2 Samuel 5:3 - Chol: I T’an Dios

³ Che' jini tsa' c'otiyob ti Hebrón pejtelel jini xñoxob. Jini rey David tsi' laja i t'an yic'otob ti' wut lac Yum. Tsi' wa'chocoyob David ti rey ti' tojlel israelob.

Chol de Tumbalá Bible

³ Che' jini tsa' c'otiyob ti Hebrón pejtelel jini xñoxob. Jini rey David tsi' laja i t'an yic'otob ti' wut lac Yum. Tsi' wa'chocoyob David ti rey ti' tojlel israelob.

2 Samuel 5:3 Iomraidhean Croise

2 Samuel 2:4

Tsa' tiliyob winicob chumulo' bʌ ti Judá. Tsi' wa'chocoyob David ti rey ti' tojlel pejtel año' bʌ ti Judá. Tsi' tsictesʌbeyob David bajche' tsi' p'untayob Saúl jini ch'oyolo' bʌ ti Jabes ti Galaad come tsajni i mucob Saúl.

2 Samuel 2:7

Jini cha'an wʌle yom p'ʌtʌletla, yom ch'ejletla, come tsa'ix chʌmi Saúl jini la' yum. Jini año' bʌ ti Judá tsa'ix i wa'chocoyoñob cha'an mi cochel ti rey ti' tojlelob, che'en.

2 Samuel 3:21

Abner tsi' sube David: Mux c majlel c pejcan pejtelel israelob cha'an mi' temob i t'an, cha'an mi' yotsañetob ti rey ti' tojlelob. Che' jini mi mejlel a subeñob pejtelel chuqui a wom, che'en. Che' jini tsi' cʌyʌyob i bʌ David yic'ot Abner. Tsa' majli Abner ti' ñʌch'tʌlel i pusic'al.

1 Reyob 1:34

Come ya' añob jini motomaj Sadoc yic'ot jini x'alt'an Natán. Mi caj i wa'chocoñob Salomón cha'an mi' yochel ti rey ti' tojlel pejtelel israelob. Wusula jini trompeta. Cha'lenla c'am bʌ t'an cha'an cuxul mi' yajñel ti pejtelel ora jini rey Salomón. Che'ʌch yom mi la' mel.

2 Reyob 11:17

Joiada tsi' mele trato ti' tojlel lac Yum. Tsi' yʌc'ʌ i t'an jini rey cha'an mi caj i jac'ben lac Yum. Che' ja'el tsi' yʌlʌyob pejtelel winicob. Mi caj i jac'beñob lac Yum. Mi caj i c'uxbiñob jini rey.

1 Cronicas 11:1

Che' jini, jini año' bʌ i ye'tel ti Israel tsa' majliyob ba'an David ya' ti Hebrón. Tsi' subeyob: A pi'ʌlon lojon.

1 Cronicas 11:3

Jini cha'an David tsi' laja i t'an yic'otob ti' tojlel lac Yum. Tsi' boñoyob ti aceite cha'an mi' wa'chocontel ti' rey Israel che' bajche' lac Yum tsi' sube Samuel.

1 Cronicas 28:4

Pero lac Yum i Dios Israel tsa'ix i yajcayon ti' tojlel pejtelel c ñojte'elob, cha'an mic cha'len yumʌl joñon quic'ot c p'olbalob ti pejtelel ora ti' tojlel Israelob. Come tsi' yajca Judá cha'an mi' yochel ti yumʌl. Ti' tojlel Judá lac Yum tsi' yajca i yotot c tat. Ti' tojlel i yalobilob c tat tsi' yajcayon cha'an mi' wa'chocoñon ti rey ti' tojlel pejtelel israelob.

2 Cronicas 23:16

Jini motomaj Joiada yic'ot pejtelel winicob yic'ot jini rey tsi' tem cha'leyob trato cha'an ti jump'ejl i pusic'al mi caj i yajñelob ti' cha'an bʌ lac Yum. Che' bʌ tsi' yʌc'ʌyob i t'an ti' pejtelelob, tsa' majliyob ti' templo Baal. Tsi' laj jemeyob yic'ot jini pulʌntib tac. Tsi' bic'ti top'oyob jini diosob. Tsi' tsʌnsayob jini motomaj i cha'an Baal i c'aba' Matán ti' t'ejl jini pulʌntib.

Nehemias 9:38

Woli cʌc' lojon jini t'an cha'an pejtel jini wocol woli bʌ cubin lojon. Wolic ts'ijban lojon. Woli' yʌc'ob i sello c yumob lojon yic'ot jini levíjob yic'ot motomajob c cha'an lojon cha'an wolic mel lojon c bʌ.

Exodo 3:16

Cucu. Tempan jini ñoxobix bʌ israelob. Subeñob: “Jini lac Yum, i Dios la' tat, i Dios Abraham, i Dios Isaac, i Dios Jacob, tsa'ix i pʌsʌ i bʌ ba' añon. Tsi' subeyon: Julemonix cha'an mic pejcañetla. Tsa'ix j q'uele chuqui woli la' wubin ti Egipto.

Josue 10:36

Josué yic'ot jini israelob tsa' loq'uiyob ti Eglón cha'an mi' majlelob ti Hebrón. Tsi' contrajiyob.

Juezob 11:11

Jini cha'an Jefté tsi' jac'ʌ. Temel tsa' majliyob. Pejtelel jini winicob tsi' wa'chocoyob cha'an mi' yumañob. Jefté tsi' cha' ac'ʌ i t'an ti' tojlel lac Yum ti Mizpa.

1 Samuel 11:15

Jini cha'an tsa' majliyob pejtelel jini winicob ti Gilgal. Tsi' wa'chocoyob Saúl ti rey ti' tojlel lac Yum. Tsi' yʌq'ueyob i majtan lac Yum cha'an mi' subeñob wocolix i yʌlʌ. Tsi' wen ubi i tijicñʌyel i pusic'al Saúl yic'ot pejtelel jini israelob.

1 Samuel 16:13

Samuel tsi' ch'ʌmʌ jini xulub but'ul bʌ ti aceite. Tsi' bombe i jol ti' tojlel i yʌscuñob. Ti jim bʌ ora jini Ch'ujul bʌ Espíritu i cha'an lac Yum tsa' c'oti ti' tojlel David. Samuel tsa' cha' sujti ti Ramá.

1 Samuel 23:18

Comol tsi' yʌc'ʌyob i t'an ti' tojlel lac Yum. Jonatán tsa' majli ti' yotot. David tsa' cʌle ya' ti Hores.