Apocalipsis 14:1 - Chol: I T’an Dios

¹ Tsaj q'uele awilan ya'an jini Tiñʌme' ti' pam wits i c'aba' Sion yic'ot waxʌclujumpic (144,000) winicob x'ixicob. Ya' ti' pamob ts'ijbubil i c'aba' jini Tiñʌme' yic'ot i c'aba' i Tat.

Jiñi Tsiji' bʌ Wen T'añ cha'añ Estudio

¹ Ti wi'il tsa' j q'uele ya'añ jiñi Tʌñʌme' ti' pam wits i c'aba' Sión yic'ot waxʌclujumpic (144,000) wiñicob x'ixicob, ts'ijbubilob ti' pam i c'aba' jiñi Tʌñʌme' yic'ot i c'aba' i Tat.

Chol de Tumbalá Bible

¹ Tsaj q'uele awilan ya'an jini Tiñʌme' ti' pam wits i c'aba' Sion yic'ot waxʌclujumpic (144,000) winicob x'ixicob. Ya' ti' pamob ts'ijbubil i c'aba' jini Tiñʌme' yic'ot i c'aba' i Tat.

Jiñi Tsiji' bʌ Wen T'añ cha'añ Estudio

¹ Ti wi'il tsa' j q'uele ya'añ jiñi Tʌñʌme' ti' pam wits i c'aba' Sión yic'ot waxʌclujumpic (144,000) wiñicob x'ixicob, ts'ijbubilob ti' pam i c'aba' jiñi Tʌñʌme' yic'ot i c'aba' i Tat.

Chol Tila

¹ Joñon Juañon. Che' jini an yambʌ chʌ bʌ ti queji quilan che' bajche' tic ñajal. Ya' ti quilʌ jini mu' bʌ i pejcʌntyel ti i Tiñʌme' Dios wa'al ya' ti wits Sión bʌ i c'aba'. Jini mu' bʌ i pejcʌntyel ti i Tiñʌme' Dios jiñʌch lac Yum Jesucristo. Ya' ti quilʌ wa'al yic'ot ciento cuarenta y cuatro mil. Ts'ijbubilix i c'aba jini mu' bʌ i pejcʌntyel ti i Tiñʌme' Dios ti' pam jujuntiquil yic'ot i c'aba' i Tyat jini Tiñʌme' bʌ yubil.

Apocalipsis 14:1 Iomraidhean Croise

Salmos 2:6

Lac Yum mi caj i yʌl: Ya' ti Jerusalén, jini ch'ujul bʌ c tejclum, Tsa'ix c wa'choco c Rey, jini yajcʌbil bʌ c cha'an, che'en.

Isaias 49:14

Jini año' bʌ ti Sion woli' yʌlob: “Tsa'ix i cʌyʌyonla lac Yum. Tsa'ix ñajʌyiyonla i cha'an Dios”, che'ob.

Jeremias 1:11

Tsa' cha' tili i t'an lac Yum tic tojlel: ¿Chuqui wola' q'uel, Jeremías? che'en. Tsac jac'ʌ: Wolij q'uel te'. Woli' pasel juntejc te' i c'aba' almendra, cho'on.

Ezequiel 1:4

Che' bʌ tsaj can q'uele pañimil, tsa' bʌc' tili p'ʌtʌl bʌ ic' ti norte yic'ot colem tocal. Ya' ti' yojlil tocal woli' lejmel c'ajc chʌc xowan i c'ʌc'al ti' joytʌlel. Ya' ti' yojlil jini c'ajc an chuqui tsa' tsictiyi che' bajche' c'ʌnc'ʌn taq'uin.

Ezequiel 10:1

Ti wi'il tsaj q'uele ya' ti panchan ti' chañelal i jol jini querubiñob tsa' bʌc' tsictiyi che' bajche' jump'ejl zafiro bʌ xajlel, lajal bʌ bajche' i buchlib rey.

Ezequiel 10:9

Che' jini tsaj q'uele ya'an chʌnsejl jini tsucu taq'uin ti' t'ejl jini querubiñob, junsejl ti jujunwejlob. Yʌxxowan jini selel bʌ tsucu taq'uin.

Ezequiel 2:9

Tsaj q'uele sʌts'ʌl i c'ʌb tic tojlel, chucbil i cha'an bʌlʌl bʌ jun. Tsi' lich'choco. Tsaj q'uele laj bʌ ts'ijbubil ti cha'wejlel. Ya' ts'ijbubil chuqui tac ch'ijiyem, yic'ot wocol tac bʌ mu' bʌ i yʌc'onla ti uq'uel.

Ezequiel 44:4

Che' jini tsi' cha' pʌyʌyon majlel ya' ti' ti' jini Templo am bʌ ti norte. Tsaj can q'uele Templo. Tsa' bujt'i ti' ñuclel lac Yum. Joñon tsac pʌcchoco c bʌ ti lum.

Ezequiel 8:7

Tsi' pʌyʌyon majlel ba' mi' yochelob ti patio. Tsaj q'uele ya' tocol jini ts'ajc.

Ezequiel 9:4

Tsi' sube: Yom ma' ñumel ti' yojlil Jerusalén cha'an ma' wʌq'ueñob i marcajlel ya' ti' pam jini winicob mu' bʌ i cha'leñob uq'uel yic'ot tsic pusic'al cha'an i jontolil i pi'ʌlob, che'en.

