2 Samuel 5:2 - Chol: I T’an Dios

² Come ti yambʌ ora che' woli to i cha'len yumʌl Saúl tic tojlel lojon, jatet tsa' majliyet ti guerra yic'ot soldadojob. Tsa' cha' sujtiyob a wic'ot. Mach jinic jach, pero lac Yum tsi' subeyet ja'el: “Yom ma' cʌntʌbeñon c tejclum Israel. Mux caj a cha'len ñuc bʌ yumʌl ti' tojlelob”, che'en lac Yum. Che' tsi' yʌlʌyob israelob.

Chol de Tumbalá Bible

² Come ti yambʌ ora che' woli to i cha'len yumʌl Saúl tic tojlel lojon, jatet tsa' majliyet ti guerra yic'ot soldadojob. Tsa' cha' sujtiyob a wic'ot. Mach jinic jach, pero lac Yum tsi' subeyet ja'el: “Yom ma' cʌntʌbeñon c tejclum Israel. Mux caj a cha'len ñuc bʌ yumʌl ti' tojlelob”, che'en lac Yum. Che' tsi' yʌlʌyob israelob.

2 Samuel 5:2 Iomraidhean Croise

Genesis 49:24

Ma'anic mi caj i jilel i p'ʌtʌlel i jalʌjb José. Mi caj i p'ʌtesʌntel i tojel i c'ʌb, cha'an ti' c'ʌb Dios, jini P'ʌtʌl Bʌ i Dios Jacob. Ch'oyol i p'ʌtʌlel José ti jini Xcʌnta Tiñʌme', jini Xajlel ac'bil bʌ ti' tojlel Israel.

2 Samuel 6:21

David tsi' jac'be Mical: Che'ʌch tsac cha'le ti' tojlel lac Yum tsa' bʌ i yajcayon che' cuxul to a tat yic'ot pejtelel i pi'ʌlob. Tsi' yʌq'ueyon c yumʌntel ti' tojlel Israel i tejclum lac Yum. Jini cha'an yom tijicña mic pʌs c bʌ ti' tojlel lac Yum.

2 Samuel 7:7

Che' bʌ tsac pi'leyob majlel baqui jach tsac sube jini israelob, ¿tsa' ba j c'ajtibeyob cotot jini año' bʌ i ye'tel ti' tojlel israelob? Ma'anic tsac sube mi juntiquilic cha'an mi' melbeñon cotot ti ch'ujte'”.

2 Samuel 7:8

Jini cha'an suben c winic David: “Che'ʌch woli' yʌl i Yum Panchan yic'ot Pañimil: Joñon tsac loc'sayet ti a we'tel ya' ba' tsa' cʌnta tiñʌme'. Tsa cotsayet ti' yum israelob cha'an ma' cʌntan c tejclum.

2 Reyob 20:5

Cucu ba'an Ezequías jini yumʌl bʌ ti' tojlel c tejclum. Suben: “Lac Yum, i Dios a ñojte'el David, woli' yʌl: Tsa'ix cubi a woración. Tsa'ix j q'uele ja'el i ya'lel a wut. Awilan mi caj c lajmesañet. Ti yuxp'ejlel q'uin mi caj a cha' ochel tic Templo.

1 Cronicas 11:2

Anquese tsa' ajni ti rey Saúl, jatet tsa' pʌyʌ majlel ti guerra jini soldadojob c cha'an lojon. Tsa' cha' pʌyʌyob sujtel ti uts'at. Jini lac Yum Dios tsi' subeyet: “Mi caj a wochel ti xcʌnta tiñʌme' ti' tojlel c cha'año' bʌ, jini israelo' bʌ. Mi caj a wochel ti' rey”. Che' tsi' yʌlʌ lac Yum, che'ob jini israelob.

2 Cronicas 1:10

Jini cha'an aq'ueñon c ña'tʌbal yic'ot cabʌl c pusic'al cha'an mic cha'len yumʌl bajche' yom ti' tojlelob, come ma'anic majqui mi mejlel i bajñel cha'len yumʌntel ti' tojlel ili ñuc bʌ a tejclum, che'en Salomón.

Isaias 40:11

Mi caj i cʌntan i cha'año' bʌ che' bajche' xcʌnta tiñʌme'. Mi caj i tempan tilel jini alʌ to bʌ. Mi caj i mec' majlel ti' tajn. Wen tsajil mi caj i pʌy majlel jini tiñʌme' cʌntʌbilob to bʌ i yal.

Isaias 55:4

Tsac wa'choco David ti testigo ti' tojlel c tejclum. Tsac wa'choco ti yumʌl yic'ot ti xcʌntesaya ti' tojlel cabʌl tejclum tac mach bʌ la' pi'ʌlobic.

Ezequiel 34:23

Mi caj cʌc'ob ti' wenta juntiquil Xcʌntaya mu' bʌ caj i cʌntan c tejclum. Jiñʌch jini c Winic David. Mi caj i cʌntañob che' bajche' Xcʌnta tiñʌme'.

