Apocalipsis 11:10 - Chol: I T’an Dios

¹⁰ Tijicñayob i pusic'al jini chumulo' bʌ ti pañimil ti' tojlelob. Mi' q'uextʌbeñob i bʌ i majtan, come ñucob i pusic'al cha'an tsa' jiliyob jini cha'tiquil, come tsi' tic'layob jini chumulo' bʌ ti pañimil.

Jiñi Tsiji' bʌ Wen T'añ cha'añ Estudio

¹⁰ Tijicñayob i pusic'al jiñi chumulo' bʌ ti pañimil ti' tojlelob, mi' yʌq'ueñob i bʌ i majtañ tac, come ñucob i pusic'al cha'añ tsa' jiliyob jiñi cha'tiquil, come tsi' tic'layob jiñi chumulo' bʌ ti pañimil.

Chol de Tumbalá Bible

¹⁰ Tijicñayob i pusic'al jini chumulo' bʌ ti pañimil ti' tojlelob. Mi' q'uextʌbeñob i bʌ i majtan, come ñucob i pusic'al cha'an tsa' jiliyob jini cha'tiquil, come tsi' tic'layob jini chumulo' bʌ ti pañimil.

Jiñi Tsiji' bʌ Wen T'añ cha'añ Estudio

¹⁰ Tijicñayob i pusic'al jiñi chumulo' bʌ ti pañimil ti' tojlelob, mi' yʌq'ueñob i bʌ i majtañ tac, come ñucob i pusic'al cha'añ tsa' jiliyob jiñi cha'tiquil, come tsi' tic'layob jiñi chumulo' bʌ ti pañimil.

Chol Tila

¹⁰ Wen c'ajacñayob i yoj jini año' bʌ ti mulawil cha'an ti tsʌnsʌntiyob jini cha'tiquilob, como tyʌc'laya ti yubiyob cha'an ti caj i t'an mach bʌ yom i yubiñob. Mi' melob q'uin. Mi' q'uextyʌbeñob i bʌ i majtyan. Wen tijicñayob como sajtyemix jini cha'tiquilob tsa' bʌ subeyob bajche' yom i yʌq'uen i ña'tyañob Dios.

Apocalipsis 11:10 Iomraidhean Croise

1 Reyob 18:17

Che' bʌ tsi' q'uele, Acab tsi' sube: ¿Jatet ba woli bʌ a tic'lan Israel? che'en.

1 Reyob 21:20

Acab tsi' sube Elías: Tsa'ix a cha' tajayon, j contrajet, che'en. Elías tsi' jac'be: Tsa' cu c tajayet, come tsa'ix a wʌc'ʌ a bʌ cha'an ma' mel chuqui jontol ti' wut lac Yum.

1 Reyob 22:18

I rey israelob tsi' sube Josafat i rey Judá: ¿Mach ba anic tsac subeyet? Ma'anic mi' subeñon chuqui uts'at ili winic, jini jach tsʌts bʌ t'an mi' subeñon, che'en.

1 Reyob 22:8

Jini rey ti Israel tsi' jac'be: Ancu juntiquil x'alt'an i cha'an lac Yum, jiñʌch Micaías (i yalobil Imla). Mu'cu mejlel laj c'ajtiben, pero ts'a' mij q'uel jini winic, come ti pejtelel ora ma'anic mi' subeñon chuqui wen. Jini jach tsʌts tac bʌ mi' subeñon, che'en. Josafat tsi' sube Acab: Mach ma' cha'len t'an che' bajche' jini. Pʌyʌ, che'en.

Salmos 13:4

Ame mi' yʌl j contra: Tsa' mʌjli c cha'an, ame che'ic, Ame ch'ejl'ac i pusic'al j contrajob mi tsa' asiyiyon ti pañimil.

Salmos 35:19

Mach ñuc'ac i pusic'al j contrajob mu' bʌ i jop'ob c mul. Anquese ma'anic c mul mi' ts'a'leñoñob.

Salmos 89:42

Tsa'ix a wʌq'ueyob i p'ʌtʌlel i contrajob cha'an mi' mʌjlel i cha'añob. Tsa'ix a wʌq'ueyob i tijicñʌyel i pusic'al i contrajob.

Proverbios 24:17

Mach yomic tijicña a pusic'al che' mi' yajlel a contra. Mi tsi' jats'ʌ i yoc mach yomic tijicña ma' wubin,

Jeremias 38:4

Jini cha'an jini yumʌlob tsa' cha' majli i subeñob jini rey: A wocolic la' chʌmic ili winic Jeremías. Come ti' caj i t'an woli' c'uñ'añob soldadojob yic'ot pejtel winicob che' bajche' jaytiquil tsa' cʌleyob wʌ' ti tejclum. Ili winic ma'anic woli coltañob. Woli' yʌc'ob ti jisʌntel, che'ob.

