Apocalipsis 13:2 - Chol: I T’an Dios

² Tsaj q'uele lajalʌch jini jontol bʌ bʌte'el bajche' c'ʌnbo'lay. Che' yilal i yoc bajche' i yoc oso. Lajal i yej bajche' i yej colem bajlum. Jini ajin tsi' yʌq'ue i p'ʌtʌlel yic'ot i buchlib yic'ot ñuc bʌ i ye'tel.

Jiñi Tsiji' bʌ Wen T'añ cha'añ Estudio

² Tsa' j q'uele lajalʌch jiñi jontol bʌ bʌte'el bajche' c'ʌnbo'lay, che' yilal i yoc bajche' i yoc oso. Lajal i yej bajche' i yej colem bajlum. Jiñi colem ajin tsi' yʌq'ue i p'ʌtʌlel yic'ot i buchlib yic'ot ñuc bʌ i ye'tel.

Chol de Tumbalá Bible

² Tsaj q'uele lajalʌch jini jontol bʌ bʌte'el bajche' c'ʌnbo'lay. Che' yilal i yoc bajche' i yoc oso. Lajal i yej bajche' i yej colem bajlum. Jini ajin tsi' yʌq'ue i p'ʌtʌlel yic'ot i buchlib yic'ot ñuc bʌ i ye'tel.

Jiñi Tsiji' bʌ Wen T'añ cha'añ Estudio

² Tsa' j q'uele lajalʌch jiñi jontol bʌ bʌte'el bajche' c'ʌnbo'lay, che' yilal i yoc bajche' i yoc oso. Lajal i yej bajche' i yej colem bajlum. Jiñi ajin tsi' yʌq'ue i p'ʌtʌlel yic'ot i buchlib yic'ot ñuc bʌ i ye'tel.

Chol Tila

² Jini animal tsa' bʌ quilʌ che' bajche' bajlʌm yilal. An i yoc che' bajche' i yoc oso. An i ti' che' bajche' i ti' chʌchʌc bʌ bajlʌm. Jini dragón bʌ animal ti yʌq'ue i p'ʌtyʌlel jini bʌbʌq'uen bʌ animal yic'ot ti yʌq'ue cha'an mi' cha'len yumʌl ti' q'uexol yic'ot ti yʌq'ue i wersajlel i t'an.

Apocalipsis 13:2 Iomraidhean Croise

2 Reyob 2:24

Eliseo tsi' sutq'ui i wut cha'an mi' q'uelob. Tsi' subeyob ti' c'aba' lac Yum mi caj i tajob wocol. Tsa' bʌc' loq'ui tilel ti mate'el cha'cojt ña' oso. Tsi' jisayob cha'tiquil i yuxc'al (42) ch'itoñob.

Salmos 22:21

Coltañon loq'uel ti' yej bajlum, Ti' xulub jontol bʌ tat wacax.

Proverbios 17:12

Mach yocʌ wocolic mi tsi' tajayonla bajlum chilbebil bʌ i yal, pero wen wocol mi tsi' tajayonla juntiquil tonto bʌ woli bʌ i mel bajche' yom i pusic'al.

Proverbios 28:15

Jini jontol bʌ yumʌl mi' bʌc'tesan p'ump'uño' bʌ che' bajche' mi' bʌc'tesañonla i t'an bajlum yic'ot wi'ñajax bʌ oso.

Isaias 5:29

Lajal muc'ob ti oñel bajche' bajlum che' yomix i chuc i we'el. Ma'anix majqui mi mejlel i chilben che' cats' c'uxulix i cha'an.

Jeremias 13:23

Jini etíope, ¿mejl ba i q'uextan i pʌchʌlel? Jini bajlum, ¿mejl ba i yʌp i ts'ijbal am bʌ ti' pʌchʌlel? Che'ʌch añetla ja'el. Ñʌmʌletla ti jontolil. Mach muq'uic la' mel chuqui uts'at.

Jeremias 5:6

Jini cha'an tal bajlum am bʌ ti mate'el cha'an mi' tsʌnsañob. Tal jontol bʌ ts'i' i jisañob. Woli ti chijtaya lʌc'ʌl ti tejclum. Majqui jach mi' puts'el ti tejclum mi caj i bic'ti tsijlel cha'an ti' caj tsi' ñusʌbe i t'an Dios. Cabʌl jax tsi' cʌyʌyob lac Yum.

Oseas 11:10

Mi caj i ñopon. Joñon mi caj c cha'len oñel che' bajche' bajlum. Tsiltsilñayob ti bʌq'uen mi caj i tilelob calobilob loq'uemo' bʌ ti' bʌjlibal q'uin.

Amos 3:12

Lac Yum tsa' cha' caji' yʌl: Jini israelob chumulo' bʌ ti Samaria wocol mi caj i loq'uelob ya'i. Che' bajche' xcʌnta tiñʌme' mi' loc'sʌben ti' yej bajlum cha'ts'ijt i bʌquel tiñʌme' yic'ot i ñi'il jach i chiquin, che' ja'el mi caj i coltʌntelob israelob. Jini jach i xujt'il i chubʌ'an mi caj i cʌybentelob.

