2 Samuel 7:2 - Chol: I T’an Dios

² Jini rey tsi' sube jini x'alt'an Natán: Q'uele bajche' añon wʌle come wʌ' chumulon ti colem otot melbil bʌ ti ch'ujte', pero jini Arca i cha'an lac Yum an jach ti juntsajl melbil bʌ ti pisil, che'en.

Chol de Tumbalá Bible

² Jini rey tsi' sube jini x'alt'an Natán: Q'uele bajche' añon wʌle come wʌ' chumulon ti colem otot melbil bʌ ti ch'ujte', pero jini Arca i cha'an lac Yum an jach ti juntsajl melbil bʌ ti pisil, che'en.

2 Samuel 7:2 Iomraidhean Croise

2 Samuel 11:11

Urías tsi' jac'be David: Isujm ma'anic tsajniyon ti cotot come jini Arca, yic'ot israelob, yic'ot c pi'ʌlob ti Judá, ma'añobic ti' yotot, yic'ot c yum Joab, yic'ot pejtelel x'e'telob i cha'an. Ya' añob ti guerra wʌle. ¿Uts'at ba mic majlel ti we'el ti cotot? ¿Yom ba mic sujtel ba'an quijñam? che'en. Anquese che'ʌch ma' subeñon mach mejlic c jac', che'en.

2 Samuel 12:1

Lac Yum tsi' choco majlel Natán ba'an David. Che' bʌ tsa' c'oti ya' ti' yotot, tsa' caji i suben jini t'an: An cha'tiquil winic ti jump'ejl tejclum. Juntiquil an cabʌl i chubʌ'an, yambʌ wen p'ump'un jax.

2 Samuel 5:11

Hiram i rey jini año' bʌ ti Tiro, tsi' choco majlel x'ac' juñob ba'an David. Tsi' choco majlel ch'ujte', yic'ot xjuc' te'ob yujilo' bʌ i melol otot, yic'ot yujilo' bʌ i ts'ajquintel otot, cha'an mi' melbeñob i yotot David.

2 Samuel 6:17

Che' jini tsi' yotsayob jini Arca i cha'an lac Yum ya' ti' yojlil i mal Tabernáculo. David tsi' wa'choco. Tsi' pulbe tsʌnsʌbil bʌ i majtan lac Yum.

2 Samuel 7:17

Natán tsi' sube David pejtelel chuqui tac tsi' yubi yic'ot chuqui tac tsi' q'uele.

1 Reyob 1:22

Che' woli to ti t'an Betsabé yic'ot jini rey, tsa' c'oti jini x'alt'an Natán ba' añob.

1 Reyob 1:8

Pero xuc'ulob to yic'ot David jini motomaj Sadoc, yic'ot Benaía (i yalobil Joiada), yic'ot jini x'alt'an i c'aba' Natán, yic'ot Simei, yic'ot Rei, yic'ot jini ch'ejl bʌ winicob i cha'an bʌ David. Ma'anic tsi' cʌyʌyob i yum.

1 Reyob 8:17

Jini c tat David tsi' wʌn ña'ta ti' pusic'al i wa'chocoben i yotot lac Yum i Dios Israel.

1 Cronicas 14:1

Hiram i rey jini año' bʌ ti Tiro tsi' choco majlel suboñelob ba'an David. Tsi' choco majlel ch'ujte' yic'ot albañilob yic'ot carpinterojob cha'an mi' melbeñob i yotot David.

1 Cronicas 16:1

Tsi' ch'ʌmʌyob tilel jini Arca i cha'an bʌ lac Yum. Tsi' yotsayob ti Tabernáculo chajpʌbil bʌ i cha'an David. Ya'i tsi' pulbeyob tsʌnsʌbil bʌ i majtan tac Dios. Tsi' yʌq'ueyob ja'el majtañʌl tac cha'an i tijicñʌyel i pusic'al.

1 Cronicas 22:7

David tsi' sube Salomón: Calobil, tsac lon ña'ta c wa'chocoben i yotot lac Yum Dios.

1 Cronicas 29:29

Pejtelel i melbal tac David tsa' bʌ i mele ti ñaxan yic'ot ti wi'il bʌ ora, laj ts'ijbubilʌch ya' ti' jun jini x'alt'an Samuel yic'ot ti' jun jini x'alt'an Natán, yic'ot ti' jun jini x'alt'an Gad.

2 Cronicas 1:4

(Ti jim bʌ ora mach ya'ic an jini Arca, come jini rey David tsi' loc'sa ti Quiriat Jearim. Tsi' c'axtesa ti Jerusalén baqui tsi' chajpʌbe pisil bʌ i yotot.)

2 Cronicas 29:25

Jini rey tsi' wa'choco levíjob cha'an mi' melob música ti Templo yic'ot címbalo, yic'ot salterio, yic'ot arpa che' bajche' tsi' yʌc'ʌ mandar David yic'ot jini x'alt'añob, Gad yic'ot Natán tsa' bʌ i subeyob bajche' yom lac Yum. Jini levíjob tsa' caji i ñijcañob jini música i cha'an David. Jini motomajob tsa' caji i wusob trompeta.

2 Cronicas 9:29

Pejtelel i melbal Salomón, c'ʌlʌl ti' tejchibal i yumʌntel, c'ʌlʌl ti' yujtibal, laj ts'ijbubil ti' juñilel jini x'alt'an Natán yic'ot ti' juñilel jini x'alt'an Ahías ch'oyol bʌ ti Silón, yic'ot ti' juñilel jini x'alt'an Iddo tsa' bʌ i wʌn taja ti t'an i yumʌntel Jeroboam (i yalobil Nabat).

Salmos 132:2

Tsi' yʌq'ueyet i t'an. Tsi' wa'choco i t'an ti' tojlel jini p'ʌtʌl bʌ Dios, i Dios Jacob.

Salmos 132:5

Jinto mic tajben i yajñib lac Yum, I chumlib jini p'ʌtʌl bʌ i Dios Jacob, che'en.

Exodo 40:21

Ti wi'il tsi' yotsa jini Arca ti' mal jini Tabernáculo. Tsi' lich'i jini colem bʌ pisil cha'an mi' mʌctan jini Arca cha'an i T'an lac Yum che' bajche' tsi' sube lac Yum.

Hageo 1:4

Lac Yum tsi' yʌlʌ: ¿I yorajlelix ba mi la' chumtʌl ti wen melbil bʌ la' wotot? Mach i yorajlelic, come jejmen to ili cotot, che'en.

Juan 2:17

Jini xcʌnt'añob i cha'an tsi' cha' ña'tayob jini ts'ijbubil bʌ mu' bʌ i yʌl: “Mi caj c jisʌntel cha'an c bʌxlel ti a a wotot”. Che'ʌch ts'ijbubil.

Hechos 7:46

Dios tsi' pʌsbe David i yutslel. Jini David yom i melben i chumlib Dios tsa' bʌ i ñopo Jacob.