Apocalipsis 14:11 - Chol: I T’an Dios

¹¹ I buts'il i wocol jini winicob mi' letsel majlel ti pejtelel ora. Jini mu' bʌ i ch'ujutesañob jini jontol bʌ bʌte'el yic'ot i yejtal yic'ot jini mu' bʌ i ch'ʌmbeñob i c'aba' ma'anic mi' c'ajob i yo, mi ti q'uiñil mi ti ac'ʌlel, che'en.

Jiñi Tsiji' bʌ Wen T'añ cha'añ Estudio

¹¹ I buts'il i wocol jiñi wiñicob mi' letsel majlel ti pejtelel ora. Jiñi mu' bʌ i ch'ujutesañob jiñi jontol bʌ bʌte'el yic'ot i yejtal yic'ot jiñi mu' bʌ i ch'ʌmbeñob i c'aba' ma'añic mi' c'ajob i yoj, ti q'uiñil mi jiñic ti ac'ʌlel, che'en.

Chol de Tumbalá Bible

¹¹ I buts'il i wocol jini winicob mi' letsel majlel ti pejtelel ora. Jini mu' bʌ i ch'ujutesañob jini jontol bʌ bʌte'el yic'ot i yejtal yic'ot jini mu' bʌ i ch'ʌmbeñob i c'aba' ma'anic mi' c'ajob i yo, mi ti q'uiñil mi ti ac'ʌlel, che'en.

Jiñi Tsiji' bʌ Wen T'añ cha'añ Estudio

¹¹ I buts'il i wocol jiñi wiñicob mi' letsel majlel ti pejtelel ora. Jiñi mu' bʌ i ch'ujutesañob jiñi jontol bʌ bʌte'el yic'ot i yejtal yic'ot jiñi mu' bʌ i ch'ʌmbeñob i c'aba' ma'añic mi' c'ajob i yoj, ti q'uiñil mi jiñic ti ac'ʌlel.

Chol Tila

¹¹ Mi bej letsel i buts'il ya' bʌ loq'uem ba' chʌncol i xot'e' i mul. Ma'an ba' bʌ ora mi quejel i saj lajmel i xot'e' i mul c'ʌlʌ mi ñumel q'uin c'ʌlʌ mi ñumel ac'bʌlel jini mu' bʌ i ch'ujbin jini bʌbʌq'uen bʌ animal o i loc'om, mi jinic jini mu' bʌ i yʌc' i bʌ cha'an ts'ijbubentic i c'aba' jini bʌbʌq'uen bʌ animal ti' c'ʌb o mi ti' pam.

Apocalipsis 14:11 Iomraidhean Croise

Genesis 19:28

Tsi' ñajti q'uele Sodoma yic'ot Gomorra yic'ot pejtel jini lum am bʌ ti joctʌl. Awilan, i buts'il jini lum woli' letsel che' bajche' i buts'il tic'ʌjib.

Salmos 10:16

Lac Yum Reyʌch ti pejtelel ora. Jini mach bʌ i cha'añobic Dios mi caj i laj jilelob ti' lumal lac Yum.

Salmos 145:1

Mi caj c sub a ñuclel, Dios. C Reyet. Mi caj c ch'ujutesan a c'aba' ti pejtelel ora.

Exodo 15:18

Mi' caj ti yumʌntel lac Yum ti pejtelel ora. Che'ʌch tsi' c'ʌyiyob.

Isaias 33:14

Mi' toj sajtelob i pusic'al jini xmulilob ti Jerusalén. Tsiltsilñayob ti bʌq'uen jini tilel bixel bʌ i pusic'alob. Mi' yʌlob: “¿Majqui mi mejlel i cuch jini c'ajc yujil bʌ jisaya? ¿Majqui mi mejlel i ñusan jini c'ajc mach bʌ yujilic yajpel?” che'ob.

Isaias 34:10

Mach yajpic ti q'uiñil mi ti ac'ʌlel. Ti pejtelel ora jomocña mi caj i letsel i buts'il. Ma'anix majqui mi caj i chʌn ñumel ya'i.

Isaias 34:8

Jiñʌch i q'uiñilel lac Yum che' mi' q'uextan jontolil. I yorajlelix mi' tojob i mul ti Edom cha'an tsi' contrajiyob Sion.

Isaias 57:20

Pero jini mu' bʌ i contrajiñoñob lajalobʌch bajche' colem ñajb, mu' bʌ i wec'ulan i bʌ, mach bʌ ñʌch'ʌlic an. Mi' yʌc' ti tejchel i lumil yic'ot i bibi'al.

Daniel 3:6

Jini mach bʌ anic mi' ñoctʌl cha'an mi' ch'ujutesan jini wa'chocobil bʌ i yejtal winic, ti ora jach mi caj i chojquel ochel ti' yajñib c'ajc woli bʌ ti lejmel, che'en.

Joel 2:30

Mi caj c pʌs bʌbʌq'uen tac bʌ ti panchan yic'ot pañimil: ch'ich' yic'ot c'ajc yic'ot wa'al tac bʌ buts'.

