1 Samuel 7:3 - Chol: I T’an Dios

³ Samuel tsi' pejca pejtelel jini israelob. Tsi' subeyob: Mi ti pejtelel la' pusic'al la' wom la' cha' tsajcan lac Yum, chocola loq'uel jini dios tac mu' bʌ i diosiñob sajtemo' bʌ, jini Astarot ja'el. Chajpan la' pusic'al cha'an mi la' ch'ujutesan lac Yum. Jini jach yom mi la' c'uxbin. Melela chuqui yom. Che' jini mux i coltañetla loq'uel ti' wenta jini filisteojob, che'en.

Chol de Tumbalá Bible

³ Samuel tsi' pejca pejtelel jini israelob. Tsi' subeyob: Mi ti pejtelel la' pusic'al la' wom la' cha' tsajcan lac Yum, chocola loq'uel jini dios tac mu' bʌ i diosiñob sajtemo' bʌ, jini Astarot ja'el. Chajpan la' pusic'al cha'an mi la' ch'ujutesan lac Yum. Jini jach yom mi la' c'uxbin. Melela chuqui yom. Che' jini mux i coltañetla loq'uel ti' wenta jini filisteojob, che'en.

1 Samuel 7:3 Iomraidhean Croise

Genesis 35:2

Jacob tsi' sube jini año' bʌ ti' yotot yic'ot pejtelel año' bʌ ti' wenta: Chocoxla jini dioste' tac am bʌ la' cha'an. Sʌq'uesan la' bʌ. Q'uextan la' pislel.

1 Reyob 11:33

Che'ʌch mic mel cha'an tsi' cʌyʌyon Salomón. Tsi' ch'ujutesa Astoret, jini x'ixic bʌ dios i cha'an sidoñajob, yic'ot Quemos i dios moabob, yic'ot Milcom i dios amoñob. Ma'anic tsi' jac'ʌ c mandar. Ma'anic woli' mel chuqui toj tic wut. Ma'anic woli' jac'beñon c t'an che' bajche' David i tat.

1 Reyob 8:48

ubibeñob i t'an che' mi' cha' sutq'uiñob i bʌ ti a tojlel ti pejtelel i pusic'al. Mi tsi' pejcayetob ti oración che' woli' ñajti q'uelob jini lum tsa' bʌ a wʌq'ue i ñojte'elob, yic'ot jini tejclum tsa' bʌ a yajca, yic'ot a wotot tsa' bʌ c wa'choco,

2 Reyob 17:39

Pero yom mi la' chʌn bʌc'ñañon, come la' Yumon la' Dioson. Tsaj coltayetla loq'uel ti' tojlel pejtelel la' contrajob, che'en.

2 Reyob 23:15

Tsi' jeme jini pulʌntib am bʌ ti bujtʌl ya' ti Betel tsa' bʌ i wa'choco Jeroboam, i rey Israel tsa' bʌ i yʌsa ti mulil israelob. Josías tsi' sutq'ui ti ts'ubejn jini xajlel tac. Tsi' pulu i yejtal tac Asera jini quisintic jax bʌ dios.

1 Cronicas 22:19

Jini cha'an wʌle ti jump'ejl jach la' pusic'al yom mi la' sʌclan lac Yum Dios. Ch'ojyenla cha'an mi la' wa'chocoben jini ch'ujul bʌ i yotot lac Yum Dios, cha'an ya'i mi la' ch'ʌmben majlel jini Arca ba' lotol i trato lac Yum, yic'ot pejtelel jini ch'ujul bʌ uch'ibʌl tac i cha'an bʌ Dios. Ti pejtelel mi caj i ch'ʌjmel ochel ti' Templo lac Yum Dios, che'en David.

