Apocalipsis 10:5 - Chol: I T’an Dios

⁵ Jini ángel tsa' bʌ j q'uele, jini xat wa'al bʌ ti colem ñajb yic'ot ti lum, tsi' letsa i c'ʌb ti panchan.

Jiñi Tsiji' bʌ Wen T'añ cha'añ Estudio

⁵ Jiñi ángel tsa' bʌ j q'uele, jiñi xat wa'al bʌ ti mar yic'ot ti lum, tsi' letsa i c'ʌb ti panchan.

Chol de Tumbalá Bible

⁵ Jini ángel tsa' bʌ j q'uele, jini xat wa'al bʌ ti colem ñajb yic'ot ti lum, tsi' letsa i c'ʌb ti panchan.

Jiñi Tsiji' bʌ Wen T'añ cha'añ Estudio

⁵ Jiñi ángel tsa' bʌ j q'uele, jiñi xat wa'al bʌ ti mar yic'ot ti lum, tsi' letsa i c'ʌb ti panchan.

Chol Tila

⁵ Jini p'ʌtyʌl bʌ ajtroñel i cha'an Dios ch'oyol bʌ ti panchan tsa' bʌ quilʌ ya' xat wa'al yic'ot junts'ijt i yoc ti lum, junts'ijt i yoc ti ja' ti letsʌ i ñoj bʌ c'ʌb.

Apocalipsis 10:5 Iomraidhean Croise

Genesis 14:22

Abram tsi' sube: Tsac letsa j c'ʌb che' bʌ tsa cʌc'ʌ c t'an ti' tojlel c Yum, jini Cojach bʌ Dios Am bʌ i Ñuclel, jini tsa' bʌ i mele panchan yic'ot pañimil.

Nehemias 9:6

Esdras tsi' yʌlʌ: Jatet jach Yumʌlet, c Yum lojon. Tsa' mele panchan, jini ñuc bʌ panchan ya' ba' chumulet. Tsa' mele ja'el pejtel jini chumulo' bʌ ti panchan. Tsa' mele pañimil yic'ot pejtel am bʌ ti pañimil. Tsa' mele ñajb yic'ot pejtel am bʌ ti ñajb. Ma' cʌntan ti pejtelel. Mi' ch'ujutesañetob jini chumulo' bʌ ti panchan.

Salmos 146:5

Tijicña mu' bʌ i taj i coltʌntel ti' Dios Jacob. Ñʌch'ʌl i pusic'al woli' pijtan lac Yum, come jiñʌch i Dios.

Exodo 20:11

come ti wʌcp'ejl q'uin a Yum tsi' mele panchan yic'ot pañimil, jini ñajb, yic'ot pejtel i bʌl. Tsi' c'aja i yo che' ti wucp'ejlel q'uin. Jini cha'an a Yum tsi' yʌlʌ uts'at i q'uiñilel c'aj o. Tsi' q'uele ti ch'ujul.

Exodo 6:8

Mi caj c pʌyetla ochel ti jini lum tsa' bʌ cʌq'ueyob Abraham yic'ot Isaac yic'ot Jacob che' bajche' tsac subeyob. Mi caj cʌq'ueñetla come la' Yumon”. Che' yom ma' subeñob, che'en lac Yum.

Ezequiel 20:15

Pero tsac wa'chocobeyob c t'an ya' ti tiquin bʌ lum cha'an ma'anic mi caj c pʌyob majlel ti wen bʌ lum ba' mi' colel pejtel pʌc'ʌbʌl ti chajp ti chajp ba' wen uts'at jini lum, ñumen uts'at bajche' pejtelel yan tac bʌ lum ti pañimil.

Ezequiel 20:23

Ya' ti tiquin bʌ lum tsac wa'chocobeyob c t'an cha'an muq'uix c pam pucob ti pejtelel lum tac yic'ot ti pejtelel tejclum tac.

Ezequiel 20:28

Che' bʌ tsac pʌyʌyob tilel ila ti lum tsa' bʌ cʌq'ueyob che' bajche' tsac subeyob i tatob, tsi' ch'ujutesayob dioste' tac ba'an colem te' tac ti bujbujtʌl. Ya' tsa' majli i tsʌnsʌbeñob i majtan cha'an mi' yutsi techbeñoñob c mich'ajel. Ya' tsi' puluyob jini xojocña bʌ pom. Tsi' bec'beyob jini japbil bʌ majtañʌl tac.

Ezequiel 20:42

Che' mic cha' pʌyetla tilel ti' lumal Israel ti jini lum tsa' bʌ cʌq'ueyob la' ñojte'el, mi caj la' ña'tan la' Yumon.

Ezequiel 20:5

Subeñob: “Lac Yum Dios woli' yʌl: Che' bʌ tsac yajca jini israelob, tsa cʌq'ueyob i cʌñon ya' ti' lumal Egipto. Tsa cʌq'ueyob c t'an, tsac subeyob. A Yumon a Dioson, cho'on.

