Apocalipsis 11:15 - Chol: I T’an Dios

¹⁵ I wucticlel ángel tsi' wusu i trompeta. Tsa' cajiyob ti c'am bʌ t'an ti panchan. Tsi' yʌlʌyob: I yumʌntel tac pañimil tsa'ix ochi ti' wenta lac Yum yic'ot ti' wenta Cristo. Mi caj i cha'len yumʌl ti pejtelel ora, che'ob.

Jiñi Tsiji' bʌ Wen T'añ cha'añ Estudio

¹⁵ Jiñi wucticlel ángel tsi' wusu i trompeta, tsa' cajiyob ti c'am bʌ t'añ ti panchan, tsi' yʌlʌyob: “I yumʌntel tac pañimil tsa'ix ochi ti' wenta lac Yum yic'ot ti' wenta Cristo. Mi caj i cha'len yumʌl ti pejtelel ora”.

Chol de Tumbalá Bible

¹⁵ I wucticlel ángel tsi' wusu i trompeta. Tsa' cajiyob ti c'am bʌ t'an ti panchan. Tsi' yʌlʌyob: I yumʌntel tac pañimil tsa'ix ochi ti' wenta lac Yum yic'ot ti' wenta Cristo. Mi caj i cha'len yumʌl ti pejtelel ora, che'ob.

Jiñi Tsiji' bʌ Wen T'añ cha'añ Estudio

¹⁵ Jiñi wucticlel ángel tsi' wusu i trompeta, tsa' cajiyob ti c'am bʌ t'añ ti panchan, tsi' yʌlʌyob: “I yumʌntel tac pañimil tsa'ix ochi ti' wenta lac Yum yic'ot ti' wenta Cristo. Mi caj i cha'len yumʌl ti pejtelel ora.”

Chol Tila

¹⁵ Jini sietejlel bʌ ajtroñel i cha'an Dios ch'oyol bʌ ti panchan ti' yu'tisʌ i trompeta. Ti loq'ui c'am bʌ ajt'an tyac ya' ti panchan tsa' bʌ yʌlʌyob: Wale an ti' wenta lac Yum Dios yic'ot i Cristo cha'an mi' cha'len yumʌl. Mi quejel i cha'len yumʌl ti pejtyel ora.

Apocalipsis 11:15 Iomraidhean Croise

Salmos 110:4

Lac Yum tsi' yʌc'ʌ i t'an, mach yujilic q'uextiyel. Jatet motomajet ti pejtelel ora. Che'ʌch a motomajil bajche' i motomajil Melquisedec, che'en.

Salmos 146:10

Lac Yum mi' cha'len yumʌntel ti pejtelel ora. Jiñʌch la' Dios, añet bʌ la ti Sion. I Diosʌch la' walobilob yic'ot i yalobilob ti lajm ti lajm. ¡Aleluya!

Salmos 2:2

Jini reyob ti pañimil mi' chajpañob i bʌ. Jini yumʌlob mi' temob i t'an Cha'an mi' contrajiñob lac Yum, Yic'ot jini Rey Yajcʌbil bʌ i cha'an.

Salmos 72:11

Isujm mi caj i c'uchchocoñob i bʌ pejtelel jini reyob ya' ti' tojlel lac Yum. Winicob x'ixicob ti pejtelel pañimil mi caj i melbeñob i ye'tel.

Salmos 82:8

Dios, ch'ojyen, cha'len meloñel ti' tojlel año' bʌ ti pañimil, Come i Yumet pejtelel winicob x'ixicob ti pejtelel lum.

Salmos 86:9

Pejtel winicob x'ixicob tsa' bʌ a mele mi caj i tilelob ti mojt ti mojt. Mi caj i ñocchocoñob i bʌ ti a tojlel, c Yum, Cha'an mi' subob i ñuclel a c'aba'.

Exodo 15:18

Mi' caj ti yumʌntel lac Yum ti pejtelel ora. Che'ʌch tsi' c'ʌyiyob.

Isaias 27:13

Ti jim bʌ q'uin mi caj i wustʌl trompeta. Mi caj i coltʌntelob jini woliyo' bʌ ti wocol ti Asiria yic'ot ti Egipto. Mi caj i cha' pʌjyelob tilel jini ts'a'lebilo' bʌ cha'an mi' ch'ujutesañob lac Yum ti ch'ujul bʌ wits i c'aba' Jerusalén.

