Apocalipsis 13:1 - Chol: I T’an Dios

¹ Tsa' wa'leyon ti' ji'il colem ñajb. Tsaj q'uele jontol bʌ bʌte'el woli bʌ i loq'uel ti colem ñajb. An wucp'ejl i jol yic'ot lujunts'ijt i xulub yic'ot lujunxojt corona ti' xulub. Ya' ti' jol tac otsʌbil i c'aba' jini mu' bʌ i p'aj Dios.

Jiñi Tsiji' bʌ Wen T'añ cha'añ Estudio

¹ Tsa' wa'leyon ti' ji'il mar, tsa' j q'uele jontol bʌ bʌte'el woli bʌ i loq'uel ti mar, añ wucp'ejl i jol yic'ot lujunts'ijt i xulub yic'ot lujunxojt corona ti' xulub. Ya' ti' jol tac ts'ijbubil t'añ mu' bʌ i p'aj Dios.

Chol de Tumbalá Bible

¹ Tsa' wa'leyon ti' ji'il colem ñajb. Tsaj q'uele jontol bʌ bʌte'el woli bʌ i loq'uel ti colem ñajb. An wucp'ejl i jol yic'ot lujunts'ijt i xulub yic'ot lujunxojt corona ti' xulub. Ya' ti' jol tac otsʌbil i c'aba' jini mu' bʌ i p'aj Dios.

Jiñi Tsiji' bʌ Wen T'añ cha'añ Estudio

¹ Tsa' wa'leyon ti' ji'il mar, tsa' j q'uele jontol bʌ bʌte'el woli bʌ i loq'uel ti mar, añ wucp'ejl i jol yic'ot lujunts'ijt i xulub yic'ot lujunxojt corona ti' xulub. Ya' ti' jol tac ts'ijbubil t'añ mu' bʌ i p'aj Dios.

Chol Tila

¹ Joñon Juañon. Chʌ'ʌch ti quilʌ che' bajche' tic ñajal. Ya' wa'alon ya' ti' ti' colem ja'. Ti quilʌ ti loq'ui tyʌlel ti mal ja' juncojt bʌbʌq'uen bʌ animal. An siete i jol yic'ot diez i xulub. Ti jujump'ej i xulub an i coronajlel. Ts'ijbubilix ti' jujump'ej i jol tyac c'abʌjlel mu' bʌ i tyaje' ti leco bʌ t'an Dios.

Apocalipsis 13:1 Iomraidhean Croise

Jeremias 5:22

¿Chucoch ma'anic mi la' bʌc'ñañon? che'en lac Yum. ¿Chucoch mach tsiltsilñayeticla tic tojlel? Tsa cʌc'ʌ jini ji'il che' bajche' bujtʌl ti' ti'il colem ja' cha'an ya' jaxʌl mi' c'otel ja'. Mach mejlic ti ñumel ti pejtelel ora anquese we'ecña ja', anquese chan mi' mel i bʌ. Wersa mi' jac'beñon c t'an.

Daniel 11:36

Jini rey ti Siria mi cajel i mel che' bajche' bajñel yom. Mi caj i ñuq'uesan i bʌ. Mi caj i chañ'esan i bʌ ti' tojlel pejtel diosob. Mi caj i p'aj jini mero Dios. Tijicña mi caj i q'uel pejtel i melbal c'ʌlʌl mi' c'otel i yorajlel che' mi' toj i mul. Come mi caj i yujtel che' bajche' tsi' wʌn ña'ta Dios.

Daniel 2:41

Tsa' q'uele ja'el i yoc yic'ot i yal i yoc lamital tsucu taq'uin, lamital oc'ol. Jiñʌch i yumʌntel yumʌlob ti mojt ti mojt. An ts'ita' i p'ʌtʌlel jini tsucu taq'uin, pero an i c'unlel jini oc'ol.

