1 Samuel 5:3 - Chol: I T’an Dios

³ Che' ti yijc'ʌlal che' ti wen sʌc'ajel, tsa' tiliyob jini año' bʌ ti Asdod ti' templo Dagón. Tsi' tajayob i dios ñuc yajlemix ti' tojel jini Arca i cha'an bʌ lac Yum. Tsi' cha' wa'chocoyob jini Dagón ya' ba'an ti ñaxan.

Chol de Tumbalá Bible

³ Che' ti yijc'ʌlal che' ti wen sʌc'ajel, tsa' tiliyob jini año' bʌ ti Asdod ti' templo Dagón. Tsi' tajayob i dios ñuc yajlemix ti' tojel jini Arca i cha'an bʌ lac Yum. Tsi' cha' wa'chocoyob jini Dagón ya' ba'an ti ñaxan.

1 Samuel 5:3 Iomraidhean Croise

1 Reyob 18:26

Che' jini tsi' ch'ʌmʌyob jini tat wacax tsa' bʌ i yʌq'ueyob. Tsi' pejcayob Baal ti sʌc'ajel c'ʌlʌl ti xinq'uiñil. Tsi' yʌlʌyob: Baal, jac'beñon lojon, che'ob. Pero ma'anic tsi' jac'ʌ. Tsi' cha'leyob tijp'el ti' joytilel i pulʌntib i majtan Baal.

Salmos 115:7

An i c'ʌb, pero ma'anic mi' ñijcan. An i yoc, pero mach yujilic xʌmbal. Ma'anic mi' loq'uel t'an ti' bic'.

Salmos 97:7

Mi' cajelob ti quisin pejtel mu' bʌ i ch'ujutesañob dioste' tac, Mu' bʌ i lon chañ'esañob i bʌ cha'an dioste' tac mach bʌ anic i c'ʌjñibal. La' i pʌcchocoñob i bʌ ti' tojel i yoc Dios pejtel diosob.

Exodo 12:12

Come mi caj c ñumel ti Egipto ti ili ac'ʌlel. Mi caj c jats' pejtel jini ascuñʌlo' bʌ ti Egipto, winicob yic'ot i yʌlac'ob. Mi caj c jisan pejtel jini dioste' tac i cha'an egiptojob. Joñon Yumʌlon.

Isaias 19:1

Jiñʌch i t'an Dios ti' contra jini año' bʌ ti Egipto. Ti ora mi caj i tilel lac Yum c'ʌchʌl ti' pam tocal. Tsiltsilñayob ti bʌq'uen i diosob egiptojob. Mi' toj sajtelob i pusic'al jini chumulo' bʌ ti Egipto.

Isaias 40:20

Jini winic mach bʌ anic i taq'uin cha'an mi' mʌn jump'ejl dios melbil bʌ ti oro mi' sʌclan te' mach bʌ yujilic joch'. Che' jini mi' ch'ʌmben majlel xjuc'te' mu' bʌ i melben i dios mach bʌ yujilic i ñijcan i bʌ.

Isaias 41:7

Mele ti uts'at lac dios”, che'en. Jini yujil bʌ i juc'ol te' mi' ñuq'uesʌben i pusic'al jini mu' bʌ i cha'len e'tel ti plata yic'ot oro. Jini mu' bʌ i pʌc' oro ya' ti' yajñib mi' yʌl: “Uts'atix mi' wen chuc che' an chuqui mi lac pʌc'”, che'en. Mi' buchchocon ba' tsʌts mi' cʌytʌl ame yajlic.

Isaias 46:7

Mi' q'uechob majlel. Mi' wen buchchocoñob ti' yajñib. Ya' jach mi' cʌytʌl. Ma'anic mi' wis ñijcan i bʌ. Anquese c'am mi' cha'leñob oñel cha'an mi' c'ajtiñob i coltʌntel, ma'anic mi jac'. Che' woliyob ti wocol ma'anic i coltʌntelob.

Jeremias 10:8

Tontojob jini diosob melbilo' bʌ ti te'. Ma'anic i c'ʌjñibal ti cʌntesaya. Tontojob ja'el mu' bʌ i ñopob.

Sofonias 2:11

Mi caj cʌq'ueñob cabʌl wocol. Mi caj i junyajlel jisañob i diosob ti pejtelel pañimil. Ti jujumpejt lum ba' chumulob winicob mi caj i ch'ujutesañon. Che' tsi' yʌlʌ lac Yum.

Marcos 3:11

Jini xibajob che' bʌ tsi' q'ueleyob, tsi' pʌc chocoyob i bʌ ti' tojel Jesús. Ti c'am bʌ t'an tsi' yʌlʌyob: Jatet i Yalobilet Dios, che'ob.

1 Samuel 6:1

Wucp'ejl uw ya'an jini Arca i cha'an bʌ lac Yum ti' tojlel jini filisteojob.

1 Samuel 6:5

Yom mi la' mel i yejtal tac la' chʌcajl, yic'ot i yejtal jini tsuc tac mu' bʌ i tic'lan la' lum. Che' jini mi caj la' wʌc' ti ñuc i Dios israelob. Che' jini mi caj i cʌy i tic'lan la' diosob yic'ot la' lum.