Isaias 44:23

C'ʌyinla c ñuclel añet bʌ la ti panchan, come jiñʌch que'tel. Tsictesanla ti c'am bʌ t'an añet bʌ la ti pañimil. Yom tijicña wits tac yic'ot pejtel te'el, yic'ot jujuntejc te'. Come tsac mʌñʌ Jacob. Tsa cʌc'ʌ ti tsictiyel c ñuclel ti' tojlel Israel.

Isaias 55:5

Jatet ja'el mi caj a pʌybeñon tilel yambʌ tejclumob mach bʌ i cʌñʌyoñobic, yic'ot yaño' bʌ winicob mach bʌ a pi'ʌlobic. Ajñel mi caj i tilelob ba' añet cha'an mi' cʌñob a Yum Dios, jini Ch'ujul Bʌ ti Israel, come tsa'ix i ñuq'uesayet.

Isaias 9:7

Mi caj i ñuc'an i yumʌntel David. Mach jilic i yumʌntel ti pejtelel ora. Ñoj ñʌch'ʌl i yumʌntel. Xuc'ul mi caj i yajñel come uts'at mi caj i cha'len yumʌl ti pejtelel ora. Mi caj i p'ojlesan chuqui uts'at yic'ot chuqui toj ti pejtelel pañimil. I Yum Panchan yic'ot Pañimil mi caj i jolotesan che' bajche' tsi' yʌlʌ.

Jeremias 16:19

C Yum, ma'anic c bajñel p'ʌtʌlel. An jach c p'ʌtʌlel ti jatet. I wentajet ts'ajquibil bʌ otot tic joytʌlel. C puts'ibet ti' yorajlel wocol. Mi caj i tilelob ba' añet winicob ti jujunwejl pañimil. Mi caj i yʌlob: Tsi' ñopoyob lot c tat lojon. Tsi' lon tsajcayob jini mach bʌ isujmic, mach bʌ anic i c'ʌjñibal. Che' mi caj i yʌlob.

Ezequiel 37:25

Mi caj i chumtʌlob ya' ti lum tsa' bʌ cʌq'ue c winic Jacob ba' tsa' chumleyob i ñojte'elob. Ya' mi caj i chumtʌlob yic'ot i yalobilob yic'ot i butsob. Jini cha'an tsac wa'choco c Winic David ti Rey cha'an mi' yumañob ti pejtelel ora.

Ezequiel 47:5

Ti yambʌ ojlil kilómetro tsac cha' t'umu jini ja'. Wʌ' jaxʌl ba' mi laj cʌch lac bʌ. Ti yambʌ ojlil kilómetro tamix ja'. Ma'anix tsa' mejli c t'um. Yomix ñuxijel.

Daniel 7:14

Jini Winic tsa' aq'uenti i p'ʌtʌlel, yic'ot i ñuclel yic'ot i yumʌntel. Pejtel winicob yujilo' bʌ t'an ti chajp ti chajp tsa' caji i yumañob. An i p'ʌtʌlel ti pejtelel ora. Ma'anic mi' caj ti jilel i yumʌntel.

Daniel 7:18

Pero mi caj i yʌq'uentelob i yumʌntel ti pañimil jini winicob x'ixicob mu' bʌ i yumañob jini Dios am bʌ ti panchan. Mach jilic i yumʌntel ti pejtelel ora, che'en.

Daniel 7:22

jinto tsa' tili ti meloñel jini Am bʌ Cabʌl i Jabilel. Tsi' tsictesa ti toj i cha'año' bʌ. Tsa' c'oti i yorajlel cha'an mi' yʌq'ueñob i yumʌntel i cha'año' bʌ Dios.

Daniel 7:27

Mi caj i chilbentelob i yumʌntel yic'ot i p'ʌtʌlel yic'ot i ñuclel jini yumʌlob ti pañimil. Mi caj i yʌq'uentelob i cha'año' bʌ Dios am bʌ ti panchan. Mi caj i cha'leñob yumʌl ti pejtelel ora. Pejtelel año' bʌ i ye'tel mi caj i melbeñob i ye'tel i cha'año' bʌ Dios. Mi caj i jac'beñob i t'an.

