon quic'otob ti pañimil, tsaj cʌntayob ti a c'aba'. Tsaj cʌnta jini xñopt'añob tsa' bʌ a wʌq'ueyon. Ma'anic tsa' sajti mi juntiquilic, jini jach mu' bʌ i majlel ti tojmulil cha'an mi' ts'ʌctiyel i Ts'ijbujel Dios.

Efesios 1:21

Ñumen ñuc Cristo bajche' pejtel i yumʌntel tac pañimil yic'ot ñuco' bʌ i ye'tel año' bʌ i p'ʌtʌlel yic'ot i yumʌntel. Ñumen ñuc i ye'tel bajche' pejtelel wa'chocobilo' bʌ, mach cojic jach ti ili ora pero ti tal to bʌ ora ja'el.

Hebreos 2:9

Pero mi laj q'uel Jesús, tsa' bʌ poj peq'uesʌnti ba' mach i tajayic i ñuclel ángelob, tsa'ix cha' aq'uenti i ñuclel yic'ot i c'uxbintel, cha'an tsi' yʌc'ʌ i bʌ ti chʌmel, come ti' yutslel i pusic'al Dios tsa' chʌmi cha'an pejtelelonla.

Apocalipsis 1:14

Sʌsʌc i jol yic'ot i tsutsel i jol bajche' sʌsʌc bʌ i tsutsel tiñʌme', sʌsʌc bajche' i ña'al tsʌñal. Woli ti lejmel i wut che' bajche' c'ajc.

Apocalipsis 12:3

Tsa' tsictiyi yambʌ i yejtal i p'ʌtʌlel ti panchan. Awilan, an colem ajin chʌchʌc bʌ. An wucp'ejl i jol yic'ot lujunts'ijt i xulub. An wucxojt i corona.

Apocalipsis 13:1

Tsa' wa'leyon ti' ji'il colem ñajb. Tsaj q'uele jontol bʌ bʌte'el woli bʌ i loq'uel ti colem ñajb. An wucp'ejl i jol yic'ot lujunts'ijt i xulub yic'ot lujunxojt corona ti' xulub. Ya' ti' jol tac otsʌbil i c'aba' jini mu' bʌ i p'aj Dios.

Apocalipsis 19:16

Ts'ijbubil i c'aba' ti' pislel yic'ot ti' ya': I REY REYOB, I YUM YUMɅLOB.

Apocalipsis 3:12

Jini mu' bʌ i mʌjlel i cha'an mi caj cʌq'uen i yajñel bajche' oy ti' templo c Dios. Ma'anix mi caj i chʌn loq'uel ya'i. Mi caj c ts'ijbuben i c'aba' c Dios ti jini winic yic'ot tsiji' bʌ j c'aba' yic'ot i c'aba' i tejclum c Dios, jini tsiji' bʌ Jerusalén mu' bʌ i loq'uel tilel ti panchan ch'oyol bʌ tic Dios.

Apocalipsis 6:2

Tsaj q'uele, awilan an juncojt sʌsʌc caballo. Jini c'ʌchʌl bʌ ti' pat an i cha'an jalʌjb. Tsa' aq'uenti corona. Tsa' loq'ui majlel. Tsa' mʌjli i cha'an. Tsi' mʌlʌ majlel.

Juezob 13:18

I yAngel lac Yum tsi' jac'be: ¿Chucoch ma' c'ajtin j c'aba'? Wen ñuc j c'aba', che'en.