Apocalipsis 12:3 - Chol: I T’an Dios

³ Tsa' tsictiyi yambʌ i yejtal i p'ʌtʌlel ti panchan. Awilan, an colem ajin chʌchʌc bʌ. An wucp'ejl i jol yic'ot lujunts'ijt i xulub. An wucxojt i corona.

Jiñi Tsiji' bʌ Wen T'añ cha'añ Estudio

³ Tsa' tsictiyi yam bʌ i yejtal i p'ʌtʌlel ti panchan. Awilan, añ colem ajin chʌchʌc bʌ, añ wucp'ejl i jol yic'ot lujunts'ijt i xulub, añ wucxojt i corona.

Chol de Tumbalá Bible

³ Tsa' tsictiyi yambʌ i yejtal i p'ʌtʌlel ti panchan. Awilan, an colem ajin chʌchʌc bʌ. An wucp'ejl i jol yic'ot lujunts'ijt i xulub. An wucxojt i corona.

Jiñi Tsiji' bʌ Wen T'añ cha'añ Estudio

³ Tsa' tsictiyi yam bʌ i yejtal i p'ʌtʌlel ti panchan. Awilan, añ colem ajin chʌchʌc bʌ, añ wucp'ejl i jol yic'ot lujunts'ijt i xulub, añ wucxojt i corona.

Chol Tila

³ Che' jini ti tsictiyi yambʌ i señʌjlel ya' ti chan. An juncojt bʌbʌq'uen bʌ animal dragón bʌ i c'aba'. Ts'itya' lajal yic'ot bajche' lucum pero an i yoc bajche' ajin. Yoque colem chʌchʌc bʌ animal. An siete i jol yic'ot jump'ej corona ti jujump'ej i jol. An diez i xulub.

Apocalipsis 12:3 Iomraidhean Croise

Isaias 27:1

Ti jini tal to bʌ ora lac Yum mi caj i c'ʌn jini bʌbʌq'uen bʌ espada am bʌ ti' c'ʌb cha'an mi' tic'lan jini jontolo' bʌ. Mi caj i mʌjlel i cha'an.

Isaias 51:9

Caña a wut c Yum, caña a wut, wa'i' yic'ot cabʌl a p'ʌtʌlel che' bajche' ti wajali. Jatet tsa' tsʌnsa jini colem bʌ ajin, jiñʌch Egipto.

Daniel 2:41

Tsa' q'uele ja'el i yoc yic'ot i yal i yoc lamital tsucu taq'uin, lamital oc'ol. Jiñʌch i yumʌntel yumʌlob ti mojt ti mojt. An ts'ita' i p'ʌtʌlel jini tsucu taq'uin, pero an i c'unlel jini oc'ol.

Daniel 7:20

Tsaj c'ajtibe ja'el i sujmlel jini lujunts'ijt xulub, yic'ot jini alʌ xulub tsa' bʌ pasi ti wi'il, tsa' bʌ i jisa uxts'ijt xulub. Jiñʌch xulub am bʌ i wut lajal bajche' winic. Tsi' c'ʌñʌ i yej cha'an mi' ñuq'uesan i bʌ. Ñumen ñuc tsi' q'uele i bʌ bajche' yan tac bʌ xulub.

Daniel 7:24

Jini lujunts'ijt i xulub, jiñʌch lujuntiquil yumʌlob mu' bʌ caj i cha'leñob yumʌl. Ti wi'il mi caj i buchtʌl yambʌ yumʌl mach bʌ lajalic bajche' jini ñaxan bʌ. Mi caj i jisan uxtiquil.

Apocalipsis 12:1

Tsa' tsictiyi ñuc bʌ i yejtal i p'ʌtʌlel Dios ti panchan: juntiquil x'ixic lʌpʌl bʌ i cha'an q'uin. An uw ti' yebal i yoc. C'ʌcʌl ti' jol jump'ejl corona melbil bʌ ti lajchʌmp'ejl (12) ec'.

Apocalipsis 12:13

Jini ajin che' bʌ tsi' q'uele chocbilix jubel ti lum, tsa' caji i yajñesan majlel jini x'ixic tsa' bʌ i yʌc'ʌ ti pañimil ch'iton bʌ i yalobil.

Apocalipsis 12:17

Jini ajin cabʌl tsi' mich'le jini x'ixic. Tsa' majli i cha'len guerra ti' contra pejtel i p'olbal x'ixic mu' bʌ i jac'beñob i mandar Dios, mu' bʌ i ñopbeñob i t'an Jesucristo.

