1 Samuel 2:8 - Chol: I T’an Dios

⁸ Mi' ch'uy letsel jini p'ump'un bʌ pʌcʌl bʌ ti ts'ubejn cha'an mi' junyajlel cʌy misujelʌl. Mi' yʌc' ti buchtʌl ti' tojlel yumʌlob. Mi' yʌq'uen ñuc bʌ i ye'tel. Lac Yum i Yumʌch pañimil. I wa'chocobalʌch pañimil.

Chol de Tumbalá Bible

⁸ Mi' ch'uy letsel jini p'ump'un bʌ pʌcʌl bʌ ti ts'ubejn cha'an mi' junyajlel cʌy misujelʌl. Mi' yʌc' ti buchtʌl ti' tojlel yumʌlob. Mi' yʌq'uen ñuc bʌ i ye'tel. Lac Yum i Yumʌch pañimil. I wa'chocobalʌch pañimil.

1 Samuel 2:8 Iomraidhean Croise

Genesis 41:14

Jini cha'an Faraón tsi' choco ti pʌyol José. Tsa' bʌc' pʌjyi loq'uel ti mʌjquibʌl. Tsi' jujchi i tsucti'. Tsi' q'uexta i pislel. Tsa' c'oti ba'an Faraón.

Genesis 41:40

Mi caj a yumʌntel ti cotot. Mux i melob che' bajche' ma' wʌl pejtelel winicob x'ixicob tic lumal. Cojach tic buchlib ba' mic cha'len que'tel ñumen ñucon bajche jatet.

2 Samuel 7:8

Jini cha'an suben c winic David: “Che'ʌch woli' yʌl i Yum Panchan yic'ot Pañimil: Joñon tsac loc'sayet ti a we'tel ya' ba' tsa' cʌnta tiñʌme'. Tsa cotsayet ti' yum israelob cha'an ma' cʌntan c tejclum.

1 Reyob 16:2

Tsa cʌq'ueyet a ñuclel, Baasa, che' mach cʌmbiletic. Tsac wa'chocoyet ti' yum israelob, pero lajal tsa' mele che' bajche' Jeroboam. Tsa' xiq'ui ti mulil israelob. Tsa' techbeyon c mich'ajel cha'an cabʌl a mul.

2 Reyob 9:6

Jini cha'an Jehú tsi' cʌyʌ i pi'ʌlob. Tsa' ochi ti otot yic'ot jini x'alt'an. Che' jini, jini x'alt'an tsi' mulbe i jol ti aceite. Tsi' sube: Jiñʌch i t'an lac Yum i Dios Israel: “Joñon tsa'ix c wa'chocoyet ti rey ti Israel.

Job 1:21

Tsi' yʌlʌ: Ma'anic c chubʌ'an tsaj q'uele pañimil, ma'anic c chubʌ'an mic cha' sujtel ti lum. Dios tsi' yʌq'ueyon, Dios tsi' cha' chili. Ch'ujul i c'aba', che'en.

Job 2:8

Job tsi' loto i xejt'il uc'um cha'an mi' juc' loq'uel i pujwil. Tsa' buchle ba'an i tʌñil c'ajc.

Salmos 102:25

Ti oñiyi tsa' wa'choco jini pañimil, Jini panchan i melbalʌch a c'ʌb.

Salmos 104:5

Tsa'ix a wa'choco jini pañimil ti' c'ʌclib Cha'an ma'anic mi' yajlel ti pejtelel ora.

Salmos 107:41

Pero mi' loc'san ti wocol jini p'ump'uño' bʌ. Mi' melob ti ñuc. Mi' p'ojlesʌbeñob i yalobilob.

Salmos 24:2

Come lac Yum tsi' yʌc'ʌ lum ti' t'ejl tac colem ñajb. Tsi' yʌc'ʌ ti' t'ejl tac jini colem ja'.

Salmos 75:3

Anquese woli ti ñijcʌyel pañimil, anquese woliyob ti bʌq'uen jini xchumtʌlob ti pañimil, Xuc'ul tsac wa'choco pañimil, che'en.

Salmos 75:4

Tsac sube jini mu' bʌ i chañ'esañob i bʌ cha'an mach mi' chañ'esañob i bʌ. Tsac sube jini jontolo' bʌ cha'an mach mi' subob i bʌ ti ñuc.

Salmos 75:7

Awilan Dios jiñʌch Xmeloñel. Mi' peq'uesan juntiquil, mi' yʌq'uen i ñuclel yambʌ.

