Apocalipsis 11:3 - Chol: I T’an Dios

³ Mi caj cʌq'uen i p'ʌtʌlel cha'tiquil testigo mu' bʌ caj i yʌc'oñob ti cʌjñel. Uxc'al i chʌmbajc' (1,260) q'uin mi caj i cha'leñob subt'an, lʌpʌl i cha'añob i pislel melbil bʌ ti' tsutsel chivo.

Jiñi Tsiji' bʌ Wen T'añ cha'añ Estudio

³ Mi caj cʌq'uen i p'ʌtʌlel cha'tiquil testigo mu' bʌ caj i yʌc'oñob ti cʌjñel. Uxc'al i chʌmbajc' (1,260) q'uiñ mi caj i cha'leñob subt'añ, lʌpʌl i cha'añob i pislel melbil bʌ ti' tsutsel chivo.

Chol de Tumbalá Bible

³ Mi caj cʌq'uen i p'ʌtʌlel cha'tiquil testigo mu' bʌ caj i yʌc'oñob ti cʌjñel. Uxc'al i chʌmbajc' (1,260) q'uin mi caj i cha'leñob subt'an, lʌpʌl i cha'añob i pislel melbil bʌ ti' tsutsel chivo.

Jiñi Tsiji' bʌ Wen T'añ cha'añ Estudio

³ Mi caj cʌq'uen i p'ʌtʌlel cha'tiquil testigo mu' bʌ caj i yʌc'oñob ti cʌjñel. Uxc'al i chʌmbajc' (1,260) q'uiñ mi caj i cha'leñob subt'añ, lʌpʌl i cha'añob i pislel melbil bʌ ti' tsutsel chivo.

Chol Tila

³ Mi quejel c choque' majlel cha'tiquilob cha'an mi' subeñob quixtyañu jini com bʌ i ña'tyañob. Jini cha'tiquilob lʌpʌlob i cha'an i'ic' bʌ i pislel cha'an i señʌjlel i ch'ʌjyemlel. Chʌ'ʌch mi quejel i cha'leñob c'ʌlʌ mil doscientos sesenta q'uin. Che' ti yʌlʌ jini ajt'an.

Apocalipsis 11:3 Iomraidhean Croise

Genesis 37:34

Jacob tsi' tsili i pislel. Tsi' lʌpʌ coxtal i wenta i wex. Tsi' yuc'ta i yalobil cabʌl q'uin.

2 Samuel 3:31

Pero David tsi' sube Joab yic'ot pejtelel jini año' bʌ ti tejclum: Yom mi la' tsil la' bujc. Yom mi la' mel la' pusic'al cha'an tsa' chʌmi Abner, che'en. David tsi' cha'le xʌmbal majlel ti' pat jini ch'ujlelʌl.

1 Reyob 21:27

Acab tsi' yubibe i t'an Elías. Tsi' jet' tsili i pislel. Tsa' caji i lʌp coxtal ti q'uiñil yic'ot ti ac'ʌlel. Tsi' cha'le ch'ajb. Wen ch'ijiyem tsa' caji ti ajñel.

2 Reyob 19:1

Jini rey Ezequías tsi' wʌc' tsili i bujc che' bʌ tsi' yubi jini t'an. Tsi' lʌpʌ coxtal i yejtal i ch'ijiyemlel i pusic'al. Tsa' majli ti' yotot lac Yum.

1 Cronicas 21:16

Che' bʌ tsi' ts'ita' letsa i wut David ti panchan, tsi' q'uele ya' wa'al i yángel lac Yum ya' ti yojlil pañimil, bots'bil i cha'an i yespada ti' c'ʌb cha'an mi' jisan jini año' bʌ ti Jerusalén. David yic'ot jini xñox taco' bʌ ya' ti tejclum tsi' ñocchocoyob i bʌ. Tsi' lʌpʌyob coxtal.

Nehemias 9:1

Che' ti 10 de octubre tsi' tempayob i bʌ jini israelob. Tsi' cha'leyob ch'ajb. Tsi' lʌpʌyob coxtal. Tsi' mujlayob i jol ti' ts'ubeñal lum.