Amos 5:19

Che'ʌch yilal i Q'uiñilel lac Yum bajche' oso mu' bʌ i chuc winic che' woli' puts'tan bajlum. Lajalʌch bajche' lucum mu' bʌ i c'uxe' che' mi' yochel ti' yotot, che' mi' ñʌcchocon i c'ʌb ti bojte'.

Habacuc 1:8

Ñumen ajñel mi' cha'len xʌmbal i caballo che' bajche' bajlum. Ñumen jontol che' bajche' jini mate'el ts'i' am bʌ i wi'ñal. C'ʌchʌl woli' tilelob jini ch'oyolo' bʌ ti ñajtʌl. Mi' chañ'esañob i bʌ. Ora jach mi' tilelob che' bajche' xiye' mu' bʌ caj i c'ux i colojm.

2 Timoteo 4:17

Pero lac Yum tsa' wa'le tic t'ejl. Tsi' yʌq'ueyon c p'ʌtʌlel cha'an ts'ʌcʌl mic sub jini wen t'an, cha'an mi' yubiñob pejtelel gentilob. Tsi' coltayon loq'uel ti' yej colem bajlum yilal.

1 Pedro 5:8

Ña'tanla pañimil. Chʌcʌ q'uele la' bʌ, come jini xiba, jini la' contra, woli ti pam ñumel che' bajche' colem bajlum woli bʌ ti jujuj t'an. Woli' chijtan i colojm cha'an mi' c'ux.

Apocalipsis 12:13

Jini ajin che' bʌ tsi' q'uele chocbilix jubel ti lum, tsa' caji i yajñesan majlel jini x'ixic tsa' bʌ i yʌc'ʌ ti pañimil ch'iton bʌ i yalobil.

Apocalipsis 12:15

Jini lucum tsi' beq'ue loq'uel ja' ti' yej che' bajche' colem ja'. Tsi' chocbe majlel ti' pat jini x'ixic cha'an mi' jisan ti but'ja'.

Apocalipsis 12:9

Tsa' chojqui jubel jini colem ajin. Jiñʌch jini oñiyix bʌ lucum, am bʌ cha'chajp i c'aba', xiba yic'ot Satanás. Jiñʌch mu' bʌ i lotin pejtel winicob ti pañimil. Tsa' chojqui jubel ti lum yic'ot pejtelel i yángelob.

Apocalipsis 13:12

Lajal i p'ʌtʌlel bajche' jini ñaxan bʌ jontol bʌ bʌte'el. Tsi' cha'le e'tel ti' tojlel jini ñaxan bʌ. Tsi' xic'beyob pejtelel pañimil yic'ot pejtelel año' bʌ ti pañimil cha'an mi' ch'ujutesañob jini ñaxan bʌ bʌte'el tsa' bʌ lajmi i lojwel.

Apocalipsis 13:4

Tsi' ch'ujutesayob jini ajin, come jini ajin tsi' yʌq'ue i ye'tel jontol bʌ bʌte'el. Tsi' ch'ujutesayob jini jontol bʌ bʌte'el ja'el. Tsi' yʌlʌyob: ¿Bacan yambʌ lajal bajche' jini jontol bʌ bʌte'el? ¿Majqui mi mejlel i cha'len guerra ti' contra? che'ob.

Apocalipsis 16:10

I jo'ticlel ángel tsi' beq'ue i bʌl taza ti' buchlib jontol bʌ bʌte'el. Tsa' ic'a i lumal i yumʌntel. Winicob x'ixicob tsi' c'uxuyob i yac' cha'an i c'uxel i wocol.

Apocalipsis 17:12

Jini lujunts'ijt xulub tsa' bʌ a q'uele jiñʌch lujuntiquil reyob maxto bʌ anic tsa' aq'uentiyob i yumʌntel. Pero mi caj i tem aq'uentelob i p'ʌtʌlel ti rey yic'ot jini jontol bʌ bʌte'el cha'an mi' cha'len yumʌl jump'ejl ora.

Apocalipsis 19:20

Tsa' chujqui jini jontol bʌ bʌte'el yic'ot jini x'alt'an yujil bʌ lot, tsa' bʌ i pʌsʌ i yejtal tac i p'ʌtʌlel ti' wut jontol bʌ bʌte'el cha'an mi' lotin winicob tsa' bʌ i ch'ʌmbeyob i marcajlel jini bʌte'el, che' bʌ tsi' ch'ujutesʌbeyob i yejtal. Ti' cha'ticlel che' cuxulob to tsa' chojquiyob ochel ti' yajñib colem c'ajc woli bʌ ti pulel yic'ot azufre.

Apocalipsis 2:13

Cʌmbil c cha'an la' melbal ya' ba' chumuletla ba' woli' cha'len yumʌl Satanás. Pero woli la' chʌn ña'tan j c'aba'. Ma'anic tsa' la' cʌyʌ la' ñopon. Xuc'uletla ja'el che' bʌ tsa' tsʌnsʌnti Antipas, xuc'ul bʌ testigo c cha'an tsa' bʌ i yʌc'ʌyon ti cʌjñel ya' ba' añetla ba' chumul Satanás.

Apocalipsis 20:2

Tsi' chucu jini ajin, jini oñiyi bʌ lucum, jini xiba, Satanás. Tsi' cʌchʌ cʌytʌl lujunc'al i yuxbajc' (1,000) jab.