Apocalipsis 18:23 - Chol: I T’an Dios

²³ Ya'i ma'anix mi caj i tsictiyel i c'ʌc'al lámpara. Ma'anix mi caj i yubintel i t'an xñujpuñelob. Come jini xchoñoñelob a cha'an jiñobʌch ñuco' bʌ ti pañimil. Tsa' loti pejtelel tejclum tac ti' caj a lot.

Jiñi Tsiji' bʌ Wen T'añ cha'añ Estudio

²³ Ya'i ma'añix mi caj i tsictiyel i c'ʌc'al lámpara. Ma'añix mi caj i yu'bintel i t'añ xñujpuñelob. Come jiñi xchoñoñelob a cha'añ jiñobʌch ñuco' bʌ ti pañimil. Tsa' loti pejtelel tejclum tac ti' caj a lot.

Chol de Tumbalá Bible

²³ Ya'i ma'anix mi caj i tsictiyel i c'ʌc'al lámpara. Ma'anix mi caj i yubintel i t'an xñujpuñelob. Come jini xchoñoñelob a cha'an jiñobʌch ñuco' bʌ ti pañimil. Tsa' loti pejtelel tejclum tac ti' caj a lot.

Jiñi Tsiji' bʌ Wen T'añ cha'añ Estudio

²³ Ya'i ma'añix mi caj i tsictiyel i c'ʌc'al lámpara. Ma'añix mi caj i yu'bintel i t'añ xñujpuñelob. Come jiñi xchoñoñelob a cha'añ jiñobʌch ñuco' bʌ ti pañimil. Tsa' loti pejtelel tejclum tac ti' caj a lot.

Chol Tila

²³ Ma'ix ba' bʌ ora mi quejel i cha' q'uejlel i c'ʌc'al lámpara ya' ti Babilonia. Ma'ix ba' bʌ ora mi quejel i cha' ubintyel i q'uiñilel ajñujpuñelob ya'i. Jini tsa' bʌ i cha'le mʌñoñel, choñoñel ya'i, jiñʌch jini más ñuco' bʌ ti pejtyelel mulawil, pero ti lolon ch'ujbi i lotintyel ti jini am bʌ ti Babilonia.

Apocalipsis 18:23 Iomraidhean Croise

2 Reyob 9:22

Joram tsi' sube: ¿Chuqui wola' ña'tan Jehú? ¿Jump'ejl ba a pusic'al quic'ot lojon? che'en Joram. Jehú tsi' jac'ʌ: ¿Bajche'ca jump'ejl lac pusic'al che' cabʌl tsi' p'ojlesa jontolil a ña' Jezabel ti Israel? che'en Jehú.

Job 21:17

Casʌ mi' bʌc' yajpel i c'ʌc'al. Casʌ mi' bʌc' tilel wocol ti' tojlelob. ¿Bacan tsiquil mi woli' yubiñob wocol cha'an i mich'lel Dios?

Proverbios 24:20

Come mach wenic i jilibal jini jontolo' bʌ. Mi' caj ti jilel i tijicñʌyel sajtemo' bʌ che' bajche' mi' yajpel c'ajc.

Isaias 23:8

Jiñʌch tejclum tsa' bʌ i yʌq'ueyob i ye'tel reyob ti pañimil. Cabʌl tsa' p'ojliyob rico bʌ xchoñoñelob. ¿Majqui jini tsa' bʌ i ña'ta i jisan jini Tiro?

Isaias 47:9

Pero tal ti ora ili cha'chajp wocol ti a tojlel ti jump'ejl jach bʌ q'uin. Meba' x'ixic mi caj a cʌytʌl. Mi caj a chilbentel a walobilob, anquese a wujil wujt, anquese ma' pejcan xiba. Lolom jach ma' mel ñuc tac bʌ cha'an ma' lon coltan a bʌ.

Jeremias 16:9

Come i Yum Panchan yic'ot Pañimil, i Dios Israel, tsi' yʌlʌ: Q'uele mux caj c sʌc jisan winicob x'ixicob, jini tijicñayo' bʌ yic'ot jini woliyo' bʌ ti alas, yic'ot jini woliyo' bʌ ti ñujpuñijel.

Jeremias 25:10

Che' jini majlemobix jini yujilo' bʌ alas. Ma'anix mi caj i yubintel tijicña bʌ t'an mi i t'anic xñujpuñijelob mi i t'anic juch'bal. Mi caj c yʌpben i c'ajc.

Jeremias 7:34

Mi caj c jisañob jini yujilo' bʌ c'ay yic'ot tse'ñal ti Jerusalén yic'ot ti' tejclum tac Judá. Ñʌch'ʌlix i bijlel tac. Ma'anic mi caj i chʌn ubintel i t'an xch'oc yic'ot ch'iton. Ma'anix xñujpuñijel. Jochol mi caj i cʌytʌl jini lum.