Job 16:15

Lʌpʌl c cha'an coxtal i wenta c bujc. Tsaj cʌyʌ c pijtan j coltʌntel.

Salmos 69:11

Mi' ts'e'tañoñob cha'an tsac moso c bʌ ti coxtal cha'an i ch'ijiyemlel c pusic'al.

Isaias 22:12

Jini cha'an lac Yum, i Yum Panchan yic'ot Pañimil, tsi' pʌyʌyetla cha'an mi la' mel la' pusic'al ti' tojlel yic'ot uq'uel, cha'an mi la' set' i tsutsel la' jol yic'ot cha'an mi la' lʌp coxtal.

Jeremias 1:10

Awilan, wolix c wa'chocoñet cha'an ma' subeñob c t'an winicob ti pejtelel lum yic'ot i reyob, cha'an ma' chocob loq'uel, yic'ot cha'an ma' jisañob, cha'an ma' cha' techob yic'ot cha'an ma' xuc'chocoñob, che'en.

Lamentaciones 2:10

Ñʌch'ʌl jini xñoxob. Buchulob ti lum, lʌpʌl i cha'añob coxtal. Mi' mujlañob i jol ti' ts'ubeñal lum cha'an i ch'ijiyemlel i pusic'al. Jini xch'ocob mi' lijob i jol cha'an quisin.

Ezequiel 4:6

Che' i yorajlel ili wocol, yom ma' cha' ts'ej ñoltʌl ti a ñoj cha'c'al q'uin cha'an ma' cuchben i mul Judá. Cha'c'al jab mi caj i toj i mul jini Judá. Jump'ejl q'uin i wentajʌch jump'ejl jab.

Daniel 12:7

Jini winic xojbil bʌ i pislel ti lino, wa'al bʌ ti pam jini ñoja', tsi' letsa cha'ts'ijt i c'ʌb ti' tojel panchan. Tsi' yʌc'ʌ i t'an ti' c'aba' jini Cuxul bʌ Dios. Tsi' yʌlʌ: Mach ujtic jinto mi' ñumel ojlil i chʌmp'ejl jab, jinto mi' jisʌntel i p'ʌtʌlel jini mu' bʌ i jisan i cha'año' bʌ Dios. Che jini mi' caj ti ujtel. che'en.

Daniel 7:25

Mi caj i p'aj jini Dios am bʌ ti panchan. Mi caj i tic'lan i cha'ano' bʌ Dios. Mi caj i ñop i q'uextan i yorajlel q'uiñijel tac yic'ot pejtel jini ley. Ojlil i chʌmp'ejl jab mi cajel i cha'len yumʌl ti' tojlel i cha'año' bʌ Dios.

Daniel 8:14

Yambʌ ángel tsi' jac'ʌ: Jinto mi' ñumel lujump'ejl i waxʌc'al yic'ot uxbajc' (2,300) q'uin, che'en. Ti wi'il mi caj i sʌq'uesʌntel jini Ch'ujul bʌ Ajñibʌl.

Joel 1:13

Motomajob, yom mi la' lʌp coxtal cha'an i ch'ijiyemlel la' pusic'al. I winiquet bʌ la Dios, ñusanla ac'ʌlel ti uq'uel ba'an pulʌntib, come ma'anix trigo yic'ot i ya'lel ts'usub cha'an mi la' wʌq'uen i majtan Dios.

Jonas 3:5

Jini chumulo' bʌ ti Nínive tsi' ñopoyob Dios. Tsa' cajiyob ti ch'ajb. Tsi' laj lʌpʌyob coxtal, jini wen chumulo' bʌ yic'ot jini p'ump'uño' bʌ.

Jonas 3:8

La' i lʌpob coxtal winicob x'ixicob yic'ot i yʌlac'. La' i pejcañob Dios ti wocol t'an ti pejtelel i pusic'al. La' i cʌyob i jontolil ti jujuntiquilob. La' i cʌyob jontol bʌ i melbal i c'ʌb.

