Apocalipsis 15:3 - Chol: I T’an Dios

³ Tsi' c'ʌyiyob i c'ay Moisés, i winic Dios, yic'ot i c'ay jini Tiñʌme'. Tsi' yʌlʌyob: Wen ñuc, wen uts'at pejtelel a melbal c Yum Dios, jatet Mach bʌ Anic i P'isol a P'ʌtʌlel. Toj a bijlel, isujm ja'el. Jatet i Reyet pejtel i cha'año' bʌ Dios.

Jiñi Tsiji' bʌ Wen T'añ cha'añ Estudio

³ Tsi' c'ʌyiyob i c'ay Moisés, i wiñic Dios, yic'ot i c'ay jiñi Tʌñʌme', tsi' yʌlʌyob: “Wen ñuc, wen uts'at pejtelel a melbal c Yum Dios, jatet Mach bʌ Añic i P'isol a P'ʌtʌlel. Toj a bijlel, isujm ja'el. Jatet i Reyet pejtelel i cha'año' bʌ Dios.

Chol de Tumbalá Bible

³ Tsi' c'ʌyiyob i c'ay Moisés, i winic Dios, yic'ot i c'ay jini Tiñʌme'. Tsi' yʌlʌyob: Wen ñuc, wen uts'at pejtelel a melbal c Yum Dios, jatet Mach bʌ Anic i P'isol a P'ʌtʌlel. Toj a bijlel, isujm ja'el. Jatet i Reyet pejtel i cha'año' bʌ Dios.

Jiñi Tsiji' bʌ Wen T'añ cha'añ Estudio

³ Tsi' c'ʌyiyob i c'ay Moisés, i wiñic Dios, yic'ot i c'ay jiñi Tʌñʌme', tsi' yʌlʌyob: “Wen ñuc, wen uts'at pejtelel a melbal c Yum Dios, jatet Mach bʌ Añic i P'isol a P'ʌtʌlel. Toj a bijlel, isujm ja'el. Jatet i Reyet pejtel i cha'año' bʌ Dios.

Chol Tila

³ Ili quixtyañujob ti' cha'leyob c'ay che' bajche' Moisés ti' cʌntisʌ quixtyañujob ti ñoj oniyix cha'an mi' c'ʌyben i ñuclel Dios cha'an ti loc'sʌntiyob ti wocol. Jini año' bʌ i cha'an jini arpa bʌ música ti' c'ʌybeyob i ñuclel Cristo, jini mu' bʌ i pejcʌntyel ti i Tiñʌme' Dios. Ti yʌlʌyob ti c'ay: Ñoj ñuc, ñoj c'otyajax pejtyelel a melbal, c Yum Dios, jatyet mach'ʌ ba'an i p'isol a p'ʌtyʌlel. Yoque tyoj, yoque melel pejtyelel bajche' ma' cha'len ti' tyojlel quixtyañujob. Jatyet i yumʌlet ti pejtyelel ba'ical bʌ quixtyañujob.

Apocalipsis 15:3 Iomraidhean Croise

Genesis 17:1

Che' lujump'ejlix yic'ot bolomp'ejl i jo'c'al (99) i jabilel Abram, lac Yum tsi' pʌsbe i bʌ Abram. Tsi' sube: Joñon P'ʌtʌl bʌ Dioson. Yom ma' wajñel tic tojlel. Ts'ʌcʌl yom i wenlel a pusic'al ti pejtelel ora. Ts'ʌcʌl yom i yuts'atlel a pusic'al.

1 Cronicas 6:49

Cojach Aarón yic'ot i p'olbalob tsa' ochiyob ti motomajob. An ti' wenta cha'an mi' tsʌnsañob alʌc'ʌl tac cha'an mi' pulbeñob i majtan tac Dios. Tsi' pulbeyob pom ja'el. An ti' wenta ja'el pejtelel jini e'tel am bʌ ti Ch'ujul bʌ Ajñibʌl, yic'ot pejtelel jini e'tel cha'an jini q'uin che' mi' ñusʌbentelob i mul israelob. Tsi' meleyob ti pejtelel che' bajche' tsi' yʌc'ʌ mandar Moisés i winic Dios.

