Apocalipsis 14:10 - Chol: I T’an Dios

¹⁰ mi caj i yʌq'uentel i jap vino i yejtal bʌ i mich'ajel Dios. Mach xʌbʌlic yic'ot ja' i mich'ajel mu' bʌ caj i choc tilel. Mi caj i tic'lan ti c'ajc yic'ot azufre ti' tojel jini ch'ujul bʌ ángelob, yic'ot ti' tojel jini Tiñʌme'.

Jiñi Tsiji' bʌ Wen T'añ cha'añ Estudio

¹⁰ mi caj i yʌq'uentel i jap vino i yejtal bʌ i mich'ajel Dios, mach xʌbʌlic yic'ot ja' i mich'ajel mu' bʌ caj i choc tilel; mi caj i tic'lan ti c'ajc yic'ot azufre ti' tojel jiñi ch'ujul bʌ ángelob, yic'ot ti' tojel jiñi Tʌñʌme'.

Chol de Tumbalá Bible

¹⁰ mi caj i yʌq'uentel i jap vino i yejtal bʌ i mich'ajel Dios. Mach xʌbʌlic yic'ot ja' i mich'ajel mu' bʌ caj i choc tilel. Mi caj i tic'lan ti c'ajc yic'ot azufre ti' tojel jini ch'ujul bʌ ángelob, yic'ot ti' tojel jini Tiñʌme'.

Jiñi Tsiji' bʌ Wen T'añ cha'añ Estudio

¹⁰ mi caj i yʌq'uentel i jap vino i yejtal bʌ i mich'ajel Dios, mach xʌbʌlic yic'ot ja' i mich'ajel mu' bʌ caj i choc tilel; mi caj i tic'lan ti c'ajc yic'ot azufre ti' tojel jiñi ch'ujul bʌ ángelob, yic'ot ti' tojel jiñi Tʌñʌme'.

Chol Tila

¹⁰ mi quejel i yubin i mich'lel Dios. Mi quejel i yoque aq'uentyel i ñusan wocol ya' ti c'ajc mu' bʌ ti pulel yic'ot azufre. Chʌ'ʌch mi quejel i ñusan ya' ti' tyojlel jini ajtroñelob i cha'an Dios ch'oyol bʌ ti panchan yic'ot ya' ti' tyojlel jini mu' bʌ i pejcʌntyel ti i Tiñʌme' Dios.

Apocalipsis 14:10 Iomraidhean Croise

Genesis 19:24

Lac Yum tsi' choco jubel ti panchan xajlel woli bʌ ti lejmel yic'ot c'ajc. Tsa' yajli ti Sodoma yic'ot ti Gomorra che' bajche' ja'al.

Job 18:15

Ma'anic mi' wis cʌytʌl i chubʌ'an ti' yotot mi ts'ita'ic. Mi' pulel i yotot che' bajche' mujlʌbil ti azufre.

Job 21:20

La' i bajñel ubin jini wocol mu' bʌ i tilel i jisan. La' i yubin ti ts'ʌcʌl i mich'ajel Dios Mach bʌ Anic i P'isol i P'ʌtʌlel.

Salmos 11:6

Mi caj i chocbeñob tilel nich c'ajc i wenta ja'al ti' pam jontolo' bʌ, C'ajc yic'ot azufre yic'ot wen ticʌw bʌ ic' chajpʌbilix bʌ i cha'an.

Salmos 37:34

Ñopo lac Yum, jac'ben chuqui mi' yʌl. Mi caj i yʌq'ueñet a ñuclel. Mi caj a wʌq'uentel jini pañimil. Mi caj a q'uel che' mi' jisʌntelob jini jontolo' bʌ.

Salmos 52:6

Jini tojo' bʌ mi caj i q'uelob. Mi caj i bʌc'ñañob lac Yum. Mi caj i tse'tañob ili winic. Mi caj i yʌlob:

Salmos 60:3

Tsa' wʌc'ʌyob ti wocol jini winicob x'ixicob a cha'an. Tsʌts tsa' tic'layon lojon.

Salmos 73:10

Jini i cha'año' bʌ Dios mi' lon ñopbeñob i t'an. Mi' toj sajtelob i pusic'al. Mi' jac'beñob i t'an che' bajche' mi' japob ja' che' tiquin i ti'.

Salmos 75:8

Come an vaso ti' c'ʌb lac Yum, i yejtalʌch i mich'ajel. Woli' paj'an jini vino am bʌ ti vaso, wen xʌbil bʌ. Mi' jeb ti' tojlel jontolo' bʌ ti pañimil. Mi caj i japob yic'ot i xixil pejtelel jontolo' bʌ. I yejtalʌch i mich'ajel Dios.

Salmos 91:8

Ti a wut mi caj a q'uel i chobejtʌbal jini jontolo' bʌ.

Isaias 29:9

Ñopox lot mi a wom a soc a bʌ. Otsan a bʌ ti xpots' mi a wom ajñel ti ic'ch'ipan bʌ pañimil. Yʌquetla pero mach cha'anic vino. Tʌcʌlbexel mi la' majlel, pero mach cha'anic lembal.

