Apocalipsis 13:10 - Chol: I T’an Dios

¹⁰ Jini mu' bʌ caj ti cʌjchel cʌchʌl mi' majlel. Jini mu' bʌ i cha'len tsʌnsa ti espada wersa mi caj i tsʌnsʌntel ti espada. Che' jini mi' tsictiyel i p'ʌtʌlel i cha'año' bʌ Dios ti' cuchol wocol, yic'ot i xuc'tʌlel i pusic'al che' mi' ñopob Dios.

Jiñi Tsiji' bʌ Wen T'añ cha'añ Estudio

¹⁰ “Jiñi mu' bʌ i cajel ti cʌjchel cʌchʌl mi' majlel. Jiñi mu' bʌ i cha'len tsʌnsa ti espada mi caj i tsʌnsʌntel ti espada”. Che' jiñi mi' tsictiyel i p'ʌtʌlel i cha'año' bʌ Dios ti' cuchol wocol, yic'ot i xuc'tʌlel i pusic'al che' mi' ñopob Dios.

Chol de Tumbalá Bible

¹⁰ Jini mu' bʌ caj ti cʌjchel cʌchʌl mi' majlel. Jini mu' bʌ i cha'len tsʌnsa ti espada wersa mi caj i tsʌnsʌntel ti espada. Che' jini mi' tsictiyel i p'ʌtʌlel i cha'año' bʌ Dios ti' cuchol wocol, yic'ot i xuc'tʌlel i pusic'al che' mi' ñopob Dios.

Jiñi Tsiji' bʌ Wen T'añ cha'añ Estudio

¹⁰ “Jiñi mu' bʌ i cajel ti cʌjchel cʌchʌl mi' majlel. Jiñi mu' bʌ i cha'len tsʌnsa ti espada mi caj i tsʌnsʌntel ti espada.” Che' jiñi mi' tsictiyel i p'ʌtʌlel i cha'año' bʌ Dios ti' cuchol wocol, yic'ot i xuc'tʌlel i pusic'al che' mi' ñopob Dios.

Chol Tila

¹⁰ Jini mu' bʌ i chucob majlel ti cʌchol yambʌ mi quejel i cʌjchel je'el. Jini mu' bʌ i cha'len tsʌnsa ti machit, wersa mi quejel i tsʌnsʌntyel ti machit je'el. Pero i cha'año' bʌ Dios yom i cuche' ti wen i wocol. Yom i wen ch'ujbin Dios.

Apocalipsis 13:10 Iomraidhean Croise

Isaias 14:2

Jini winicob año' bʌ ti colem tejclum tac ti ñajtʌl mi caj i coltañob sujtel. Jini mu' bʌ i c'otelob ti tem chumtʌl yic'ot israelob mi caj i melbeñob i ye'tel. Jini winicob tsa' bʌ i tic'layob mi caj i yumañob. Jini tsa' bʌ i cʌchʌyob mi caj i cʌjchelob i cha'an.

Isaias 26:21

La' wilan, tal lac Yum ti panchan cha'an mi' yʌq'ueñob i toj i mul jini año' bʌ ti pañimil. Ma'anix mi mejlel i mucob i bʌ jini stsʌnsajob. Mux i tsictiyel i mul.

Isaias 33:1

Obol la' bʌ asiriajob mu' bʌ la' cha'len jisaya anquese ma'anic majch tsi' wis tic'layetla. Mi la' wʌc' la' pi'ʌlob ti' c'ʌbob i contra. Che' bʌ tsa'ix la' jisayob mi caj la' jisʌntel. Che' bʌ tsa'ix la' choñoyob mux caj la' chojñel.

Jeremias 15:2

Che' mi' yʌlob: “¿Baqui yom mic majlel lojon?” subeñob: “La' majlicob ti chʌmel jini mu' bʌ caj i chʌmelob. La' jejq'uicob ti espada jini mu' bʌ caj i jejq'uelob ti espada. La' chʌmicob ti wi'ñal jini mu' bʌ caj i yubiñob wi'ñal. La' majlicob ti yambʌ lum jini mu' bʌ caj i cʌjchelob majlel”. Che' yom ma' subeñob.

Jeremias 43:11

Tal i jisan jini año' bʌ ti Egipto. Mi caj i jilelob ti c'amʌjel. Cʌchʌl mi caj i majlelob yaño' bʌ ti ñajt bʌ lum. Yaño' bʌ mi caj i chʌmelob ti espada. Che'ʌch mi caj i jilelob che' bajche' tsac wʌn ña'ta, che'en lac Yum.

Lamentaciones 3:26

Yom mi lac ñop lac Yum. Yom mi lac chʌn pijtan ti' xuc'tilel lac pusic'al jinto mi' coltañonla.

Habacuc 2:3

Anquese jal to mi caj i yujtel pejtel iliyi, pero wersa mi caj i lu' ts'ʌctiyel che' ti' yorajlel. Mach cujilic lot. Mi woli' jal'an yubil, yom xuc'ul ma' chʌn pejcan, come melel mi caj i bʌc' tilel che' ti' yorajlel.

Mateo 26:52

Jesús tsi' sube: Cha' otsan a machit ti' yotot come jini mu' bʌ i chucob machit mi caj i jilelob ti machit.

Mateo 7:2

Come che' mi la' wʌl ti la' pusic'al mi an i mul la' pi'ʌlob, mi caj i yʌlob ti' pusic'al mi an la' mul. Che' bajche' mi la' p'isben winicob, che'ʌch mi caj la' wʌq'uentel ja'el.

