Apocalipsis 16:15 - Chol: I T’an Dios

¹⁵ Awilan, talon che' bajche' xujch'. Tijicña jini woli bʌ i q'uel, woli bʌ i cʌntan i pislel ame pits'ilic mi' cha'len xʌmbal, ame quisintiquic mi' yubin che' pits'il, che'en.

Jiñi Tsiji' bʌ Wen T'añ cha'añ Estudio

¹⁵ “Awilan, talon che' bajche' xujch'. Tijicña jiñi yʌxʌl bʌ i yoj woli bʌ i cʌntan i pislel, ame pits'ilic mi' cha'len xʌmbal, ame quisintiquic mi' yu'bin che' pits'il”, che'en.

Chol de Tumbalá Bible

¹⁵ Awilan, talon che' bajche' xujch'. Tijicña jini woli bʌ i q'uel, woli bʌ i cʌntan i pislel ame pits'ilic mi' cha'len xʌmbal, ame quisintiquic mi' yubin che' pits'il, che'en.

Jiñi Tsiji' bʌ Wen T'añ cha'añ Estudio

¹⁵ “Awilan, talon che' bajche' xujch'. Tijicña jiñi yʌxʌl bʌ i yoj woli bʌ i cʌntan i pislel, ame pits'ilic mi' cha'len xʌmbal, ame quisintiquic mi' yu'bin che' pits'il.”

Chol Tila

¹⁵ Che' jini lac Yum Jesucristo ti yʌlʌ: Q'uele awilan, tyalon che' bajche' ajxujch' mach bʌ tsiquil ba' bʌ ora mi tyʌlel. C'ajacña i yoj jini p'ixil bʌ i wut, jini chʌncol bʌ i cʌñʌtyan i pislel yubil cha'an ma'ix mi' cha'len xʌmbal che' chacal cha'an ma'ix quisintic mi yubin che' mi q'uejlel ti quixtyañujob. Che' ti yʌlʌ.

Apocalipsis 16:15 Iomraidhean Croise

Exodo 32:25

Tsi' q'uele Moisés ma'anic tsa' mejli i tic'ob winicob jini Aarón, come ma'anic tsi' tiq'uiyob che' bʌ tsa' cajiyob i cha'leñob i ts'i'lel. Tsa' wajlentiyob cha'an i contrajob.

Isaias 47:3

Mi caj a q'uejlel che' pits'ilet. Mi caj a wubin quisin ti' tojlel jini mu' bʌ i tic'lañet. Mi caj j q'uextʌbeñet a mul. Ma'anic majch mi caj c p'untan.

Ezequiel 16:37

Jini cha'an wʌle muq'uix caj c tempan pejtelel jini winicob tsa' bʌ i poj tijicñesʌbeyet a pusic'al, pejtelel jini winicob tsa' bʌ a c'uxbiyob, yic'ot jini tsa' bʌ a ts'a'leyob. Ti pejtelel pañimil mi caj c pʌyob tilel ti a tojlel. Mi caj c jochbeñet a bujc cha'an mi' q'ueletob che' pits'ilet.

Oseas 2:3

Mi mach yomic i jac', mi caj c junyajlel jochben i pislel. Pits'il mi caj j cʌy che' bajche' tsi' yila pañimil. Mi caj c chilben i bʌl i ñʌc' yic'ot i ya'al che' bajche' ti tiquin lum ba' mi' chʌmelob ti wi'ñal yic'ot tiquin ti'.

Habacuc 2:15

Obol a bʌ mu' bʌ a wʌq'uen i jap lembal a pi'ʌl ti chumtʌl. Tʌwʌlet ja'el mu' bʌ a xic'ben lembal a pi'ʌl cha'an jach ma' wen q'uelben i bʌc'tal che' yʌquix.

Mateo 25:13

Chʌcʌ q'uele la' bʌ che' jini, come mach la' wujilic baqui bʌ q'uin baqui bʌ ora mi' tilel i Yalobil Winic.

Mateo 26:41

Yom yʌxʌl la' wo. Cha'lenla oración cha'an ma'anic mi la' jac' la' pʌyol ti mulil. Come ch'ejl la' pusic'al, pero c'uñatax la' bʌc'tal, che'en Jesús.

Marcos 14:38

Yom yʌxʌl la' wo. Cha'lenla oración cha'an ma'anic mi la' jac' la' pʌyol ti mulil. Come la' wom la' mel chuqui uts'at, pero c'uñatax la' bʌc'tal, che'en Jesús.

Lucas 21:36

Yom yʌxʌl la' wo che' jini. Chʌn cha'lenla oración ti pejtelel ora, cha'an mi la' q'uejlel ti uts'at, cha'an ma'anic mi' tajetla ili wocol mu' bʌ caj ti ujtel, cha'an uts'at mi la' wa'tʌl ti' tojel i Yalobil Winic, che'en Jesús.

Hechos 20:31

Yom yʌxʌl la' wo che' jini. Ña'tanla, uxp'ejl jab ma'anic tsaj cʌyʌ c xic'beñetla ti jujuntiquiletla ti q'uiñil yic'ot ti ac'ʌlel. Tsac cha'le uq'uel.

2 Corintios 5:3

Come ma'anic mi caj la cajñel che' bajche' espíritu mach bʌ anic i bʌc'tal.

1 Tesalonicenses 5:4

Jatetla, hermanojob, ma'añetixla ti ac'ʌlel. Jini cha'an, mach mejlic i tajetla i q'uiñilel lac Yum che' bajche' xujch'.

1 Tesalonicenses 5:6

Jini cha'an, mach yomic mi la' cha'len wʌyel che' bajche' yaño' bʌ. Yom ch'ejlonla. Yom c'ajal la co.

1 Pedro 4:7

Lʌc'ʌlix i jilibal pejtelel chuqui tac an. Jini cha'an yom mi la' wen ña'tan pañimil. Chʌcʌ q'uele la' bʌ, cha'lenla oración.

2 Pedro 3:10

Mi caj i tilel i q'uiñilel lac Yum che' bajche' xujch' ti ac'ʌlel. Ti c'am bʌ i t'an mi' caj ti jilel panchan. Mi' caj ti ulmʌl ti c'ajc pejtelel chuqui tac an. Mi' caj ti laj pulel pañimil yic'ot pejtelel melbil tac bʌ ti pañimil.

Apocalipsis 22:7

Awilan, talon ti ora, che'en Jesús. Tijicña jini mu' bʌ i jac' i cʌntesʌntel am bʌ ti ili jun.

Apocalipsis 3:11

Awilan, talon ti ora. Lotola ti la' pusic'al jini tsa' bʌ aq'uentiyetla ame anic majqui mi' chilbeñetla la' corona.

Apocalipsis 3:18

Mic subeñetla cha'an mi la' mʌn oro tic tojlel sʌq'uesʌbil bʌ ti c'ajc, cha'an wen chumul mi la' wajñel. Mʌñʌla wen sʌsʌc bʌ la' pislel cha'an mi la' lʌp, ame quisintiquic mi la' wubin che' pits'il mi la' q'uejlel. Boño la' wut yic'ot i ts'ʌcal cha'an mi' c'otel la' wut.