Isaias 30:33

Anix ora chajpʌbil jini c'ajc ba' mi' cajelob ti pulel jini asiriajob. Chan lʌtsbil si'. Lac Yum mi caj i c'ʌn i yiq'uilel i yej cha'an mi' tsuc'.

Isaias 34:9

Mi' caj ti jisʌntel Edom che' bajche' mi' pulel i yetsel taj. Mi' caj ti sujtel ti azufre jini ts'ubejn.

Isaias 51:17

Ch'ojyen Jerusalén, caña a wut. Tsa'ix a wubi i mich'ajel lac Yum. P'ump'un tsa' cʌleyet che' bajche' xyʌc'ajel mach bʌ mejlix ti xʌmbal che' bʌ tsa'ix i lu' jisa lembal.

Jeremias 25:27

Mi caj a subeñob: “Japʌla jinto mi la' yʌc'an, jinto mi la' xejtan. Mi caj la' yajlel. Ma'anix mi caj la' chʌn ch'ojyel come mi caj la' jilel ti espada. Che' woli' yʌl i Yum Panchan yic'ot Pañimil, i Dios Israel”. Che' yom ma' subeñob.

Jeremias 49:12

Lac Yum woli' yʌl: Mi woli cʌq'ueñob wocol c cha'año' bʌ mu' bʌ i ñopoñob, ¿mach ba anic mi caj cʌq'ueñetla ja'el? Wersa mi caj la' wubin wocol.

Jeremias 51:57

Mi caj c xic'ob ti yʌc'ajel i yumob Babilonia yic'ot jini año' bʌ i ña'tʌbal yic'ot año' bʌ i ye'tel yic'ot soldadojob yic'ot i capitañob. Mi' cajelob ti wen wʌyel. Mach chʌn ch'ojyix. Che' woli' yʌl jini ñuc bʌ Rey, i Yum Panchan yic'ot Pañimil.

Lamentaciones 4:21

Tijicñayetla i yalobiletla Edom ya' ba' chumuletla ti' lumal Uz. Pero mi caj la' wʌq'uentel wocol ja'el. Mi caj i tajetla i mich'ajel Dios.

Ezequiel 20:48

Ti pejtelel pañimil mi caj i q'uelob joñon tsac choco tilel jini c'ajc. Ma'anic mi caj i yajpel”. Che' tsi' yʌlʌ lac Yum.

Ezequiel 38:22

Joñon mi caj j contrajiñetla yic'ot espada, yic'ot jontol tac bʌ c'amʌjel, yic'ot but'ja'lel, yic'ot tuñija' lajal bʌ bajche' alʌ xajlel, yic'ot c'ajc, yic'ot azufre.

Habacuc 2:16

Mi caj i sujtel a ñuclel ti quisin. Mi caj a pʌy tilel i mich'ajel Dios ti a tojlel. Mi caj a wubin wocol, mi caj a wubin quisin.

Mateo 20:22

Jesús tsi' sube: Mach la' wujilic chuqui woli la' c'ajtin. ¿Mejl ba mi la' ñusan jini jach bʌ wocol mu' bʌ c ñusan? che'en. Tsi' jac'beyob. Mu' cu mejlel, che'ob.

Mateo 25:41

Che' ja'el, mi caj i subeñob año' bʌ ti' ts'ej: “Cucula, chojquemet bʌ la ti Dios. Ochenla ti c'ajc mach bʌ anic mi' jilel, jini c'ajc chajpʌbil bʌ cha'an xiba yic'ot i yángelob.

Mateo 26:39

Tsa' to i ts'ita' xʌñʌ majlel. Tsi' pʌcchoco i bʌ. Tsi' cha'le oración. Tsi' yʌlʌ: C Tat mi che'ʌch yom, tʌts'beñon ili wocol. Pero mach a mel che' bajche' com. Mele che' bajche' yom a pusic'al, che'en Jesús.

Marcos 8:38

Majqui jach mi' cha'len quisin cha'añon yic'ot cha'an c t'an ti' tojlel winicob x'ixicob año' bʌ i ts'i'lel yic'ot i jontolil, i Yalobil Winic ja'el mi caj i cha'len quisin cha'an jini winic che' mi' tilel ti' ñuclel i Tat yic'ot jini ch'ujul bʌ ángelob. Che' tsi' yʌlʌ Jesús.

Marcos 9:44

ba' ma'anic mi' chʌmel i motso'lel, ba' ma'anic mi' yajpel jini c'ajc ti pejtelel ora.

Hechos 10:22

Tsi' subeyob: Jini Cornelio, i yaj capitán jo'c'al soldadojob, jini wen toj bʌ, mi' bʌc'ñan Dios. Cʌmbil i cha'an pejtelel israelob weñʌch i melbal. Juntiquil ch'ujul bʌ ángel tsi' sube Cornelio cha'an mi' pʌyet majlel ti' yotot cha'an mi' yubin chuqui ti t'an ma' sub, che'ob.