Ezequiel 36:7

Jini cha'an lac Yum Dios woli' yʌl: Tsa'ix c letsa j c'ʌb cha'an mi cʌc' c t'an: Mi caj i yubiñob quisin jini colem tejclum tac.

Ezequiel 47:14

Junlajal mi caj i t'oxbentelob ti mojt ti mojt che' bajche' tsac subeyob la' ñojte'elob. Che'ʌch mi caj la' wʌq'uentel wʌle.

Daniel 12:7

Jini winic xojbil bʌ i pislel ti lino, wa'al bʌ ti pam jini ñoja', tsi' letsa cha'ts'ijt i c'ʌb ti' tojel panchan. Tsi' yʌc'ʌ i t'an ti' c'aba' jini Cuxul bʌ Dios. Tsi' yʌlʌ: Mach ujtic jinto mi' ñumel ojlil i chʌmp'ejl jab, jinto mi' jisʌntel i p'ʌtʌlel jini mu' bʌ i jisan i cha'año' bʌ Dios. Che jini mi' caj ti ujtel. che'en.

Hechos 14:15

Tsi' yʌlʌyob: Winicob, ¿chucoch mi la' cha'len che' bajche' jini? Joñon lojon winicon lojon ja'el che' bajche'etla. Mic subeñetla yom mi la' cʌy jini lolom jach bʌ cha'an mi la' ñop jini cuxul bʌ Dios tsa' bʌ i mele panchan yic'ot pañimil yic'ot colem ñajb yic'ot pejtelel i bʌl.

Hechos 17:23

Come che' bʌ tsa' ñumiyon ba' tsaj q'uele i yotlel tac diosob, tsac taja jump'ejl pulʌntib ba' ts'ijbubil jini t'an: JINI DIOS MACH BɅ CɅMBILIC. Jini cha'an mi caj c tsictesʌbeñetla jini Dios mach bʌ cʌmbilic la' cha'an mu' bʌ la' ch'ujutesan.

Romanos 1:20

C'ʌlʌl ti' tejchibal pañimil tsiquil añʌch Dios, come tsiquil i melbal. Anquese ma'anic mi laj q'uel ti lac wut, tsiquil i p'ʌtʌlel yic'ot i ña'tibal mach bʌ anic mi' jilel. Jini cha'an bʌjobʌch i bʌ che' ma'anic mi' ñopob.

Deuteronomio 32:40

Mic letsan j c'ʌb ti panchan cha'an mi cʌc' c t'an, Wersa mi' caj ti ts'ʌctiyel come cuxulon ti pejtelel ora.

Hebreos 6:13

Dios che' bʌ tsi' yʌq'ue Abraham i t'an, tsi' bajñel xuc'choco i t'an. Come ma'anic yambʌ ñuc bʌ bajche' Dios tsa' bʌ mejli i xuc'chocon.

Apocalipsis 1:18

Joñoñʌch jini cuxul bʌ. Tsa' chʌmiyon. Awilan, cha' cuxulon ti pejtelel ora. Amén. An tic p'ʌtʌlel jini chʌmeño' bʌ yic'ot i yajñib chʌmeño' bʌ.

Apocalipsis 10:2

Ya' ti' c'ʌb an alʌ jun yujil bʌ bʌjlel. Jambil. Tsi' yʌc'ʌ ñoj bʌ i yoc ti' pam colem ñajb. Tsi' yʌc'ʌ ts'ej bʌ i yoc ti' pam lum.

Apocalipsis 14:7

C'am tsi' cha'le t'an. Tsi' yʌlʌ: Bʌc'ñanla Dios. Subenla i ñuclel. Tsa'ix tili i yorajlel cha'an mi' cha'len meloñel. Ch'ujutesanla jini tsa' bʌ i mele panchan yic'ot pañimil, yic'ot colem ñajb, yic'ot i loq'uib ja' tac, che'en.

Apocalipsis 16:17

I wucticlel ángel tsi' beq'ue i bʌl taza ti ic'. Tsa' loq'ui c'am bʌ t'an ti' buchlib Dios ya' ti templo am bʌ ti panchan. Tsi' yʌlʌ: Tsa'ix ujti, che'en.

Apocalipsis 4:11

Uts'at c Yum lojon. Yom mi' sujbel a ñuclel yic'ot a c'uxbintel yic'ot a p'ʌtʌlel, come jatet tsa' mele pejtelel chuqui tac an. Ti pejtelel tsa' mejli cha'an che'ʌch a wom. Tsa' laj aq'ue i cuxtʌlel, che'ob.

Apocalipsis 4:9

Ti pejtelel ora jini chʌntiquil querubin mi' tsictesañob i ñuclel jini buchul bʌ ti' yumʌntel. Ti jujunyajl che' mi' c'ʌyibeñob i ñuclel, che' mi' subeñob wocolix i yʌlʌ jini cuxul bʌ ti pejtelel ora,