Apocalipsis 16:5 - Chol: I T’an Dios

⁵ Tsa cubibe i t'an jini ángel am bʌ ti' wenta cabʌl ja' tac. Tsi' yʌlʌ: Tojet, c Yum, añet bʌ wʌle yic'ot ti wajali. Ch'ujulet come tsa'ix a cha'le meloñel ti' tojlelob.

Jiñi Tsiji' bʌ Wen T'añ cha'añ Estudio

⁵ Tsa' cu'bibe i t'añ jiñi ángel am bʌ ti' wenta ca'bʌl ja' tac, tsi' yʌlʌ: Tojet, c Yum, añet bʌ wʌle yic'ot ti wajali, ch'ujulet come tsa'ix a cha'le meloñel ti' tojlelob.

Chol de Tumbalá Bible

⁵ Tsa cubibe i t'an jini ángel am bʌ ti' wenta cabʌl ja' tac. Tsi' yʌlʌ: Tojet, c Yum, añet bʌ wʌle yic'ot ti wajali. Ch'ujulet come tsa'ix a cha'le meloñel ti' tojlelob.

Jiñi Tsiji' bʌ Wen T'añ cha'añ Estudio

⁵ Tsa' cu'bibe i t'añ jiñi ángel am bʌ ti' wenta ca'bʌl ja' tac, tsi' yʌlʌ: Tojet, c Yum, añet bʌ wʌle yic'ot ti wajali, Ch'ujulet come tsa'ix a cha'le meloñel ti' tojlelob.

Chol Tila

⁵ Che' jini ti cubi i t'an jini ajtroñel i cha'an Dios ch'oyol bʌ ti panchan am bʌ ti' wenta cabʌl ja' tyac. Ti yʌlʌ: Tyojetyʌch c Yum Dios cha'an bajche' ti a cha'le melojel cha'an tyac ili tsa' bʌ ujti. Ch'ujulet añet bʌ wale iliyi, añet bʌ ti ñoj oniyix.

Apocalipsis 16:5 Iomraidhean Croise

Genesis 18:25

¿Mu' ba caj a tsʌnsan jini tojo' bʌ yic'ot jontolo' bʌ? Che' jini junlajalob yilal jini tojo' bʌ yic'ot jontolo' bʌ. Pero mach che'ic ma' mel. Jini xMeloñel mu' bʌ i mel pejtel año' bʌ ti pañimil, ¿mach ba muq'uic i melob ti toj? Mu' cu. Che' tsi' yʌlʌ Abraham.

Salmos 129:4

Toj lac Yum. Tsa'ix i yʌc'ʌ ti bic'ti ts'ojquel i lazo jini jontolo' bʌ cha'an mij colel.

Salmos 145:17

Toj lac Yum ti pejtelel chuqui tac mi' mel. Tsiquil i yutslel ti pejtelel i melbal.

Lamentaciones 1:18

Sion woli' yʌl: Toj lac Yum ti pejtelel i melbal, pero an c mul cha'an tsac ñusʌbe i t'an. Ubin c t'an che' jini, pejtel winicob. Q'uele c wocol. Majlemobix ti to'ol e'tel jini calobilob, jini xch'ocob yic'ot ch'itoñob c'uxbibilo' bʌ c cha'an.

Daniel 9:14

Jini cha'an c Yum, tsa'ix a choco tilel jini ñuc bʌ wocol cha'an ma' ts'ʌctesan a t'an, come tojet c Yum Dios ti pejtelel a melbal. Ma'anic tsac ñich'ta lojon a t'an.

Juan 17:25

Toj bʌ c Tat, ma'anic tsi' cʌñʌyet año' bʌ ti pañimil. Joñon tsaj cʌñʌyet. Yujilob xñopt'añob ja'el tsa' chocoyon tilel.