Deuteronomio 29:23

Mi caj i q'uelob azufre yic'ot ats'am ti la' lum. Ma'anix pʌc'ʌbʌl, come ma'anix chuqui mi caj i chʌn colel, mi pimel, mi te'ic mu' bʌ i yʌc' i wut. Lajal yilal jini lum che' bajche' Sodoma, yic'ot Gomorra, yic'ot Adma, yic'ot Zaboim, che' bʌ tsa' puli cha'an tsi' junyajlel jisa lac Yum ti' mich'ajel.

2 Tesalonicenses 1:7

Mi caj i yʌq'ueñetla la' c'aj la' wo quic'ot lojon che' mi' pʌstʌl lac Yum Jesús ti panchan yic'ot jini ángelob am bʌ i p'ʌtʌlel.

Judas 1:7

Che' ja'el Sodoma yic'ot Gomorra, yic'ot yambʌ tejclum tac ti' joytʌlel, tsi' tajayob i yixic, tsi' wʌlʌc pejcayob i bʌ. Pero tsi' tojoyob i mul ti c'ajc mach bʌ anic mi' jilel. Jini cha'an yom mi lac chʌcʌ q'uel lac bʌ, come che'ʌch mi caj i jilelob mu' bʌ i socob i bʌ.

Apocalipsis 15:7

Juntiquil querubín am bʌ i ye'tel yic'ot jini uxtiquil tsi' yʌq'ueyob jini wuctiquil ángelob wucp'ejl taza melbil bʌ ti oro. But'ul jini wucp'ejl taza ti' mich'ajel Dios, jini cuxul bʌ ti pejtelel ora.

Apocalipsis 16:19

Jini colem tejclum tsa' t'oxle ti uxpejt. Jini tejclum tac ti pejtelel pañimil tsa' jejmi. Dios tsi' c'ajtesʌbe i mul Babilonia. Tsi' yʌq'ue i jap jini vino am bʌ ti taza i yejtal bʌ i mich'ajel Dios.

Apocalipsis 18:3

Come pejtelel año' bʌ ti pañimil tsa'ix i japbeyob i vino, i yejtal bʌ i ts'i'lel yic'ot i bibi'lel. Jini reyob ti pañimil tsi' cha'leyob ts'i'lel yic'ot año' bʌ ti Babilonia. Tsa' ochiyob ti rico jini xchoñoñelob ti pañimil come cabʌl jax tsi' jisʌbeyob i taq'uin jini año' bʌ ti Babilonia, che'en.

Apocalipsis 18:6

Cha' aq'uenla che' bajche' tsi' yʌq'ueyetla. Tojola ti' cha'yajlel che' bajche' an i melbal. Ti jini jach bʌ taza tsa' bʌ i yʌq'ueyetla la' jap vino, aq'uenla junyajl i ñumel cha'an mi' jap.

Apocalipsis 19:15

Mi' loq'uel junts'ijt jay bʌ espada ti' yej. Mi caj i c'ʌn jini espada i low jini año' bʌ ti tejclum tac. Mi caj i c'ʌn vara melbil bʌ ti tsucu taq'uin che' mi' cha'len yumʌl. Mi caj i t'uchtan i yʌjts'ib ts'usub yilal ti tsʌts bʌ i mich'ajel Dios Mach bʌ Anic i P'isol i P'ʌtʌlel.

Apocalipsis 19:20

Tsa' chujqui jini jontol bʌ bʌte'el yic'ot jini x'alt'an yujil bʌ lot, tsa' bʌ i pʌsʌ i yejtal tac i p'ʌtʌlel ti' wut jontol bʌ bʌte'el cha'an mi' lotin winicob tsa' bʌ i ch'ʌmbeyob i marcajlel jini bʌte'el, che' bʌ tsi' ch'ujutesʌbeyob i yejtal. Ti' cha'ticlel che' cuxulob to tsa' chojquiyob ochel ti' yajñib colem c'ajc woli bʌ ti pulel yic'ot azufre.

Apocalipsis 20:10

Jini xiba tsa' bʌ i lotiyob tsa' chojqui ochel ya' ti colem c'ajc woli bʌ ti pulel yic'ot azufre, ya' ba' añob jini jontol bʌ bʌte'el yic'ot jini lot bʌ x'alt'an. Mi caj i tic'lʌntelob ti q'uiñil yic'ot ti ac'ʌlel ti pejtelel ora.

Apocalipsis 20:14

Jini i p'ʌtʌlel chʌmel yic'ot i yajñib chʌmeño' bʌ tsa' chojquiyob ochel ti' yajñib colem c'ajc. Jiñʌch i cha'yajlel mi' chʌmelob, che' mi' yochelob ti colem c'ajc.

Apocalipsis 21:8

Jini muc'o' bʌ ti bʌq'uen, yic'ot jini mach bʌ anic mi' ñopob, yic'ot jini bibi'o' bʌ, yic'ot stsʌnsajob, yic'ot mu' bʌ i cha'leñob ts'i'lel, yic'ot xwujtob, yic'ot xch'ujutesa dioste'ob, yic'ot pejtelel xlotob mi caj i tajob i yajñib ya' ti c'ajc woli bʌ ti pulel yic'ot azufre. Jiñʌch i cha'yajlel mi' chʌmelob, che'en.