Numeros 11:26

Cha'tiquil tsa' cʌleyob ti xchumtʌl. Ma'anix tsa' majliyob yic'ot i pi'ʌlob ti' ti' jini Tabernáculo. Tsa' cajiyob ti sub t'an ti' tojlel israelob. Juntiquil i c'aba' Eldad, jini yambʌ i c'aba' Medad. Che' ja'el ti' tojlel jini cha'tiquil tsa' c'oti jini Espíritu, anquese parte añob, pero ch'ʌmbilobix ti tsic yic'ot jini yaño' bʌ, anquese ma'anic tsa' mejliyob ti majlel ya' ti Tabernáculo. Ya' jach tsi' cha'leyob subt'an ya' baqui añob.

Mateo 11:21

Mi caj la' taj wocol añet bʌ la ti Corazín. Mi caj la' taj wocol añet bʌ la ti Betsaida. Come tsa'ic mejli ñuc bʌ e'tel ti Tiro yic'ot Sidón che' bajche' tsa' mejli ba' añetla, wajalix tsi' cʌyʌyob i mul. Tsa'ic ujti bajche' jini, tsi' xojoyob pisil melbil bʌ ti' tsutsel chivo, tsi' boñoyob i bʌ ja'el ti' tʌñil c'ajc.

Mateo 18:16

Mi ma'anic mi' jac'beñet, pʌyʌ majlel juntiquil cha'tiquil a wic'ot cha'an mi' tsictiyel ti' tojlel cha'tiquil uxtiquil testigo jujump'ejl t'an tsa' bʌ ajli.

Lucas 10:13

Mi caj la' taj wocol añet bʌ la ti Corazín. Mi caj la' taj wocol añet bʌ la ti Betsaida. Come tsa'ic mejli ñuc bʌ e'tel ti Tiro yic'ot Sidón che' bajche' tsa' mejli ba' añetla tsi' cʌyʌyob i mul. Tsa' buchleyob, tsi' xojoyob i tsutsel chivo. Tsi' mujlayob i bʌ yic'ot i tʌñil c'ajc.

Lucas 24:48

Jatetla mi caj la' sub chuqui tac tsa' la' q'uele.

Juan 15:27

Jatetla ja'el mi caj la' wʌc'on ti cʌjñel, come añetla quic'ot c'ʌlʌl ti' cajibal j cʌntesa.

Juan 3:27

Juan tsi' jac'ʌ: Ma'anic chuqui mi' tajob winicob, cojach mu' bʌ i tilel ti Dios am bʌ ti panchan.

Hechos 1:8

Pero mi caj la' wʌq'uentel la' p'ʌtʌlel che' mi' yochel jini Ch'ujul bʌ Espíritu ti la' pusic'al. Ya' ti Jerusalén yic'ot ti pejtelel Judea yic'ot ti Samaria c'ʌlʌl ti ñajt bʌ pañimil mi caj la' sub chuqui tsa' la' q'uele, che'en Jesús.

Hechos 13:31

Cabʌl q'uin tsi' q'ueleyob Jesús jini tsa' bʌ i pi'leyob majlel ti bij ti Galilea c'ʌlʌl ti Jerusalén. Testigojob jini tsa' bʌ i q'ueleyob.

Hechos 2:32

Dios tsi' teche ch'ojyel Jesús. Tic pejtelel lojon testigojon lojon, tsa'ix j q'uele lojon.

Hechos 3:15

Tsa' la' tsʌnsa jini mu' bʌ i yʌq'ueñonla laj cuxtʌlel. Testigojon lojon, Dios tsi' teche loq'uel ba'an chʌmeño' bʌ.

1 Corintios 12:28

Dios tsi' wa'chocoyonla ti' tojlel xñopt'añob, ñaxan jini apóstolob, wi'il subt'añob, wi'il xcʌntesajob, wi'il jini mu' bʌ i pʌsob i yejtal i p'ʌtʌlel Dios, yic'ot jini am bʌ i c'ʌjñibal ti ts'ʌcaya, yic'ot jini am bʌ i c'ʌjñibal ti coltaya, yic'ot jini am bʌ i ye'tel ti yumʌl, yic'ot jini mu' bʌ i cha'leñob t'an ti yan tac bʌ t'an.

