Apocalipsis 14:6 - Chol: I T’an Dios

⁶ Tsaj q'uele yambʌ ángel woli bʌ ti wejlel ti ojlil panchan, ch'ʌmʌl i cha'an jini wen t'an am bʌ ti pejtelel ora cha'an mi' subeñob jini chumulo' bʌ ti pañimil yic'ot jini año' bʌ ti pejtelel tejclum tac yic'ot pejtelel winicob x'ixicob yujilo' bʌ t'an ti chajp ti chajp.

Jiñi Tsiji' bʌ Wen T'añ cha'añ Estudio

⁶ Tsa' j q'uele yam bʌ ángel woli bʌ ti wejlel ti ojlil panchan, chucul i cha'añ jiñi wen t'añ am bʌ ti pejtelel ora cha'añ mi' su'beñob jiñi chumulo' bʌ ti pañimil yic'ot jiñi año' bʌ ti pejtelel tejclum tac yic'ot pejtelel wiñicob x'ixicob yujilo' bʌ t'añ ti' chajp ti' chajp.

Chol de Tumbalá Bible

⁶ Tsaj q'uele yambʌ ángel woli bʌ ti wejlel ti ojlil panchan, ch'ʌmʌl i cha'an jini wen t'an am bʌ ti pejtelel ora cha'an mi' subeñob jini chumulo' bʌ ti pañimil yic'ot jini año' bʌ ti pejtelel tejclum tac yic'ot pejtelel winicob x'ixicob yujilo' bʌ t'an ti chajp ti chajp.

Jiñi Tsiji' bʌ Wen T'añ cha'añ Estudio

⁶ Tsa' j q'uele yam bʌ ángel woli bʌ ti wejlel ti ojlil panchan, chucul i cha'añ jiñi wen t'añ am bʌ ti pejtelel ora cha'añ mi' su'beñob jiñi chumulo' bʌ ti pañimil yic'ot jiñi año' bʌ ti pejtelel tejclum tac yic'ot pejtelel wiñicob x'ixicob yujilo' bʌ t'añ ti' chajp ti' chajp.

Chol Tila

⁶ Che' jini ti quilʌ yambʌ ajtroñel i cha'an Dios ch'oyol bʌ ti panchan mu' ti wejlel ya' ti chan. Chajpʌbilix i sube' i t'an Dios cha'an laj cotyʌntyel cha'an mi yubiñob quixtyañujob año' bʌ ti mulawil loq'uemo' bʌ ti jujunchajp quixtyañu, ti jujunchajp t'an, ti jujump'ej pañimil tyac. Ma'ix i tyejchibal mi jilibalic jini t'an cha'an laj cotyʌntyel.

Apocalipsis 14:6 Iomraidhean Croise

Genesis 1:6

Dios tsi' yʌlʌ: La' tsictiyic panchan xinlʌpʌl ti ja'. La' ajnic tocal ti pam yic'ot ja' ti yebal jini panchan, che'en.

2 Samuel 23:5

Melelʌch, xuc'chocobilʌch cotot ti Dios, Come tsa'ix i mele pacto quic'ot ti pejtelel ora. Tsa'ix ña'tʌnti. Tsa'ix ochi i sellojlel. Jiñʌch mu' bʌ i coltañon. Jiñʌch mu' bʌ i yʌq'ueñon c wenlel.

Salmos 119:142

Tojet ti pejtelel ora, isujm a cʌntesʌbal.

Salmos 139:24

Q'uele mi an c sajtemal. Pʌyʌyon majlel ti' bijlel j cuxtʌlel mach bʌ anic mi' jilel.

Salmos 145:13

Mach jilic a yumʌntel. An ti pejtelel ora. An a yumʌntel ti wajali yic'ot ti pejtelel ora.

Isaias 40:8

Mi' tiquin pimel yic'ot i nich. Mi' yajlel. Pero i t'an lac Dios mi' yajñel ti pejtelel ora”, che'en.

Isaias 45:17

Pero Israel mi caj i taj i coltʌntel ti pejtelel ora ti' tojlel lac Yum. Ma'anix mi caj i chʌn cha'len quisin yic'ot bʌq'uen ti pejtelel ora.

Isaias 51:6

Letsan la' wut ti panchan. Q'uelela jini lum ja'el. Jini panchan mi caj i sʌc jilel che' bajche' buts'. Jini pañimil mi caj i tsuculiyel che' bajche' pisil. Jini ya' bʌ chumulob jomocñayob mi caj i chʌmelob. Pero jini coltʌbilo' bʌ c cha'an mi caj i yajñelob ti pejtelel ora. Mach jilic c yumʌntel ti pejtelel ora.

Isaias 51:8

Come mi caj i jilelob che' bajche' pisil mu' bʌ i c'ux ts'islum, che' bajche' i tsutsel tiñʌme mu' bʌ i c'ux motso'. Pero mux i yajñel ti pejtelel ora jini woli bʌ j coltan. Mij coltan winicob yic'ot i yalobilob ti lajm ti lajm. Che' tsi' yʌlʌ lac Yum.

Isaias 6:2

Ya' wa'alob serafiñob mu' bʌ i yajñelob yic'ot Dios ti panchan. Ti jujuntiquil añob wʌcp'ejl i wich'. Cha'p'ejl mi' c'ʌñob i mosob i wut, cha'p'ejl mi' c'ʌñob i mosob i yoc, cha'p'ejl mi' c'ʌñob ti wejlel.

