1 Samuel 2:3 - Chol: I T’an Dios

³ Mach la' chañ'esan la' bʌ tic tojlel. Mach la' chʌn ts'a'leñon ti la' t'an, Come wen yujil lac Yum bajche' añonla. Mi' ch'ʌm ti wenta pejtelel i melbal winicob.

Chol de Tumbalá Bible

³ Mach la' chañ'esan la' bʌ tic tojlel. Mach la' chʌn ts'a'leñon ti la' t'an, Come wen yujil lac Yum bajche' añonla. Mi' ch'ʌm ti wenta pejtelel i melbal winicob.

1 Samuel 2:3 Iomraidhean Croise

1 Reyob 8:39

yom ma' ñich'tʌben i t'an ya' ti panchan. Yom ma' ñusʌben i mul. Aq'uen che' bajche' yom i melbal, come jatet ma' cʌmbeñob i pusic'al pejtelel winicob x'ixicob ti pañimil.

Job 31:6

La' i p'ison Dios ti balanza che' mi' melon. Mux i ña'tan ma'anic c mul.

Salmos 147:5

Ñuc lac Yum, cabʌl i p'ʌtʌlel. Ma'anic i p'isol i ña'tʌbal.

Salmos 17:10

Ma'anic mi' p'untañob i pi'ʌlob. Mi' chañ'esañob i bʌ ti' t'an.

Salmos 31:18

La' ñʌjch'icob jini yujilo' bʌ lot, Mu' bʌ i chañ'esañob i bʌ ti tsʌts bʌ t'an. Mi' ts'a'leñob jini tojo' bʌ.

Salmos 44:21

¿Mach ba anic mi' tsictiyel ti a wut? Come cʌmbil i cha'an Dios jini mucul tac bʌ am bʌ ti lac pusic'al.

Salmos 75:5

Mach la' chañ'esan la' bʌ. Mach la' ñusʌben i t'an año' bʌ i ye'tel.

Salmos 94:4

Ch'ejlob i t'an. Mi' chañ'esañob i bʌ. Pejtel mu' bʌ i cha'leñob mulil mi' lon subob i bʌ ti ñuc.

Proverbios 16:2

Winicob mi' lon ña'tañob sʌc pejtel i bijlel, pero lac Yum mi' laj ch'ʌm ti' wenta bajche' an lac pusic'al.

Proverbios 24:12

Mach isujmic mi tsa' wʌlʌ: Mach c cujilic. Mi che'et, ¿mach ba yujilic jini mu' bʌ i wen q'uel lac pusic'al? Jini mu' bʌ caj i yʌq'ueñob i chobejtʌbal winicob, ¿mach ba anic mi' ña'tan chuqui wola' mel?

Proverbios 8:13

Jini mu' bʌ i bʌc'ñan lac Yum mi' ts'a'len jontolil. Mic ts'a'len jini mu' bʌ i chañ'esan i bʌ, yic'ot jini mu' bʌ i q'uel ti pec' i pi'ʌlob, yic'ot jini maña jax bʌ i pusic'al, yic'ot jini mu' bʌ i cha'len lot.

Isaias 26:7

Tojʌch i bijlel jini toj bʌ winic. Come tojet Dios mu' bʌ a pʌtbeñob majlel.

Isaias 37:23

¿Majqui wola' contrajin ti a'leya yic'ot ti p'ajoñel? ¿Majqui tsa' contraji che' bʌ tsa' lon chañ'esa a bʌ? C'am tsa' cha'le t'an. Tsa' ts'a'le jini Ch'ujul Bʌ ti Israel.

Jeremias 17:10

Joñon a Yumon. Mic chʌcʌ q'uel a pusic'al cha'an mic lu' cʌn. Q'uelel c cha'an bajche' wola' ña'tan yic'ot bajche' wola' mel. Che' jini mi cʌq'ueñob winicob i chobejtʌbal ti chajp ti chajp bajche' an i melbal ti jujuntiquil.

Ezequiel 35:13

Tsa la' lon chañ'esa la' bʌ tij contra yic'ot la' t'an. Joñon tsac laj ubi.

Daniel 4:37

Jini cha'an, joñon Nabucodonosor, mic ch'ujutesan, mic ñuq'uesan, mij q'uel ti ñuc jini Yumʌl am bʌ ti panchan. Pejtelel chuqui mi' mel utsat, toj ja'el. An i p'ʌtʌlel cha'an mi' peq'uesan jini mu' bʌ i chañ'esañob i bʌ. Che' tsi' yʌlʌ Nabucodonosor.

Daniel 5:27

TEKEL: Tsa' p'isleyet ti balanza. Mach uts'atic mi' q'uelet Dios.

Malaquias 3:13

Tsa'ix la' chañ'esa la' bʌ tic tojlel, che'en lac Yum. Mi la' wʌl: “¿Bajche' tsac chañ'esa lojon c bʌ? ¿Chuqui tsa cʌlʌ lojon?” che'etla.

Hebreos 4:12

Come cuxul i t'an Dios. Wen p'ʌtʌl. Ñumen jay bajche' espada am bʌ i yej ti' cha'wejlel. Mi' sʌl jec' lac pusic'al yic'ot lac ch'ujlel. Mi' tsictesan chuqui woli' yʌl lac pusic'al yic'ot chuqui yom lac pusic'al.

Josue 22:22

Jini P'ʌtʌl Bʌ, jini lac Yum Dios, jini P'ʌtʌl Bʌ, jini lac Yum Dios mi' ch'ʌmben isujm. La' i ch'ʌmbeñob isujm jini israelob ja'el. Mi tsa'ix c chañ'esa lojon c bʌ ti' tojlel Dios, mi tsa'ix c ñusʌbe lojon i t'an, mach la' coltañon lojon.

Apocalipsis 2:23

Mi caj c tsʌnsan i yalobilob Jezabel. Pejtelel xñopt'añob baqui jach mi' tempañob i bʌ mi caj i ña'tañob joñoñʌch mu' bʌ c wen q'uelbeñob i pusic'al yic'ot i ña'tʌbal. Ti jujuntiquiletla mi caj cʌq'ueñetla la' tojol che' bajche' an la' melbal.

Juezob 9:38

Zebul tsi' jac'be: ¿Mach ba anic tsa' wʌlʌ jatet: “¿Majqui jini Abimelec? ¿Chucoch mi lac melben chuqui yom?” che'et. Ix añob ili winicob mach bʌ anic tsa' p'isi ti wenta. Jini cha'an wʌle yom ma' loq'uel ti guerra yic'otob, che'en.

1 Samuel 16:7

Pero lac Yum tsi' sube Samuel: Mach a lon q'uelben i wut yic'ot i bʌc'tal jini winic, come tsa'ix c ñusa. Ma'anic mic ch'ʌm tic wenta anquese wen i t'ojol jax, anquese wen chan. Joñon mach lajalic mij q'uel che' bajche' winicob. Cojach mi' q'uelbeñob i bʌ i wut pero joñon mij q'uelbeñob i pusic'al, che'en.