1 Samuel 4:3 - Chol: I T’an Dios

³ Che' bʌ tsa' cha' sujtiyob jini israelob ya' ba' jijlemob i pi'ʌlob, jini ñoxobix bʌ tsi' yʌlʌyob: ¿Chucoch tsi' yʌc'ʌyonla ti jilel lac Yum ti' tojlel filisteojob? Conla ti Silo cha'an mi lac ch'ʌm tilel jini Arca ya' ba' lotol jini xuc'ul bʌ i t'an lac Yum. Che' jini lac Yum mi caj i tilel ti lac tojlel cha'an mi' coltañonla, cha'an mi lac loq'uel ti' p'ʌtʌlel laj contrajob, lon che'ob.

Chol de Tumbalá Bible

³ Che' bʌ tsa' cha' sujtiyob jini israelob ya' ba' jijlemob i pi'ʌlob, jini ñoxobix bʌ tsi' yʌlʌyob: ¿Chucoch tsi' yʌc'ʌyonla ti jilel lac Yum ti' tojlel filisteojob? Conla ti Silo cha'an mi lac ch'ʌm tilel jini Arca* ya' ba' lotol jini xuc'ul* bʌ i t'an lac Yum. Che' jini lac Yum mi caj i tilel ti lac tojlel cha'an mi' coltañonla, cha'an mi lac loq'uel ti' p'ʌtʌlel laj contrajob, lon che'ob.

1 Samuel 4:3 Iomraidhean Croise

2 Samuel 15:25

Jini rey tsi' sube Sadoc: Cha' q'uechex majlel jini Arca i cha'an lac Yum ya' ti tejclum. Mi uts'at mi' q'uelon lac Yum ti' yutslel i pusic'al, muq'uix i cha' pʌyon tilel cha'an mic cha' q'uel jini Arca ya' ti' yajñib. Pero mi mach yomix i q'uelon c Yum, che' jini wʌ' añon cha'an mi' melbeñon chuqui yom, che'en David.

1 Cronicas 17:1

Che' ya'ix chumul David ti' yotot, tsa' caji i suben jini x'alt'an Natán: Joñon chumulon ti otot melbil bʌ ti ch'ujte', pero jini Arca i yejtal bʌ i trato lac Yum an jach ti pisil bʌ otot, che'en.

Salmos 74:1

Dios, ¿chucoch tsa' junyajlel cʌyʌyon lojon? ¿Chucoch wola' mich'len jini tiñʌme' tac am bʌ ti a jamil?

Salmos 74:11

¿Chucoch lotol jach a p'ʌtʌlel? Pʌsʌ a p'ʌtʌlel. Jisañob.

Isaias 50:1

Lac Yum woli' yʌl: ¿Chucoch tsa' majli Israel la' ña'? ¿Cha'an ba tsaj cʌyʌ? ¿Cha'an ba tsa cʌq'ue i juñilel divorcio? ¿Am ba c bet cha'an mic chon c tejclumob? Ma'anic. Tsa' la' choño la' bʌ ba'an yambʌ la' yum cha'an ti' caj la' mul. Tsa' pʌjyi majlel Israel la' ña' cha'an ti' caj tsa' la' ñusʌbeyon c mandar.

Isaias 58:3

Mi' subeñoñob: Lolom jach mic cha'len lojon ch'ajb. Cʌxti muq'uic a q'uel. ¿Chucoch mic lon tic'lan c bʌ ti cabʌl wocol che' ma'anic ma' p'ison lojon ti wenta? che'ob. Pero ti' q'uiñilel ch'ajb mi la' mel chuqui mi la' bajñel ña'tan ti la' pusic'al. Mi la' to'ol c'ʌn ti wocol e'tel jini x'e'telob la' cha'an.

Isaias 59:1

Ma'anic woli ti jilel i p'ʌtʌlel lac Yum. Wen yujil i coltañetla. Mi' yubiñetla che' mi la' pejcan.

Isaias 59:2

Pero jini la' mul tsa'ix i tʌts'ʌyetla ba' ma'anic mi la' q'uel. Ti' caj la' mul lac Yum tsi' mʌyʌ i wut ba' ma'anic mi' yubiñetla.

Jeremias 3:16

Che' cabʌletla ti la' lum, che' ñuquetixla, ma'anix mi caj i chʌn ajlel: Jini Arca ba' lotol jini xuc'ul bʌ t'an i cha'an lac Yum. Mach che'ic. Ma'anix mi caj i chʌn ña'tʌntel. Mach chʌn c'ajalix i cha'añob. Ma'anix mi caj i cha' melob yambʌ Arca.

Jeremias 7:4

Mach la' ñopben i t'an jini yujilo' bʌ lot mu' bʌ i yʌlob: Umba'an i Templo lac Yum. Q'uele i Templo lac Yum, lon che'ob. Come mach c templojix.

Numeros 10:33

Tsi' cʌyʌyob jini wits i c'aba' Sinaí, jiñʌch i wits lac Yum. Uxp'ejl q'uin tsi' tsʌcleyob majlel jini Arca tsa' bʌ majli ti ñaxan cha'an mi' yajcʌbeñob lum ba' mi' c'ajob i yo.