Ezequiel 1:14

Jini cuxulo' bʌ tsi' cha'leyob ajñel. Tsa' ts'ʌjyi che' bajche' i xu'il chajc.

Daniel 4:1

Jiñʌch i t'an jini rey Nabucodonosor tsa' bʌ i subeyob pejtel winicob ti jujump'ejl lum ti pejtelel pañimil, yujilo' bʌ t'an ti chajp ti chajp: La' ñʌch'lec la' pusic'al.

Daniel 9:21

Jini ángel Gabriel tsa' bʌ j q'uele che' ti ñaxan, tsa' wejli tilel ti ora. Tsa' c'oti tic tojlel che' ti och'ajel q'uin che' i yorajlelix mi' pulbentel i majtan Dios.

Mateo 10:27

Jini mu' bʌ c mucul subeñetla subula ti jamʌl. Jini mu' bʌ la' mucul ubin pam subula ti pejtelel otot tac.

Marcos 16:15

Jesús tsi' subeyob: Cucula ti pejtelel pañimil. Subenla jini wen t'an pejtelel winicob x'ixicob.

Romanos 16:25

Dios mi mejlel i p'ʌtesañetla che' bajche' mi' yʌl jini wen t'an mu' bʌ c sub, mu' bʌ i yʌc' ti cʌjñel Jesucristo. Come tsi' tsictesa jini mucul tac bʌ mach bʌ tsiquilic ti yambʌ ora c'ʌlʌl ti' cajibal pañimil.

Colosenses 1:23

mi chʌn xuc'uletla ti isujm, mi p'ʌtʌletla ti jini mu' bʌ la' ñop. Mach mi la' cʌy la' pijtaya tsa' bʌ la' wubi ti jini t'an woli bʌ i sujbel ti pejtelel pañimil ti yebal panchan. Joñon, Pablo, aq'uebilon que'tel cha'an jini wen t'an.

2 Tesalonicenses 2:16

Jini lac Yum Jesucristo, yic'ot Dios lac Tat tsa' bʌ i c'uxbiyonla, jini tsa' bʌ i yʌq'ueyonla i ñuclel lac pusic'al mach bʌ anic mi' jilel yic'ot wen bʌ lac pijtaya ti' yutslel i pusic'al,

Hebreos 13:20

Diosʌch mu' bʌ i ñʌch'chocoñonla. Tsi' teche loq'uel lac Yum Jesucristo ba'an chʌmeño' bʌ. Jiñʌch ñuc bʌ Xcʌnta tiñʌme'. Tsi' beq'ue i ch'ich'el cha'an i sellojlel jini xuc'ul bʌ t'an mach bʌ anic mi' jilel.

1 Pedro 1:25

pero i t'an lac Yum mi' yajñel ti pejtelel ora”, che'en. Che'ʌch mi' yʌl jini wen t'an tsa' bʌ c subeyetla.

Apocalipsis 10:11

Tsi' subeyon: Wersa ma' cha' sub chuqui mi caj i tajob cabʌl winicob x'ixicob yic'ot i reyob cabʌl tejclum tac, yujilo' bʌ cabʌl t'an ti chajp ti chajp, che'en.

Apocalipsis 10:7

Che' mi' cha'len t'an i wucticlel ángel, che' mi' cajel i wus trompeta, mi' caj ti ts'ʌctiyel i sujmlel Dios maxto bʌ tsictiyemic ti yambʌ ora che' bajche' Dios tsi' sube i winicob, jini x'alt'añob, che'en.

Apocalipsis 13:7

Tsa' aq'uenti i cha'len guerra ti' contra i cha'año' bʌ Dios cha'an mi' mʌlob. Tsa' aq'uenti i ye'tel ti yumʌl ti' tojlel winicob x'ixicob año' bʌ ti pejtel tejclum tac yujilo' bʌ t'an ti chajp ti chajp.

Apocalipsis 3:10

Come xuc'ul woli la' jac'beñon c t'an anquese wersa mi la' cuch wocol. Jini cha'an mi caj cʌntañetla ame i tajetla wocol ti' yorajlel wocol mu' bʌ caj i tilel ti pejtelel pañimil cha'an mi yilʌbentelob i pusic'al jini chumulo' bʌ ti pañimil.

Apocalipsis 5:9

Tsi' c'ʌyiyob tsiji' bʌ c'ay: Wen uts'atet. Uts'at ma' ch'ʌm jini jun cha'an ma' tsilben i sellojlel tac, come tsa' tsʌnsʌntiyet, tsa' mʌñʌyon lojon ti a ch'ich'el cha'an mic ñop lojon Dios. Loq'uemon lojon ti jujunchajp winicob, yic'ot ti pejtelel t'an tac, yic'ot ti pejtelel tejclum tac.

Apocalipsis 8:13

Che' bʌ tsaj q'uele, tsa cubi juntiquil ángel woli bʌ ti wejlel ti ojlil panchan. Tsa cubibe i t'an che' c'am tsi' yʌlʌ: Obol i bʌ, obol i bʌ, ñumen cabʌl wocol mi caj i tajob jini chumulo' bʌ ti pañimil che' mi' yubiñob i t'an yambʌ uxp'ejl trompeta mu' bʌ caj i wusob jini yambʌ uxtiquil ángelob, che'en.