2 Samuel 13:3 - Chol: I T’an Dios

³ An juntiquil i yamigo Amnón, i c'aba' Jonadab (i yalobil Simea, i yʌscun David). Awilan wen p'ip'atax i pusic'al jini Jonadab.

Chol de Tumbalá Bible

³ An juntiquil i yamigo Amnón, i c'aba' Jonadab (i yalobil Simea, i yʌscun David). Awilan wen p'ip'atax i pusic'al jini Jonadab.

2 Samuel 13:3 Iomraidhean Croise

Genesis 3:1

Ñumen p'ip' i pusic'al jini lucum bajche' pejtelel yan tac bʌ bʌte'el tsa' bʌ i mele lac Yum Dios. Jini lucum tsi' sube jini x'ixic: ¿Isujm ba tsi' yʌlʌ Dios: “Mach yomic mi la' c'uxben i wut pejtel jini te' am bʌ ti jini pʌc'ʌbʌl”? Che' tsi' c'ajtibe x'ixic jini lucum.

Genesis 38:1

Che' ti ili ora Judá tsa' loq'ui ti' tojlel i pi'ʌlob. Tsa' jubi majlel ba'an winic ch'oyol bʌ ti Adulam, i c'aba' Hira. Tsa' jijli ti' yotot.

Genesis 38:20

Judá tsi' choco majlel jini alʌ chivo ti' c'ʌb i pi'ʌl jini ch'oyol bʌ ti Adulam cha'an mi' cha' ch'ʌm i prenda ti' c'ʌb x'ixic. Ma'anic tsi' taja.

2 Samuel 13:2

Amnón tsi' wen mula Tamar. Colelix i taj c'am'ʌjel cha'an tsi' chʌn pensari. Quisintic tsi' yubi cha'an mi' pejcan, come wen xch'oc to.

2 Samuel 13:32

Jini Jonadab (i yalobil Simea i yʌscun David) tsi' sube: Mach isujmic tsa' laj chʌmi a walobilob. Jini jach tsa' chʌmi Amnón. Tsi' yʌc'ʌ i t'an a walobil Absalón cha'an mi' q'uextʌben i mul Amnón tsa' bʌ i pi'le Tamar i yijts'in Absalón.

2 Samuel 13:4

Jonadab tsi' sube: ¿Chucoch ti q'uin ti q'uin woli a yaj'an? Subeñon, che'en. Amnón tsi' jac'be: Isujm wolic wen mel c pusic'al cha'an wolic wen mulan Tamar i yijts'in Absalón jini queran, che'en.

2 Samuel 14:2

Tsi' pʌyʌ tilel juntiquil x'ixic wen p'ip bʌ i pusic'al ch'oyol bʌ ti Tecoa. Joab tsi' sube: Yom ma' mel a bʌ che' bajche' meba'. Che'ʌch yom ma' lʌp a pislel cha'an mi' tsictiyel i ch'ijiyemlel a pusic'al. Mach yomic ma' bon a bʌ ti xojocña bʌ perfume. Yom wen ch'ijiyem ma' pʌs a bʌ ti' tojlel jini rey che' bajche' meba' anix bʌ ora woli' yuc'tan i pi'ʌl.

1 Cronicas 2:13

Jini ascuñʌl bʌ i yalobil Isaí jiñʌch Eliab. I cha'ticlel bʌ i yalobil jiñʌch Abinadab. I yuxticlel bʌ jiñʌch Simea.

1 Cronicas 27:32

Jonatán, i yumijel David, an i ña'tʌbal ti pejtelel e'tel tac. Jiñʌch consejero i cha'an David. Yujilix ts'ijb. Uts i pusic'al jini winic. Jonatán yic'ot Jehiel (i yalobil Hacmoni) tsi' cʌntesayob i yalobilob jini rey David.

Ester 5:10

Amán ma'anic chuqui tsi' poj tumbe. Tsa' sujti ti' yotot. Tsi' pʌyʌ tilel i cʌñʌyo' bʌ yic'ot Zeres i yijñam.

Ester 5:14

Tsa' caji i subeñob i yijñam yic'ot i cʌñʌyo' bʌ: Ac'ʌ ti melol chan bʌ te' cha'an ma' jich'. Yom lajchʌnjajl i chanlel. Ti sʌc'ajel ijc'ʌl cucu suben jini rey cha'an mi' yʌc' ti jijch'el Mardoqueo. Che' jini cha' tijicñayix a pusic'al mux a cha' majlel ti c'ux waj yic'ot jini rey, che'ob. Amán uts'at tsi' yubi jini t'an. Tsi' yʌc'ʌ ti melol te' cha'an mi' jich'.

Ester 6:13

Amán tsi' sube Zeres i yijñam chuqui tsa' ujti. Tsa' caji i yʌlob i yijñam yic'ot i pi'ʌlob: Mux i t'uchtañet Mardoqueo. Mi judíojʌch jini Mardoqueo mach mʌjlic a cha'an. Wersa mi caj i mʌjlel i cha'an, che'ob.

Proverbios 19:6

Cabʌlob mi' c'ajtibeñob i yutslel jini mu' bʌ i p'ew i chubʌ'an. Pejtel winicob x'ixicob mi' c'uxbiñob jini mu' bʌ i yʌq'ueñob i majtan.

Jeremias 4:22

Jinto mi' laj jisʌntelob c pi'ʌlob come jontolob. Ma'anic mi' ñich'tañoñob. Che'ʌch añob bajche' alp'eñelob maxto bʌ anic i pusic'al. Ma'anic mi' ch'ʌmbeñob isujm. Wen yujilob jontolil, pero mach yujilobic i melol chuqui uts'at.

1 Corintios 3:19

Come Dios mi' q'uel ti tonto i ña'tʌbal jini pañimil che' bajche' ts'ijbubil: “Dios mi' tsictesan lolom jach jini año' bʌ cabʌl i ña'tʌbal che' maya jax woli' melob”, che'en.

Santiago 3:15

Come mach tilemic ti chan i tsuculel lac pusic'al, pero tilem ti pañimil, tilem ti' colosojlel lac pusic'al yic'ot ti xiba.

Juezob 14:20

I yijñam Sansón tsa' sijinti yic'ot yambʌ winic tsa' bʌ wa'le yic'ot Sansón che' bʌ tsa' ñujpuni.

1 Samuel 16:11

Samuel tsi' c'ajtibe Isaí: ¿Cojix ba a walobilob iliyi? che'en. Isaí tsi' jac'ʌ: Anto yambʌ. Jiñʌch ijts'iñʌl bʌ mu' bʌ i cʌntan tiñʌme', che'en. Jini cha'an Samuel tsi' sube Isaí: Pʌyʌ tilel, come mach mejliconla ti buchtʌl jinto mi' tilel ilayi, che'en.

1 Samuel 16:9

Che' jini Isaí tsi' choco ñumel Sama, pero tsi' yʌlʌ: Mach yajcʌbilic i cha'an lac Yum iliyi, che'en.