Eclesiastes 4:14

Jini ch'iton mi' loq'uel ba' ñup'ul cha'an mi' yajñel ti' yum winicob anquese p'ump'un che' anto ti' wenta jini yumʌl ñuc bʌ mi' mel i bʌ.

Isaias 22:23

Mi caj c wa'chocon jini Eliaquim che' bajche' tsʌts bʌ joc'lib cha'an xuc'ul mi' cha'len i ye'tel ti' buchlib i tat ti' tojlel c cha'año' bʌ. Ya' cʌyʌl ti' tojlel Eliaquim i cʌntʌntel pejtel i pi'ʌlob yic'ot i chubʌ'an ti pejtelel i lumal. Mi caj i yʌc' ti c'uxbintel i c'aba' i tat”. Che'ʌch yom ma' suben, che'en lac Yum.

Daniel 2:48

Ti ora jini rey tsi' wa'choco Daniel ti ñuc bʌ i ye'tel. Tsi' yʌq'ue cabʌl i majtan letsem bʌ i tojol. Tsi' wa'choco ti gobernador ti jump'ejl tejclum ti Babilonia. Tsi' yʌq'ue ñuc bʌ i ye'tel ti' tojlel jini año' bʌ cabʌl i ña'tʌbal ti' tejclum jini rey.

Daniel 4:17

Jiñʌch i mandar jini Ñuc bʌ xQ'uelojel. Tsi' choco tilel yic'ot jini ch'ujul bʌ ángelob cha'an mi' ña'tʌntel ti pejtelel pañimil an i p'ʌtʌlel lac Yum ti' tojlel yumʌlob ti pañimil. Mi' yʌq'uen i yumʌntel majqui jach yom. Mi' wa'chocon jini pec'o' bʌ winicob ti' tojlel i pi'ʌlob.

Daniel 6:3

Ñumen ñuc tsa' q'uejli ti' tojlel pejtel jini gobernadorob yic'ot jini cha'tiquil i pi'ʌlob ti e'tel, come wen yujil e'tel. Jini cha'an jini rey woli' ña'tan i wa'chocon Daniel ti' yum pejtelel jini gobernadorob año' bʌ ti jujump'ejl tejclum.

Hebreos 1:3

Mi' wen ac' ti tsictiyel i ñuclel i Tat. Mero Diosʌch ajñel. I tsictiyemlelʌch i Tat. Ti' p'ʌtʌlel i t'an mi' cʌntan pejtel chuqui tac an. Che' bʌ tsa' ujti i bajñel poc lac mul, tsa' buchle ti' ñoj jini C'ax Ñuc Bʌ am bʌ ti chan.

Santiago 2:5

C'uxbibilo' bʌ quermanojob, ubinla. Dios tsi' yajca jini mach bʌ añobic i chubʌ'an ti pañimil cha'an mi' wen chumtʌlob cha'an jini mu' bʌ lac ñop, come mi caj i yajñelob ti' yumʌntel Dios yic'ot pejtel mu' bʌ i c'uxbiñob Dios che' bajche' albil i cha'an.

Apocalipsis 1:6

Tsi' yotsayonla ti rey yic'ot ti motomaj ti' tojlel Dios i Tat. La' aq'uentic Jesucristo i ñuclel yic'ot i p'ʌtʌlel ti pejtelel ora. Amén.

Apocalipsis 22:5

Ma'anix ac'ʌlel ya'i. Ma'anix i c'ʌjñibal i c'ʌc'al lámpara mi i sʌclel q'uin. Come lac Yum Dios mi caj i yʌq'ueñob i sʌclel. Mi caj i yumʌntelob ti pejtelel ora.

Apocalipsis 3:21

Jini mu' bʌ i mʌjlel i cha'an mi caj c suben buchtʌl quic'ot tic yumʌntel, che' bajche' tsa' buchleyon quic'ot c Tat ti' yumʌntel che' bʌ tsa' mʌjli c cha'an.

Apocalipsis 5:10

Tsa' wotsayon lojon ti rey yic'ot ti motomaj ti' tojlel Dios. Mi caj c cha'len lojon yumʌl ti pañimil, che'ob.

1 Samuel 15:17

Samuel tsi' yʌlʌ: Che' pec' tsa' q'uele a bʌ, ¿mach ba anic tsa' ochiyet ti' rey ti' tojlel jini lajchʌnmojt israelob? Lac Yum tsi' yajcayet cha'an ma' wochel ti' rey Israel.