Apocalipsis 12:1 - Chol: I T’an Dios

¹ Tsa' tsictiyi ñuc bʌ i yejtal i p'ʌtʌlel Dios ti panchan: juntiquil x'ixic lʌpʌl bʌ i cha'an q'uin. An uw ti' yebal i yoc. C'ʌcʌl ti' jol jump'ejl corona melbil bʌ ti lajchʌmp'ejl (12) ec'.

Jiñi Tsiji' bʌ Wen T'añ cha'añ Estudio

¹ Tsa' tsictiyi ñuc bʌ i yejtal i p'ʌtʌlel Dios ti panchan: Juntiquil x'ixic lʌpʌl bʌ i cha'añ q'uiñ. Añ uw ti' ye'bal i yoc. C'ʌcʌl ti' jol jump'ejl corona melbil bʌ ti lajchʌmp'ejl (12) ec'.

Chol de Tumbalá Bible

¹ Tsa' tsictiyi ñuc bʌ i yejtal i p'ʌtʌlel Dios ti panchan: juntiquil x'ixic lʌpʌl bʌ i cha'an q'uin. An uw ti' yebal i yoc. C'ʌcʌl ti' jol jump'ejl corona melbil bʌ ti lajchʌmp'ejl (12) ec'.

Jiñi Tsiji' bʌ Wen T'añ cha'añ Estudio

¹ Tsa' tsictiyi ñuc bʌ i yejtal i p'ʌtʌlel Dios ti panchan: juntiquil x'ixic lʌpʌl bʌ i cha'añ q'uiñ. Añ uw ti ye'bal i yoc. C'ʌcʌl ti' jol jump'ejl corona melbil bʌ ti lajchʌmp'ejl (12) ec'.

Chol Tila

¹ Che' jini ti tsictiyi ñuc bʌ i señʌjlel ya' ti chan. Jiñʌch juntiquil x'ixic lʌpʌl bʌ i cha'an q'uin che' bajche' i majts. An uw ti yebal i yoc. Xojol i cha'an jump'ej corona ti' jol melel bʌ ti doce ec'.

Apocalipsis 12:1 Iomraidhean Croise

2 Cronicas 32:31

Tsa' tiliyob ti jula' winicob ch'oyolo' bʌ ti Babilonia tsa' bʌ chojquiyob tilel cha'an mi' yubiñob jini ñuc tac bʌ tsa' bʌ i mele Dios ya' ti Jerusalén. Lac Yum tsi' cʌyʌ Ezequías cha'an mi' q'uelben i pusic'al, cha'an mi' yʌc' ti tsictiyel pejtel chuqui an ti' pusic'al.

Salmos 104:2

Jini a pislel jiñʌch i c'ʌc'al pañimil. Jini panchan tsʌye'el a cha'an che' bajche' pisil.

Salmos 84:11

Come lac Yum Dios lac Mʌctʌjibʌch, lac Sʌclelʌch. Lac Yum mi' p'untañonla. Mi' yʌq'ueñonla lac ñuclel. Mux i yʌq'uentelob chuqui tac uts'at jini sʌco' bʌ i pusic'al.

Cantares 6:10

¿Majqui jini? che'ob. Woli' tejchel che' bajche' q'uin che' ti sʌc'an. I t'ojol jax bajche' uw. Lajal i c'ʌc'al che' bajche' q'uin yic'ot ec'. Mi' toj sajtel lac pusic'al che' mi laj q'uel, che'ob. (Jini xch'oc:)

Isaias 61:10

Cabʌl mi' ñuc'an c pusic'al cha'an lac Yum. C'ax tijicña jax mi cubin cha'an c Dios, come tsi' coltayon. Tsi' yʌq'ueyon toj bʌ c pusic'al. Tsi' yʌq'ueyon c lʌp wen uts'atax bʌ pisil yubil, che' bajche' xñujpuñijel mu' bʌ i ch'ʌl i bʌ, che' bajche' xch'oc mu' bʌ caj ti ñujpuñijel mi' ch'ʌl i bʌ ti wen letsem tac bʌ i tojol.

Isaias 62:3

A t'ojol jax ti' c'ʌb che' bajche' corona. I ch'ʌjlibet rey ti' c'ʌb Dios cha'an ma' pʌs i ñuclel i yumʌntel.

Zacarias 9:16

Ti jim bʌ q'uin lac Yum Dios mi caj i coltan i cha'año' bʌ che' bajche' jini xcʌnta tiñʌme' mi' cʌntan i yʌlac'. I t'ojol jax mi caj i q'uejlelob ya' ti' lumal che' bajche' xajlel wen letsem bʌ i tojol am bʌ ti corona.

Malaquias 4:2

Pero mach che'ic jatetla mu' bʌ la' bʌc'ñan j c'aba'. Mi caj i pasel ti la' tojlel jini Q'uin mu' bʌ i yʌq'ueñetla toj bʌ la' pusic'al. Mi caj i lajmesañetla. Libre mi caj la' loq'uel che' bajche' i yal wacax mu' bʌ i colel ba' cʌchʌl. Mi caj la' wubin i tijicñʌyel la' pusic'al.

Mateo 12:38

Cha'tiquil uxtiquil sts'ijbayajob yic'ot fariseojob tsi' subeyob: Maestro, com lojon j q'uel i yejtal a p'ʌtʌlel, che'ob.

Mateo 24:30

Ti jim bʌ ora i Yalobil Winic mi caj i pʌs i yejtal i p'ʌtʌlel ti panchan. Mi' cajelob ti cabʌl uq'uel pejtelel winicob x'ixicob ti pañimil. Mi caj i q'uelob i Yalobil Winic che' mi' tilel ti tocal ti panchan ti' p'ʌtʌlel yic'ot ti' ñuclel.