Lucas 21:19

Che' xuc'ul la' pusic'al ti wocol ma'anic mi caj i sajtel la' ch'ujlel.

Colosenses 1:11

Mij c'ajtiben lojon jini p'ʌtʌl bʌ Dios am bʌ i ñuclel cha'an mi' p'ʌtesañetla yic'ot pejtelel i p'ʌtʌlel cha'an mi la' cuch pejtelel wocol ti' xuc'tʌlel la' pusic'al yic'ot cha'an mi la' cuchben i mul la' pi'ʌlob.

Hebreos 6:12

Mach comic lojon mi la' lij la' bʌ. Tsajcanla majlel jini woli bʌ i yʌq'uentelob pejtelel jini albil bʌ i cha'an Dios, come mi' chʌn cha'leñob pijt ti' xuc'tʌlel i pusic'al woli bʌ i ñopob.

Apocalipsis 1:9

Joñon, Juañon, a wermanojon mu' bʌ c tem ubin wocol quic'otetla cha'an Jesús. Temel añonla ti' yumʌntel. Temel woli laj cuch wocol che' mi lac pijtan Jesús. Añon ti lum joyol bʌ ti ja' i c'aba' Patmos cha'an i t'an Dios yic'ot i sujmlel Jesús.

Apocalipsis 11:18

Mich'ob jini año' bʌ ti pejtelel pañimil. Wolix a pʌs a mich'lel. I yorajlelix ma' mel jini chʌmeño' bʌ. I yorajlelix ma' wʌq'ueñob i chobejtʌbal a winicob yic'ot x'alt'añob a cha'an, yic'ot pejtel a cha'año' bʌ mu' bʌ i bʌc'ñañob a c'aba', jini ch'o'ch'oco' bʌ yic'ot jini ñuco' bʌ. I yorajlelix ma' jisan jini mu' bʌ i jisañob pañimil. Che' tsi' yʌlʌyob.

Apocalipsis 14:12

Jini cha'an la' i cuchob wocol ti' xuc'tʌlel i pusic'al i cha'año' bʌ Dios mu' bʌ i jac'beñob i mandar Dios yic'ot i cʌntesʌbal Jesús.

Apocalipsis 16:6

Come tsi' bec'beyob i ch'ich'el i cha'año' bʌ Dios yic'ot i ch'ich'el jini x'alt'añob. Wʌle tsa'ix a wʌq'ueyob i japob ch'ich'. Che'ʌch yom cha'an i mulob, che'en.

Apocalipsis 17:11

Jini jontol bʌ bʌte'el am bʌ ti wajali, mach bʌ anic wʌle, jiñʌch i waxʌcticlel. I pi'ʌlʌch jini wuctiquil. Mi' majlel ba' mi' jisʌntel.

Apocalipsis 17:8

Jini jontol bʌ bʌte'el tsa' bʌ a q'uele jiñʌch am bʌ ti wajali, pero mach tsiquilix wʌle. Mi caj i letsel loq'uel ti ch'en mach bʌ anix mi' tajben i yebal cha'an mi' majlel ba' mi' jisʌntel. Mi caj i toj sajtel i pusic'al jini chumulo' bʌ ti lum, mach bʌ otsʌbilic i c'aba' ti jun ba' ts'ijbubil i c'aba' tac jini año' bʌ i cuxtʌlel c'ʌlʌl ti' tejchibal pañimil. Mi caj i toj sajtelob i pusic'al che' mi' q'uelob jini jontol bʌ bʌte'el am bʌ ti wajali, mach bʌ tsiquilix wʌle, mu' bʌ caj i tilel.

Apocalipsis 2:19

Cʌmbil c cha'an la' melbal. Mi la' c'uxbiñon. Mi la' ñopon. Cʌmbil c cha'an la' we'tel yic'ot i p'ʌtʌlel la' pusic'al ti' cuchol wocol. Jini la' melbal tsa' bʌ la' mele ti wi'il ñumen cabʌl bajche' ti ñaxan.

Apocalipsis 2:2

Cʌmbil c cha'an la' melbal yic'ot wocol bʌ la' we'tel yic'ot i p'ʌtʌlel la' pusic'al ti' cuchol wocol. Cujil mach mejlic la' cuch jontol bʌ winicob. Tsa'ix la' wen q'uelbe i ye'tel jini mu' bʌ i lon cuyob i bʌ ti apóstolob. Tsa'ix la' ña'ta xlotiyajobʌch.

Apocalipsis 3:10

Come xuc'ul woli la' jac'beñon c t'an anquese wersa mi la' cuch wocol. Jini cha'an mi caj cʌntañetla ame i tajetla wocol ti' yorajlel wocol mu' bʌ caj i tilel ti pejtelel pañimil cha'an mi yilʌbentelob i pusic'al jini chumulo' bʌ ti pañimil.

Apocalipsis 3:3

Ña'tanla chuqui tsa' la' wubi yic'ot chuqui tsa' la' jac'ʌ. Xuc'ul yom mi la' ñop. Cʌyʌx la' mul. Mi ma'anic mi la' chʌcʌ q'uel la' bʌ, mi caj c tilel ba' añetla che' bajche' xujch'. Ma'anic mi caj la' ña'tan baqui ora mi caj c tilel ba' añetla.