Numeros 10:35

Che' bʌ tsa' caji ti majlel jini Arca, Moisés tsi' pejca lac Yum: C Yum, tsictesan a p'ʌtʌlel ti' tojlel a contrajob, cha'an mi' puts'elob ti' tojel a wut pejtel mu' bʌ i ts'a'leñetob, che'en.

Numeros 31:6

Che' jini Moisés tsi' choco majlel ti guerra jini winicob loq'uemo' bʌ ti jujump'ejl mil ti' tojlel i pi'ʌlob. Temel tsa' majliyob yic'ot Finees i yalobil jini motomaj Eleazar. Tsi' ch'ʌmʌyob majlel jini ch'ujul tac bʌ e'tijibʌl. Tsi' wusuyob majlel jini trompeta tac.

Deuteronomio 29:24

Pejtelel jini año' bʌ ti yan tac bʌ tejclum mi caj i yʌlob: “¿Chucoch che' tsi' mele lac Yum ti' tojlel ili tejclum? ¿Chucoch cʌlʌx i mich'ajel?” che'ob.

Deuteronomio 31:26

Lotola i juñilel ili mandar ya' ti' t'ejl jini Arca ba' lotol jini trato i cha'an lac Yum Dios. Jini mi caj i tsictesʌbeñet la' mul.

2 Timoteo 3:5

An bajche' mi' lon ch'ujutesañob Dios, pero ma'anic mi' cʌmbeñob i p'ʌtʌlel. Tʌts'ʌ a bʌ ti' tojlel winicob mu' bʌ i melob che' bajche' jini.

Hebreos 9:4

Ya'an i pulʌntib pom melbil bʌ ti oro yic'ot caxate' laj tep'bil bʌ ti oro ba' lotol jini xuc'ul bʌ t'an. Ya' ti mal caxate' an p'ejt melbil bʌ ti oro ba' lotol maná. Ya'an ja'el i barate' Aarón tsa' bʌ i cha'le nich yic'ot jini xajlel ba' ts'ijbubil jini lujump'ejl mandar.

Josue 4:7

Mi caj la' subeñob: “Tsi' t'oxo i bʌ jini Jordán ja' ti' tojel Arca che' bʌ tsa' c'axiyon lojon”, che'etla. Jini xajlel tac mi caj i yʌq'ueñob i chʌn ña'tan jini israelob ti pejtelel ora, che'en.

Josue 6:6

Jini cha'an Josué i yalobil Nun tsi' pʌyʌ tilel jini motomajob. Tsi' yʌq'ueyob mandar: Ch'ʌmʌla majlel jini Arca yic'ot jini Xuc'ul bʌ T'an. Yom wuctiquil motomajob cha'an mi' ch'ʌmob majlel trompeta melbil bʌ ti' xulub tat tiñʌme'. Ñaxan yom mi' majlelob jini wuctiquil motomajob ti' tojel jini Arca, che'en Josué.

Josue 7:7

Josué tsi' yʌlʌ: C Yum Dios, ¿chucoch tsa' wʌc'ʌyob ti c'axel ti Jordán ili winicob cha'an ma' wʌc'on lojon ti jisʌntel ti' c'ʌb jini amorreojob? Ñumen uts'at tsa'ic cʌleyon lojon ya' ti junwejl Jordán.

Josue 7:8

C Yum, ¿chuqui mi mejlel c mel? Come laj contrajob tsa'ix mʌjliyob i cha'an.

1 Pedro 3:21

Jiñʌch i yejtal bajche' mi laj coltʌntel wʌle ti ch'ʌm ja'. Ma'anic mi' poc loq'uel i lumil lac pʌchʌlel, pero mi' pʌsonla ti sʌc ti' wut Dios che' ñʌch'ʌl lac pusic'al cha'an tsa' lac subu lac bʌ ti' tojlel Dios. Tsa'ix tejchiyonla ch'ojyel yic'ot Jesucristo.

Judas 1:5

Laj ña'tʌbil la' cha'an pero com c cha' cʌntesañetla. Lac Yum tsi' colta pejtelel jini israelob ti Egipto, pero ti wi'il tsi' jisa jini mach bʌ anic tsi' ñopoyob.

1 Samuel 1:24

Che' bʌ tsi' cʌyʌ i chu' jini alʌl, Ana tsi' pʌyʌ majlel ti' yotot lac Yum ya' ti Silo. Tsi' pʌyʌ majlel ja'el juncojt tat wacax am bʌ uxp'ejl i jabilel yic'ot juncujch harina, yic'ot junwojl vino. Alʌl to jini ch'iton che' bʌ tsi' pʌyʌ majlel ti' yotot lac Yum ya' ti Silo.

1 Samuel 14:18

Saúl tsi' sube Ahías: Ch'ʌmʌ tilel jini Arca i cha'an bʌ lac Yum, che'en. Come ti jim bʌ ora ya'an jini Arca ti' tojlel jini israelob.

1 Samuel 4:2

Jini filisteojob tsa' c'oti i tajob israelob ti guerra. Tsa' wen mʌjli i cha'añob. Tsa' jisantiyob chʌmp'ejl mil israelob.