1 Samuel 5:4 - Chol: I T’an Dios

⁴ Pero che' ti yijc'ʌlal che' bʌ tsa' ch'ojyiyob, tsi' q'ueleyob cha' ñuc yajlemix Dagón ti' tojel jini Arca i cha'an bʌ lac Yum. I jol yic'ot i bic' yic'ot i c'ʌb, laj c'ʌscuyemix. To'o i cuctal jax tsa' cʌle.

Chol de Tumbalá Bible

⁴ Pero che' ti yijc'ʌlal che' bʌ tsa' ch'ojyiyob, tsi' q'ueleyob cha' ñuc yajlemix Dagón ti' tojel jini Arca i cha'an bʌ lac Yum. I jol yic'ot i bic' yic'ot i c'ʌb, laj c'ʌscuyemix. To'o i cuctal jax tsa' cʌle.

1 Samuel 5:4 Iomraidhean Croise

Isaias 27:9

Che'ʌch tsi' pocbeyob loq'uel i mul Jacob. Tsi' jisa pejtelel jini dioste' yic'ot pulʌntib, yic'ot oy tac ba' tsi' ch'ujutesayob q'uin, cha'an ma'anix mi' chʌn cha'leñob jini quisintic jax bʌ. Tsi' yʌc'ʌ ti bic'tiyel jini xajlel am bʌ ti pulʌntib cha'an ma'anic mi' chʌn ch'ujutesañob.

Isaias 40:20

Jini winic mach bʌ anic i taq'uin cha'an mi' mʌn jump'ejl dios melbil bʌ ti oro mi' sʌclan te' mach bʌ yujilic joch'. Che' jini mi' ch'ʌmben majlel xjuc'te' mu' bʌ i melben i dios mach bʌ yujilic i ñijcan i bʌ.

Jeremias 10:11

Yom ma' subeñob: Ma'anic chuqui mi' melob jini diosob. Mach i melbalic panchan yic'ot pañimil. Jini cha'an mi caj i sʌc jilelob.

Jeremias 10:14

Tontojob pejtel winicob. Ma'añobic i ña'tʌbal. Jini yujil bʌ e'tel ti oro mi caj i yubin quisin cha'an tsi' mele tac dios, come lot jach i dios. Ma'anic i cuxtʌlel.

Jeremias 10:15

Ma'anic i c'ʌjñibal. I melbal jach jini yujilo' bʌ wajleya. Che' ti' yorajlel toj mulil mi caj i jilel.

Jeremias 50:2

Subu ti pejtelel pañimil. Techela bandera ba' mi' wen q'uelob winicob. Mach mi la' muc. Alʌ: “Jisʌbilix Babilonia. Jembilix i yejtal tac i dios. Woliyob ti quisin jini tsa' bʌ i ch'ujutesayob Bel yic'ot Merodac. Woli' toj sajtelob i pusic'al cha'an ma'anic i coltʌntel ti' dios tac melbil bʌ ti ts'ajc”.

Daniel 11:8

Mi caj i laj chilben i chubʌ'an. Mi caj i ch'ʌm majlel ti Egipto pejtel i dios tac, yic'ot i yejtal tac melbil bʌ ti oro yic'ot ti plata. Cabʌl jab ñʌch'ʌl mi caj i yajñel jini rey ti Siria.

Miqueas 1:7

Mi caj i bic'ti tojp'el pejtelel i diosob melbil bʌ ti c'ʌbʌl. Mi caj i laj pulel jini wen ch'ʌlbil bʌ templo tac ba' tsi' cha'leyob ts'i'lel. Wa'chocobilob yic'ot i tojol i yixicob. Quisintic jax tsi' cha'leyob ch'ujutesaya, che'en lac Yum.

1 Samuel 6:5

Yom mi la' mel i yejtal tac la' chʌcajl, yic'ot i yejtal jini tsuc tac mu' bʌ i tic'lan la' lum. Che' jini mi caj la' wʌc' ti ñuc i Dios israelob. Che' jini mi caj i cʌy i tic'lan la' diosob yic'ot la' lum.