1 Samuel 7:4 - Chol: I T’an Dios

⁴ Che'ʌch tsi' meleyob jini israelob. Tsi' chocoyob loq'uel jini Astarot yic'ot yan tac bʌ i diosob. Tsa' caji i melob chuqui yom lac Yum. Jini jach lac Yum tsi' c'uxbiyob.

Chol de Tumbalá Bible

⁴ Che'ʌch tsi' meleyob jini israelob. Tsi' chocoyob loq'uel jini Astarot yic'ot yan tac bʌ i diosob. Tsa' caji i melob chuqui yom lac Yum. Jini jach lac Yum tsi' c'uxbiyob.

1 Samuel 7:4 Iomraidhean Croise

1 Reyob 11:33

Che'ʌch mic mel cha'an tsi' cʌyʌyon Salomón. Tsi' ch'ujutesa Astoret, jini x'ixic bʌ dios i cha'an sidoñajob, yic'ot Quemos i dios moabob, yic'ot Milcom i dios amoñob. Ma'anic tsi' jac'ʌ c mandar. Ma'anic woli' mel chuqui toj tic wut. Ma'anic woli' jac'beñon c t'an che' bajche' David i tat.

1 Reyob 11:5

Salomón tsi' ch'ujutesa Astoret jini x'ixic bʌ dios mu' bʌ i c'uxbiñob sidoñob, yic'ot Milcom, jini leco bʌ i dios amoñob.

1 Reyob 8:48

ubibeñob i t'an che' mi' cha' sutq'uiñob i bʌ ti a tojlel ti pejtelel i pusic'al. Mi tsi' pejcayetob ti oración che' woli' ñajti q'uelob jini lum tsa' bʌ a wʌq'ue i ñojte'elob, yic'ot jini tejclum tsa' bʌ a yajca, yic'ot a wotot tsa' bʌ c wa'choco,

2 Reyob 23:15

Tsi' jeme jini pulʌntib am bʌ ti bujtʌl ya' ti Betel tsa' bʌ i wa'choco Jeroboam, i rey Israel tsa' bʌ i yʌsa ti mulil israelob. Josías tsi' sutq'ui ti ts'ubejn jini xajlel tac. Tsi' pulu i yejtal tac Asera jini quisintic jax bʌ dios.

Oseas 14:3

Come mach mejlic i coltañon lojon jini asiriajob. Ma'anix c p'ʌtʌlel lojon ti guerra. Mach chʌn ñuquix tic pusic'al lojon jini dioste' tac tsa' bʌ c mele lojon. Ma'anix mi caj c chʌn pejcañob ti dios. Ya' jach ti a tojlel, c Yum, mi' tajob i coltʌntel jini meba' alʌlob. Che' yom mi la' suben lac Yum ti oración.

Oseas 14:8

Tsajaletme, Efraín, machme a ñochtan jini dioste' tac. Añet tic wenta. Cuxulon, cabʌlʌch c p'ʌtʌlel. Wolij q'uelet. Lajalon che' bajche' wen yʌx bʌ te' mu' bʌ i yʌq'ueñetla i wut ti pejtelel ora. Tilem ti joñon pejtel chuqui wen am bʌ a cha'an.

Juezob 2:11

Jini israelob tsi' cha'leyob jontolil ti' tojlel lac Yum. Tsa' caji i ch'ujutesañob jini dios Baal.

Juezob 2:13

Tsi' cʌyʌyob lac Yum. Tsa' caji i ch'ujutesañob Baal yic'ot Astarot.

1 Samuel 7:3

Samuel tsi' pejca pejtelel jini israelob. Tsi' subeyob: Mi ti pejtelel la' pusic'al la' wom la' cha' tsajcan lac Yum, chocola loq'uel jini dios tac mu' bʌ i diosiñob sajtemo' bʌ, jini Astarot ja'el. Chajpan la' pusic'al cha'an mi la' ch'ujutesan lac Yum. Jini jach yom mi la' c'uxbin. Melela chuqui yom. Che' jini mux i coltañetla loq'uel ti' wenta jini filisteojob, che'en.

1 Samuel 7:5

Jini cha'an Samuel tsi' subeyob: Yom mi la' tempan pejtelel israelob ya' ti Mizpa. Joñon mi caj c pejcan Dios ti oración cha'an mi' coltañetla, che'en.