Apocalipsis 17:4 - Chol: I T’an Dios

⁴ Lʌpʌl i cha'an chʌccojan bʌ yic'ot chʌchʌc bʌ i pislel jini x'ixic, ch'ʌlbil ti oro yic'ot ti c'ax uts'at bʌ alʌ xajlel tac, yic'ot ti perla tac. Chucbil i cha'an jump'ejl taza melbil bʌ ti oro. But'ul jini taza ti' bibi'lel tsa' bʌ i taja ti' ts'i'lel yic'ot pejtel ts'a'lebil bʌ.

Jiñi Tsiji' bʌ Wen T'añ cha'añ Estudio

⁴ Lʌpʌl i cha'añ chʌccojan bʌ yic'ot chʌchʌc bʌ i pislel jiñi x'ixic, ch'ʌlbil ti oro yic'ot ti c'ax uts'at bʌ alʌ xajlel tac, yic'ot ti perla tac, chucbil i cha'añ jump'ejl taza melbil bʌ ti oro, but'ul jiñi taza ti' bi'bi'lel tsa' bʌ i taja ti' ts'i'lel yic'ot pejtelel ts'a'lebil bʌ.

Chol de Tumbalá Bible

⁴ Lʌpʌl i cha'an chʌccojan bʌ yic'ot chʌchʌc bʌ i pislel jini x'ixic, ch'ʌlbil ti oro yic'ot ti c'ax uts'at bʌ alʌ xajlel tac, yic'ot ti perla tac. Chucbil i cha'an jump'ejl taza melbil bʌ ti oro. But'ul jini taza ti' bibi'lel tsa' bʌ i taja ti' ts'i'lel yic'ot pejtel ts'a'lebil bʌ.

Jiñi Tsiji' bʌ Wen T'añ cha'añ Estudio

⁴ Lʌpʌl i cha'añ chʌccojan bʌ yic'ot chʌchʌc bʌ i pislel jiñi x'ixic, ch'ʌlbil ti oro yic'ot ti c'ax uts'at bʌ alʌ xajlel tac, yic'ot ti perla tac, chucbil i cha'añ jump'ejl taza melbil bʌ ti oro, but'ul jiñi taza ti' bi'bi'lel tsa' bʌ i taja ti' ts'i'lel yic'ot pejtelel ts'a'lebil bʌ.

Chol Tila

⁴ Lʌpʌl i cha'an jini x'ixic chʌccojam bʌ yic'ot chʌchʌc bʌ i pislel. Ch'ʌlʌl ti oro yic'ot ti c'otyajax bʌ lets bʌ i tyojol tyac bʌ tyun yic'ot perla. Chucul i cha'an jump'ej copa melel bʌ ti oro cha'an che' mi' q'uele' jini copa winicob mi' mulan i lʌc'ob jini x'ixic. Pero jini x'ixic che' jach chʌncol i bej pensalin bajche' ch'ujbi i yʌq'uen i cha'len chʌ bʌ jach mach bʌ wen bajche' mi' bajñel mulan i cha'leñob.

Apocalipsis 17:4 Iomraidhean Croise

1 Reyob 14:24

An winicob ti Judá tsa' bʌ i pi'leyob i bʌ ti' ts'i'lel. Jini chumulo' bʌ ti Judá leco tsi' meleyob che' bajche' tsi' meleyob jini ñaxan bʌ i yumob jini lum. Lac Yum tsi' chocoyob loq'uel cha'an i mul cha'an mi' ch'ʌmob i lum jini israelob.

Esdras 9:11

Jini x'alt'añob a cha'an tsi' subeyon lojon a t'an che' bajche' tsa' subeyob. Tsi' yʌlʌyob: “Pʌjq'uemix ti mulil jini lum ba' tilemetla ti chumtʌl, come cabʌl i jontolil jini wʌ' bʌ chumulob. Tsi' pam wa'chocoyob i melbal i c'ʌb mu' bʌ c ts'a'len”. Che' woli' yʌl lac Yum, che'ob.

Isaias 66:3

Mach uts'atic mij q'uel jini mu' bʌ i bajñel yajcan i bijlel, mu' bʌ i mel bajche' jach yom i bajñel pusic'al. Che' mi' tsʌnsʌbeñon tat wacax lajalʌch tic wut bajche' jini mu' bʌ i tsʌnsan winic. Che' mi' tsʌnsan tiñʌme' lajalʌch bajche' jini mu' bʌ i c'ʌsben i bic' ts'i'. Che' mi' yʌq'ueñon i wut jam tic majtan lajalʌch bajche' i ch'ich'el chitam. Che' mi' pulbeñon pom junlajal mij q'uel yic'ot jini mu' bʌ i ch'ujutesan dioste' tac. Jini mu' bʌ i bajñel yajcañob i bijlel mi' mulañob i mel chuqui tac ts'a'lebil c cha'an.

Jeremias 51:7

Babilonia i wentajʌch taza melbil bʌ ti oro, chucul bʌ i cha'an lac Yum. Tsi' ñusʌbeyob vino winicob ti pejtelel lum. Tsi' lu' japʌyob. Jini cha'an tsa' sojqui i jol.

Lamentaciones 1:9

Tsi' cha'leyob ts'i'lel. Ma'anic tsi' p'isiyob ti wenta mi muc'ʌch i tojob i mul. Jini cha'an quisintic jax tsi' meleyob. Wʌle ma'anic i yaj coltaya. Mi' yʌlob: Q'uele bajche' añon lojon c Yum, cha'an cabʌl lojon c wocol, come wen chan mi' melob i bʌ j contrajob, che'ob.

