Apocalipsis 11:2 - Chol: I T’an Dios

² Mach a p'is i pam Templo am bʌ ti' mal corral. La' to ajnic. Aq'uebilix gentilob. Cha'p'ejl i yuxc'al (42) uw mi caj i t'uchtañob jini ch'ujul bʌ tejclum.

Jiñi Tsiji' bʌ Wen T'añ cha'añ Estudio

² Mach a p'is i pam Templo am bʌ ti' mal corral, la' to ajñic come aq'uebilobix gentilob. Cha'p'ejl i yuxc'al (42) uw mi caj i t'uchtañob jiñi ch'ujul bʌ tejclum.

Chol de Tumbalá Bible

² Mach a p'is i pam Templo am bʌ ti' mal corral. La' to ajnic. Aq'uebilix gentilob*. Cha'p'ejl i yuxc'al (42) uw mi caj i t'uchtañob jini ch'ujul bʌ tejclum.

Jiñi Tsiji' bʌ Wen T'añ cha'añ Estudio

² Mach a p'is i pam Templo am bʌ ti' mal corral, la' to ajñic come aq'uebilobix gentilob. Cha'p'ejl i yuxc'al (42) uw mi caj i t'uchtañob jiñi ch'ujul bʌ tejclum.

Chol Tila

² Pero mach yom ma' p'ise' jini i pam templo am bʌ ti mal corral como tsa'ix aq'uentiyob jini mach bʌ israelobic. C'ʌlʌ cuarenta y dos meses jiñob mi quejel i tyʌc'lañob, mi quejel i ch'ʌmob ti' wenta jini lum i cha'an bʌ Dios.

Apocalipsis 11:2 Iomraidhean Croise

Salmos 79:1

Dios, tsa'ix ochiyob jini sajtemo' bʌ ti a lumal. Tsa'ix i bib'esayob jini ch'ujul bʌ a Templo. Tsa'ix i jisayob Jerusalén.

Isaias 48:2

Ma' wʌl chucul a c'aba' ti jini ch'ujul bʌ tejclum, cʌyʌlet ti' p'ʌtʌlel i Dios Israel, i Yum Panchan yic'ot Pañimil.

Isaias 5:5

Mi caj c subeñetla chuqui mi caj c tumben c ts'usubil. Mux caj c jemben i mʌjquil cha'an mi' sujtel ti potrero. Alʌc'ʌl tac mi caj i yochel i t'uchtan ba' tocol i ts'ajquil.

Isaias 52:1

Ch'ojyen, ch'oyenla añet bʌ la ti Jerusalén. Wen p'ump'un tsa' ajniyetla. P'ʌtesan la' bʌ. Lʌpʌx la' pislel, jini c'ax uts'at bʌ, cha'an mi la' wajñel ti ch'ujul. Mach chʌn talobix jini xmulilob mach bʌ i cʌñʌyobic Dios.

Lamentaciones 1:10

I contrajob tsa'ix i laj chilbeyob i chubʌ'an letsem tac bʌ i tojol. Woli' yochelob ti ch'ujul bʌ a wajñib ba' tsi' tempayob i bʌ a winicob, ba' tic'bil mi' yochel jini mach bʌ judíojic.

Ezequiel 4:6

Che' i yorajlel ili wocol, yom ma' cha' ts'ej ñoltʌl ti a ñoj cha'c'al q'uin cha'an ma' cuchben i mul Judá. Cha'c'al jab mi caj i toj i mul jini Judá. Jump'ejl q'uin i wentajʌch jump'ejl jab.

Daniel 12:7

Jini winic xojbil bʌ i pislel ti lino, wa'al bʌ ti pam jini ñoja', tsi' letsa cha'ts'ijt i c'ʌb ti' tojel panchan. Tsi' yʌc'ʌ i t'an ti' c'aba' jini Cuxul bʌ Dios. Tsi' yʌlʌ: Mach ujtic jinto mi' ñumel ojlil i chʌmp'ejl jab, jinto mi' jisʌntel i p'ʌtʌlel jini mu' bʌ i jisan i cha'año' bʌ Dios. Che jini mi' caj ti ujtel. che'en.

Daniel 7:19

Tsaj c'ajtibe i sujmlel i chʌncojtlel bʌte'el wen bʌbʌq'uen jax bʌ. Puro tsucu taq'uin i bʌquel i yej, bronce i yejc'ach yujil bʌ jisaya. Tsi' bic'ti xut'u i colojm.

Daniel 7:25

Mi caj i p'aj jini Dios am bʌ ti panchan. Mi caj i tic'lan i cha'ano' bʌ Dios. Mi caj i ñop i q'uextan i yorajlel q'uiñijel tac yic'ot pejtel jini ley. Ojlil i chʌmp'ejl jab mi cajel i cha'len yumʌl ti' tojlel i cha'año' bʌ Dios.

Daniel 8:10

Tsi' contraji i cha'año' bʌ Dios. Tsi' jisa lamital jini ñuco' bʌ i ye'tel.