Marcos 13:25

Mi caj i yajlel tac jini ec' ti panchan. Jini p'ʌtʌl tac bʌ ti panchan mi caj i ñijcʌntel.

Lucas 21:11

Tal p'ʌtʌl bʌ i yujquel lum. Tal wi'ñal ti cabʌl lum yic'ot c'amʌjel mu' bʌ i pam pujquel. Tal bʌbʌq'uen tac bʌ yic'ot chuqui tac ñuc mu' bʌ caj i pʌstʌl ti panchan.

Lucas 21:25

An chuqui tac mi' caj ti pʌstʌl ti q'uin, yic'ot ti uw, yic'ot ti ec'. Jini winicob x'ixicob ti pañimil cabʌl mi caj i tsicob i pusic'al. Mi caj i sʌc sojquelob i pusic'al cha'an ju'ucña jini colem ñajb, wʌlʌcña jini ja'.

Juan 3:29

Jini mu' bʌ i pʌy i yijñam, jiñʌch xñujpuñijel. Wen tijicña i pusic'al i cʌñʌ bʌ che' an ti' t'ejl jini xñujpuñijel che' mi' yubiben i t'an. Che' jini woli' ts'ʌctiyel i tijicñʌyel c pusic'al ti' tojlel Cristo.

Hechos 2:19

Mi caj c pʌs bʌbʌq'uen tac bʌ ti panchan yic'ot i yejtal tac c p'ʌtʌlel ti pañimil, ch'ich' yic'ot c'ajc yic'ot buts'.

Romanos 13:14

C'ajtibenla lac Yum Jesucristo cha'an uts'at mi la' wajñel. Mach yomic mi la' chʌn ña'tan chuqui yom la' tsucul pusic'al cha'an mi la' jac'ben i colosojlel.

Romanos 3:22

Jiñʌch toj bʌ i pusic'al mu' bʌ i yʌq'uentelob pejtel mu' bʌ i ñopob Jesucristo, come Dios mach jelchojquic mi' q'uelob.

2 Corintios 11:2

Com mi la' taj la' wenlel che' bajche' yom Dios. Come tsa'ix c sijiyetla cha'an mi la' taj juntiquil jach la' ñoxi'al. Com cʌq'uetla ti' wenta Cristo che' bajche' tsiji' bʌ xch'oc.

Gálatas 3:27

Ti pejteletla tsa' bʌ ochiyetla ti Cristo ti Espíritu, tsa'ix la' xojo Cristo.

Gálatas 4:26

Pero libre jini Jerusalén am bʌ ti chan. Jiñʌch lac ña' ti lac pejtelel.

Gálatas 6:14

Pero ma'anic mic sʌclan c ñuclel ti la' tojlel, cojach mi cʌc' ti ñuc i cruz lac Yum Jesucristo, come ya' ti cruz tsa' jili i p'ʌtʌlel pañimil tic tojlel. Tsa' ch'ijleyon ti cruz cha'an ma'anic mic chʌn mulan i cha'an bʌ pañimil.

Efesios 5:32

Jiñʌch ñuc bʌ i sujmlel mach bʌ tsictiyemic ti yambʌ ora. Wolic subeñetla ti lajiya cha'an mi la' ña'tan bajche' mi' yajñel Cristo yic'ot xñopt'añob mu' bʌ i tempañob i bʌ.

Apocalipsis 1:20

Mi caj c subeñet i sujmlel jini wucp'ejl ec' tsa' bʌ a q'uele ti ñoj bʌ j c'ʌb, yic'ot jini wucts'ijt lámpara melbil bʌ ti oro. Jini wucp'ejl ec' jiñobʌch xcʌntayajob cha'an jini wucmojt xñopt'añob mu' bʌ i tempañob i bʌ. Jini wucts'ijt lámpara tsa' bʌ a q'uele, jiñʌch wucmojt xñopt'añob mu' bʌ i tempañob i bʌ.

Apocalipsis 11:19

Tsa' jajmi i templo Dios ya' ti panchan. I caxajlel jini trato bʌ i t'an Dios tsa' q'uejli ti' mal templo. Tsa' caji ti tsictiyel i xu'il chajc tac, yic'ot c'am bʌ t'an tac, yic'ot i t'an tac chajc, yic'ot yujquel lum, yic'ot colem tuñija'.

Apocalipsis 12:3

Tsa' tsictiyi yambʌ i yejtal i p'ʌtʌlel ti panchan. Awilan, an colem ajin chʌchʌc bʌ. An wucp'ejl i jol yic'ot lujunts'ijt i xulub. An wucxojt i corona.

Apocalipsis 15:1

Tsaj q'uele yambʌ i yejtal i p'ʌtʌlel Dios ti panchan, wen ñuc, wen bʌbʌq'uen: wuctiquil ángelob yic'ot wucchajp wocol cha'an mi' tic'lañob winicob. Jini wucchajp wocol jiñʌch jini cojix bʌ wocol tac, come jiñʌch i ts'ʌctiyib i mich'ajel Dios.

Apocalipsis 21:14

An lajchʌmp'ejl i c'ʌclib jini ts'ajc ya' ti' joytilel tejclum. Ya' ts'ijbubil i c'aba'ob jini lajchʌntiquil apóstolob i cha'an jini Tiñʌme'.

Apocalipsis 21:23

Ma'anic i c'ʌjñibal q'uin ti ili tejclum. Ma'anic i c'ʌjñibal uw, come i ñuclel Dios mi' yʌq'uen i sʌclel. Jini Tiñʌme' i lámparajʌch jini tejclum.