Apocalipsis 19:11 - Chol: I T’an Dios

¹¹ Tsaj q'uele jajmen panchan. Awilan, ya'an juncojt sʌsʌc caballo. Jini c'ʌchʌl bʌ ti' pat i c'aba'ʌch jini Xuc'ul Bʌ, jini Isujm Bʌ. Toj mi' cha'len meloñel yic'ot guerra.

Jiñi Tsiji' bʌ Wen T'añ cha'añ Estudio

¹¹ Che' jiñi tsa' j q'uele jajmen panchan, awilan, ya'añ juncojt sʌsʌc caballo. Jiñi c'ʌchʌl bʌ ti' pat i c'aba'ʌch jiñi Xuc'ul Bʌ, jiñi Isujm Bʌ, toj bʌ mi' cha'len meloñel yic'ot guerra.

Chol de Tumbalá Bible

¹¹ Tsaj q'uele jajmen panchan. Awilan, ya'an juncojt sʌsʌc caballo. Jini c'ʌchʌl bʌ ti' pat i c'aba'ʌch jini Xuc'ul Bʌ, jini Isujm Bʌ. Toj mi' cha'len meloñel yic'ot guerra.

Jiñi Tsiji' bʌ Wen T'añ cha'añ Estudio

¹¹ Che' jiñi tsa' j q'uele jajmen panchan, awilan, ya'añ juncojt sʌsʌc caballo. Jiñi c'ʌchʌl bʌ ti' pat i c'aba'ʌch jiñi Xuc'ul Bʌ, jiñi Isujm Bʌ, toj mi' cha'len meloñel yic'ot guerra.

Chol Tila

¹¹ Che' jini che' bajche' tic ñajal ti quilʌ jamʌlix ya' ti panchan. Ya'i ti tsictiyi sʌsʌc bʌ caballo. Jini c'ʌchʌl bʌ ti' pat caballo jiñʌch Cristo. Ti' pejcʌnti ti Xuc'ul Bʌ yic'ot ti Melelʌch Bʌ como tyojʌch bajche' mi' cha'len yumʌl bajche' mi' cha'len guerra cha'an i yʌq'uen i xot'e' i mul quixtyañujob.

Apocalipsis 19:11 Iomraidhean Croise

Salmos 50:6

Jini año' bʌ ti panchan mi caj i subob tojatax Dios. Come xmeloñel ajñel.

Salmos 96:13

Come tal lac Yum i mel jini año' bʌ ti pañimil. Toj mi caj i mel jini año' bʌ ti pañimil. Mi caj i melob yic'ot i sujmlel.

Salmos 98:9

Come tal lac Yum i mel pejtel año' bʌ ti pañimil. Mach jelchoquic mi caj i melob.

Salmos 99:4

Jini Ñuc bʌ Rey mi' c'uxbin toj bʌ meloñel. Tsa'ix i yʌc'ʌ ti melol chuqui tac toj. Tsa'ix i mele chuqui toj yic'ot chuqui isujm ti' tojlel Israel.

Exodo 15:3

Wen yujil guerra lac Yum. I c'aba'ʌch lac Yum.

Isaias 32:1

La' wilan, tal jini Rey mu' bʌ caj i cha'len yumʌntel ti toj bʌ i pusic'al. Toj ja'el mi caj i cha'leñob yumʌl jini ñuco' bʌ año' bʌ i ye'tel mu' bʌ i tilelob i coltan jini Rey.

Isaias 45:21

Mi tsi' coltayetla dioste' subula. Teme la' t'an. Tsictesanla i sujmlel. ¿Majqui tsi' wʌn subu jini woli bʌ i yujtel? ¿Mach ba' anic tsac subu ti wajali? Ma'anic yambʌ Dios. Joñon jach Dioson. Tojon, Xcoltayajon. Ma'anic yambʌ. Joñon jach.

Jeremias 33:15

Ti jim bʌ ora mi caj c tsictesan juntiquil i p'olbal David i wentajʌch i Buts te' mu' bʌ caj i pasel ti junts'ijt i c'ʌb. Mero tojʌch ajñel. Mi caj i cha'len toj bʌ meloñel wʌ' ti ili lum.