Nahum 3:4

Cha'an ti' caj i mul Nínive tsa'ix tili ili wocol, come i contrajob Dios. Tsi' mele che' bajche' ts'i'lel bʌ x'ixic. I t'ojol jax jini tejclum yujil bʌ lot, yujil bʌ wujt. Tsi' lotiyob yan tac bʌ tejclum cha'an mi' cʌyob chuqui toj. Tsi' cʌntesayob cha'an mi' ch'ujutesañob dioste' tac.

Hechos 8:11

Tsi' wen jac'beyob come c'ʌlʌl ti wajali tsa' toj sajtiyob i pusic'al cha'an leco tac bʌ i melbal.

Apocalipsis 12:9

Tsa' chojqui jubel jini colem ajin. Jiñʌch jini oñiyix bʌ lucum, am bʌ cha'chajp i c'aba', xiba yic'ot Satanás. Jiñʌch mu' bʌ i lotin pejtel winicob ti pañimil. Tsa' chojqui jubel ti lum yic'ot pejtelel i yángelob.

Apocalipsis 17:2

Jini reyob ti pañimil tsi' cha'leyob ts'i'lel yic'ot. Jini chumulo' bʌ ti pañimil tsa' yʌc'ayob ti vino i yejtal bʌ i ts'i'lel, che'en.

Apocalipsis 17:5

Ts'ijbubil i c'aba' ti' jol. Cʌmbil i sujmlel ti Dios: JINI ÑUC BɅ BABILONIA, I ÑA'AL XMOJAJOB, I ÑA'AL JONTOLIL AM BɅ TI PAÑIMIL.

Apocalipsis 18:22

Ma'anix música ya'i. Ma'anix majqui mi' ñijcan arpa mi yambʌ música. Ma'anix majqui mi' wus amʌy mi trompeta. Ma'anix x'e'tel yujilo' bʌ i melol pʌchi, mi pisil, mi ts'ac mi yambʌ. Ma'anix mi caj i chʌn ubintel i t'an ña'atun.

Apocalipsis 18:3

Come pejtelel año' bʌ ti pañimil tsa'ix i japbeyob i vino, i yejtal bʌ i ts'i'lel yic'ot i bibi'lel. Jini reyob ti pañimil tsi' cha'leyob ts'i'lel yic'ot año' bʌ ti Babilonia. Tsa' ochiyob ti rico jini xchoñoñelob ti pañimil come cabʌl jax tsi' jisʌbeyob i taq'uin jini año' bʌ ti Babilonia, che'en.

Apocalipsis 18:9

Jini reyob ti pañimil tsa' bʌ i cha'leyob ts'i'lel yic'ot, tsa' bʌ wen chumleyob cha'an i chubʌ'an, mi' cajelob ti uq'uel. Mi caj i yuc'tañob che' mi' q'uelbeñob i buts'il che' mi' pulel.

Apocalipsis 21:8

Jini muc'o' bʌ ti bʌq'uen, yic'ot jini mach bʌ anic mi' ñopob, yic'ot jini bibi'o' bʌ, yic'ot stsʌnsajob, yic'ot mu' bʌ i cha'leñob ts'i'lel, yic'ot xwujtob, yic'ot xch'ujutesa dioste'ob, yic'ot pejtelel xlotob mi caj i tajob i yajñib ya' ti c'ajc woli bʌ ti pulel yic'ot azufre. Jiñʌch i cha'yajlel mi' chʌmelob, che'en.

Apocalipsis 22:15

Ya' ti jumpat an ts'i' yic'ot xwujt yic'ot jini mu' bʌ i cha'leñob ts'i'lel yic'ot stsʌnsajob yic'ot jini mu' bʌ i ñopob dioste' yic'ot jini mu' bʌ i mulañob lot yic'ot jini mu' bʌ i cha'leñob lot.

Apocalipsis 22:5

Ma'anix ac'ʌlel ya'i. Ma'anix i c'ʌjñibal i c'ʌc'al lámpara mi i sʌclel q'uin. Come lac Yum Dios mi caj i yʌq'ueñob i sʌclel. Mi caj i yumʌntelob ti pejtelel ora.

Apocalipsis 6:15

Jini reyob ti pañimil, yic'ot año' bʌ i ye'tel, yic'ot wen chumulo' bʌ, yic'ot i yaj capitañob soldadojob, yic'ot jini p'ʌtʌlo' bʌ, yic'ot pejtelel año' bʌ ti' yum, yic'ot pejtelel mach bʌ añobic ti' yum tsi' mucuyob i bʌ ti ch'en tac yic'ot ti xajlel tac am bʌ ti colem wits.

Apocalipsis 9:21

Ma'anic tsi' cʌyʌyob tsʌnsa, mi wujt, mi ts'i'lel, mi xujch'.