Apocalipsis 17:3 - Chol: I T’an Dios

³ Tsa' bujt'i c pusic'al ti jini Espíritu. Tsi' pʌyʌyon majlel ti jochol bʌ lum. Tsaj q'uele x'ixic buchul ti chʌcts'eran bʌ bʌte'el. An cabʌl i c'aba' tac jini bʌte'el mu' bʌ i p'aj Dios. An wucp'ejl i jol jini jontol bʌ bʌte'el yic'ot lujunts'ijt i xulub.

Jiñi Tsiji' bʌ Wen T'añ cha'añ Estudio

³ Tsa' bujt'i c pusic'al ti jiñi Espíritu, tsi' pʌyʌyon majlel ti jochol bʌ lum. Tsa' j q'uele x'ixic buchul ti chʌcts'eran bʌ bʌte'el, añ ca'bʌl i c'aba' tac jiñi bʌte'el mu' bʌ i p'aj Dios, añ wucp'ejl i jol jiñi jontol bʌ bʌte'el yic'ot lujunts'ijt i xulub.

Chol de Tumbalá Bible

³ Tsa' bujt'i c pusic'al ti jini Espíritu. Tsi' pʌyʌyon majlel ti jochol bʌ lum. Tsaj q'uele x'ixic buchul ti chʌcts'eran bʌ bʌte'el. An cabʌl i c'aba' tac jini bʌte'el mu' bʌ i p'aj Dios. An wucp'ejl i jol jini jontol bʌ bʌte'el yic'ot lujunts'ijt i xulub.

Jiñi Tsiji' bʌ Wen T'añ cha'añ Estudio

³ Tsa' bujt'i c pusic'al ti jiñi Espíritu, tsi' pʌyʌyon majlel ti jochol bʌ lum. Tsa' j q'uele x'ixic buchul ti chʌcts'eran bʌ bʌte'el, añ ca'bʌl i c'aba' tac jiñi bʌte'el mu' bʌ i p'aj Dios, añ wucp'ejl i jol jiñi jontol bʌ bʌte'el yic'ot lujunts'ijt i xulub.

Chol Tila

³ Joñon Juañon. Che' jini, ti jini che' bajche' tic ñajal tsa' bʌ i yʌq'ueyon j q'uele' Ch'ujul bʌ i Ch'ujlel Dios, juntiquil ajtroñel i cha'an Dios ch'oyol bʌ ti panchan ti' pʌyʌyon mejlel ya' ti tyʌquin bʌ joch lum. Ya' ti quilʌ jini x'ixic c'ʌchʌl ti' pat juncojt bʌbʌq'uen bʌ yoque chʌchʌc bʌ animal. An siete i jol yic'ot diez i xulub jini animal. Ts'ijbubil ti jini animal cabʌl i c'aba' tyac mu' bʌ i tyaj Dios ti leco bʌ t'an.

Apocalipsis 17:3 Iomraidhean Croise

1 Reyob 18:12

Pero che' mic majlel, jini i yEspíritu lac Yum mi caj i pʌyet majlel ba' ma'anic mic ña'tan. Che' mi' tilel Acab i sʌclañet, che' ma'anic mi' tajet, mi caj i tsʌnsañon, anquese c'ʌlʌl che' ch'itoñon to tsac wen tsajca lac Yum.

2 Reyob 2:16

Tsi' yʌlʌyob: Wʌ'an quic'ot lojon lujuntiquil i yuxc'al ch'ejl bʌ winicob. Yom ma' wʌc' a t'an cha'an mi' majlel i sʌclañob a yum Elías. Tic'ʌl mi lac Yum tsi' pʌyʌ majlel Elías ya' ti chan bʌ wits o mi ya' ba' japal lum, che'ob. Pero Eliseo tsi' yʌlʌ: Mach la' chocob majlel, che'en.