Oseas 2:23

Ti jim bʌ ora joñon mi caj c pʌc' israelob yilal. Mi caj c cha' p'untan jini mach bʌ p'untʌbilobic. Mi caj c subeñob jini mach bʌ calobilobic: “Calobiletixla”, cho'on. Mi caj i jac'ob: “C Yumet lojon, c Dioset lojon”. Che' mi caj i yʌlob, che'en lac Yum.

Abdias 1:21

Xcoltayajob mi caj i letselob majlel ti wits i c'aba' Sion. Mi caj i yumʌntelob ya' ti' wits Esaú. Joñon mi caj cochel tic yumʌntel. Che' tsi' yʌlʌ lac Yum.

Miqueas 4:7

Mi caj c cha' p'ʌtesan jini ts'a'lebilo' bʌ. Mi caj i yochelob tic tejclum. Wen p'ʌtʌl mi' majlel. Joñon mi caj cochel ti rey ti' tojlelob. Mi caj c cha'len yumʌl ya' ti wits Sion. Mach jilic c yumʌntel ti pejtelel ora.

Zacarias 14:9

Lac Yum mi caj i yochel ti Rey ti' tojlel pejtel pañimil. Ti jim bʌ ora jini jach lac Yum mi caj i ch'ujutesʌntel come juntiquil jach. Ma'anic yambʌ.

Zacarias 2:11

Ti jim bʌ q'uin cabʌl tejclumob mi caj i sutq'uiñob i bʌ cha'an mi' ñopob lac Yum. Mi caj i yochelob tic cha'an. Mi caj c tem chumtʌl quic'otob. Che' jini mi caj la' ña'tan chocbilon tilel cha'an i Yum Panchan yic'ot Pañimil.

Malaquias 1:11

Pero jini mach bʌ israelobic mi caj i q'uelob ti ñuc j c'aba' c'ʌlʌl ti' pasibal q'uin c'ʌlʌl ti' bʌjlibal q'uin. Ti pejtelel pañimil mi caj i yʌq'ueñoñob xojocña bʌ pom yic'ot uts'at bʌ c majtan, come j c'aba' mi' q'uejlel ti ñuc ti pejtelel pañimil, che'en i Yum Panchan yic'ot Pañimil.

Mateo 24:31

Mi caj i choc tilel i yángelob yic'ot c'am bʌ i t'an trompeta. Mi caj i tempañob tilel ti chʌnwejlel pañimil jini yajcʌbilo' bʌ i cha'an ti junwejl panchan c'ʌlʌl ti yambʌ junwejl.

Mateo 6:13

Mach ma' wʌc'on lojon ba' mic pʌjyel lojon ti mulil. Cʌntañon lojon ame yajlicon lojon ti jontolil. Come a cha'añʌch a yumʌntel yic'ot a p'ʌtʌlel yic'ot a ñuclel ti pejtelel ora. Amén. Che' yom mi la' mel oración.

Lucas 1:33

Mi caj i cha'len i ye'tel ti Rey ti' tojlel i p'olbal Jacob ti pejtelel ora. Ma'anic mi caj i jilel i yumʌntel, che'en jini ángel.

Lucas 15:10

Che' ja'el mic subeñetla, tijicñayob i yángelob Dios cha'an juntiquil xmulil mu' bʌ i cʌy i mul. Che' tsi' yʌlʌ Jesús.

Lucas 15:6

Che' mi' c'otel ti' yotot, mi' pʌy tilel i cʌñʌyo' bʌ yic'ot i pi'ʌlob ti chumtʌl. Mi' subeñob: “Yom tijicñayetla quic'ot, come tsac taja c tiñʌme' tsa' bʌ sajti”, che'en.

Hechos 4:26

Jini reyob ti pañimil tsi' chajpayob i bʌ, jini yumʌlob tsi' tempayob i bʌ cha'an mi' contrajiñob lac Yum yic'ot Cristo, jini yajcʌbil bʌ i cha'an Dios”, che'en.

Hebreos 1:8

Pero che' bʌ tsi' pejca i Yalobil tsi' yʌlʌ: “Buchulet Dios ti a yumʌntel, ti pejtelel ora. Ti a yumʌntel mi caj a mel chuqui toj.

Apocalipsis 10:7

Che' mi' cha'len t'an i wucticlel ángel, che' mi' cajel i wus trompeta, mi' caj ti ts'ʌctiyel i sujmlel Dios maxto bʌ tsictiyemic ti yambʌ ora che' bajche' Dios tsi' sube i winicob, jini x'alt'añob, che'en.

