Apocalipsis 13:15 - Chol: I T’an Dios

¹⁵ Tsa' aq'uenti i p'ʌtʌlel cha'an mi' yʌq'uen i ch'ujlel i yejtal jini ñaxan bʌ bʌte'el cha'an mi' cha'len t'an yic'ot cha'an mi' yʌc' ti tsʌnsʌntel majqui jach mach yomic i ch'ujutesan.

Jiñi Tsiji' bʌ Wen T'añ cha'añ Estudio

¹⁵ Tsa' aq'uenti i p'ʌtʌlel cha'añ mi' yʌq'ueñ i ch'ujlel i yejtal jiñi ñaxan bʌ bʌte'el cha'añ mi' cha'len t'añ yic'ot cha'añ mi' yʌc' ti tsʌnsʌntel majqui jach mach yomic i ch'ujutesan.

Chol de Tumbalá Bible

¹⁵ Tsa' aq'uenti i p'ʌtʌlel cha'an mi' yʌq'uen i ch'ujlel i yejtal jini ñaxan bʌ bʌte'el cha'an mi' cha'len t'an yic'ot cha'an mi' yʌc' ti tsʌnsʌntel majqui jach mach yomic i ch'ujutesan.

Jiñi Tsiji' bʌ Wen T'añ cha'añ Estudio

¹⁵ Tsa' aq'uenti i p'ʌtʌlel cha'añ mi' yʌq'ueñ i ch'ujlel i yejtal jiñi ñaxan bʌ bʌte'el cha'añ mi' cha'len t'añ yic'ot cha'añ mi' yʌc' ti tsʌnsʌntel majqui jach mach yomic i ch'ujutesan.

Chol Tila

¹⁵ Ti aq'uenti i p'ʌtyʌlel jini cha'cojtlel bʌ bʌbʌq'uen bʌ animal cha'an mi yʌq'uen i cuxtyʌlel jini melel bʌ loc'om jinic tyo mi yʌq'uen i cha'len t'an jini loc'om. Ti aq'uenti i p'ʌtyʌlel je'el cha'an mi yʌc' ti tsʌnsʌntyel pejtyelelob mach'ʌ ba'an mi' ch'ujutisan jini melel bʌ i loc'om.

Apocalipsis 13:15 Iomraidhean Croise

Genesis 2:7

Lac Yum Dios tsi' mele winic ti ts'ubejn. Tsi' wujtʌbe i ni'. Tsi' yʌq'ue i jap ic' cha'an cuxul mi' yajñel. Tsa' aq'uenti winic cuxul bʌ i ch'ujlel.

Salmos 115:5

An i yej, pero mach yujilic t'an. Canal i wut, pero ma'anic chuqui mi' q'uel.

Jeremias 10:14

Tontojob pejtel winicob. Ma'añobic i ña'tʌbal. Jini yujil bʌ e'tel ti oro mi caj i yubin quisin cha'an tsi' mele tac dios, come lot jach i dios. Ma'anic i cuxtʌlel.

Jeremias 10:5

I melbalob jach winicob jini diosob. Leco yilal che' bajche' jini chajpʌbil bʌ i cha'an winicob ti pʌc'ʌbʌl mu' bʌ i bʌc'tesan majlel te'lemut. Mach yujilobic t'an. Wersa mi' q'uejchelob majlel come mach yujilobic xʌmbal. Mach a bʌc'ñañob come ma'anic i p'ʌtʌlel. Mach mejlic i melbeñet chuqui jontol mi chuqui uts'at.

Jeremias 51:17

Che' jini mi' tsictesan i tontojlel winicob mu' bʌ i ñopob dioste'. Jini xmel dios mi' cajel ti quisin, anquese melbil ti oro i dios come lot jach. Ma'anic i ch'ujlel.

Daniel 7:20

Tsaj c'ajtibe ja'el i sujmlel jini lujunts'ijt xulub, yic'ot jini alʌ xulub tsa' bʌ pasi ti wi'il, tsa' bʌ i jisa uxts'ijt xulub. Jiñʌch xulub am bʌ i wut lajal bajche' winic. Tsi' c'ʌñʌ i yej cha'an mi' ñuq'uesan i bʌ. Ñumen ñuc tsi' q'uele i bʌ bajche' yan tac bʌ xulub.

Daniel 7:25

Mi caj i p'aj jini Dios am bʌ ti panchan. Mi caj i tic'lan i cha'ano' bʌ Dios. Mi caj i ñop i q'uextan i yorajlel q'uiñijel tac yic'ot pejtel jini ley. Ojlil i chʌmp'ejl jab mi cajel i cha'len yumʌl ti' tojlel i cha'año' bʌ Dios.

Habacuc 2:19

Obol i bʌ jini mu' bʌ i lon suben jini dios te' cha'an mi' coltan. Lolom jach mi' pejcan jini dios xajlel mach bʌ yujilic t'an. To'ol tep'bil jach ti oro yic'ot ti plata, pero ma'anic i cuxtʌlel, che'en lac Yum.

Santiago 2:26

Che' loq'uemix lac ch'ujlel ti lac bʌc'tal chʌmeñonixla. Che' ja'el mi to'ol t'an jach woli lac ñop Dios che' ma'anic wen bʌ lac melbal, chʌmeñonixla yubil come ma'anic mi lac ñop ti isujm.

Apocalipsis 13:1

Tsa' wa'leyon ti' ji'il colem ñajb. Tsaj q'uele jontol bʌ bʌte'el woli bʌ i loq'uel ti colem ñajb. An wucp'ejl i jol yic'ot lujunts'ijt i xulub yic'ot lujunxojt corona ti' xulub. Ya' ti' jol tac otsʌbil i c'aba' jini mu' bʌ i p'aj Dios.