1 Cronicas 28:9

Jini cha'an, calobil Salomón, yom ma' wen cʌn Dios, i Dios a ñojte'el. Ch'ujutesan ti pejtelel a pusic'al yic'ot ti' tijicñʌyel a pusic'al. Come lac Yum mi' wen cʌmben i pusic'al winicob x'ixicob. Mi' cʌmbeñob i pensar. Che' ma' sajcan lac Yum, mi caj a taj. Pero mi tsa' cʌyʌ, mi caj i junyajlel cʌyet.

2 Cronicas 19:3

Pero an to i ña'tʌntel jini uts'at bʌ a melbal ja'el, come tsa' wʌc'ʌ ti jilel i yejtal tac jini dios Asera. Tsa' ña'ta ti a pusic'al mi caj a c'uxbin Dios, che'en.

2 Cronicas 20:33

Anquese xuc'ul tsi' mele, pero ma'anic tsi' laj jisa i yotlel tac dioste' ti bujbujtʌl. Jini año' bʌ ti Judá mach yomobic i wen xuc'chocoñob i pusic'al cha'an mi' c'uxbiñob i Dios i ñojte'elob.

Proverbios 16:1

La cujil chuqui yom lac pusic'al, pero ch'oyol ti Dios chuqui mi lac taj.

Isaias 55:7

La' i cʌy i mul jini xjontolil. Jini mach bʌ tojic la i cʌy i ña'tan jontolil. La' i sutq'uin i bʌ ti lac Yum, come mi caj i p'untan. Mi caj i ñusʌben i mul ti pejtelel i pusic'al.

Jeremias 24:7

Mi caj cʌq'ueñob wen bʌ i pusic'al cha'an mi' cʌñoñob cha'an i Yumon. Mi caj i sujtelob tic cha'an bʌ. Mi caj i pejcañoñob ti' Dios. Mi caj i sutq'uiñob i bʌ cha'an mi' ñopoñob ti pejtelel i pusic'al.

Jeremias 36:3

Tic'ʌl mux caj i p'isob ti wenta che' mi' ña'tañob chuqui mi caj c tumbeñob cha'an i mul. Tic'ʌl mi mux caj i cʌyob i jontolil cha'an mic ñusʌbeñob i mul, che'en.

Jeremias 4:1

Mi wola' sujtel ba' añon ti pejtel a pusic'al, Israel, yomix ma' junyajlel choc jini diosob ts'alebilo' bʌ c cha'an. Yom xuc'ul ma' tsajcañon. Mach yomix ma' chʌn sajtel ti yambʌ bij.

Ezequiel 14:6

Jini cha'an yom ma' subeñob ili t'an jini israelob: “Che'ʌch woli' yʌl lac Yum Dios: Cʌyʌx la' mul, mach mi la' chʌn ch'ujutesan jini dioste' tac. Yom mi la' cʌy pejtelel chuqui tac ts'a'lebil c cha'an.

Ezequiel 18:31

Cʌyʌxla pejtel la' jontolil. Yom mi la' mel ti tsijib la' pusic'al yic'ot la' cuxtʌlel. ¿Chucoch mi la' lon jilel?

Oseas 14:1

Awocolic, israelob, sutq'uin la' bʌ ba'an lac Yum, i Dios israelob, come ti' caj la' mul tsa' la' taja wocol.

Mateo 15:8

“Ti' yej jach mi' subob c ñuclel jini winicob x'ixicob, pero ti' pusic'al mi' cʌyoñob.

Mateo 4:10

Jesús tsi' sube: Cucu, Satanás, come ts'ijbubil: “Yom ma' ch'ujutesan a Yum Dios. Cojach jini yom ma' yuman”, che'en.

Mateo 6:24

Ma'anic x'e'tel mu' bʌ mejlel i yuman cha'tiquil yumʌl. Mi' ts'a'len juntiquil yumʌl, mi' c'uxbin yambʌ. Mi' jac'ben i t'an juntiquil, mi' ñusʌben i t'an yambʌ. Mach mejlic la' yuman Dios che' woli la' yuman chubʌ'añʌl.