Ezequiel 20:30

Jini cha'an suben jini israelob: “Lac Yum Dios woli' yʌl: ¿Mu' ba caj la' chʌn cha'len ts'i'lel che' bajche' la' ñojte'elob? ¿Mu' ba caj la' chʌn ch'ujutesan dios tac?

Ezequiel 24:11

Che' jocholix jini p'ejt ac'ʌ ya' ti c'ajc cha'an mi' wen ticwan, cha'an mi' pulel i mal. Che' jini mi caj i loq'uel i bibi'al. Mi caj i c'ajlel loq'uel i ta'.

Ezequiel 24:13

Che' bʌ tsac ña'ta c sʌq'uesañet ma'anic tsa' jac'beyon. Ma'anic tsa' cʌyʌ a bibi'lel. Mach a womic a sʌq'uesʌntel. Jini cha'an ajñen ti a bibi'lel jinto ma' taj c mich'ajel. Bʌbʌq'uen mi caj a wubin.

Ezequiel 28:13

Tsa' ajniyet ti Edén ya' ti' pʌc'ʌb lac Yum. Tsa' ch'ʌlʌ a bʌ yic'ot uts'at tac bʌ xajlel: jini cornerina, topacio, jaspe, crisólito, berilo, ónice, zafiro, carbunclo, esmeralda, chucbil bʌ ti oro. Tsa' laj aq'uentiyet che' bʌ tsa' mejliyet.

Ezequiel 36:25

Mi caj c muletla yic'ot yʌx bʌ ja' cha'an mic sʌq'uesañetla ti pejtelel la' bibi'lel. Che' sʌquetla ma'anix mi caj la' chʌn ch'ujutesan dioste' tac.

Daniel 11:38

Pero mi caj i ch'ujbin che' bajche' dios jini p'ʌtʌl bʌ tejclum tac ba' mi' cha'len guerra, jiñʌch i dios mach bʌ anic tsi' diosiyob i ñojte'elob. Mi caj i yʌq'uen jini dios majtañʌl letsem tac bʌ i tojol, oro, plata, yic'ot i t'ojol jax bʌ xajlel.

Oseas 9:10

Mic ña'tan bajche' añet Israel che' uts'at to a pusic'al. Tsa' c'uxbiyon. Wen tijicñayon che' bʌ tsac ñaxan tajayet, che' bʌ tsac pʌyʌyet ñumel ti colem bʌ i tiquiñal pañimil. Lajalet tic wut che' bajche' ñaxan bʌ i wut ts'usub ti jochol bʌ lum. Wen tijicñayon che' bʌ tsac taja a tatob, pero tsi' cʌyʌyoñob cha'an mi' tsʌcleñob jini Baalpeor, cha'an quisintic jax mi' melob. Jini cha'an leco tsa' sujtiyob che' bajche' jini diosob tsa' bʌ i c'uxbiyob.

Deuteronomio 29:17

Q'uelelix la' cha'an jini leco jax bʌ i melbalob, jini dioste' tac melbil tac bʌ ti te' yic'ot ti xajlel, yic'ot ti oro, yic'ot ti plata.

Apocalipsis 14:8

Yambʌ ángel, i cha'ticlel bʌ, tsi' tsajca tilel. Tsi' yʌlʌ: Jejmenix, jejmenix Babilonia, jini colem tejclum, come tsi' yʌq'ueyob i jap vino pejtelel año' bʌ ti pañimil. Jini vino jiñʌch i yejtal i ts'i'lel Babilonia, che'en.

Apocalipsis 18:12

An i choñoñel melbil bʌ ti oro ti plata yic'ot c'ax uts'at bʌ alʌ xajlel tac, letsem bʌ i tojol, yic'ot perla tac yic'ot wen bʌ pisil yic'ot chʌccojan bʌ, yic'ot seda, yic'ot chʌcts'eran bʌ yic'ot xojocña bʌ te', yic'ot pejtelel latu melbil bʌ ti marfil yic'ot pejtelel melbil tac bʌ ti te' letsem bʌ i tojol, yic'ot c'ʌnc'ʌn taq'uin, yic'ot tsucu taq'uin, yic'ot mármol xajlel,

Apocalipsis 18:16

Mi caj i yʌlob: “¡Obol i bʌ, obol i bʌ, jini colem tejclum ba' tsi' lʌpʌyob wen bʌ i pislel yic'ot chʌccojan bʌ yic'ot chʌcts'eran bʌ, ch'ʌlbil bʌ ti oro yic'ot c'ax uts'at bʌ alʌ xajlel, yic'ot perla tac;

Apocalipsis 19:2

Come mi' cha'len meloñel ti isujm yic'ot ti toj. Come tsa'ix i mele jini ñuc bʌ xmoja tsa' bʌ i yoc'mesa pañimil ti' ts'i'lel. Dios tsi' q'uextʌbe i jontolil jini xmoja cha'an tsi' bec'be i ch'ich'el i winicob Dios, che'ob.

Apocalipsis 21:21

Jini lajchʌmp'ejl i ti' jiñʌch lajchʌmp'ejl perla tac. Ti jujump'ejl i ti' melbil i puertajlel ti jujump'ejl perla. Jini bij ti tejclum puro oro, wen sʌctsʌñan bajche' espejo.

Apocalipsis 9:21

Ma'anic tsi' cʌyʌyob tsʌnsa, mi wujt, mi ts'i'lel, mi xujch'.