Amos 1:3 - Chol: I T’an Dios

³ Lac Yum woli' yʌl: Cabʌlix i jontolil Damasco. Tsa' cʌlʌx ñumi i p'isol i jontolil. Mach chʌn cujchix c cha'an. Come tsi' tsʌnsayob jini año' bʌ ti Galaad. Tsi' bajbeyob ti tsucul taq'uin mu' bʌ i c'ʌñob i jats' loq'uel i bʌc' jam.

Chol de Tumbalá Bible

³ Lac Yum woli' yʌl: Cabʌlix i jontolil Damasco. Tsa' cʌlʌx ñumi i p'isol i jontolil. Mach chʌn cujchix c cha'an. Come tsi' tsʌnsayob jini año' bʌ ti Galaad. Tsi' bajbeyob ti tsucul taq'uin mu' bʌ i c'ʌñob i jats' loq'uel i bʌc' jam.

Amos 1:3 Iomraidhean Croise

1 Reyob 19:17

Mi caj i chʌmelob cabʌl winicob. Jini mach bʌ anic mi' tsʌnsʌntel ti' yespada Hazael, Jehú mi caj i tsʌnsan. Jini mu' bʌ i puts'el ti' tojlel Jehú, Eliseo mi caj i tsʌnsan.

2 Reyob 13:3

Jini cha'an lac Yum tsi' mich'le jini israelob. Tsi' yʌc'ʌyob ti' c'ʌb Hazael rey bʌ ti Siria yic'ot ti' c'ʌb Benadad (i yalobil Hazael).

2 Reyob 13:7

Hazael tsi' wen jisʌbe i p'ʌtʌlel Israel. Tsa' jach cʌleyob ti' wenta Joacaz lujuntiquil i yuxc'al (50) winicob yujilo' bʌ c'ʌchtʌl ti caballo, yic'ot lujuncojt carreta, yic'ot lujump'ejl ti mil soldadojob. Jini rey ti Siria tsi' jisa cabʌl israelob. Tsi' t'uchtayob che' bajche' jini ts'ubejn am bʌ ti lum.

2 Reyob 16:9

I rey Asiria tsi' jac'ʌ. Tsa' majli i contrajin Damasco ya' ti Siria. Tsi' chili ti guerra. Tsi' choco loq'uel jini ya' bʌ chumulob. Tsi' pʌyʌyob majlel ti Kir. Tsi' tsʌnsa Rezín i rey Siria.

2 Reyob 8:12

Tsi' yʌlʌ Hazael: C yum, ¿chucoch ma' cha'len uq'uel? che'en. Eliseo tsi' yʌlʌ: Come cujil mi caj a tic'lan jini israelob. Mi caj a pulben wen melbil bʌ i yototob. Mi caj a tsʌnsʌbeñob ch'iton bʌ i yalobilob. Mi caj a pajq'uiñob ti xajlel jini alobob. Mi caj a p'o'ob jini x'ixicob cʌntʌbilo' bʌ i cha'an i yalobil, che'en.

Job 19:3

Lujunyajlix tsa' wajleyon. Mach a wujilic quisin che' ma' pʌc'on ti mulil.

Job 5:19

Ma'anic mi caj a wʌjq'uel ti jilel anquese mi' cʌlʌx tajet wocol. Jujunyajl mi caj i coltañet loq'uel.

Proverbios 6:16

Lac Yum mi' ts'a'len pejtel mulil. Añʌch wʌcchajp xmulilob ts'a'le'bilo' bʌ i cha'an, yic'ot yambʌ junchajp:

Eclesiastes 11:2

T'oxbeñob ñumel wuctiquil. Mach a to'ol q'uel jach jini waxʌcticlel, come ti wi'il bʌ ora tic'ʌl muq'uix a c'ajtin a coltʌntel ja'el.

Isaias 28:27

Mach junlajalic mi lac loc'san i bʌc' pejtelel mu' bʌ i colel. Mi laj c'ʌn chojom cha'an mi' lac cha'len ixom. Mi laj quel cajpe' ti máquina.

Isaias 41:15

Lajalet bajche' tsucul bʌ top'i' lum mach bʌ anic i yej. Mi caj c cha' melet che' bajche' tsiji' bʌ e'tijibʌl jay bʌ i yej. Mi caj a jem majlel wits. Mi caj i yajlelob a contrajob anquese p'ʌtʌlob.