2 Corintios 13:1

I yuxyajlelix talon ba' añetla. Cha'an ti' t'an cha'tiquil uxtiquil testigojob mi caj i tsictiyel mi an i mul winic.

Efesios 4:11

Tsi' yʌq'ueyob i ye'tel winicob: ñaxan apóstolob, wi'ilix x'alt'añob, yic'ot subt'añob, yic'ot xcʌntayajob, yic'ot xcʌntesajob.

Deuteronomio 17:6

Mi tsi' q'ueleyob cha'tiquil uxtiquil, wersa yom mi' chʌmel jini xmulil, pero mi tsi' q'uele juntiquil jach, ma'anic mi' caj ti chʌmel.

Deuteronomio 19:15

Mach yomic mi la' ñopben i t'an juntiquil winic mu' bʌ i jop'ben i mul yambʌ. Cojach yom mi la' ñopben i t'an che' an cha'tiquil uxtiquil tsa' bʌ i q'ueleyob jini mulil.

Apocalipsis 1:5

yic'ot ja'el Jesucristo, jini xuc'ul bʌ Testigo mu' bʌ i yʌc' ti cʌjñel i sujmlel. Jiñʌch tsa' bʌ ñaxan tejchi loq'uel ba'an chʌmeño' bʌ. I yumʌch jini reyob ti pañimil. Cristo mi' c'uxbiñonla. Tsi' pocbeyonla loq'uel lac mul ti' ch'ich'el.

Apocalipsis 11:2

Mach a p'is i pam Templo am bʌ ti' mal corral. La' to ajnic. Aq'uebilix gentilob. Cha'p'ejl i yuxc'al (42) uw mi caj i t'uchtañob jini ch'ujul bʌ tejclum.

Apocalipsis 11:6

Añob i p'ʌtʌlel jini cha'tiquil cha'an mi' ñup'ob panchan cha'an ma'anic mi' yʌc' ja'al ba' ora woliyob ti subt'an. Añob i p'ʌtʌlel cha'an mi' pʌntesan ti ch'ich' i loq'uib ja'. Añob i p'ʌtʌlel cha'an mi' tic'lañob pañimil ti cabʌl wocol che' bajche' jayyajl yomob.

Apocalipsis 12:6

Tsa' puts'i majlel jini x'ixic ti jochol bʌ lum ba' chajpʌbil i yajñib ti Dios cha'an ya'i mi' we'sʌntel jini x'ixic uxc'al i chʌmbajc' (1,260) q'uin.

Apocalipsis 13:5

Tsa' aq'uenti i p'ʌtʌlel ti t'an cha'an mi' chañ'esan i bʌ cha'an mi' p'aj Dios. Tsa' aq'uenti i p'ʌtʌlel cha'an mi' cha'len mandar cha'p'ejl i yuxc'al (42) uw.

Apocalipsis 19:10

Tsac pʌcchoco c bʌ ti' tojel i yoc cha'an mic ch'ujutesan jini ángel. Pero tsi' subeyon: Q'uele, mach che'ic yom ma' cha'len. I winicon Dios lajal bajche'et yic'ot a wermanojob mu' bʌ i jac'beñob i t'an Jesús. Ch'ujutesan Dios, che'en. Come jini Espíritu tsa' bʌ i pejcayonla ti Jesús mi' ñijcañonla ti subt'an.

Apocalipsis 20:4

Tsaj q'uele cabʌl buchlibʌl. Jini tsa' bʌ buchleyob ya'i, tsa' aq'uentiyob i ye'tel ti meloñel. Tsaj q'uele i ch'ujlel winicob x'ixicob tsa' bʌ set' t'ojbentiyob loq'uel i bic' cha'an i sujmlel Jesús yic'ot cha'an i t'an Dios. Ma'anic tsi' ch'ujutesayob jini jontol bʌ bʌte'el yic'ot i yejtal. Ma'anic tsi' ch'ʌmbeyob i ts'ijbal ti' pam mi ti' c'ʌb. Tsa' cha' cuxtiyiyob. Tsi' cha'leyob yumʌl yic'ot Cristo lujunc'al i yuxbajc' jab.