Apocalipsis 11:9 - Chol: I T’an Dios

⁹ Cabʌl winicob ch'oyolo' bʌ ti cabʌl tejclum ti cabʌl lum yujilo' bʌ cabʌl t'an ti chajp ti chajp mi caj i q'uelbeñob i bʌc'tal jini chʌmeño' bʌ ojlil i chʌmp'ejl q'uin, come mach yomobic i yʌc'ob i t'an cha'an mi' mujquelob.

Jiñi Tsiji' bʌ Wen T'añ cha'añ Estudio

⁹ Ca'bʌl wiñicob ch'oyolo' bʌ ti ca'bʌl tejclum ti ca'bʌl lum yujilo' bʌ t'añ ti' chajp ti' chajp mi caj i q'uelbeñob i bʌc'tal jiñi chʌmeño' bʌ ojlil i chʌmp'ejl q'uiñ, come mach yomobic i yʌc'ob i t'añ cha'añ mi' mujquelob.

Chol de Tumbalá Bible

⁹ Cabʌl winicob ch'oyolo' bʌ ti cabʌl tejclum ti cabʌl lum yujilo' bʌ cabʌl t'an ti chajp ti chajp mi caj i q'uelbeñob i bʌc'tal jini chʌmeño' bʌ ojlil i chʌmp'ejl q'uin, come mach yomobic i yʌc'ob i t'an cha'an mi' mujquelob.

Jiñi Tsiji' bʌ Wen T'añ cha'añ Estudio

⁹ Ca'bʌl wiñicob ch'oyolo' bʌ ti ca'bʌl tejclum ti ca'bʌl lum yujilo' bʌ t'añ ti' chajp ti' chajp mi caj i q'uelbeñob i bʌc'tal jiñi chʌmeño' bʌ ojlil i chʌmp'ejl q'uiñ, come mach yomobic i yʌc'ob i t'añ cha'añ mi' mujquelob.

Chol Tila

⁹ Ma'ix mi yʌc'ob ti ch'ujñʌntyel. C'ʌlʌ ti ñumi uxp'ej q'uin ti tyʌli xinq'uinil, quixtyañujob loq'uemo' bʌ ti jujunchajp quixtyañu, ti jujunchajp t'an tyac, ti jujump'ej pañimil mi' ch'uj q'uelob jini cha'tiquil ch'ujlelʌl tsa' bʌ sʌts' cʌyleyob.

Apocalipsis 11:9 Iomraidhean Croise

1 Reyob 13:22

Come tsa'ix cha' sujtiyet tilel ti we'el uch'el wʌ' ba' tic'bilet. Jini cha'an ma'anic mi caj a mujquel ti a lumal ba' muculob a ñojte'elob”, che'en lac Yum. Che' tsi' yʌlʌ jini ñoxix bʌ x'alt'an.

Eclesiastes 6:3

An winic wen p'ump'un bʌ, come ti pejtelel i jabil mach jasʌlic mi' taj chuqui tac yom ti pañimil. Che' mi' chʌmel mach jasʌlic mi' cʌy taq'uin cha'an mi' wen mujquel. Anic jo'c'al i yalobil lolom jach. Muq'uic i jal'an ti pañimil c'ʌlʌl wen ñoxix, ¿chuqui i ye'tel? Uts'at tsa'ic chʌmi che' cʌntʌbil to.

Isaias 33:1

Obol la' bʌ asiriajob mu' bʌ la' cha'len jisaya anquese ma'anic majch tsi' wis tic'layetla. Mi la' wʌc' la' pi'ʌlob ti' c'ʌbob i contra. Che' bʌ tsa'ix la' jisayob mi caj la' jisʌntel. Che' bʌ tsa'ix la' choñoyob mux caj la' chojñel.

Jeremias 7:33

Jini xta'jol yic'ot bʌte'el mi caj i c'uxbeñob i bʌc'tal winicob x'ixicob. Ma'anix mi juntiquilic mu' bʌ caj i ñijcañob majlel, come laj majlemobix i pi'ʌlob.

Mateo 7:2

Come che' mi la' wʌl ti la' pusic'al mi an i mul la' pi'ʌlob, mi caj i yʌlob ti' pusic'al mi an la' mul. Che' bajche' mi la' p'isben winicob, che'ʌch mi caj la' wʌq'uentel ja'el.

Apocalipsis 10:11

Tsi' subeyon: Wersa ma' cha' sub chuqui mi caj i tajob cabʌl winicob x'ixicob yic'ot i reyob cabʌl tejclum tac, yujilo' bʌ cabʌl t'an ti chajp ti chajp, che'en.

Apocalipsis 11:11

Che' ñumenix ojlil i chʌmp'ejl q'uin, Dios tsi' cha' otsʌbeyob i ch'ujlel cha'an mi' cuxtʌyelob. Tsa' wa'leyob ti' yoc. Wen cabʌl tsi' cha'leyob bʌq'uen jini tsa' bʌ i q'ueleyob.

Apocalipsis 13:7

Tsa' aq'uenti i cha'len guerra ti' contra i cha'año' bʌ Dios cha'an mi' mʌlob. Tsa' aq'uenti i ye'tel ti yumʌl ti' tojlel winicob x'ixicob año' bʌ ti pejtel tejclum tac yujilo' bʌ t'an ti chajp ti chajp.

Apocalipsis 17:15

Jini ángel tsi' cha' subeyon: Jini cabʌl ja' tac tsa' bʌ a q'uele ba' buchul xmoja jiñʌch bajc'ʌl winicob x'ixicob año' bʌ ti cabʌl tejclum tac yujilo' bʌ t'an ti chajp ti chajp.

Apocalipsis 5:8

Che' bʌ tsi' ch'ʌmʌ jini jun, jini chʌntiquil querubiñob yic'ot chʌntiquil i cha'c'al ancianojob tsi' pʌcchocoyob i bʌ ti' tojel jini Tiñʌme'. Ti jujuntiquil an i cha'an arpa yic'ot taza melbil bʌ ti oro but'ul bʌ ti pom. Jiñʌch i yejtal i yoración i cha'año' bʌ Dios.

Apocalipsis 5:9

Tsi' c'ʌyiyob tsiji' bʌ c'ay: Wen uts'atet. Uts'at ma' ch'ʌm jini jun cha'an ma' tsilben i sellojlel tac, come tsa' tsʌnsʌntiyet, tsa' mʌñʌyon lojon ti a ch'ich'el cha'an mic ñop lojon Dios. Loq'uemon lojon ti jujunchajp winicob, yic'ot ti pejtelel t'an tac, yic'ot ti pejtelel tejclum tac.