Isaias 7:16

jinto mi' julel i pusic'al cha'an mi' yajcan chuqui uts'at, cha'an mi' juch'tec' chuqui jontol. Che' maxto cʌyʌlic i cha'an i chu', awilan jini cha'tiquil reyob woli bʌ a bʌc'ñan mi caj i junyajlel jisʌntelob yic'ot pejtelel i lumal.

Isaias 7:8

Come jini colem tejclum ti Siria ba' mi' cha'len yumʌl Rezín jiñʌch Damasco. Ya' jach jaxʌl i yumʌntel. Ma'anic mi caj i ñuc'an. Efraín ja'el mi caj i junyajlel jisʌntel che' ti yambʌ jo'p'ejl i chʌnc'al jab.

Isaias 8:4

Come che' maxto yujilic t'an cha'an mi' pejcan i tat yic'ot i ña' jini ch'iton, jini rey ch'oyol bʌ ti Asiria mi caj i mʌlben Damasco yic'ot Samaria. Mi caj i chilbeñob pejtelel i chubʌ'an, che'en.

Amos 1:11

Lac Yum woli' yʌl: Cabʌlix i jontolil Edom. Tsa' cʌlʌx ñumi i p'isol i jontolil. Mach chʌn cujchix c cha'an, come tsi' yajñesayob i pi'ʌlob ti espada. Ma'anic tsi' p'untayob i pi'ʌlob. Tsi' lotoyob i mich'ajel ti' pusic'al. Ma'anic tsa' lajmi i mich'ajel.

Amos 1:13

Lac Yum woli' yʌl: Cabʌlix i jontolil Amón. Tsa' cʌlʌx ñumi i p'isol i jontolil. Mach chʌn cujchix c cha'an, come tsi' p'o'oyob x'ixicob cʌntʌbil bʌ i cha'añob alʌl cha'an mi' ñuq'uesañob i lum ya' ti Galaad.

Amos 1:6

Lac Yum woli' yʌl: Cabʌlix i jontolil Gaza. Tsa' cʌlʌx ñumi i p'isol i jontolil. Mach chʌn cujchix c cha'an, come tsi' wersa pʌyʌyob majlel winicob x'ixicob cha'an mi' choñob ti majtan e'tel ti Edom.

Amos 1:9

Lac Yum woli' yʌl: Cabʌlix i jontolil Tiro. Tsa' cʌlʌx ñumi i p'isol i jontolil. Mach chʌn cujchix c cha'an, come tsi' choñoyob cabʌl winicob x'ixicob ti majtan e'tel ya' ti Edom. Che' jini tsi' jemeyob i trato yic'ot israelob.

Amos 2:1

Lac Yum woli' yʌl: Cabʌlix i jontolil Moab. Tsa' cʌlʌx ñumi i p'isol i jontolil. Mach chʌn cujchix c cha'an, come tsi' pulbeyob i bʌquel i rey Edom c'ʌlʌl tsa' sujti ti tan.

Amos 2:4

Lac Yum woli' yʌl: Cabʌlix i jontolil Judá. Tsa' cʌlʌx ñumi i p'isol i jontolil. Mach chʌn cujchix c cha'an, come tsi' ñusʌbeyon c t'an, ma'anic tsi' jac'beyon c mandar. Tsa' sajtiyob cha'an tsi' ñopoyob lot. Tsi' ñopoyob dioste' tac che' bajche' i tatob.

Amos 2:6

Lac Yum woli' yʌl: Cabʌlix i jontolil Israel. Tsa' cʌlʌx ñumi i p'isol i jontolil. Mach chʌn cujchix c cha'an, come mi' choñob jini mach bʌ añobic i mul cha'an i wo'lel ti taq'uin. Mi' c'ʌñob i tojol jini p'ump'uño' bʌ cha'an mi' mʌñob i huarach.

Zacarias 9:1

Jiñʌch i t'an lac Yum ti' contra i lum Hadrac yic'ot Damasco, come lac Yum woli' wen q'uel pejtel winicob x'ixicob yic'ot israelob ja'el.

Zacarias 9:2

Mi caj i jilel Hamat yic'ot Tiro yic'ot Sidón, anquese cabʌl i ña'tʌbal.