Apocalipsis 14:2 - Chol: I T’an Dios

² Tsa cubi t'an loq'uem bʌ ti panchan lajal bajche' i t'an cabʌl ja' yic'ot c'am bʌ i t'an chajc. Lajal jini t'an tsa' bʌ cubi che' bajche' i t'an arpa che' woli' nijcʌntel.

Jiñi Tsiji' bʌ Wen T'añ cha'añ Estudio

² Tsa' cu'bi t'añ loq'uem bʌ ti panchan lajal bajche' i t'añ ca'bʌl ja' yic'ot c'am bʌ i t'añ chajc. Lajal jiñi t'añ tsa' bʌ cu'bi che' bajche' i t'añ arpa che' woli' ñijcʌntel.

Chol de Tumbalá Bible

² Tsa cubi t'an loq'uem bʌ ti panchan lajal bajche' i t'an cabʌl ja' yic'ot c'am bʌ i t'an chajc. Lajal jini t'an tsa' bʌ cubi che' bajche' i t'an arpa che' woli' nijcʌntel.

Jiñi Tsiji' bʌ Wen T'añ cha'añ Estudio

² Tsa' cu'bi t'añ loq'uem bʌ ti panchan lajal bajche' i t'añ ca'bʌl ja' yic'ot c'am bʌ i t'añ chajc. Lajal jiñi t'añ tsa' bʌ cu'bi che' bajche' i t'añ arpa che' woli' ñijcʌntel.

Chol Tila

² Che' jini ti cubi ajt'an loq'uem bʌ ti panchan. Lajal bajche' i t'an cabʌl ja' tyac pujucña bʌ. Che' bajche' c'am bʌ i t'an chajc ti cubi. Jini tsa' bʌ cubi che' yubil ti cubi che' bajche' cabʌl música, arpa bʌ i c'aba'.

Apocalipsis 14:2 Iomraidhean Croise

2 Samuel 6:5

David yic'ot pejtelel israelob woliyob ti son ti' tojlel lac Yum cha'an mi' ch'ujutesañob yic'ot c'ay, yic'ot arpa, yic'ot salterio, yic'ot pandero, yic'ot flauta, yic'ot címbalo.

2 Cronicas 20:28

Che' bʌ tsa' c'otiyob ti Jerusalén, tsi' ch'ʌmʌyob tilel salterio yic'ot arpa yic'ot trompeta. Tsa' majliyob ti Templo.

Salmos 147:7

C'ʌyinla lac Yum. Aq'uenla wocolix i yʌlʌ. Ñijcanla arpa cha'an mi' yubin Dios.

Salmos 149:3

La' i c'ʌyibeñob i ñuclel i c'aba' ti son, Yic'ot pandero yic'ot arpa.

Salmos 33:2

Subula i ñuclel lac Yum ti arpa. C'ʌyinla lac Yum yic'ot música am bʌ lujunt'ujm i ch'ajñal.

Salmos 43:4

Che' jini mi caj c majlel ba'an i puluntib a majtan, c Dios. Jatet i tijicñʌyelet c pusic'al. Jatet c Dioset. Mi caj c sub a ñuclel ti música am bʌ i ch'ajñal.

Salmos 57:8

La' ch'ojyicon, la' c ñijcan jini amʌy yic'ot arpa. La' ch'ojyicon che' ti wen sʌc'ajel.

Salmos 92:3

La' sujbic ti música am bʌ lujunt'ujm i ch'ajñal, yic'ot ti salterio, yic'ot ti' t'an arpa.

Salmos 93:4

C Yum, ñumen ñuquet ti chan bajche' i t'an cabʌl ja'. Ñumen p'ʌtʌlet bajche' wʌlwʌlña bʌ ja' am bʌ ti colem ñajb.

Salmos 98:5

Ñijcanla música ti arpa che' mi la' c'ʌyiben salmo tac lac Yum.

Exodo 19:16

Che' ti sʌc'ajel ti' yuxp'ejlel q'uin tsa' caji ti tojmel tac chajc. An i xu'il tac chajc yic'ot i'ic' bʌ tocal ya' ti wits, yic'ot c'am bʌ i t'an trompeta. Tsiltsilñayob ti bʌq'uen pejtelel winicob x'ixicob ya' ti xchumtʌl.

Exodo 20:18

Pejtelel winicob x'ixicob tsi' q'ueleyob i xu'il chajc. Tomocña woli ti letsel i buts'il jini wits. Tsi' yubiyob i t'an chajc yic'ot i t'an trompeta. Tsiltsilñayob ti bʌq'uen che' bʌ tsi' q'ueleyob. Tsi' tʌts'ʌyob i bʌ. Ñajt tsa' wa'leyob.