Miqueas 5:4

Che' jini mi caj i yochel ti xcʌnta tiñʌme' mu' bʌ caj i cʌntañob ti' c'aba' i Yum Dios, ti cabʌl i p'ʌtʌlel yic'ot i ñuclel. Tijicña mi caj i yajñelob jini mu' bʌ i yumañob, come mi caj i q'uejlel ti ñuc ti pejtelel pañimil.

Numeros 27:17

Yom juntiquil yumʌl mu' bʌ mejlel i toj'esañob majlel che' mi' loq'uelob ti guerra. Mi mejlel i cʌntañob, ame lajalic mi' yajñel a tejclum che' bajche' p'ump'un jax bʌ tiñʌme' mach bʌ anix i yum, che'en Moisés.

Mateo 2:6

“Jixcu jatetla añet bʌ la ti Belén ya' ti' lumal Judá, mach yoque ch'o'ch'o'queticla ti' tojlel i yumob Judá. Come ti la' tojlel mi' caj ti loq'uel juntiquil yumʌl mu' bʌ caj i cʌntan israelob c cha'año' bʌ”.

Juan 10:11

Joñon jini wen bʌ Xcʌnta tiñʌme'on. Jini wen bʌ Xcʌnta tiñʌme' mi' yʌc' i bʌ ti chʌmel cha'an i tiñʌme'.

Hebreos 2:10

Dios tsi' mele pejtel chuqui tac an. Woli' cʌntan cha'an mi' tsictesan i ñuclel. Yom mi' yʌq'ueñob i ñuclel pejtel i yalobilob. Jini cha'an tsi' ts'ʌctesa i ye'tel ti Jesucristo la caj Coltaya che' bʌ tsi' yʌc'ʌ ti wocol cha'an mi' coltañonla cha'an mi lac taj lac ñuclel ti' tojlel.

1 Samuel 13:14

Pero wʌle, mach chʌn che'ix. Mach jalix mi caj a chilbentel a yumʌntel. Lac Yum tsa'ix i sajca juntiquil winic uts'at bʌ ti' wut cha'an mi' yochel ti ñuc bʌ yumʌl ti' tojlel i tejclum, come ma'anic tsa' jac'be i mandar che' bajche' tsi' subeyet, che'en.

1 Samuel 16:1

Lac Yum tsi' sube Samuel: ¿Jayp'ejl to q'uin mi caj a chʌn mel a pusic'al cha'an Saúl, cha'an tsa'ix c chilbe i yumʌntel ti' tojlel israelob? But'u a xulub ti aceite. Ch'ʌmʌ majlel a wic'ot. Mi caj c choquet majlel ba'an Isaí ti Belén, come tsa'ix c yajca juntiquil i yalobil Isaí cha'an mi' yochel ti rey, che'en.

1 Samuel 18:13

Che' jini Saúl tsi' choco loq'uel David ti' yotot. Tsi' yotsa ti yumʌl ti' tojlel lujunc'al i yuxbajc' (1,000) soldadojob. Tsa' caji ti cʌjñel ti cabʌl tejclum tac baqui jach tsa' ñumi.

1 Samuel 18:16

Pejtelel israelob yic'ot jini año' bʌ ti Judá wen c'ux tsa' caji' yubiñob David, come ñaxan tsa' majli ti' tojel soldadojob che' bʌ tsi' pʌyʌyob majlel ti guerra.

1 Samuel 18:5

David tsa' majli baqui jach tsi' sube Saúl. Pejtelel ora tsa' mʌjli i cha'an. Jini cha'an Saúl tsi' yʌq'ue i ye'tel ti xcʌnta soldadojob. Pejtelel winicob uts'at tsi' q'ueleyob yic'ot ja'el jini x'e'telob i cha'an Saúl.

1 Samuel 25:28

A wocolic, ñusʌbeñon c mul cha'an wolic pejcañet. Lac Yum mi caj i xuc'chocobeñet a yumʌntel mach bʌ yujilic jilel ti pejtelel ora. Woli' coltañet ti guerra come i winiquet. Woli a melben i ye'tel che' ma' cha'len guerra. Tojet ti' tojlel c'ʌlʌl che' alʌlet to.

1 Samuel 25:30

Lac Yum mi caj i ts'ʌctesʌbeñet pejtelel i t'an tsa' bʌ i wʌn alʌ. Mi caj i yotsañet ti yumʌl ti Israel.

1 Samuel 9:16

Ijc'ʌl che' bajche' ili ora mi caj c choc tilel winic ch'oyol bʌ ti Benjamín. Jiñʌch yom bʌ ma' bon ti aceite cha'an ma' wa'chocon ti yumʌl ti' tojlel c tejclum Israel. Mi caj i coltan c tejclumob cha'an mi' loq'uelob ti' c'ʌb filisteojob, come tsa'ix c wen q'uelbeyob i wocol c cha'año' bʌ. Tsa'ix c'oti tic chiquin jini c'am bʌ i t'añob, che'en.