Mateo 11:28

La' ba' añon pejteletla woliyet bʌ la ti wocol e'tel, al bʌ la' cuch. Joñon mi cʌq'ueñetla la' c'aj la' wo.

Mateo 25:41

Che' ja'el, mi caj i subeñob año' bʌ ti' ts'ej: “Cucula, chojquemet bʌ la ti Dios. Ochenla ti c'ajc mach bʌ anic mi' jilel, jini c'ajc chajpʌbil bʌ cha'an xiba yic'ot i yángelob.

Mateo 25:46

Jini cha'an mi caj i majlelob ti tojmulil mach bʌ anic mi' jilel. Jini tojo' bʌ i pusic'al mi caj i majlelob ba' ma'anic mi' jilel i cuxtʌlel, che'en Jesús.

Deuteronomio 28:65

Ma'anic mi caj a taj c'aj o baqui jach ma' majlel ti yan tac bʌ tejclum. Ma'anic mi caj a wubin a tijicñʌyel. Lac Yum mi caj i wen aq'ueñet bʌq'uen. Mi caj i toj sajtel a pusic'al. Wen ch'ijiyem jax a pusic'al mi caj a wubin.

Hebreos 1:8

Pero che' bʌ tsi' pejca i Yalobil tsi' yʌlʌ: “Buchulet Dios ti a yumʌntel, ti pejtelel ora. Ti a yumʌntel mi caj a mel chuqui toj.

Apocalipsis 11:15

I wucticlel ángel tsi' wusu i trompeta. Tsa' cajiyob ti c'am bʌ t'an ti panchan. Tsi' yʌlʌyob: I yumʌntel tac pañimil tsa'ix ochi ti' wenta lac Yum yic'ot ti' wenta Cristo. Mi caj i cha'len yumʌl ti pejtelel ora, che'ob.

Apocalipsis 13:12

Lajal i p'ʌtʌlel bajche' jini ñaxan bʌ jontol bʌ bʌte'el. Tsi' cha'le e'tel ti' tojlel jini ñaxan bʌ. Tsi' xic'beyob pejtelel pañimil yic'ot pejtelel año' bʌ ti pañimil cha'an mi' ch'ujutesañob jini ñaxan bʌ bʌte'el tsa' bʌ lajmi i lojwel.

Apocalipsis 13:15

Tsa' aq'uenti i p'ʌtʌlel cha'an mi' yʌq'uen i ch'ujlel i yejtal jini ñaxan bʌ bʌte'el cha'an mi' cha'len t'an yic'ot cha'an mi' yʌc' ti tsʌnsʌntel majqui jach mach yomic i ch'ujutesan.

Apocalipsis 13:17

Ma'anic majch tsa' mejli i cha'len choñoñel mʌñoñel che' ma'anic i marcajlel. I marcajlel jiñʌch i c'aba' jini jontol bʌ bʌte'el o mi i númerojlel i c'aba'.

Apocalipsis 14:9

Yambʌ ángel, i yuxticlel bʌ, tsi' tsajca tilel. Tsi' yʌlʌ ti c'am bʌ t'an: Mi an majqui mi' ch'ujutesan jini jontol bʌ bʌte'el yic'ot i yejtal, mi an majqui mi' ch'ʌmben i ts'ijbal ti' pam mi ti' c'ʌb,

Apocalipsis 18:18

Mi caj i cha'leñob oñel che' mi' q'uelbeñob i buts'il c'ajc ba' woli ti pulel. Mi caj i yʌlob: “¿Bacan yambʌ tejclum lajal bajche' jini colem tejclum?” che'ob.

Apocalipsis 18:9

Jini reyob ti pañimil tsa' bʌ i cha'leyob ts'i'lel yic'ot, tsa' bʌ wen chumleyob cha'an i chubʌ'an, mi' cajelob ti uq'uel. Mi caj i yuc'tañob che' mi' q'uelbeñob i buts'il che' mi' pulel.

Apocalipsis 19:3

Ti' cha'yajlel tsi' yʌlʌyob: ¡Aleluya! Mi' letsel i buts'il xmoja ti pejtelel ora, che'ob.

Apocalipsis 20:10

Jini xiba tsa' bʌ i lotiyob tsa' chojqui ochel ya' ti colem c'ajc woli bʌ ti pulel yic'ot azufre, ya' ba' añob jini jontol bʌ bʌte'el yic'ot jini lot bʌ x'alt'an. Mi caj i tic'lʌntelob ti q'uiñil yic'ot ti ac'ʌlel ti pejtelel ora.

Apocalipsis 22:5

Ma'anix ac'ʌlel ya'i. Ma'anix i c'ʌjñibal i c'ʌc'al lámpara mi i sʌclel q'uin. Come lac Yum Dios mi caj i yʌq'ueñob i sʌclel. Mi caj i yumʌntelob ti pejtelel ora.

Apocalipsis 7:12

Tsi' yʌlʌyob: Amén. La' lac suben i c'uxbintel yic'ot i ñuclel yic'ot i ña'tʌbal lac Dios. La' lac suben wocolix i yʌlʌ cha'an i ñuclel yic'ot i p'ʌtʌlel yic'ot i wersa ti pejtelel ora. Amén, che'ob.