2 Cronicas 24:6

Jini cha'an jini rey tsi' pʌyʌ tilel Joiada jini ñuc bʌ motomaj. Tsi' sube: ¿Chucoch ma'anic tsa' wersa xiq'uiyob jini levíjob? Subeñob cha'an mi' ch'ʌmob tilel i yofrenda jini chumulo' bʌ ti Judá yic'ot ti Jerusalén che' bajche' tsi' yʌc'ʌ mandar Moisés jini x'e'tel i cha'an lac Yum, cha'an mi lac cha' wen mel jini Templo. Che' tsi' yʌlʌ Joás.

Nehemias 9:14

Tsa' pʌsbeyob bajche' yom mi' c'uxbiñetob ti jini ch'ujul bʌ q'uin a cha'an che' mi' c'ajob i yo. Tsa' sube a winic Moisés pejtel a ley yic'ot a mandar yic'ot a cʌntesʌbal cha'an mi' cha' subeñob winicob x'ixicob.

Job 36:24

Yom ma' ñuq'uesan cha'an ñuc tac bʌ i melbal. Cʌñʌl i melbal ti pejtelel pañimil.

Job 5:9

Wen yujil i melol chuqui tac ñuc yic'ot chuqui tac uts'at. Ma'anix i p'isol i ñuclel, wen ñuc tac i ye'tel.

Salmos 100:5

Come uts'at lac Yum. Mi caj i yajñel i yutslel i pusic'al ti pejtelel ora. Mi caj i pʌsbenob i xuc'tilel i pusic'al la calobilob ti lajm ti lajm.

Salmos 105:5

Ña'tʌbenla i yejtal tac i p'ʌtʌlel tsa' bʌ i pʌsʌ, Jini bʌbʌq'uen tac bʌ i melbal che' bʌ tsi' yʌc'ʌ i t'an ti' contra egiptojob.

Salmos 111:2

Wen ñuc i melbal lac Yum ti' tojlel pejtel mu' bʌ i cʌñob Mu' bʌ i tajob i tijicñʌyel i pusic'al cha'an i ye'tel.

Salmos 111:7

Xuc'ul pejtel i melbal, toj ja'el. Isujm pejtel i cʌntesa.

Salmos 139:14

Mic sub a ñuclel come bʌc'ñʌbilet. Uts'atax tsa' meleyon. Uts'atax a melbal. Cʌñʌlʌch c cha'an iliyi.

Salmos 145:17

Toj lac Yum ti pejtelel chuqui tac mi' mel. Tsiquil i yutslel ti pejtelel i melbal.

Salmos 145:6

Ti pejtelel pañimil mi caj i subob cabʌl jax a p'ʌtʌlel, bʌbʌq'uen a melbal. Joñon ja'el mi caj c sub wen ñuquet.

Salmos 18:30

Ts'ʌcʌlʌch chuqui ma' mel. Isujmʌch i t'an lac Yum. I mʌctʌjibʌch pejtel mu' bʌ i yʌc'ob i bʌ ti' wenta.

Salmos 78:12

Uts'atax i yejtal i p'ʌtʌlel tsa' bʌ i pʌsbeyob lac tatob Ti jini lum Egipto ya' ti Zoán.

Salmos 92:5

C Yum, wen ñuc a melbal. Ya' lotol ti a pusic'al ma' ña'tan chuqui yom.

Salmos 99:4

Jini Ñuc bʌ Rey mi' c'uxbin toj bʌ meloñel. Tsa'ix i yʌc'ʌ ti melol chuqui tac toj. Tsa'ix i mele chuqui toj yic'ot chuqui isujm ti' tojlel Israel.

Isaias 33:22

Come lac Yum jiñʌch lac Juez, lac Rey, jiñʌch x'ac' mandar. I bajñel jach mi caj i coltañonla.