Apocalipsis 11:7

Che' mi' yujtel i ye'tel jini cha'tiquil testigo, mi caj i tilel jini jontol bʌ bʌte'el mu' bʌ i letsel loq'uel ti ch'en mach bʌ anix mi' tajben i yebal. Mi caj i tech guerra ti' contra jini cha'tiquil. Mi caj i mʌjlel i cha'an. Mi caj i tsʌnsan jini cha'tiquil.

Apocalipsis 12:3

Tsa' tsictiyi yambʌ i yejtal i p'ʌtʌlel ti panchan. Awilan, an colem ajin chʌchʌc bʌ. An wucp'ejl i jol yic'ot lujunts'ijt i xulub. An wucxojt i corona.

Apocalipsis 13:11

Ti wi'il tsaj q'uele yambʌ jontol bʌ bʌte'el. Tsa' loq'ui tilel ti lum. An cha'ts'ijt i xulub lajal bajche' i xulub alʌ tat tiñʌme', pero tsi' cha'le t'an che' bajche' ajin.

Apocalipsis 13:14

Tsi' loti pejtel chumulo' bʌ ti pañimil yic'ot i yejtal i p'ʌtʌlel tsa' bʌ aq'uenti i pʌs ti' tojlel jini jontol bʌ bʌte'el. Tsi' yʌq'ueyob mandar jini chumulo' bʌ ti pañimil cha'an mi' melob i yejtal jini jontol bʌ bʌte'el tsa' bʌ lojwi ti espada, tsa' bʌ cha' coli.

Apocalipsis 13:15

Tsa' aq'uenti i p'ʌtʌlel cha'an mi' yʌq'uen i ch'ujlel i yejtal jini ñaxan bʌ bʌte'el cha'an mi' cha'len t'an yic'ot cha'an mi' yʌc' ti tsʌnsʌntel majqui jach mach yomic i ch'ujutesan.

Apocalipsis 15:2

Ya' tsaj q'uele ñajb melbil bʌ ti espejo yilal, xʌbʌl ti c'ajc. Ya' añob winicob tsa' bʌ i mʌlʌyob jontol bʌ bʌte'el yic'ot i yejtal, yic'ot i númerojlel i c'aba'. Wa'alobix ti' pam colem ñajb melbil bʌ ti espejo. An i cha'añob cabʌl arpa aq'uebilo' bʌ i cha'an Dios.

Apocalipsis 16:13

Tsaj q'uele: tsa' loq'ui bibi' bʌ espíritu ti' yej ajin yic'ot ti' yej jontol bʌ bʌte'el yic'ot ti' yej x'alt'an mu' bʌ i cha'len lot. Che' yilal bajche' xpequejc jini uxtiquil bibi' bʌ espíritujob.

Apocalipsis 17:16

Jini lujunts'ijt xulub tsa' bʌ a q'uele yic'ot jini jontol bʌ bʌte'el mi caj i ts'a'leñob jini xmoja. Mi caj i chilbeñob i chubʌ'an yic'ot i pislel. Mi caj i c'uxbeñob i bʌc'tal. Mi caj i pulob ti c'ajc.

Apocalipsis 17:3

Tsa' bujt'i c pusic'al ti jini Espíritu. Tsi' pʌyʌyon majlel ti jochol bʌ lum. Tsaj q'uele x'ixic buchul ti chʌcts'eran bʌ bʌte'el. An cabʌl i c'aba' tac jini bʌte'el mu' bʌ i p'aj Dios. An wucp'ejl i jol jini jontol bʌ bʌte'el yic'ot lujunts'ijt i xulub.

Apocalipsis 17:5

Ts'ijbubil i c'aba' ti' jol. Cʌmbil i sujmlel ti Dios: JINI ÑUC BɅ BABILONIA, I ÑA'AL XMOJAJOB, I ÑA'AL JONTOLIL AM BɅ TI PAÑIMIL.

Apocalipsis 19:19

Tsaj q'uele jini jontol bʌ bʌte'el yic'ot jini reyob ti pañimil yic'ot xguerrajob i cha'an. Tempʌbilob cha'an mi' contrajiñob ti guerra jini c'ʌchʌl bʌ ti caballo yic'ot xguerrajob i cha'an.