Apocalipsis 12:4

I ñej tsi' tujc'a cabʌl ec' ti panchan. Tsi' choco jubel ti lum jujump'ejl ec' loq'uem bʌ ti u'uxp'ejl. Jini ajin tsa' wa'le ti' tojel x'ixic che' woli ti bajq'uel cha'an mi' c'uxben i yalobil che' mi' yilan pañimil.

Apocalipsis 12:7

Ti wi'il tsa' caji guerra ti panchan. Miguel yic'ot i yángelob tsi' cha'leyob guerra ti' contra jini ajin yic'ot i yángelob jini ajin.

Apocalipsis 12:9

Tsa' chojqui jubel jini colem ajin. Jiñʌch jini oñiyix bʌ lucum, am bʌ cha'chajp i c'aba', xiba yic'ot Satanás. Jiñʌch mu' bʌ i lotin pejtel winicob ti pañimil. Tsa' chojqui jubel ti lum yic'ot pejtelel i yángelob.

Apocalipsis 13:1

Tsa' wa'leyon ti' ji'il colem ñajb. Tsaj q'uele jontol bʌ bʌte'el woli bʌ i loq'uel ti colem ñajb. An wucp'ejl i jol yic'ot lujunts'ijt i xulub yic'ot lujunxojt corona ti' xulub. Ya' ti' jol tac otsʌbil i c'aba' jini mu' bʌ i p'aj Dios.

Apocalipsis 13:2

Tsaj q'uele lajalʌch jini jontol bʌ bʌte'el bajche' c'ʌnbo'lay. Che' yilal i yoc bajche' i yoc oso. Lajal i yej bajche' i yej colem bajlum. Jini ajin tsi' yʌq'ue i p'ʌtʌlel yic'ot i buchlib yic'ot ñuc bʌ i ye'tel.

Apocalipsis 13:4

Tsi' ch'ujutesayob jini ajin, come jini ajin tsi' yʌq'ue i ye'tel jontol bʌ bʌte'el. Tsi' ch'ujutesayob jini jontol bʌ bʌte'el ja'el. Tsi' yʌlʌyob: ¿Bacan yambʌ lajal bajche' jini jontol bʌ bʌte'el? ¿Majqui mi mejlel i cha'len guerra ti' contra? che'ob.

Apocalipsis 15:1

Tsaj q'uele yambʌ i yejtal i p'ʌtʌlel Dios ti panchan, wen ñuc, wen bʌbʌq'uen: wuctiquil ángelob yic'ot wucchajp wocol cha'an mi' tic'lañob winicob. Jini wucchajp wocol jiñʌch jini cojix bʌ wocol tac, come jiñʌch i ts'ʌctiyib i mich'ajel Dios.

Apocalipsis 16:13

Tsaj q'uele: tsa' loq'ui bibi' bʌ espíritu ti' yej ajin yic'ot ti' yej jontol bʌ bʌte'el yic'ot ti' yej x'alt'an mu' bʌ i cha'len lot. Che' yilal bajche' xpequejc jini uxtiquil bibi' bʌ espíritujob.

Apocalipsis 17:12

Jini lujunts'ijt xulub tsa' bʌ a q'uele jiñʌch lujuntiquil reyob maxto bʌ anic tsa' aq'uentiyob i yumʌntel. Pero mi caj i tem aq'uentelob i p'ʌtʌlel ti rey yic'ot jini jontol bʌ bʌte'el cha'an mi' cha'len yumʌl jump'ejl ora.

Apocalipsis 17:16

Jini lujunts'ijt xulub tsa' bʌ a q'uele yic'ot jini jontol bʌ bʌte'el mi caj i ts'a'leñob jini xmoja. Mi caj i chilbeñob i chubʌ'an yic'ot i pislel. Mi caj i c'uxbeñob i bʌc'tal. Mi caj i pulob ti c'ajc.

Apocalipsis 17:7

Jini ángel tsi' subeyon: ¿Chucoch mi' toj sajtel a pusic'al? Mi caj c subeñet i sujmlel jini x'ixic yic'ot jini jontol bʌ bʌte'el am bʌ wucp'ejl i jol yic'ot lujunts'ijt i xulub, woli bʌ i cuch jini x'ixic.

Apocalipsis 19:12

Lajal i wut bajche' ts'iplaw bʌ c'ajc. An cabʌl corona ti' jol. Ts'ijbubil i c'aba' pero ma'anic majqui mi' cʌn. I bajñel jach mi' cʌn.

Apocalipsis 20:2

Tsi' chucu jini ajin, jini oñiyi bʌ lucum, jini xiba, Satanás. Tsi' cʌchʌ cʌytʌl lujunc'al i yuxbajc' (1,000) jab.