2 Samuel 1:2 - Chol: I T’an Dios

² Che' anix uxp'ejl q'uin i chʌmel Saúl, tsa' tili juntiquil winic tsa' bʌ loq'ui ba' tempʌbilob Saúl yic'ot i winicob. Laj tsijlem i bujc, an ts'ubejn ti' jol. Tsa' c'oti ba'an David. Tsi' pʌcchoco i bʌ.

Chol de Tumbalá Bible

² Che' anix uxp'ejl q'uin i chʌmel Saúl, tsa' tili juntiquil winic tsa' bʌ loq'ui ba' tempʌbilob Saúl yic'ot i winicob. Laj tsijlem i bujc, an ts'ubejn ti' jol. Tsa' c'oti ba'an David. Tsi' pʌcchoco i bʌ.

2 Samuel 1:2 Iomraidhean Croise

Genesis 22:4

Ti' yuxp'ejlel q'uin Abraham tsi' can q'uele pañimil. Tsi' q'uele jini ajñibʌl ti ñajtʌl.

Genesis 37:29

Che' bʌ tsa' cha' majli Rubén ba'an joyol bʌ lum tsi' q'uele mach ya'ix an José ti mal. Tsi' tsili i pislel.

Genesis 37:34

Jacob tsi' tsili i pislel. Tsi' lʌpʌ coxtal i wenta i wex. Tsi' yuc'ta i yalobil cabʌl q'uin.

Genesis 43:28

Tsi' yʌlʌyob: Uts'at cu an. Cuxul to. A winicʌch, che'ob. Tsi' c'uchchocoyob i bʌ. Tsi' q'ueleyob ti ñuc José.

2 Samuel 1:3

David tsi' c'ajtibe: ¿Baqui tilemet? che'en. Tsa' mejliyon ti puts'el ti' tojlel jini soldadojob israelo' bʌ, che'en.

2 Samuel 13:19

Tamar tsi' ch'ʌmʌ i tʌñil c'ajc. Tsi' p'ujp'u ti' jol. Tsi' jet' tsili i bujc. Che' woli ti xʌmbal tsa' caji i ñup'ye' majlel i jol. Tsa' caji ti uq'uel majlel.

2 Samuel 14:4

Che' bʌ tsa' c'oti jini x'ixic ba'an jini rey, tsi' ñocchoco i bʌ ti' tojlel. Tsi' yʌlʌ: C rey, a wocolic p'untañon, che'en.

2 Samuel 15:32

Che' bʌ David tsa' c'oti ya' ti' pam wits baqui mi' ch'ujutesʌntel Dios, tsa' tili i taj Husai jini arquita, laj tsijlemtic jax i bujc. An ts'u'bejn ti' jol.

2 Samuel 24:20

Che' bʌ tsi' q'uele Arauna, ya'ix woli' tilel jini rey yic'ot pejtelel jini x'e'telob i cha'an, tsa' tili i tajob. Tsi' pʌcchoco i bʌ ti lum ti' tojel jini rey.

2 Samuel 4:10

Che' bʌ tsa' tili winic i subeñon chʌmenix Saúl, tsi' lon ña'ta mi caj cʌq'uen i majtan che' bʌ tsa' tili i subeñon. Pero tsac chucu, tsa cʌc'ʌ ti tsʌnsʌntel ti Siclag cha'an i q'uexol i t'an tsa' bʌ i subeyon.

Ester 4:16

Cucu subeñob pejtel judíojob año' bʌ ti Susa cha'an mi' tempañob i bʌ cha'an mi' cha'leñob ch'ajb uxp'ejl q'uin yic'ot uxp'ejl ac'ʌlel cha'an mi' p'untañon Dios. Joñon quic'ot xch'oc bʌ c pi'ʌlob mi caj c cha'len lojon ch'ajb ja'el lajal bajche'etla. Che' mi cujtel ti ch'ajb mi caj c majlel ba'an rey anquese wolic ñusʌben i mandar. Mi tsi' yʌc'ʌyon ti chʌmel la'ix chʌmicon, che'en.

Ester 5:1

Ti' yuxp'ejlel q'uin Ester tsi' xojo i bujc co'ʌl. Tsa' ochi ti mal i yotot rey ba'an i buchlib. Tsa' wa'le ya' ti corredor. Buchul jini rey ti' buchlib ti mal i yotot ya' ti' tojel i ti' otot.