Isaias 45:21

Mi tsi' coltayetla dioste' subula. Teme la' t'an. Tsictesanla i sujmlel. ¿Majqui tsi' wʌn subu jini woli bʌ i yujtel? ¿Mach ba' anic tsac subu ti wajali? Ma'anic yambʌ Dios. Joñon jach Dioson. Tojon, Xcoltayajon. Ma'anic yambʌ. Joñon jach.

Daniel 6:20

Che' lʌc'ʌlix an ya' ti' ti' ch'en, wen ch'ijiyem i pusic'al tsi' yota Daniel: Daniel, i yaj e'telet bʌ jini Cuxul bʌ Dios, ¿tsa' ba mejli i coltañet a Dios cha'an xuc'ul wola' wajñel ti' tojlel? ¿Tsa' ba mejli i coltañet cha'an ma'anic mi' tsʌnsañet jini bajlum? che'en.

Daniel 9:11

Pejtelel israelob tsi' ñusayob a t'an. Ma'anic tsac jac'ʌ lojon a mandar. Ma'anic tsac ñich'ta lojon a t'an. Jini cha'an tsa' tili tic tojlel lojon a mich'ajel, yic'ot pejtel jini wocol ts'ijbubil bʌ ti' mandar Moisés jini a waj e'tel. Tsa' chocoyon lojon loq'uel ti a tojlel, come tsac cha'le lojon mulil ti a contra.

Oseas 14:9

Jini am bʌ i ña'tibal, la' i ch'ʌmben isujm iliyi. Jini p'ip' bʌ i pusic'al la' i ñich'tan. Come tojʌch pejtelel c bijlel. Jini tojo' bʌ mi' cha'leñob xʌmbal ya'i, pero jini xmulilob mi' yajlelob. Che' tsi' yʌlʌ lac Yum.

Miqueas 7:20

Mi caj a wʌq'ueñon lojon i yutslel a t'an che' bajche' tsa' sube Jacob ti wajali. Mi caj a c'uxbiñon lojon che' bajche' tsa' sube Abraham yic'ot yambʌ c ñojte'el lojon.

Sofonias 3:5

Pero ya'an lac Yum ti yojlil tejclum. Ma'anic mi' mel jontolil. Ti jujump'ejl sʌc'ajel toj mi' melonla. Mi' pʌsbeñonla chuqui toj. Mi' ts'ʌctesan i t'an. Pero jini xmulil mach yujilic quisin.

Zacarias 9:9

Tijicñesan la' pusic'al c tejclumob añet bʌ la ti Sion. C'am yom mi la' cha'len c'ay, añet bʌ la ti Jerusalén, come tal la' Rey, jini Toj bʌ mu' bʌ caj i mʌjlel i cha'an. Pec' mi' mel i bʌ, c'ʌchʌl ti burro, juncojt i yal burro maxto bʌ c'ʌchtʌbilic.

Juan 1:17

Come tsa' c'oti jini mandar ti' tojlel Moisés. Pero ti' caj Jesucristo tsa' tili i yutslel i pusic'al Dios yic'ot i sujmlel.

Deuteronomio 31:30

Moisés tsi' yʌlʌ ili c'ay ti' tojlel pejtelel israelob che' tempʌbilob:

Deuteronomio 32:3

Mi caj c sub i ñuclel lac Yum. Wen an i ñuclel ti chan.

Deuteronomio 34:5

Jini cha'an tsa' chʌmi Moisés, i winic lac Yum, ya' ti' lumal Moab che' bajche' tsi' yʌlʌ lac Yum.

1 Timoteo 1:17

La' q'uejlic ti ñuc jini Rey am bʌ ti pejtelel ora, mach bʌ yujilic chʌmel, mach bʌ tsiquilic ti lac wut. Jiñʌch cojach bʌ Dios am bʌ i ña'tʌbal. La' tsictiyic i ñuclel ti pejtelel ora. Amén.