Isaias 17:13

Anquese ju'ucñayob che' bajche' colem ñajb, Dios mi caj i tic'ob. Mi caj i puts'elob majlel che' bajche' ts'ubejn mu' bʌ i wejlan ic' ya' ti pam wits.

Ezequiel 43:2

Awilan i ñuclel i Dios Israel tsa' loq'ui tilel ti' pasibal q'uin. Lajalʌch i t'an che' bajche' ju'ucña bʌ cabʌl ja'. Sʌcleman jini pañimil cha'an i ñuclel.

Zacarias 9:14

Mi caj i ñaxan majlel lac Yum ti guerra ti' tojel i wut i winicob. Mi caj i loq'uel che' bajche' i te'el jalʌjb che' bajche' i xu'il chajc. Lac Yum Dios mi caj i wus trompeta. Mi' caj ti guerra ti' tojlel i contrajob che' bajche' sutujt ic' tilem bʌ ti sur.

1 Corintios 13:1

Muq'uic c cha'len t'an ti' t'an tac winicob yic'ot ti' t'an ángelob, mi ma'anic j c'uxbiya, tsintsiñayon bajche' tsucu taq'uin. Lajalon bajche' tsucu taq'uin mu' bʌ i cujtʌl.

Apocalipsis 1:10

Tsa' bujt'i c pusic'al ti' yEspíritu Dios ti jini q'uin che' mi lac ch'ujutesan lac Yum. Tsa cubi c'am bʌ t'an tic pat che' bajche' trompeta.

Apocalipsis 1:15

Lajal i yoc bajche' lemlaw bʌ c'ʌnc'ʌn taq'uin, sʌq'uesʌbil bʌ ti c'ajc. Che'ʌch i t'an bajche' ju'ucña bʌ ja'.

Apocalipsis 11:12

Jini cha'tiquil x'alt'añob tsi' yubiyob c'am bʌ t'an loq'uem bʌ ti panchan. Tsi' subeyob: Letsenla tilel ilayi, che'en. Tsa' letsiyob majlel ti panchan ti tocal. Jini i contrajob tsi' q'ueleyob.

Apocalipsis 11:15

I wucticlel ángel tsi' wusu i trompeta. Tsa' cajiyob ti c'am bʌ t'an ti panchan. Tsi' yʌlʌyob: I yumʌntel tac pañimil tsa'ix ochi ti' wenta lac Yum yic'ot ti' wenta Cristo. Mi caj i cha'len yumʌl ti pejtelel ora, che'ob.

Apocalipsis 15:2

Ya' tsaj q'uele ñajb melbil bʌ ti espejo yilal, xʌbʌl ti c'ajc. Ya' añob winicob tsa' bʌ i mʌlʌyob jontol bʌ bʌte'el yic'ot i yejtal, yic'ot i númerojlel i c'aba'. Wa'alobix ti' pam colem ñajb melbil bʌ ti espejo. An i cha'añob cabʌl arpa aq'uebilo' bʌ i cha'an Dios.

Apocalipsis 18:22

Ma'anix música ya'i. Ma'anix majqui mi' ñijcan arpa mi yambʌ música. Ma'anix majqui mi' wus amʌy mi trompeta. Ma'anix x'e'tel yujilo' bʌ i melol pʌchi, mi pisil, mi ts'ac mi yambʌ. Ma'anix mi caj i chʌn ubintel i t'an ña'atun.

Apocalipsis 5:8

Che' bʌ tsi' ch'ʌmʌ jini jun, jini chʌntiquil querubiñob yic'ot chʌntiquil i cha'c'al ancianojob tsi' pʌcchocoyob i bʌ ti' tojel jini Tiñʌme'. Ti jujuntiquil an i cha'an arpa yic'ot taza melbil bʌ ti oro but'ul bʌ ti pom. Jiñʌch i yejtal i yoración i cha'año' bʌ Dios.

Apocalipsis 6:1

Tsaj q'uele tsi' jamʌ jump'ejl sello jini Tiñʌme'. Tsa cubibe i t'an juntiquil querubín i pi'ʌl jini uxtiquil. Wen c'am tsi' cha'le t'an che' bajche' i t'an chajc. Tsi' yʌlʌ: La' q'uele, che'en.

Apocalipsis 8:7

Jini ñaxan bʌ ángel tsi' wusu i trompeta. Tsa' tili tuñija' yic'ot c'ajc xʌbʌl yic'ot ch'ich'. Tsa' chojqui jubel ti pañimil. Tsa' t'oxle yilal ti uxpejt. Tsa' puli jumpejt lum yic'ot te'el. Tsa' puli pejtelel yʌjyʌx pimel.