Apocalipsis 12:10

Tsa cubi c'am bʌ t'an ti panchan. Tsi' yʌlʌ: Tsa'ix tili i coltʌntel winicob x'ixicob yic'ot i p'ʌtʌlel yic'ot i yumʌntel lac Dios yic'ot i p'ʌtʌlel Cristo. Come tsa'ix chojqui jubel jini mu' bʌ i sub i mul la quermanojob. Mi' sub lac mul ti' tojlel Dios ti q'uiñil ti ac'ʌlel.

Apocalipsis 15:4

C Yum, ¿am ba winic mach bʌ anic mi caj i bʌc'ñʌbeñet a c'aba', mach bʌ anic mi caj i ñuq'uesʌbeñet a c'aba'? Come jatet jach ch'ujulet. Jini cha'an pejtel año' bʌ ti pañimil mi caj i tilelob i ch'ujutesañet, come tsa' tsictiyi toj bʌ a meloñel. Che' tsi' c'ʌyiyob.

Apocalipsis 16:17

I wucticlel ángel tsi' beq'ue i bʌl taza ti ic'. Tsa' loq'ui c'am bʌ t'an ti' buchlib Dios ya' ti templo am bʌ ti panchan. Tsi' yʌlʌ: Tsa'ix ujti, che'en.

Apocalipsis 17:14

Mi caj i contrajiñob jini Tiñʌme' ti guerra. Jini Tiñʌme' mi caj i mʌl come i Yumʌch yumʌlob, i Reyʌch reyob. Pejtel mu' bʌ i yajñelob yic'ot jini Tiñʌme' jiñobʌch pʌybilo' bʌ, yajcʌbilo' bʌ, xuc'ulo' bʌ i pusic'al, che'en.

Apocalipsis 19:1

Che' bʌ tsa' ujti ti t'an tsa cubibe i t'an bajc'ʌl winicob x'ixicob ti panchan. C'am tsi' yʌlʌyob: ¡Aleluya! Tilem ti lac Yum Dios laj coltʌntel. La' sujbic i ñuclel yic'ot i c'uxbintel yic'ot i p'ʌtʌlel.

Apocalipsis 19:6

Tsa cubi t'an che' bajche' i t'an bajc'ʌl winicob, che' bajche' i t'an cholocña bʌ ja', che' bajche' i t'an p'ʌtʌl bʌ chajc. Tsi' yʌlʌ: ¡Aleluya! come woli ti yumʌntel lac Yum Dios, Mach bʌ Anic i P'isol i P'ʌtʌlel.

Apocalipsis 20:4

Tsaj q'uele cabʌl buchlibʌl. Jini tsa' bʌ buchleyob ya'i, tsa' aq'uentiyob i ye'tel ti meloñel. Tsaj q'uele i ch'ujlel winicob x'ixicob tsa' bʌ set' t'ojbentiyob loq'uel i bic' cha'an i sujmlel Jesús yic'ot cha'an i t'an Dios. Ma'anic tsi' ch'ujutesayob jini jontol bʌ bʌte'el yic'ot i yejtal. Ma'anic tsi' ch'ʌmbeyob i ts'ijbal ti' pam mi ti' c'ʌb. Tsa' cha' cuxtiyiyob. Tsi' cha'leyob yumʌl yic'ot Cristo lujunc'al i yuxbajc' jab.

Apocalipsis 8:12

I chʌnticlel ángel tsi' wusu i trompeta. Tsa' ic'a ojlil (1/3) jini q'uin, yic'ot ojlil (1/3) jini uw, yic'ot ojlil jini ec'. Che' jini, ma'anic tsi' yʌc'ʌ i sʌclel pañimil ba' i'ic', mi ti q'uiñil mi ti ac'ʌlel.

Apocalipsis 9:1

I jo'ticlel ángel tsi' wusu i trompeta. Tsaj q'uele jump'ejl ec' tsa' bʌ yajli ti panchan c'ʌlʌl ti pañimil. Tsa' aq'uenti i llavejlel jini ch'en mach bʌ anix mi' tajben i yebal.

Apocalipsis 9:13

I wʌcticlel ángel tsi' wusu i trompeta. Tsa cubibe i t'an loq'uem bʌ ti chʌnts'ijt xulub am bʌ ti jini pulʌntib melbil bʌ ti oro ya' ti' tojel Dios.