Hebreos 3:5

Moisés xuc'ul tsi' melbe i ye'tel Dios ti' tojlel i cha'año' bʌ Dios. I winicʌch. Tsi' wʌn tsictesa jini tsa' bʌ tili ti wi'il.

Josue 22:5

Yom tsajaletla cha'an mi la' jac' ti ts'ʌcʌl jini t'an yic'ot jini mandar tsa' bʌ i subeyetla Moisés i winic lac Yum. Yom mi la' c'uxbin lac Yum Dios. Cha'lenla xʌmbal ti' bijlel. Yom mi la' jac'ben i mandar. Yom mi la' tsajcan majlel. Yom xuc'ul mi la' wajñel ti pejtelel la' pusic'al, che'en Josué.

Apocalipsis 1:8

Joñon tsac teche pejtelel chuqui tac an. Mi cʌq'uen i jilibal. Añon ti' tejchibal. Añon ti' jilibal, che'en lac Yum. Joñoñʌch jini am bʌ wʌle, jini am bʌ ti wajali, jini tal to bʌ, jini Mach bʌ Anic i P'isol i P'ʌtʌlel, che'en lac Yum.

Apocalipsis 11:17

Tsi' yʌlʌyob: Ma'anic i p'isol a p'ʌtʌlel. Wocolix a wʌlʌ c Yum Dios, am bʌ wʌle yic'ot ti wajali yic'ot ti talto bʌ ora, come tsa'ix a c'ʌñʌ ñuc bʌ a p'ʌtʌlel. Tsa'ix caji a yumʌntel.

Apocalipsis 14:3

Tsi' cha'leyob tsiji' bʌ c'ay ti' tojel i buchlib Dios yic'ot ti' tojel jini chʌntiquil querubín yic'ot ti' tojel jini ancianojob. Ma'anic majch tsa' mejli i cʌn jini c'ay, cojach jini waxʌclujumpic winicob x'ixicob tsa' bʌ mʌjñiyob loq'uel ti' tojlel año' bʌ ti pañimil.

Apocalipsis 14:8

Yambʌ ángel, i cha'ticlel bʌ, tsi' tsajca tilel. Tsi' yʌlʌ: Jejmenix, jejmenix Babilonia, jini colem tejclum, come tsi' yʌq'ueyob i jap vino pejtelel año' bʌ ti pañimil. Jini vino jiñʌch i yejtal i ts'i'lel Babilonia, che'en.

Apocalipsis 17:14

Mi caj i contrajiñob jini Tiñʌme' ti guerra. Jini Tiñʌme' mi caj i mʌl come i Yumʌch yumʌlob, i Reyʌch reyob. Pejtel mu' bʌ i yajñelob yic'ot jini Tiñʌme' jiñobʌch pʌybilo' bʌ, yajcʌbilo' bʌ, xuc'ulo' bʌ i pusic'al, che'en.

Apocalipsis 19:16

Ts'ijbubil i c'aba' ti' pislel yic'ot ti' ya': I REY REYOB, I YUM YUMɅLOB.

Apocalipsis 19:2

Come mi' cha'len meloñel ti isujm yic'ot ti toj. Come tsa'ix i mele jini ñuc bʌ xmoja tsa' bʌ i yoc'mesa pañimil ti' ts'i'lel. Dios tsi' q'uextʌbe i jontolil jini xmoja cha'an tsi' bec'be i ch'ich'el i winicob Dios, che'ob.

Apocalipsis 4:8

Ti jujuntiquil an wʌwʌq'uejl i wich'. An cabʌl i wut tac ti' joytʌlel i cuctal yic'ot ti' mal. Ti pejtelel q'uin yic'ot ti pejtelel ac'ʌlel ma'anic mi' cʌyob i yʌl: Ch'ujul, ch'ujul, ch'ujul lac Yum Dios jini Mach bʌ Anic i P'isol i P'ʌtʌlel, jini am bʌ ti wajali, jini am bʌ wʌle, jini tal to bʌ. Che' mi' yʌlob.