Apocalipsis 18:9 - Chol: I T’an Dios

⁹ Jini reyob ti pañimil tsa' bʌ i cha'leyob ts'i'lel yic'ot, tsa' bʌ wen chumleyob cha'an i chubʌ'an, mi' cajelob ti uq'uel. Mi caj i yuc'tañob che' mi' q'uelbeñob i buts'il che' mi' pulel.

Jiñi Tsiji' bʌ Wen T'añ cha'añ Estudio

⁹ Jiñi reyob ti pañimil tsa' bʌ i cha'leyob ts'i'lel yic'ot, tsa' bʌ wen chumleyob cha'añ i chu'bʌañ, mi' cajelob ti uq'uel, mi caj i yuc'tañob che' mi' q'uelbeñob i buts'il che' mi' pulel.

Chol de Tumbalá Bible

⁹ Jini reyob ti pañimil tsa' bʌ i cha'leyob ts'i'lel yic'ot, tsa' bʌ wen chumleyob cha'an i chubʌ'an, mi' cajelob ti uq'uel. Mi caj i yuc'tañob che' mi' q'uelbeñob i buts'il che' mi' pulel.

Jiñi Tsiji' bʌ Wen T'añ cha'añ Estudio

⁹ Jiñi reyob ti pañimil tsa' bʌ i cha'leyob ts'i'lel yic'ot, tsa' bʌ wen chumleyob cha'añ i chu'bʌañ, mi' cajelob ti uq'uel, mi caj i yuc'tañob che' mi' q'uelbeñob i buts'il che' mi' pulel.

Chol Tila

⁹ Jini yumʌlob wʌ' ti mulawil tsa' bʌ i cha'leyob i tsuculel yic'ot jini loq'uemo' bʌ ti Babilonia mi quejel i cha'len uq'uel cha'an i ch'ʌjyemlel che' mi' q'uelob mi letsel i buts'il che' mu' ti pulel Babilonia.

Apocalipsis 18:9 Iomraidhean Croise

Genesis 19:28

Tsi' ñajti q'uele Sodoma yic'ot Gomorra yic'ot pejtel jini lum am bʌ ti joctʌl. Awilan, i buts'il jini lum woli' letsel che' bajche' i buts'il tic'ʌjib.

Salmos 58:10

Tijicña jini toj bʌ. Mi caj i q'uel che' mi' q'uextʌbentel i mul jini jontol bʌ. Mi caj i mujlel i yoc ti' ch'ich'el jini jontolo' bʌ.

Isaias 13:19

Jini colem tejclum Babilonia, am bʌ cabʌl i ñuclel ti pañimil, jini i t'ojol jax bʌ ti q'uelol, junlajal mi' caj ti ajñel che' bajche' Sodoma yic'ot Gomorra ba' ora Dios mi' jisan.

Isaias 30:33

Anix ora chajpʌbil jini c'ajc ba' mi' cajelob ti pulel jini asiriajob. Chan lʌtsbil si'. Lac Yum mi caj i c'ʌn i yiq'uilel i yej cha'an mi' tsuc'.

Jeremias 50:40

Dios mi caj i jisan Babilonia che' bajche' tsi' jisa Sodoma yic'ot Gomorra yic'ot jini xchumtʌl tac ti' joytʌlel, che'en lac Yum. Ma'anix majqui mi caj i chumtʌl ya'i ti pejtelel ora.

Jeremias 50:46

Tsiltsilña pañimil yubil cha'an tsa' yajli Babilonia. Mi caj i c'ʌlʌl c'otel i yuq'uel ti ñajt bʌ lum tac.

Jeremias 51:8

Tsa' bʌc' jili i p'ʌtʌlel Babilonia. Junyajlel jejmenix. Uc'tanla. Ch'ʌmʌla tilel ts'ac. Tic'ʌl mi muc'ʌch i ñop.

Ezequiel 27:35

Pejtelel jini chumulo' bʌ ti' ti' colem ñajb woli' q'uelob pero wocol mi' ñopob. Tsiltsilñayob ti bʌq'uen, sʌctuc'an i wut.