Daniel 12:5

Joñon Danielon. Tsaj q'uele wa'alob cha'tiquil winicob juntiquil ti' ti' jini ñoja', yambʌ ya' ti junwejl.

Joel 2:32

Majqui jach mi' pejcañon tij c'aba' mi caj i coltʌntel. Lamital año' bʌ ti Jerusalén mi caj i coltʌntelob che' bajche' tsa cʌc'ʌ c t'an, come tsac yajcayob cha'an mij coltañob, che'en lac Yum.

Amos 8:2

Tsi' subeyon: Amós, ¿chuqui wola' q'uel? che'en. Tsac sube: Jump'ejl chiquib but'ul ti c'ʌnix bʌ i wut te', cho'on. Lac Yum tsi' subeyon: Jiñʌch i yejtal c tejclum Israel. I yorajlelix mi' jisʌntelob anquese c cha'añob. Ma'anix mi caj c cha' ñusʌbeñob i mul.

Miqueas 4:7

Mi caj c cha' p'ʌtesan jini ts'a'lebilo' bʌ. Mi caj i yochelob tic tejclum. Wen p'ʌtʌl mi' majlel. Joñon mi caj cochel ti rey ti' tojlelob. Mi caj c cha'len yumʌl ya' ti wits Sion. Mach jilic c yumʌntel ti pejtelel ora.

Zacarias 4:2

Tsi' c'ajtibeyon: ¿Chuqui woli a q'uel? che'en. Che' jini tsac jac'be: Wolij q'uel lámpara melbil bʌ ti oro. An wucp'ejl i yajñib tac ba' mi' yotsʌntel aceite olivo. An wucts'ijt i c'ʌb jini lámpara.

Lucas 12:8

Mic subeñetla: Majqui jach mi' sub i bʌ ti' tojlel winicob x'ixicob cha'an i cʌñʌyʌch i Yalobil Winic joñon ja'el mi caj c sub ya' ti' tojlel i yángel Dios j cʌñʌyʌch jini winic ja'el.

Romanos 9:33

Che' bajche' ts'ijbubil: “Awilan, mi cʌc' ti Sion jump'ejl Xajlel ba' mi' jats'ob i yoc winicob, jump'ejl Xajlel mu' bʌ i yʌc'ob ti yajlel. Jini mu' bʌ i ñop jini Xajlel ma'anic mi caj i yubin quisin”, che'en.

Apocalipsis 14:14

Awilan, tsaj q'uele tocal wen sʌsʌc bʌ. Ya' buchul ti tocal tsaj q'uele i Yalobil Winic. C'ʌcʌl ti' jol i corona melbil bʌ ti oro. Chucul ti' c'ʌb locol bʌ machit, jay bʌ i yej.

Apocalipsis 14:3

Tsi' cha'leyob tsiji' bʌ c'ay ti' tojel i buchlib Dios yic'ot ti' tojel jini chʌntiquil querubín yic'ot ti' tojel jini ancianojob. Ma'anic majch tsa' mejli i cʌn jini c'ay, cojach jini waxʌclujumpic winicob x'ixicob tsa' bʌ mʌjñiyob loq'uel ti' tojlel año' bʌ ti pañimil.

Apocalipsis 15:5

Ti wi'il tsaj q'uele, awilan, tsa' jajmi jini Templo, i yotlel Dios am bʌ ti panchan, ba' lotol i ts'ijbujel Dios.

Apocalipsis 22:4

Mi caj i q'uelbeñob i wut. Mi caj i ts'ijbubentelob i c'aba' Dios ti' pam.

Apocalipsis 3:12

Jini mu' bʌ i mʌjlel i cha'an mi caj cʌq'uen i yajñel bajche' oy ti' templo c Dios. Ma'anix mi caj i chʌn loq'uel ya'i. Mi caj c ts'ijbuben i c'aba' c Dios ti jini winic yic'ot tsiji' bʌ j c'aba' yic'ot i c'aba' i tejclum c Dios, jini tsiji' bʌ Jerusalén mu' bʌ i loq'uel tilel ti panchan ch'oyol bʌ tic Dios.

Apocalipsis 4:1

Ti wi'il tsaj q'uele: Awilan, jambil jump'ejl i ti' panchan. Jini ñaxan bʌ t'an tsa' bʌ cubi lajalʌch bajche' i t'an trompeta. Tsi' subeyon: La' ti letsel ilayi. Mi caj c pʌsbeñet chuqui tac wersa mi' caj ti ujtel, che'en.

Apocalipsis 6:8

Tsaj q'uele, awilan, an juncojt c'ʌnc'ʌn caballo. Jini c'ʌchʌl bʌ ti' pat, i c'aba' Stsʌnsa. Yambʌ c'ʌchlib tsi' tsajca majlel, i c'aba' i Yajñib Chʌmeño' Bʌ. Tsa' aq'uenti i p'ʌtʌlel cha'an mi' tsʌnsan bajc'ʌl winicob ti espada, yic'ot ti wi'ñal, yic'ot ti chʌmel, yic'ot ti jontol bʌ bʌte'el. Ti chʌnchʌntiquil tsa' chʌmi jujuntiquil.