Cantares 8:5

¿Majqui jini xch'oc mu' bʌ i tilel loq'uem bʌ ti jochol bʌ lum? Woli' licchocon i bʌ ti' quejlab jini c'uxbibil bʌ i cha'an. (Jini rey Salomón:) Tsac pʌyʌyet cha'an ma' c'uxbiñon che' ya'to añet ti yebal jini manzana te' ba' tsi' yʌc'ʌyet ti pañimil a ña' che' bʌ tsi' cha'le bajq'uel. (Jini xch'oc:)

Ezequiel 11:24

Jini Espíritu tsi' ch'uyuyon letsel. Tsi' pʌyʌyon majlel c'ʌlʌl ti Babilonia ba' cʌchʌlob c pi'ʌlob. Che' jach tsa' sʌc jili jini tsa' bʌ j q'uele.

Ezequiel 3:12

Jini Espíritu tsi' techeyon ch'ojyel. Che' woli' letsel ti chan i ñuclel lac Yum, tsa cubi c'am bʌ t'an tic pat.

Ezequiel 8:3

Jini Winic tsi' sʌts'ʌ i c'ʌb cha'an mi' wats chuc i tsutsel c jol. Che' jini, jini Espíritu tsi' pʌyʌyon letsel ti' chañelal pañimil yubil. Tsi' pʌyʌyon majlel ti Jerusalén ya' ti' ti' am bʌ ti norte ba' buchchocobil jini dioste' tsa' bʌ i techbe i mich'ajel lac Yum.

Daniel 11:36

Jini rey ti Siria mi cajel i mel che' bajche' bajñel yom. Mi caj i ñuq'uesan i bʌ. Mi caj i chañ'esan i bʌ ti' tojlel pejtel diosob. Mi caj i p'aj jini mero Dios. Tijicña mi caj i q'uel pejtel i melbal c'ʌlʌl mi' c'otel i yorajlel che' mi' toj i mul. Come mi caj i yujtel che' bajche' tsi' wʌn ña'ta Dios.

Daniel 7:20

Tsaj c'ajtibe ja'el i sujmlel jini lujunts'ijt xulub, yic'ot jini alʌ xulub tsa' bʌ pasi ti wi'il, tsa' bʌ i jisa uxts'ijt xulub. Jiñʌch xulub am bʌ i wut lajal bajche' winic. Tsi' c'ʌñʌ i yej cha'an mi' ñuq'uesan i bʌ. Ñumen ñuc tsi' q'uele i bʌ bajche' yan tac bʌ xulub.

Daniel 7:25

Mi caj i p'aj jini Dios am bʌ ti panchan. Mi caj i tic'lan i cha'ano' bʌ Dios. Mi caj i ñop i q'uextan i yorajlel q'uiñijel tac yic'ot pejtel jini ley. Ojlil i chʌmp'ejl jab mi cajel i cha'len yumʌl ti' tojlel i cha'año' bʌ Dios.

Daniel 7:8

Che' bʌ tsaj q'uele i xulub, tsa' caji ti pasel yambʌ i yalʌ xulub. Ti' p'ʌtʌlel jini alʌ xulub tsa' jojts'i loq'uel uxts'ijt xulub jini ñaxan bʌ. An i wut che' bajche' winic. An i yej tsa' bʌ i c'ʌñʌ cha'an mi' chañ'esan i bʌ ti t'an.

Mateo 27:28

Tsi' jochbeyob loq'uel i pislel. Tsi' lʌpbeyob chʌcts'eran bʌ pʌl bʌ bujcʌl.

Hechos 8:39

Che' bʌ tsa' loq'uiyob ti ja', i yEspíritu lac Yum tsi' jʌm chucu majlel Felipe. Jini eunuco ma'anix tsi' chʌn q'uele. Tijicña i pusic'al tsa' majli ti bij.