Apocalipsis 13:12

Lajal i p'ʌtʌlel bajche' jini ñaxan bʌ jontol bʌ bʌte'el. Tsi' cha'le e'tel ti' tojlel jini ñaxan bʌ. Tsi' xic'beyob pejtelel pañimil yic'ot pejtelel año' bʌ ti pañimil cha'an mi' ch'ujutesañob jini ñaxan bʌ bʌte'el tsa' bʌ lajmi i lojwel.

Apocalipsis 13:14

Tsi' loti pejtel chumulo' bʌ ti pañimil yic'ot i yejtal i p'ʌtʌlel tsa' bʌ aq'uenti i pʌs ti' tojlel jini jontol bʌ bʌte'el. Tsi' yʌq'ueyob mandar jini chumulo' bʌ ti pañimil cha'an mi' melob i yejtal jini jontol bʌ bʌte'el tsa' bʌ lojwi ti espada, tsa' bʌ cha' coli.

Apocalipsis 14:11

I buts'il i wocol jini winicob mi' letsel majlel ti pejtelel ora. Jini mu' bʌ i ch'ujutesañob jini jontol bʌ bʌte'el yic'ot i yejtal yic'ot jini mu' bʌ i ch'ʌmbeñob i c'aba' ma'anic mi' c'ajob i yo, mi ti q'uiñil mi ti ac'ʌlel, che'en.

Apocalipsis 14:9

Yambʌ ángel, i yuxticlel bʌ, tsi' tsajca tilel. Tsi' yʌlʌ ti c'am bʌ t'an: Mi an majqui mi' ch'ujutesan jini jontol bʌ bʌte'el yic'ot i yejtal, mi an majqui mi' ch'ʌmben i ts'ijbal ti' pam mi ti' c'ʌb,

Apocalipsis 16:2

Tsa' tili jini ñaxan bʌ ángel. Tsi' beq'ue i bʌl taza ti pañimil. Tsa' p'ojli leco jax bʌ tsoy ti jini winicob am bʌ i cha'añob i ts'ijbal jini jontol bʌ bʌte'el, jini winicob tsa' bʌ i ch'ujutesʌbeyob i yejtal.

Apocalipsis 16:5

Tsa cubibe i t'an jini ángel am bʌ ti' wenta cabʌl ja' tac. Tsi' yʌlʌ: Tojet, c Yum, añet bʌ wʌle yic'ot ti wajali. Ch'ujulet come tsa'ix a cha'le meloñel ti' tojlelob.

Apocalipsis 17:14

Mi caj i contrajiñob jini Tiñʌme' ti guerra. Jini Tiñʌme' mi caj i mʌl come i Yumʌch yumʌlob, i Reyʌch reyob. Pejtel mu' bʌ i yajñelob yic'ot jini Tiñʌme' jiñobʌch pʌybilo' bʌ, yajcʌbilo' bʌ, xuc'ulo' bʌ i pusic'al, che'en.

Apocalipsis 17:17

Come Dios tsi' ñijcʌbeyob i pusic'al cha'an mi' melob chuqui yom Dios. Mi caj i temob i t'an cha'an mi' yʌq'ueñob jini jontol bʌ bʌte'el i yumʌntel jinto mi' ts'ʌctiyel i t'an Dios.

Apocalipsis 17:6

Tsaj q'uele yʌc jini x'ixic cha'an tsi' japʌ i ch'ich'el i cha'año' bʌ Dios yic'ot i ch'ich'el jini tsa' bʌ chʌmiyob cha'an Jesús. Che' bʌ tsaj q'uele tsa' toj sajti c pusic'al.

Apocalipsis 18:20

La' ñuc'ac la' pusic'al, añet bʌ la ti panchan, yic'ot i cha'año' bʌ Dios, yic'ot apóstolob, yic'ot x'alt'añob, come Dios tsi' mele Babilonia ti la' tojlel, che'en.

Apocalipsis 18:24

Ya' tsa' bejq'ui i ch'ich'el x'alt'añob yic'ot i ch'ich'el i cha'año' bʌ Dios, yic'ot pejtelel tsa' bʌ tsʌnsʌntiyob ti pañimil. Che' tsi' yʌlʌ ángel.

Apocalipsis 19:20

Tsa' chujqui jini jontol bʌ bʌte'el yic'ot jini x'alt'an yujil bʌ lot, tsa' bʌ i pʌsʌ i yejtal tac i p'ʌtʌlel ti' wut jontol bʌ bʌte'el cha'an mi' lotin winicob tsa' bʌ i ch'ʌmbeyob i marcajlel jini bʌte'el, che' bʌ tsi' ch'ujutesʌbeyob i yejtal. Ti' cha'ticlel che' cuxulob to tsa' chojquiyob ochel ti' yajñib colem c'ajc woli bʌ ti pulel yic'ot azufre.

Apocalipsis 20:4

Tsaj q'uele cabʌl buchlibʌl. Jini tsa' bʌ buchleyob ya'i, tsa' aq'uentiyob i ye'tel ti meloñel. Tsaj q'uele i ch'ujlel winicob x'ixicob tsa' bʌ set' t'ojbentiyob loq'uel i bic' cha'an i sujmlel Jesús yic'ot cha'an i t'an Dios. Ma'anic tsi' ch'ujutesayob jini jontol bʌ bʌte'el yic'ot i yejtal. Ma'anic tsi' ch'ʌmbeyob i ts'ijbal ti' pam mi ti' c'ʌb. Tsa' cha' cuxtiyiyob. Tsi' cha'leyob yumʌl yic'ot Cristo lujunc'al i yuxbajc' jab.