2 Samuel 8:2 - Chol: I T’an Dios

² Tsi' jisa Moab. Tsi' subeyob ñoltʌl ti lum. Che' tsololob, tsi' p'isiyob ti lazo. Ti' cha'p'islel tsa' tsʌnsʌntiyob. Jump'is tsa' coli. Ma'anic tsa' tsʌnsʌntiyob, pero tsa' ochiyob ti' winic David. Tsa' caji i yʌc'ob i tojoñel ti jujump'ejl jab.

Chol de Tumbalá Bible

² Tsi' jisa Moab. Tsi' subeyob ñoltʌl ti lum. Che' tsololob, tsi' p'isiyob ti lazo. Ti' cha'p'islel tsa' tsʌnsʌntiyob. Jump'is tsa' coli. Ma'anic tsa' tsʌnsʌntiyob, pero tsa' ochiyob ti' winic David. Tsa' caji i yʌc'ob i tojoñel ti jujump'ejl jab.

2 Samuel 8:2 Iomraidhean Croise

2 Samuel 12:31

Tsi' choco loq'uel jini chumulo' bʌ ti tejclum. Tsa' caji i c'ʌñob ti e'tel ti pic lum yic'ot ti p'el te' yic'ot fierro bʌ e'tijibʌl tac. Tsi' yʌq'ueyob ja'el i ye'tel cha'an mi' pulob ladrillo. Che'ʌch tsi' melbeyob jini amoñob ti pejtelel i tejclum. Che' jini David tsa' cha' sujti ti Jerusalén yic'ot pejtelel i winicob.

2 Samuel 8:6

Che' jini David tsi' wa'choco xcʌntayajob ya' ti Damasco ti' tojlel jini siriajob cha'an mi' yotsañob ti' winic David, cha'an mi' yʌq'ueñob i tojoñel. Awilan lac Yum tsi' wen colta David baqui jach tsa' ñumi.

1 Reyob 4:21

Jini rey Salomón tsi' cha'le yumʌl c'ʌlʌl ti' colem ja' i c'aba' Eufrates, c'ʌlʌl ba' jaxʌl i lumal filisteojob, c'ʌlʌl ba' jaxʌl i lumal egiptojob. Che' ja'el jini mach bʌ israelobic tsi' yumayob Salomón ti pejtelel ili lum. Tsi' yʌc'ʌyob i tojoñel ti' tojlel Salomón, anquese mach israelobic. Tsi' melbeyob i ye'tel c'ʌlʌl jinto tsa' chʌmi.

2 Reyob 1:1

Che' chʌmenix Acab, jini moabob tsa' caji' contrajiñob Israel. Tsi' cʌyʌ i yʌc'ob i tojoñel.

2 Reyob 17:3

Salmanasar jini rey ti Asiria tsa' tili i contrajin Oseas ti guerra. Oseas tsa' caji i yuman Salmanasar. Tsi' chocbe majlel tojoñel.

1 Cronicas 18:2

Che' ja'el tsa' ochiyob ti' wenta David jini año' bʌ ti Moab. Pejtelel jini moabob tsa' caji i cha'leñob tojoñel ti' tojlel David.

Salmos 108:9

Moab jiñʌch to'o x'e'tel c cha'an mu' bʌ i pocbeñon coc. Edom jiñʌch to'o x'e'tel mu' bʌ i cʌntʌbeñon c xʌñʌb. Mi caj c cha'len oñel ya' ti Filistea cha'an tsa' mʌjli c cha'an, che'et.

Salmos 18:45

Jini ñajt bʌ ch'oyolob mi' cajelob ti bʌq'uen. Tsiltsilña mi' loq'uelob ti tejclum ba' joy ts'ajquibil.

Salmos 60:10

Dios, ¿mach ba chocbilonic lojon a cha'an? Dios, ma'anix ma' pi'leñob majlel ti guerra jini soldadojob c cha'an lojon.

Salmos 60:8

Moab jiñʌch to'o x'e'tel c cha'an mu' bʌ i pocbeñon coc. Edom jiñʌch to'o x'e'tel mu' bʌ i cʌntʌbeñon c xʌñʌb. Mij cajel ti oñel ya' ti Filistea cha'an tsa' mʌjli c cha'an, che'en Dios.

Salmos 83:6

Jini ch'oyolo' bʌ ti Edom yic'ot jini ismaelob, Yic'ot año' bʌ ti Moab, yic'ot jini agareñob,

Isaias 36:16

Mach yomic mi la' jac'ben i t'an Ezequías. Come jini rey ti Asiria woli' yʌl: Ac'ʌx la' bʌ tic wenta cha'an ñʌch'ʌl mi la' wajñel quic'ot. Che' jini mi caj la' c'ux i wut la' ts'usubil. Mi caj la' mʌc'ben i wut higuerate' tsa' bʌ la' pʌc'ʌ. Mi caj la' jap jini ja' am bʌ ti la' pozo,

Numeros 24:17

Wolij q'uel, pero maxto poj wʌleyic. Wolij q'uel, anquese jalto i yorajlel. Mi caj i loq'uel Ec' ti' tojlel Jacob. Mi caj i cha'len i yumʌntel ti' tojlel israelob. Mi caj i jisan winicob ti Moab, yic'ot pejtelel i yalobilob Set.

1 Samuel 10:27

Pero an juntiquil cha'tiquil tsʌtso' bʌ i pusic'al. Tsa' caji i yʌlob: ¿Bajche' mi caj i coltañonla ili winic? che'ob. Ma'anic tsa' caji i wen p'isob ti wenta. Ma'anic tsi' yʌq'ueyob i majtan Saúl. Ñʌch'ʌl jach Saúl. Ma'anic chuqui tsi' yʌlʌ.

1 Samuel 14:47

Che' wolix ti yumʌntel Saúl ti' tojlel israelob, tsi' cha'le guerra yic'ot pejtelel i contrajob año' bʌ ti' joytʌlel, jini moabob, jini amoñob, jini edomob, yic'ot jini yumʌlob ti Soba, yic'ot jini filisteojob. Baqui jach tsa' majli Saúl tsa' mʌjli i cha'an.

1 Samuel 22:3

David tsa' loq'ui ti Adulam. Tsa' majli ti Mizpa am bʌ ti Moab. Tsi' c'ajtibe permiso jini rey ti Moab cha'an mi' yajñelob i ña' i tat ya' ti' lumal. Tsi' sube: A wocolic la' ajnicob a wic'ot jinto mic ña'tan bajche' mi cajel i coltañon Dios, che'en.

1 Samuel 22:4

Jini cha'an David tsi' pʌyʌyob tilel. Tsi' cʌyʌyob ti' wenta jini rey ti Moab. Jal tsa' ajniyob ya'i jinto tsa' caji ti chumtʌl David ba' wen xuc'ul.