Apocalipsis 14:5 - Chol: I T’an Dios

⁵ Mach yujilobic lot, come ma'añobic i bibi'lel ti' tojel i buchlib Dios.

Jiñi Tsiji' bʌ Wen T'añ cha'añ Estudio

⁵ Ma'añic tsa' tajbentiyob i lot, come ma'añobic i bi'bi'lel [ti' tojel i buchlib Dios.]

Chol de Tumbalá Bible

⁵ Mach yujilobic lot, come ma'añobic i bibi'lel ti' tojel i buchlib Dios.

Jiñi Tsiji' bʌ Wen T'añ cha'añ Estudio

⁵ Ma'añic tsa' tajbentiyob i lot, come ma'añobic i bi'bi'lel [ti' tojel i buchlib Dios.]

Chol Tila

⁵ Mach'anix ti' cha'leyob lot. Mach'añobix i mul ti' tyojlel Dios.

Apocalipsis 14:5 Iomraidhean Croise

Salmos 32:2

Tijicña jini winic mach bʌ anix mi' tajtʌl i jontolil cha'an ñusʌbil ti Dios. Mach yujilic lot ili winic.

Salmos 34:13

Cʌntan a wac' ame ma' wʌl chuqui jontol. Cʌntan a wej ame ma' cha'len lot.

Salmos 55:11

Wen jontolob ya' ti' yojlil tejclum. Belel ora an tic'laya yic'ot lot ti choñoñibʌl.

Proverbios 8:8

Toj pejtel c t'an mu' bʌ c sub. Ma'anic i sajtemal. Mach sojquemic.

Cantares 4:7

Uts'atet c'uxbibilet bʌ c cha'an. Ma'anic mi ts'ita'ic a p'ajomal. Wen tijicñayon quic'otet.

Isaias 53:9

Ma'anic tsi' cha'le jontolil. Ma'anic tsi' cha'le lot. Che' bʌ tsa' chʌmi tsi' mucuyob che' bajche' xjontolil ti mucoñibʌl i cha'an wen chumul bʌ.

Daniel 6:4

Pero jini gobernadorob yic'ot jini xq'uel e'telob tsa' caji' comol ña'tañob bajche' mi mejlel i tajbeñob i mul Daniel ti' yumʌntel. Pero ma'anic tsa' mejli i tajbeñob i mul, come ma'anic i mul, xuc'ul i melbal. Uts'at ja'el tsi' cha'le yumʌntel ti' tojlel pejtel winicob.

Oseas 10:2

Cha'chajp jax i pusic'alob. Jini cha'an mi caj i tojob i mul. Lac Yum mi caj i laj jembeñob i pulʌntib tac yic'ot i diosob tsa' bʌ i meleyob.

Sofonias 3:13

Jini i colojbal israelob ma'anix mi caj i chʌn cha'leñob jontolil mi lot. Ma'anix mi caj i chʌn c'ʌñob i yac' ti lotiya. Mi caj i cʌntʌntelob che' bajche' tiñʌme'. Tijicñayob mi caj i c'ajob i yo. Ma'anix majqui mi caj i chʌn bʌc'tesañob. Che' tsi' yʌlʌ lac Yum.

Malaquias 2:6

Tsi' cha' subeyob winicob x'ixicob pejtel tsa' bʌ i yubi tic tojlel. Ma'anic tsi' cha'le lot mi xujch'. Tsi' cha'le xʌmbal quic'ot ti' ñʌch'tʌlel i pusic'al. Toj tsa' ajni ti pañimil. Cabʌl tsi' pʌyʌyob loq'uel ti mulil.

Mateo 12:34

Jatetla i yalobiletla xc'ʌñʌñej. ¿Bajche' mi mejlel la' cha'len t'an ti toj che' jontoletla? Come chuqui jach but'ul ti lac pusic'al mi' tsictiyel ti lac t'an mu' bʌ i loq'uel ti la quej.

Lucas 23:4

Pilato tsi' sube jini ñuc bʌ motomaj yic'ot jini winicob: Joñon mi cʌl ma'anic i mul jini winic, che'en.

Juan 1:47

Jesús tsi' q'uele Natanael che' wolix i tilel ba'an. Tsi' subu: Awilan, isujm jiñʌch juntiquil israel mach bʌ yujilic lot, che'en Jesús.

Efesios 5:27

Cristo mi caj i cʌntan i cha'año' bʌ cha'an i t'ojol jax mi' q'uejlelob ya' ti' tojlel che' ma'anic i pʌjq'uemal tac mi i sojwic'lel tac mi i mul mi yambʌ i bibi'lel, che' ch'ujulob.

Hebreos 9:14

Ñumen i c'ʌjñibal i ch'ich'el Cristo. Come mi' poc loq'uel ti lac pusic'al jini tsucul bʌ lac melbal cha'an mi lac melben i ye'tel jini cuxul bʌ Dios. Ti' p'ʌtʌlel jini Espíritu mach bʌ ajnic mi' jilel, Cristo tsi' yʌc'ʌ i bʌ che' bajche' ch'ujul bʌ i majtan Dios mach bʌ anic i mul.

1 Pedro 1:19

Pero mʌmbiletla ti' ch'ich'el Cristo, letsem bʌ i tojol, che' bajche' juncojt alʌ tat tiñʌme' mach bʌ anic i chʌmel mi i bibi'lel.

1 Pedro 2:22

Ma'anic tsi' cha'le mulil, ma'anic tsi' cha'le lot.

1 Pedro 3:10

Come ts'ijbubil: “Majqui yom ajñel ti' tijicñʌyel i pusic'al, cha'an uts'at mi' ñusan q'uin, la' i tic' i yac' ti jontolil, la' i tic' i yej ti lot.

Judas 1:24

An i p'ʌtʌlel lac Yum cha'an mi' cʌntañetla cha'an ma'anic mi la' yajlel. Tijicña mi caj i yʌq'uetla ti' tojlel i ñuclel, sʌq'uesʌbiletla ti mulil.