Ezequiel 1:1

Joñon Ezequielon (i yalobilon Buzi). Motomajon chumulon quic'ot c pi'ʌlob israelob tsa' bʌ cʌjchiyob majlel ti Babilonia. I jo'p'ejlelix jab che' cʌchʌl jini rey Joaquín. Ya' añon lojon ti' ti' ñoj ja' i c'aba' Quebar. Ti jump'ejl q'uin che' ti' jilibal junio che' anix lujump'ejl i cha'c'al (30) c jabilel, tsaj q'uele tsa' jajmi jini panchan ti' tojel c wut. An chuqui tilem ti Dios.

Zacarias 1:8

Tsaj q'uele ti ac'ʌlel c'ʌchʌcña woli' tilel Winic ti chʌchʌc bʌ caballo. Tsa' wa'le ti' yojlil mirto te' ti' ti' ja'. Ya' ti' pat tsaj q'uele yambʌ caballo tac, chʌchʌc bʌ yic'ot sʌsʌc bʌ yic'ot yʌxmulan bʌ.

Juan 1:51

Jesús tsi' sube Natanael: Isujm, isujm mic subeñetla, mi caj la' q'uel che' jajmenix panchan. Mi caj la' q'uel i yángelob Dios che' mi' letselob che' mi' jubelob ti' tojlel i Yalobil Winic.

Juan 14:6

Jesús tsi' sube: Joñon i bijlelon isujmlelon, i cuxtʌlelon. Ma'anic majch mi' c'otel ba'an c Tat, jini jach am bʌ tic wenta.

Apocalipsis 1:5

yic'ot ja'el Jesucristo, jini xuc'ul bʌ Testigo mu' bʌ i yʌc' ti cʌjñel i sujmlel. Jiñʌch tsa' bʌ ñaxan tejchi loq'uel ba'an chʌmeño' bʌ. I yumʌch jini reyob ti pañimil. Cristo mi' c'uxbiñonla. Tsi' pocbeyonla loq'uel lac mul ti' ch'ich'el.

Apocalipsis 11:19

Tsa' jajmi i templo Dios ya' ti panchan. I caxajlel jini trato bʌ i t'an Dios tsa' q'uejli ti' mal templo. Tsa' caji ti tsictiyel i xu'il chajc tac, yic'ot c'am bʌ t'an tac, yic'ot i t'an tac chajc, yic'ot yujquel lum, yic'ot colem tuñija'.

Apocalipsis 19:19

Tsaj q'uele jini jontol bʌ bʌte'el yic'ot jini reyob ti pañimil yic'ot xguerrajob i cha'an. Tempʌbilob cha'an mi' contrajiñob ti guerra jini c'ʌchʌl bʌ ti caballo yic'ot xguerrajob i cha'an.

Apocalipsis 19:21

Jini c'ʌchʌl bʌ ti caballo tsi' tsʌnsa jini yaño' bʌ ti jini espada tsa' bʌ loq'ui ti' yej. Pejtelel te'lemut tsa' ñaj'ayob ti' c'uxol bʌc'talʌl.

Apocalipsis 3:14

Ts'ijbuben jini xcʌntaya i cha'an xñopt'añob mu' bʌ i tempañob i bʌ ya' ti Laodicea: “Awilan, jini Amén bʌ, jini isujm bʌ, jini xuc'ul bʌ Testigo mu' bʌ i cha'len yumʌl ti' tojlel pejtel i melbal Dios, jiñʌch mu' bʌ i yʌl ili t'an:

Apocalipsis 3:7

Ts'ijbuben xcʌntaya i cha'an xñopt'añob mu' bʌ i tempañob i bʌ ya' ti Filadelfia: “Jini Ch'ujul Bʌ, jiñʌch Isujm Bʌ, am bʌ i cha'an i llave David. Che' an chuqui mi' jam, ma'anic majch mi' ñup'. Che' an chuqui mi' ñup', ma'anic majch mi' jam. Jiñʌch mu' bʌ i yʌl ili t'an:

Apocalipsis 4:1

Ti wi'il tsaj q'uele: Awilan, jambil jump'ejl i ti' panchan. Jini ñaxan bʌ t'an tsa' bʌ cubi lajalʌch bajche' i t'an trompeta. Tsi' subeyon: La' ti letsel ilayi. Mi caj c pʌsbeñet chuqui tac wersa mi' caj ti ujtel, che'en.

Apocalipsis 6:2

Tsaj q'uele, awilan an juncojt sʌsʌc caballo. Jini c'ʌchʌl bʌ ti' pat an i cha'an jalʌjb. Tsa' aq'uenti corona. Tsa' loq'ui majlel. Tsa' mʌjli i cha'an. Tsi' mʌlʌ majlel.