Lucas 4:8

Jesús tsi' sube: Cucu ti loq'uel wʌ' ba' añon, Satanás, come ts'ijbubil: “Yom ma' ch'ujutesan a Yum Dios. Cojach jini yom ma' yuman”, che'en.

Juan 4:24

Dios Espíritujʌch. Jini mu' bʌ i ch'ujutesañob Dios, wersa mi' ch'ujutesañob ti espíritu ti isujm. Che' tsi' yʌlʌ Jesús.

Deuteronomio 10:20

Wersa yom mi la' bʌc'ñan lac Yum Dios. Jini jach mi caj la' yuman. Yom mi la' tsajcan. Cojach ti' caba' lac Yum yom mi la' wʌc' la' t'an.

Deuteronomio 13:4

Yom mi la' chʌn cha'len xʌmbal ti' bijlel lac Yum Dios. Cojach jini yom mi la' bʌc'ñan. Yom mi la' jac'ben i mandar. Jini jach yom mi la' yuman. Yom mi la' tsajcan ti pejtelel ora.

Deuteronomio 4:29

Pero ya' ba' pujquemetla ti yan tac bʌ lum mi tsa' caji la' sajcan lac Yum Dios, muq'uix cajel la' taj Dios mi tsa' la' sajca ti pejtelel la' pusic'al yic'ot ti pejtelel la' ña'tʌbal.

Deuteronomio 6:13

Yom mi la' bʌc'ñan lac Yum Dios. Cojach jini mi caj la' Yuman, cojach jini mi caj la' ch'ujutesan.

Josue 13:31

Ojlil jini Galaad, yic'ot Astarot yic'ot Edrei, jiñʌch i tejclum tac Og, yumʌl ti Basán. Tsa' aq'uentiyob lamital i yalobilob Maquir (i yalobil bʌ Manasés) che' bajche' c'amel i yotot tac.

Josue 24:14

Jini cha'an yom mi la' bʌc'ñan lac Yum. Yom mi la' ch'ujutesan ti xuc'ul yic'ot ti isujm. Yomix mi la' choc i dioste' tac la' ñojte'elob tsa' bʌ i ch'ujutesayob ya' ti' junwejl jini colem ja' i c'aba' Eufrates yic'ot ti Egipto. Yom mi la' ch'ujutesan lac Yum.

Josue 24:23

Josué tsi' cha' jac'beyob: Yom mi la' loc'san pejtelel jini dioste' tac am bʌ la' wic'ot. Aq'uen la' pusic'al lac Yum Dios i Dios Israel, che'en.

Juezob 10:16

Che' jini tsi' chocoyob loq'uel jini dioste' tac. Tsa' caji i ch'ujutesañob lac Yum. Awilan jini lac Yum tsi' mele i pusic'al cha'an i wocol israelob.

Juezob 10:6

Jini israelob tsa' cha' caji i melob chuqui tac jontol ti' wut lac Yum, come tsa' cha' caji i ch'ujutesañob jini dios Baal yic'ot Astarot, yic'ot i dios tac Siria, yic'ot Sidón, yic'ot Moab, yic'ot amoñob, yic'ot filisteojob. Tsi' junyajlel cʌyʌyob lac Yum. Ma'anix tsi' chʌn melbeyob chuqui yom.

Juezob 2:11

Jini israelob tsi' cha'leyob jontolil ti' tojlel lac Yum. Tsa' caji i ch'ujutesañob jini dios Baal.

Juezob 2:13

Tsi' cʌyʌyob lac Yum. Tsa' caji i ch'ujutesañob Baal yic'ot Astarot.

1 Samuel 31:10

Tsi' yotsayob i ye'tijib ya' ti' mal i templo tac Astarot. Tsi' joc'chocobeyob i bʌc'tal Saúl ya' ti ñʌc' ts'ajc' ti Betsan.