Salmos 66:3

Subenla Dios: Bʌbʌq'uen a melbal. Jini cha'an mi' yumañet a contrajob cha'an wen ñuc a p'ʌtʌlel.

Ezequiel 27:30

Ñajtʌ tsiquil i yoñel che' mi' yuc'tañob. C'am mi caj i cha'leñob uq'uel. Mi caj i mujlañob i jol ti ts'ubejn. Mi caj i ñoltʌlob ti' tʌñil c'ajc.

Oseas 6:2

Ti cha'p'ejl q'uin mi caj i cha' p'ʌtesañonla. Ti' yuxp'ejlel q'uin mi caj i techonla ch'ojyel cha'an mi la cajñel ti' tojlel.

Joel 2:13

Mach mi la' tsil la' pislel che' ch'ijiyem la' pusic'al, pero yom pec' mi la' mel la' pusic'al. Sutq'uin la' bʌ ba'an lac Yum Dios, come an i yutslel i pusic'al. Yujil i p'untañetla. Mach orajic mi' mich'an. Cabʌl i yutslel i pusic'al. C'ux mi' yubiñet che' mi' ju'sʌbeñet la' pusic'al.

Mateo 12:40

Che' bajche' tsa' cʌle Jonás uxp'ejl q'uin uxp'ejl ac'ʌlel ti' ñʌc' colem chʌy, che' ja'el mi caj i cʌytʌl i Yalobil Winic ti' mal lum uxp'ejl q'uin uxp'ejl ac'ʌlel.

Mateo 16:21

Ti jim bʌ ora, Jesús tsa' caji i cʌntesan xcʌnt'añob i cha'an. Tsi' yʌlʌ wersa mi' majlel ti Jerusalén i yubin cabʌl wocol ti' c'ʌb xñoxob año' bʌ i ye'tel yic'ot ñuc bʌ motomajob yic'ot sts'ijbayajob. Wersa mi' caj ti tsʌnsʌntel. Mi caj i cha' tejchel ch'ojyel ti yuxp'ejlel q'uin.

Josue 7:6

Josué yic'ot jini añobix bʌ i jabilel tsi' tsiliyob i pislel cha'an tsi' meleyob i pusic'al. Tsi' pʌcchocoyob i bʌ ti lum ya' ba'an jini Arca i cha'an bʌ lac Yum c'ʌlʌl tsa' ic'a pañimil. Tsi' p'ujp'ujyob ts'ubejn ti' jol cha'an ch'ijiyem i pusic'al.

Apocalipsis 3:9

Awilan, mi caj c pʌy tilel ti la' tojlel i cha'año' bʌ Satanás, winicob mu' bʌ i cha'leñob lot. Mi' cuyob i bʌ ti israelob anquese mach israelobic. Mux caj c pʌyob tilel cha'an mi' ñocchocoñob i bʌ ti' tojel la' woc. Mi caj i ña'tañob c'ux mi cubiñetla.

1 Samuel 20:41

Che' majlemix jini ch'iton, tsa' loq'ui David ya' ba' mucul ti' pat jini much'ul bʌ xajlel. Tsi' pʌcchoco i bʌ uxyajl ti' tojlel Jonatán. Tsi' ts'ujts'uyob i bʌ. Tsi' cha'leyob uq'uel. Jal tsa' mejli i tic' i bʌ ti uq'uel David.

1 Samuel 25:23

C'ʌchʌl Abigail che' bʌ tsi' q'uele David. Tsa' bʌc' wa'le ti lum. Tsi' ñocchoco i bʌ ti' tojlel David.

1 Samuel 4:12

Juntiquil winic ch'oyol bʌ ti Benjamín tsa' majli ti ajñel cha'an mi' subeñob i pi'ʌlob. Tsa' c'ʌlʌ c'oti ti Silo. Laj tsijlem i pislel. An ts'ubejn ti' jol cha'an i ch'ijiyemlel i pusic'al ti jim bʌ q'uin.

1 Samuel 4:16

Jini winic tsa' caji i suben chuqui tsa' ujti: Joñon tsa' puts'iyon loq'uel ya' ba' woliyob ti guerra, che'en. Elí tsi' yʌlʌ: ¿Chuqui tsa' ujti, c'uxbibil bʌ calobil? che'en.