2 Samuel 7:3 - Chol: I T’an Dios

³ Natán tsi' sube jini rey: Mele pejtel chuqui a wom, come lac Yum woli' coltañet, che'en.

Chol de Tumbalá Bible

³ Natán tsi' sube jini rey: Mele pejtel chuqui a wom, come lac Yum woli' coltañet, che'en.

2 Samuel 7:3 Iomraidhean Croise

2 Samuel 7:4

Awilan ti jini jach bʌ ac'ʌlel tsa' tili i t'an lac Yum ba'an Natán. Tsi' sube:

1 Reyob 1:8

Pero xuc'ulob to yic'ot David jini motomaj Sadoc, yic'ot Benaía (i yalobil Joiada), yic'ot jini x'alt'an i c'aba' Natán, yic'ot Simei, yic'ot Rei, yic'ot jini ch'ejl bʌ winicob i cha'an bʌ David. Ma'anic tsi' cʌyʌyob i yum.

2 Reyob 4:27

Che' bʌ tsa' c'oti ba'an Eliseo, tsi' ñocchoco i bʌ cha'an mi' mec'ben i yoc. Pero tsa' tili Giezi cha'an mi' tic'. Eliseo tsi' sube: La' to ajnic, come wen ch'ijiyem jax i pusic'al. Lac Yum ma'anic tsi' tsictesʌbeyon i wocol, che'en.

1 Cronicas 22:7

David tsi' sube Salomón: Calobil, tsac lon ña'ta c wa'chocoben i yotot lac Yum Dios.

1 Cronicas 28:2

Che' jini tsa' xit' ch'ojyi jini rey David. Che' wa'alix tsa' caji ti t'an: C pi'ʌlob mu' bʌ la' ñich'tʌbeñon c t'an, tsac ña'ta c wa'chocon otot ba' mi mejlel i yajñel jini Arca ba' lotol i trato lac Yum, cha'an ya' mi' chumtʌl lac Yum Dios. Tsa'ix ujti c laj chajpan pejtelel chuqui yom cha'an mi' mejlel jini Templo.

1 Cronicas 29:29

Pejtelel i melbal tac David tsa' bʌ i mele ti ñaxan yic'ot ti wi'il bʌ ora, laj ts'ijbubilʌch ya' ti' jun jini x'alt'an Samuel yic'ot ti' jun jini x'alt'an Natán, yic'ot ti' jun jini x'alt'an Gad.

2 Cronicas 29:25

Jini rey tsi' wa'choco levíjob cha'an mi' melob música ti Templo yic'ot címbalo, yic'ot salterio, yic'ot arpa che' bajche' tsi' yʌc'ʌ mandar David yic'ot jini x'alt'añob, Gad yic'ot Natán tsa' bʌ i subeyob bajche' yom lac Yum. Jini levíjob tsa' caji i ñijcañob jini música i cha'an David. Jini motomajob tsa' caji i wusob trompeta.

Salmos 20:4

La' i yʌq'ueñet Dios chuqui yom a pusic'al. La' i ts'ʌctesan pejtel woli bʌ a ña'tan a mel.

Salmos 37:4

Yom tijicñayet ti lac Yum. Mi caj i yʌq'ueñet chuqui yom a pusic'al.

1 Juan 2:27

Tsa'ix aq'uentiyetla jini Ch'ujul bʌ Espíritu woli bʌ i chʌn ajñel ti jatetla. Jini cha'an mach wersajic mi' cʌntesañetla yambʌ, come cʌntesʌbiletla ti Espíritu ti pejtelel chuqui yom. Isujmʌch i cʌntesa, mach lotic. Che' bajche' tsi' cʌntesayetla, che'ʌch yom mi la' chʌn ajñel ti Jesús.

1 Samuel 10:7

Che' wolix ti ujtel ti a tojlel iliyi, mele che' bajche' yom, come Dios woli' pi'leñet majlel.

1 Samuel 14:7

Jini i yaj cuch e'tijibʌl tsi' jac'ʌ: Concula. Mele pejtelel chuqui a wom. Jump'ejl jach lac pusic'al. Ya'to mij coltañet ti pejtelel chuqui ma' mel, che'en.

1 Samuel 16:7

Pero lac Yum tsi' sube Samuel: Mach a lon q'uelben i wut yic'ot i bʌc'tal jini winic, come tsa'ix c ñusa. Ma'anic mic ch'ʌm tic wenta anquese wen i t'ojol jax, anquese wen chan. Joñon mach lajalic mij q'uel che' bajche' winicob. Cojach mi' q'uelbeñob i bʌ i wut pero joñon mij q'uelbeñob i pusic'al, che'en.