1 Samuel 2:5 - Chol: I T’an Dios

⁵ Jini año' bʌ i chubʌ'an ti yambʌ ora woliyobix ti majtan e'tel cha'an mi' tajob i bʌlob i ñʌc'. Tsa'ix lajmiyob i wi'ñal jini wi'ñayo' bʌ. Jini mach bʌ anic i yalobil tsa'ix i meq'ue wuctiquil i yalobil. Jini cabʌlo' bʌ i yalobil i bajñel jax woli' cʌytʌlob.

Chol de Tumbalá Bible

⁵ Jini año' bʌ i chubʌ'an ti yambʌ ora woliyobix ti majtan e'tel cha'an mi' tajob i bʌlob i ñʌc'. Tsa'ix lajmiyob i wi'ñal jini wi'ñayo' bʌ. Jini mach bʌ anic i yalobil tsa'ix i meq'ue wuctiquil i yalobil. Jini cabʌlo' bʌ i yalobil i bajñel jax woli' cʌytʌlob.

1 Samuel 2:5 Iomraidhean Croise

Lucas 1:53

Tsi' lajmesʌbeyob i wi'ñal jini wi'ñayo' bʌ yic'ot cabʌl chuqui tac wen. To'ol che jach tsi' choco majlel jini wen chumulo' bʌ.

Salmos 113:9

Mi' yʌq'uen i cʌntan i yalobil jini to'ol wa'al jach bʌ x'ixic. Tijicña i pusic'al mi' mec' i yalobilob. ¡Aleluya!

Jeremias 15:9

Meba'ix jini x'ixic tsa' bʌ i cʌnta wuctiquil i yalobilob. Laj chʌmeñobix. C'unix pañimil. Ma'anix tijicña bʌ. Bʌjlemix q'uin yubil che' xinq'uiñil to. Ts'a'lebilix, wolix ti quisin, come ma'anix i yalobil. Mi caj cʌc' i colojbal winicob ti' wenta i contrajob cha'an mi' chʌmelob ti espada, che'en lac Yum.

Salmos 34:10

Jini alʌ bajlum mi' yubin wi'ñal. Mach che'ic jini mu' bʌ i sajcan lac Yum. Mi caj i taj pejtel chuqui tac wen.

Lucas 16:25

Abraham tsi' sube: “Calobil, ña'tan bajche' tsa' taja chuqui tac wen che' cuxulet to ti pañimil. Lázaro tsi' yubi wocol. Wʌle ñuq'uesʌbil i pusic'al ilayi. Jatet tic'lʌbilet ti wocol.

Isaias 54:1

Cha'len c'ay, to'ol wa'alet bʌ x'ixic mach bʌ anic a walobil. Yom tijicñayet. Cha'len c'ay ti pejtelel a pusic'al jatet Jerusalén, mach bʌ anic tsa' cha'le bajq'uel. Come ñumen mi caj a mec' a walobil bajche' jini am bʌ i ñoxi'al.

1 Samuel 1:6

Penina tsi' chañ'esa i bʌ ti' tojlel Ana. Tsi' ts'a'le. Tsi' yotsʌbe i ch'ijiyemlel i pusic'al, come lac Yum ma'anic tsi' yʌq'ue i yalobil.

1 Samuel 1:20

Tsi' yʌq'ue i cʌntan i yalobil. Che' bʌ tsa' ts'ʌctiyi i yorajlel cha'an mi' yʌc' ti pañimil i yalobil, Ana tsi' yotsʌbe i c'aba' Samuel. Tsi' yʌlʌ: Jiñʌch calobil tsa' bʌ j c'ajtibe lac Yum, che'en.

Gálatas 4:27

Come ts'ijbubil: “Tijicñesan a pusic'al, jochol bʌ x'ixic, mach bʌ anic a walobil. C'am yom ma' cha'len t'an, jatet mach bʌ anic a bajq'uel. Come ñumen cabʌl i yalobil jini bajñel bʌ x'ixic bajche' jini am bʌ i ñoxi'al”. Che'ʌch ts'ijbubil.

xRut 4:15

Mi caj a cha' ch'ejl'an cha'an a buts. Mi caj i ñuq'uesʌbeñet a pusic'al che' ñoxetix, come tsa'ix i yʌc'ʌ ti pañimil a wʌ'lib mu' bʌ i c'uxbiñet. Ñumen mi' c'uxbiñet Rut bajche' wuctiquil la calobil. Ñumen mi' pʌsbeñet i yutslel i pusic'al, che'ob.

Isaias 33:9

C'ax ch'ijiyemob jax jini año' bʌ ti Israel. Tiquinix jini te'el Líbano. Jini Sarón tsa'ix sujti ti tiquin bʌ lum. Tsa'ix laj p'ajti i yopol te' ya' ti Basán yic'ot Carmelo.