Apocalipsis 16:9 - Chol: I T’an Dios

⁹ Tsa' puliyob ti cabʌl ticwal. Tsi' p'ajbeyob i c'aba' Dios am bʌ i p'ʌtʌlel cha'an mi' yʌc' jini wocol. Ma'anic tsi' cʌyʌyob i mul cha'an mi' q'uelob ti ñuc Dios.

Jiñi Tsiji' bʌ Wen T'añ cha'añ Estudio

⁹ Tsa' puliyob ti ca'bʌl ticwal, tsi' p'ajbeyob i c'aba' Dios am bʌ i p'ʌtʌlel cha'añ mi' yʌc' jiñi wocol, ma'añic tsi' cʌyʌyob i mul cha'añ mi' q'uelob ti ñuc Dios.

Chol de Tumbalá Bible

⁹ Tsa' puliyob ti cabʌl ticwal. Tsi' p'ajbeyob i c'aba' Dios am bʌ i p'ʌtʌlel cha'an mi' yʌc' jini wocol. Ma'anic tsi' cʌyʌyob i mul cha'an mi' q'uelob ti ñuc Dios.

Jiñi Tsiji' bʌ Wen T'añ cha'añ Estudio

⁹ Tsa' puliyob ti ca'bʌl ticwal, tsi' p'ajbeyob i c'aba' Dios am bʌ i p'ʌtʌlel cha'añ mi' yʌc' jiñi wocol, ma'añic tsi' cʌyʌyob i mul cha'añ mi' q'uelob ti ñuc Dios.

Chol Tila

⁹ Ti wen puliyob quixtyañujob ti i ticwʌjlel q'uin. Pero mach'ʌ ba'an ti' q'uextyʌyob i pensal cha'an i cʌyob i mul. Che' jach ti' tyajayob Dios ti leco bʌ t'an como an ti' wenta Dios jini wocol tyac bʌ.

Apocalipsis 16:9 Iomraidhean Croise

2 Reyob 6:33

Che' woli to ti t'an Eliseo, tsa' c'oti jini winic. Ti wi'il pat tsa' tili jini rey. Mich' tsi' cha'le t'an jini rey. Tsi' yʌlʌ: Ch'oyol ti lac Yum pejtelel ili wocol. Lolom jach mic chʌn pijtan j coltʌntel ti' tojlel lac Yum, che'en.

2 Cronicas 28:22

Che' bʌ tsa' p'ojli i wocol jini rey Acaz, tsa' caji i ñumen cha'len mulil ti' contra lac Yum.

Isaias 1:5

Tsa'ix i tʌts'ʌyob i bʌ tic tojlel. ¿Chucoch la' wom mic chʌn bajbeñetla ti asiyal? ¿Mu ba caj la' chʌn chañ'esan la' bʌ? Cabʌl i c'amʌjel la' jol. Tsa'ix junyajlel c'uñ'ayetla.

Isaias 8:21

Jini c cha'año' bʌ mi caj i pʌjyelob majlel. Mi caj i yubiñob wocol yic'ot wi'ñal. Mi caj i yochelob ti to'ol jach bʌ e'tel. Che' wi'ñayobix mi' cajelob ti mich'. Mi caj i letsañob i wut ti chan cha'an mi' p'ajob jini Rey i Dios.

Jeremias 13:6

Ñumenix cabʌl q'uin lac Yum tsi' cha' subeyon: Cucu ti Eufrates. Cha' loc'san a cajchiñʌc' ya' ba' tsa' mucu che' bajche' tsac subeyet, che'en.

Jeremias 5:3

C Yum, ¿mach ba wolic a sʌclan juntiquil mu' bʌ i sub chuqui isujm? Tsa' cʌntesayob. Tsa' jats'ʌyob ja'el cha'an mi' melob chuqui isujm. Pero ma'anic mi' p'isob ti' wenta. Tsa' wʌq'ueyob i wocol, pero mi' ts'a'leñetob. Mi' yutsi tsʌts'esañob i pusic'al che' bajche' xajlel. Mi' to'ol melob chuqui yomob. Mach yomobic i cʌy i mul.

Ezequiel 24:13

Che' bʌ tsac ña'ta c sʌq'uesañet ma'anic tsa' jac'beyon. Ma'anic tsa' cʌyʌ a bibi'lel. Mach a womic a sʌq'uesʌntel. Jini cha'an ajñen ti a bibi'lel jinto ma' taj c mich'ajel. Bʌbʌq'uen mi caj a wubin.

Lucas 13:3

Mic subeñetla, ma'anic. Mi ma'anic mi la' cʌy la' mul che'ʌch mi caj la' jilel ja'el ti la' pejtelel.

Lucas 13:5

Mic subeñetla, ma'anic. Mi ma'anic mi la' cʌy la' mul che'ʌch mi caj la' jilel ja'el ti la' pejtelel, che'en Jesús.

2 Corintios 12:21

Cabʌl mic cha'len bʌq'uen ame mi' yʌc'on ti quisin Dios ti la' tojlel che' mic cha' tilel ba' añetla, ame mi cuct'an jini tsa' bʌ i cha'leyob mulil mi ma'anic tsi' cʌyʌyob i bibi'lel yic'ot i ts'i'lel yic'ot i colosojlel.

Josue 7:19

Che' jini Josué tsi' sube Acán: Calobil, suben i ñuclel lac Yum i Dios Israel. An a mul. Subeñon chuqui tsa' mele. Mach ma' muque'. Che' tsi' yʌlʌ Josué.

Apocalipsis 11:13

Ti jim bʌ ora tsa' tili colem yujquel. Tsa' t'oxle yilal tejclum ti lujumpejt. Jumpejt tsa' jili. Tsa' chʌmiyob ojlil i waxʌclujumbajc' (7,000) winicob cha'an jini yujquel. Jini cuxulob to bʌ tsa' wen cajiyob ti bʌq'uen. Tsi' subuyob ñuc Dios am bʌ ti panchan.

Apocalipsis 14:7

C'am tsi' cha'le t'an. Tsi' yʌlʌ: Bʌc'ñanla Dios. Subenla i ñuclel. Tsa'ix tili i yorajlel cha'an mi' cha'len meloñel. Ch'ujutesanla jini tsa' bʌ i mele panchan yic'ot pañimil, yic'ot colem ñajb, yic'ot i loq'uib ja' tac, che'en.

Apocalipsis 16:21

Tsa' yajli ti' pam winicob colem tuñija' loq'uem bʌ ti panchan. Ti jujump'ejl tuñija' an i yalel che' bajche' juncujch. Winicob tsi' p'ajayob Dios come wocol jax tsi' yubiyob cha'an tuñija'.

Apocalipsis 2:21

Tsac pijta cha'an mi' cʌy i mul, pero mach yomic i cʌy i ts'i'lel.

Apocalipsis 9:20

Yambʌ winicob mach bʌ anic tsa' chʌmiyob ti jini wocol ma'anic tsi' cʌyʌyob i mel jontol bʌ i melbal. Ma'anic tsi' cʌyʌyob i ch'ujutesan xibajob, yic'ot dios oro tac, yic'ot dios plata tac, yic'ot dios c'ʌnc'ʌn taq'uin tac, yic'ot dios xajlel tac, yic'ot dios te' tac, mach bʌ anic mi' c'otel i wut, mach bʌ anic mi' yubin t'an, mach bʌ yujilic xʌmbal.