Apocalipsis 10:4 - Chol: I T’an Dios

⁴ Che' wucyajl tsa' ujti ti t'an chajc tsa' cʌlʌ cajel ti ts'ijb. Tsa cubi t'an loq'uem bʌ ti panchan. Tsi' subeyon: Ñup'u ti sello chuqui tsi' subu che' wucyajl tsi' cha'le t'an chajc. Mach a ts'ijban, che'en.

Jiñi Tsiji' bʌ Wen T'añ cha'añ Estudio

⁴ Che' wucyajl tsa' ujti ti t'añ chajc, tsa' cʌlʌ cajel ti ts'ijb, pero tsa' cu'bi t'añ loq'uem bʌ ti panchan, tsi' su'beyon: “Ñup'u ti sello chuqui tsi' su'bu che' wucyajl tsi' cha'le t'añ chajc. Mach a ts'ijban”, che'en.

Chol de Tumbalá Bible

⁴ Che' wucyajl tsa' ujti ti t'an chajc tsa' cʌlʌ cajel ti ts'ijb. Tsa cubi t'an loq'uem bʌ ti panchan. Tsi' subeyon: Ñup'u ti sello chuqui tsi' subu che' wucyajl tsi' cha'le t'an chajc. Mach a ts'ijban, che'en.

Jiñi Tsiji' bʌ Wen T'añ cha'añ Estudio

⁴ Che' wucyajl tsa' ujti ti t'añ chajc tsa' cʌlʌ cajel tic ts'ijb, tsa' cu'bi t'añ loq'uem bʌ ti panchan, tsi' su'beyon: “Ñup'u ti sello chuqui tsi' su'bu che' wucyajl tsi' cha'le t'añ chajc. Mach a ts'ijban.”

Chol Tila

⁴ Che' ti ujti ti t'an jini siete i t'an chajc colel c ts'ijbun jini tsa' bʌ i yʌlʌyob jini chajc tyac. Pero ti cubi ajt'an loq'uem bʌ ti panchan tsa' bʌ i tiq'uiyon. Ti' subeyon: Mach a tsictisan i sujmlel jini tsa' bʌ i yʌlʌ jini siete t'an chajc. Ma' ma' ts'ijbun ti jun. Che' ti' subentiyon.

Apocalipsis 10:4 Iomraidhean Croise

Isaias 29:11

Jini cha'an ma'anic mi' sojlel ili t'an ti a pusic'al. Lajalʌch ili tac mu' bʌ caj ti ujtel bajche' ñup'ul bʌ jun am bʌ i sellojlel. Mi tsa' wʌq'ue i q'uel jun juntiquil yujil bʌ i q'uelol, mi caj i jac': “Mach mejlicon come ñup'ul”,

Isaias 8:1

Lac Yum tsi' cha' subeyon: Yajcan junq'uel ñuc bʌ tabla cha'an ma' ts'ijban ti ñuc bʌ letra tac: Mi caj i yilan pañimil a walobil, jiñʌch Mahersalal Hasbaz. An i sujmlel i c'aba': Mach jalix mi caj i jisʌntel la' contrajob.

Isaias 8:16

Otsan cʌytʌl c t'an ti' pusic'al c cha'año' bʌ, che'en lac Yum.

Daniel 12:4

Pero jatet Daniel, mach yomic ma' tsictesan ili t'an. Yom ma' wotsʌben i sellojlel jini jun c'ʌlʌl ti jini cojix bʌ ora. Winicob mi' cajelob ti cabʌl xʌmbal. Mi caj i p'ojlel i ña'tʌbal winicob ti pañimil. Tsa' ujti ti t'an Gabriel.

Daniel 12:9

Jini tsi' jac'beyon: Cojix jini, Daniel. Cucux, come mucul to mi caj i cʌytʌl ili t'an jinto mi' c'otel i yorajlel che' mi' cajel ti ujtel.

Daniel 8:26

Jini tsa' bʌ a q'uele isujmʌch. Mi' caj ti ujtel ti jo'bajc' yic'ot jo'lujunc'al (2,300) q'uin che' bajche' tsac tsictesʌbeyet. Mach yomic ma' tsictesan chuqui tsa' q'uele, come jal to mi caj i yujtel, che'en Gabriel.

Deuteronomio 29:29

Jini mucul tac bʌ an ti' wenta lac Yum Dios. Pero lac cha'añʌch yic'ot i cha'añʌch la calobilob pejtelel jini tsa' bʌ i tsictesʌbeyonla lac Yum ti pejtelel ora, cha'an mi lac jac'ben pejtelel i t'an yic'ot i mandar.

Apocalipsis 1:11

Tsi' yʌlʌ: Joñon tsac teche pejtelel chuqui tac an. Mi cʌq'uen i jilibal. Añon ti ñaxan. Añon ti' yujtibal. Ts'ijban ti jun chuqui tac ma' q'uel. Chocbeñob majlel jun jini wucmojt xñopt'añob mu' bʌ i tempañob i bʌ ya' ti Asia, jini año' bʌ ti Efeso, yic'ot ti Esmirna, yic'ot ti Pérgamo, yic'ot ti Tiatira, yic'ot ti Sardis, yic'ot ti Filadelfia, yic'ot ti Laodicea, che'en.

Apocalipsis 1:19

Ts'ijban chuqui tsa' q'uele, yic'ot chuqui an wʌle yic'ot chuqui mi caj i yujtel.

Apocalipsis 10:8

Jini t'an tsa' bʌ cubi loq'uem bʌ ti panchan tsi' cha' pejcayon. Tsi' yʌlʌ: Cucu. Ch'ʌmʌ jini jamʌl bʌ jun am bʌ ti' c'ʌb jini ángel xat wa'al bʌ ti' pam colem ñajb yic'ot ti' pam lum, che'en.

Apocalipsis 22:10

Jini ángel tsi' subeyon: Mach a ñup' ti sello jini jun yic'ot i cʌntesa, come lʌc'ʌlix i yorajlel.