Romanos 2:5

Tsʌtsatax a pusic'al. Ma'anic ma' cʌy a mul. Che' jini wola' wʌc' ti tempʌyel i mich'ajel Dios cha'an i q'uiñilel mich'ajel che' mi' caj ti tsictiyel bajche' mi' cha'len meloñel Dios ti toj.

Romanos 3:5

Lac jontolil ja'el mi' tsictesan toj bʌ i pusic'al Dios. ¿Chuqui mi la cʌl, che' jini? ¿Yom ba mi la cʌl mach tojic Dios che' mi' yʌc'onla ti tojmulil? Che'ʌch mi' lon alob winicob.

Apocalipsis 1:4

Juañon. Mic ts'ijbubeñetla ili jun wucmojt xñopt'añet bʌ la mu' bʌ la' tempan la' bʌ ya' ti Asia. La' i yʌq'ueñetla i yutslel yic'ot i ñʌch'tilel i pusic'al Dios jini am bʌ wʌle, jini am bʌ ti wajali, jini tal to bʌ, yic'ot jini wuctiquil espíritu año' bʌ ti' tojel i buchlib Dios,

Apocalipsis 1:8

Joñon tsac teche pejtelel chuqui tac an. Mi cʌq'uen i jilibal. Añon ti' tejchibal. Añon ti' jilibal, che'en lac Yum. Joñoñʌch jini am bʌ wʌle, jini am bʌ ti wajali, jini tal to bʌ, jini Mach bʌ Anic i P'isol i P'ʌtʌlel, che'en lac Yum.

Apocalipsis 11:17

Tsi' yʌlʌyob: Ma'anic i p'isol a p'ʌtʌlel. Wocolix a wʌlʌ c Yum Dios, am bʌ wʌle yic'ot ti wajali yic'ot ti talto bʌ ora, come tsa'ix a c'ʌñʌ ñuc bʌ a p'ʌtʌlel. Tsa'ix caji a yumʌntel.

Apocalipsis 16:4

I yuxticlel ángel tsi' beq'ue i bʌl taza ti colem ja' tac yic'ot i loq'uib tac ja'. Tsa' pʌntʌyi ti ch'ich'.

Apocalipsis 16:7

Che' jini tsa cubi t'an tsa' bʌ loq'ui ti' pulʌntib i majtan Dios. Tsi' yʌlʌ: Melel, c Yum Dios, Mach bʌ Anic i P'isol a P'ʌtʌlel. Ma' cha'len meloñel ti isujm yic'ot ti toj, che'en.

Apocalipsis 19:2

Come mi' cha'len meloñel ti isujm yic'ot ti toj. Come tsa'ix i mele jini ñuc bʌ xmoja tsa' bʌ i yoc'mesa pañimil ti' ts'i'lel. Dios tsi' q'uextʌbe i jontolil jini xmoja cha'an tsi' bec'be i ch'ich'el i winicob Dios, che'ob.

Apocalipsis 4:8

Ti jujuntiquil an wʌwʌq'uejl i wich'. An cabʌl i wut tac ti' joytʌlel i cuctal yic'ot ti' mal. Ti pejtelel q'uin yic'ot ti pejtelel ac'ʌlel ma'anic mi' cʌyob i yʌl: Ch'ujul, ch'ujul, ch'ujul lac Yum Dios jini Mach bʌ Anic i P'isol i P'ʌtʌlel, jini am bʌ ti wajali, jini am bʌ wʌle, jini tal to bʌ. Che' mi' yʌlob.

Apocalipsis 6:10

Tsi' cha'leyob c'am bʌ t'an. Tsi' yʌlʌyob: C Yum lojon am bʌ cabʌl a p'ʌtʌlel, ch'ujulet, isujmet, ¿jala to mi caj a cha'len meloñel? ¿Jala to mi caj a q'uextʌbeñob i jontolil jini chumulo' bʌ ti pañimil tsa' bʌ i bec'beyon lojon c ch'ich'el? che'ob.