Daniel 4:14

C'am woli ti t'an: Seq'uela jini te'. Tsepbenla i c'ʌb, loc'sʌbenla i yopol. P'ujp'unla majlel i wut. La' puts'icob pejtel bʌte'el am bʌ ti' yʌxñilel, yic'ot xwejlel mut am bʌ i c'u' ti' c'ʌb.

Deuteronomio 29:23

Mi caj i q'uelob azufre yic'ot ats'am ti la' lum. Ma'anix pʌc'ʌbʌl, come ma'anix chuqui mi caj i chʌn colel, mi pimel, mi te'ic mu' bʌ i yʌc' i wut. Lajal yilal jini lum che' bajche' Sodoma, yic'ot Gomorra, yic'ot Adma, yic'ot Zaboim, che' bʌ tsa' puli cha'an tsi' junyajlel jisa lac Yum ti' mich'ajel.

1 Timoteo 5:11

Pero mach a chucben i c'aba' ti jun jini xch'oc to bʌ meba' x'ixicob, come che' mi' jac'ob chuqui yomob i pusic'al, mi' tʌts'ob i bʌ ti Cristo. Mi caj i mulañob i cha'yajlel ñujpuñijel.

Apocalipsis 14:11

I buts'il i wocol jini winicob mi' letsel majlel ti pejtelel ora. Jini mu' bʌ i ch'ujutesañob jini jontol bʌ bʌte'el yic'ot i yejtal yic'ot jini mu' bʌ i ch'ʌmbeñob i c'aba' ma'anic mi' c'ajob i yo, mi ti q'uiñil mi ti ac'ʌlel, che'en.

Apocalipsis 17:2

Jini reyob ti pañimil tsi' cha'leyob ts'i'lel yic'ot. Jini chumulo' bʌ ti pañimil tsa' yʌc'ayob ti vino i yejtal bʌ i ts'i'lel, che'en.

Apocalipsis 18:18

Mi caj i cha'leñob oñel che' mi' q'uelbeñob i buts'il c'ajc ba' woli ti pulel. Mi caj i yʌlob: “¿Bacan yambʌ tejclum lajal bajche' jini colem tejclum?” che'ob.

Apocalipsis 18:20

La' ñuc'ac la' pusic'al, añet bʌ la ti panchan, yic'ot i cha'año' bʌ Dios, yic'ot apóstolob, yic'ot x'alt'añob, come Dios tsi' mele Babilonia ti la' tojlel, che'en.

Apocalipsis 18:3

Come pejtelel año' bʌ ti pañimil tsa'ix i japbeyob i vino, i yejtal bʌ i ts'i'lel yic'ot i bibi'lel. Jini reyob ti pañimil tsi' cha'leyob ts'i'lel yic'ot año' bʌ ti Babilonia. Tsa' ochiyob ti rico jini xchoñoñelob ti pañimil come cabʌl jax tsi' jisʌbeyob i taq'uin jini año' bʌ ti Babilonia, che'en.

Apocalipsis 18:7

Che' bajche' tsi' chañ'esa i bʌ che' bʌ tsa' wen chumle ti cabʌl i chubʌ'an che'ʌch yom mi la' p'isben cabʌl i wocol yic'ot i yuq'uel, come mi' lon al ti' pusic'al: “Buchulon tic yumʌntel che' bajche' rey. Mach meba'onic. Ma'anic mi caj cubin wocol yic'ot uq'uel”, che'ob.

Apocalipsis 19:3

Ti' cha'yajlel tsi' yʌlʌyob: ¡Aleluya! Mi' letsel i buts'il xmoja ti pejtelel ora, che'ob.

Apocalipsis 2:22

Awilan, wolic choc jini x'ixic ti' ch'ac ba' mi caj i yubin cabʌl wocol yic'ot jini tsa' bʌ i pi'leyob ti' ts'i'lel, mi ma'anic mi' cʌyob i mul.