Jeremias 50:11

Jatetla, caldeojob, tijicña tsa' la' wubi che' bʌ tsa' la' xujch'ibeyob majlel i chubʌ'an c winicob. Chan tsa' la' mele la' bʌ. Lajaletla bajche' alʌ wacax tip'tip'ña bʌ ti jamil yic'ot tat caballo mu' bʌ i taj i ch'oclel.

Abdias 1:12

Mach yomic mi la' wajlen la' pi'ʌlob che' mi' tajob wocol. Jontoletla come tijicña tsa' la' wubi che' bʌ tsa' laj jili i chubʌ'an la' pi'ʌlob ti Judá. Tsa' la' chañ'esa la' bʌ ti' yorajlel i wocol.

Miqueas 7:8

Jatet mu' bʌ a contrajiñon, mach a lon tijicñesan a pusic'al. Come anquese tsac poj ubi wocol, mi caj c cha' taj c wenlel. Anquese añon ti ac'ʌlel yilal, lac Yum mi caj i cha' pʌsbeñon i sʌclel.

Mateo 10:22

Mi caj la' ts'a'lentel cha'an pejtelel winicob x'ixicob cha'an tij c'aba'. Pero jini mu' bʌ i cuch i wocol c'ʌlʌl ti' jilibal mi caj i coltʌntel.

Juan 16:20

Isujm, isujm mic subeñetla: Jatetla mi caj la' cha'len uq'uel, mi caj la' mel la' pusic'al. Jini año' bʌ ti pañimil tijicña mi caj i yubiñob. Jatetla ch'ijyem jax mi caj la' wubin. Ti wi'il mi caj i q'uextʌyel i ch'ijiyemlel la' pusic'al ti' tijicñʌyel.

Juan 7:7

Winicob x'ixicob i cha'año bʌ pañimil mach mejlic i ts'a'leñetla. Mi' ts'a'leñoñob come mic tsictesʌbeñob jontol bʌ i melbal.

Hechos 5:33

Tsa' wen mich'ayob che' bʌ tsi' yubibeyob i t'an. Yomob i tsʌnsan jini apóstolob.

1 Corintios 13:6

Mach tijicñayic mi' yubin che' mi' tic'lʌntel jini toj bʌ. Tijicña mi' yubin che' uts'at mi' loq'uel jini toj bʌ.

Apocalipsis 12:13

Jini ajin che' bʌ tsi' q'uele chocbilix jubel ti lum, tsa' caji i yajñesan majlel jini x'ixic tsa' bʌ i yʌc'ʌ ti pañimil ch'iton bʌ i yalobil.

Apocalipsis 13:14

Tsi' loti pejtel chumulo' bʌ ti pañimil yic'ot i yejtal i p'ʌtʌlel tsa' bʌ aq'uenti i pʌs ti' tojlel jini jontol bʌ bʌte'el. Tsi' yʌq'ueyob mandar jini chumulo' bʌ ti pañimil cha'an mi' melob i yejtal jini jontol bʌ bʌte'el tsa' bʌ lojwi ti espada, tsa' bʌ cha' coli.

Apocalipsis 13:8

Pejtelel woliyo' bʌ ti chumtʌl ti pañimil, mach bʌ otsʌbilic i c'aba' ti jini jun ba' otsʌbilob i c'aba' jini año' bʌ i cuxtʌlel c'ʌlʌl ti' tejchibal pañimil, mi caj i ch'ujutesañob jini bʌte'el. Jini jun i cha'añʌch jini Tiñʌme' tsa' bʌ tsʌnsʌnti.

Apocalipsis 16:10

I jo'ticlel ángel tsi' beq'ue i bʌl taza ti' buchlib jontol bʌ bʌte'el. Tsa' ic'a i lumal i yumʌntel. Winicob x'ixicob tsi' c'uxuyob i yac' cha'an i c'uxel i wocol.

Apocalipsis 3:10

Come xuc'ul woli la' jac'beñon c t'an anquese wersa mi la' cuch wocol. Jini cha'an mi caj cʌntañetla ame i tajetla wocol ti' yorajlel wocol mu' bʌ caj i tilel ti pejtelel pañimil cha'an mi yilʌbentelob i pusic'al jini chumulo' bʌ ti pañimil.