Daniel 8:13

Tsa cubibe i t'an cha'tiquil ángelob. Juntiquil tsi' c'ajtibe yambʌ: ¿Baqui ora mi caj i cha' pulbentel i majtan Dios ti jujump'ejl q'uin ya' ti pulʌntib? ¿Jala to mi caj i bib'esʌntel jini Ch'ujul bʌ Ajñibʌl i cha'an lac Yum? ¿Baqui ora mi caj i q'uextʌbentel i jontolil? ¿Baqui ora mi caj i mʌjlel i cha'an xñopt'añob?

Daniel 8:14

Yambʌ ángel tsi' jac'ʌ: Jinto mi' ñumel lujump'ejl i waxʌc'al yic'ot uxbajc' (2,300) q'uin, che'en. Ti wi'il mi caj i sʌq'uesʌntel jini Ch'ujul bʌ Ajñibʌl.

Numeros 14:34

Che' lajal bajche' tsajniyetla la' tsajin jini lum cha'c'al q'uin che' ja'el cha'c'al jab mi caj la' wubin cabʌl wocol cha'an la' mul, jujump'ejl jab cha'an jujump'ejl q'uin. Che' jini mux caj cʌntesañetla. Wocol jax mi caj la' toj la' mul cha'an tsa'ix la' ts'a'leyon.

Mateo 27:53

Tsa' loq'uiyob ti mucoñibʌl. Che' bʌ tejchemix ch'ojyel Jesús, tsa' majliyob ti jini ch'ujul bʌ tejclum. Tsa' tsictiyiyob ti' wut cabʌl winicob x'ixicob.

Mateo 4:5

Jini xiba tsa' caji i pʌy majlel Jesús ti ch'ujul bʌ tejclum. Ya' tsi' pʌyʌ ti wa'tʌl ti' pam i jol Templo.

Mateo 5:13

Jatetla i yʌts'miletla pañimil. Mi tsa' sajti i tsajel ats'am, ¿bajche' mi caj i cha' tsaj'esʌntel? Ma'anix i c'ʌjñibal. Mi lac choc ba' mi' t'uchtañob majlel winicob.

Lucas 21:24

Mi caj i yajlelob cha'an ti' yej machit. Mi caj i chujquelob majlel ti pejtelel lum. Jerusalén mi caj i t'uchtʌntel cha'an gentilob c'ʌlʌl mi' ts'ʌctiyel i yorajlel gentilob.

Hebreos 10:29

¿Mach ba ñumeniquix mi caj i toj i mul jini mu' bʌ i ts'a'len i Yalobil Dios? Che' mi' ñusan jini xuc'ul bʌ t'an yic'ot i ch'ich'el mu' bʌ i sʌq'uesañonla woli' ts'a'len jini Espíritu woli bʌ i pʌyonla ti' yutslel i pusic'al. Ña'tanla cabʌlix i mul jini winic. Cabʌl mi caj i taj wocol che' mi' toj i mul.

Apocalipsis 11:11

Che' ñumenix ojlil i chʌmp'ejl q'uin, Dios tsi' cha' otsʌbeyob i ch'ujlel cha'an mi' cuxtʌyelob. Tsa' wa'leyob ti' yoc. Wen cabʌl tsi' cha'leyob bʌq'uen jini tsa' bʌ i q'ueleyob.

Apocalipsis 11:3

Mi caj cʌq'uen i p'ʌtʌlel cha'tiquil testigo mu' bʌ caj i yʌc'oñob ti cʌjñel. Uxc'al i chʌmbajc' (1,260) q'uin mi caj i cha'leñob subt'an, lʌpʌl i cha'añob i pislel melbil bʌ ti' tsutsel chivo.

Apocalipsis 12:6

Tsa' puts'i majlel jini x'ixic ti jochol bʌ lum ba' chajpʌbil i yajñib ti Dios cha'an ya'i mi' we'sʌntel jini x'ixic uxc'al i chʌmbajc' (1,260) q'uin.

Apocalipsis 21:10

Tsi' pʌyʌyon majlel ti Espíritu c'ʌlʌl ti jump'ejl chan bʌ wits. Tsi' pʌsbeyon jini ch'ujul bʌ Jerusalén woli bʌ i jubel tilel ti panchan ch'oyol bʌ ti Dios.

Apocalipsis 21:2

Joñon, Juan, tsaj q'uele jini Ch'ujul bʌ Tejclum, jini tsiji' bʌ Jerusalén. Woli' jubel tilel ti panchan ch'oyol bʌ ti Dios, ch'ʌlbil bajche' xch'oc mu' bʌ i taj i ñoxi'al.

Apocalipsis 22:19

Mi an majch mi' yʌp lamital i t'an jini jun, Dios mi caj i yʌpben i c'aba' ti jun ba' ts'ijbubil i c'aba'ob jini año' bʌ i cuxtʌlel. Mi caj i chilben i yajñib ti jini ch'ujul bʌ tejclum che' bajche' ts'ijbubil ti ili jun.