2 Tesalonicenses 2:4

Jiñʌch i contra Dios mu' bʌ i chañ'esan i bʌ ti' contra pejtelel chuqui tac mi' diosintel, yic'ot pejtelel chuqui tac mi' c'uxbintel ti ch'ujyijel. Mi' caj ti buchtʌl ti' Templo Dios che' bajche' Dios. Mi caj i cuy i bʌ ti Dios.

Apocalipsis 1:10

Tsa' bujt'i c pusic'al ti' yEspíritu Dios ti jini q'uin che' mi lac ch'ujutesan lac Yum. Tsa cubi c'am bʌ t'an tic pat che' bajche' trompeta.

Apocalipsis 12:14

Tsa' aq'uenti jini x'ixic cha'q'uejl i wich' che' bajche' i wich' colem xiye' cha'an mi' puts'tan xiba. Tsi' cha'le wejlel majlel ti jochol bʌ lum ti' yajñib. Ya' tsa' we'sʌnti jump'ejl jab yic'ot cha'p'ejl jab yic'ot ojlil jab.

Apocalipsis 12:3

Tsa' tsictiyi yambʌ i yejtal i p'ʌtʌlel ti panchan. Awilan, an colem ajin chʌchʌc bʌ. An wucp'ejl i jol yic'ot lujunts'ijt i xulub. An wucxojt i corona.

Apocalipsis 12:6

Tsa' puts'i majlel jini x'ixic ti jochol bʌ lum ba' chajpʌbil i yajñib ti Dios cha'an ya'i mi' we'sʌntel jini x'ixic uxc'al i chʌmbajc' (1,260) q'uin.

Apocalipsis 17:18

Jini x'ixic tsa' bʌ a q'uele jiñʌch jini colem tejclum mu' bʌ i yumʌntel ti' tojlel jini reyob ti pañimil. Che' tsi' yʌlʌ jini ángel.

Apocalipsis 17:4

Lʌpʌl i cha'an chʌccojan bʌ yic'ot chʌchʌc bʌ i pislel jini x'ixic, ch'ʌlbil ti oro yic'ot ti c'ax uts'at bʌ alʌ xajlel tac, yic'ot ti perla tac. Chucbil i cha'an jump'ejl taza melbil bʌ ti oro. But'ul jini taza ti' bibi'lel tsa' bʌ i taja ti' ts'i'lel yic'ot pejtel ts'a'lebil bʌ.

Apocalipsis 18:12

An i choñoñel melbil bʌ ti oro ti plata yic'ot c'ax uts'at bʌ alʌ xajlel tac, letsem bʌ i tojol, yic'ot perla tac yic'ot wen bʌ pisil yic'ot chʌccojan bʌ, yic'ot seda, yic'ot chʌcts'eran bʌ yic'ot xojocña bʌ te', yic'ot pejtelel latu melbil bʌ ti marfil yic'ot pejtelel melbil tac bʌ ti te' letsem bʌ i tojol, yic'ot c'ʌnc'ʌn taq'uin, yic'ot tsucu taq'uin, yic'ot mármol xajlel,

Apocalipsis 18:16

Mi caj i yʌlob: “¡Obol i bʌ, obol i bʌ, jini colem tejclum ba' tsi' lʌpʌyob wen bʌ i pislel yic'ot chʌccojan bʌ yic'ot chʌcts'eran bʌ, ch'ʌlbil bʌ ti oro yic'ot c'ax uts'at bʌ alʌ xajlel, yic'ot perla tac;

Apocalipsis 21:10

Tsi' pʌyʌyon majlel ti Espíritu c'ʌlʌl ti jump'ejl chan bʌ wits. Tsi' pʌsbeyon jini ch'ujul bʌ Jerusalén woli bʌ i jubel tilel ti panchan ch'oyol bʌ ti Dios.

Apocalipsis 4:2

Ti ora tsa' bujt'i c pusic'al ti Espíritu. Awilan, tsaj q'uele jump'ejl buchlibʌl ac'bil bʌ ti panchan yic'ot jini ya' bʌ buchul ti' yumʌntel.